نظرت له والي يده التي كانت على يدها فسحبتها سريعا وقامت بمسح دموعها ثم قالت :
هو يوسف فين؟
نظر عمر حوله ثم قال :
كان بيلعب هنا عند اللعبه دي معرفش راح فين
شيرين بفزع قائله :
يعني إيه يوسف يا يوسف
كان يبحث معها عنه لكنهم لم يجدوا
شيرين بصراخ :
يوسفففففف... ياحبيبي انت روحت فين
عمر وهو يحاول تهدئتها قائلا :
اهدي يا شيرين اكيد بيلعب هنا ماتعيطيش
شيرين بدموع قائله :
يوسف مش موجود انا عاوزه يوسف، يوسف انت فين؟
تركها عمر وذهب وسط احشاد البشر والازدحام ظل يبحث ويبحث حتى وجده يقف عند إحدى الألعاب ينظر لها بتعلق وابتسامه طفوليه بريئه، نظر له عمر وهو يتنفس الصعداء ثم ابتسم وذهب له وامسك كتفيه وقال :
ينفع اللي انت عملته دا يا استاذ چو؟، يرضيك تخلي شيرين تعيط؟
نظر له يوسف باستغراب ثم قال :
شيري بتعيط؟ ليه بس؟
عمر بابتسامه قائلا :
سيادتك بعدت من قدامنا وعمالين ندور عليك وهي بتعيط دلوقتي
يوسف بحزن قائلا :
انا اسفه مكنش قصدي ياعمو، انا بس عجبتني اللعبه دي اوي وكنت عاوز اكسبها
نظر عمر الي تلك اللعبه وكانت عباره سياره صغيره وبجانبها دمي على شكل جندي يحمل بندقيه
ابتسم له عمر ثم ذهب إلى تلك اللعبه وقام باللعب لكي يفوز بها ففاز بالفعل واخذها واعطاها له وقال :
يلا بقا عشان زمان شيرين مموته نفسها عياط يلا
شيرين بدموع :
ااااه ياحبيبي روحت فين ياقلبي
سيده كبيره بالعمر وهي تحاول مواستها قائله :
ابنك دا يا حبيبتي ماتقلقيش ان شاء الله هتلاقي مش جوزك راح يدور عليه
شيرين ببكاء قائله :
معرفش وأخ فين كان هوا جنبي يا يوسف انت فين، يوسف يا حبيبي اهو اهو
ذهب يوسف إليها وقام باحتضانها وفعلت هي ذلك أيضا، كان ينظر لهم عمر بتأثر شديد فهو لم يكن يعلم انها تتعلق به هكذا، نعم انه اخاها ولكنها كانت تبكي كالام التي فقدت طفلها وليست اخت فقدت أخيها
ذهب لهم عمر ثم قال بابتسامه :
اهو ياستي كفايا عياط بقا، البيه كان عند اللعبه اللي هناك دي واقف يتفرج اهدي بقا
نظرت شيرين الي يوسف بلوم ثم قالت :
كدا يا يوسف تعمل فيا كدا ينفع؟
ماتمشيش من جنبي تاني
هز لها يوسف رأسه ثم احتضنها مرة أخرى
عمر بحب قائلا :
عسل يوسف، يلا بينا بقا نروحلهم عشان نتغدى
هزت له رأسها ثم ذهبوا إليهم لكي يتناولون الغداء.
*
في منزل احمد
چايدا بصدمه قائله :
يانهار اسود ايه دا؟، ايه اللي حصل؟
نظر احمد لهم بصدمه فهو لم يكن في حساباته امهم قادمون اليوم، ثم نظرت يمني لهم بابتسامه وقالت:
حمدالله على السلامه وحشتونا اوي
چايدا بقلق قائله :
إيه اللي حصل يا يمني فيكي ايه؟
يمني بكذب قائله :
كنت راجعه من الجامعه ومعرفش كان فيه ايه على الأرض زحلقني وقعت على دماغي، مش كدا يااحمد
نظر احمد لها ثم قال بتوتر :
اه صح حصل كدا فعلا.
نظرت لهم چايدا بشك ثم اقتربت منها ونظرت الي الجرح وقالت :
بس الوقعه شكله مش سهله يا يمني دا زي مايكون حد اداكي علقة موت، يمني هو في ايه بظبط
يمني بتوتر وهي تنظر لأحمد قائله :
ها هيكون في ايه يعني يا چايدا منا قولتلك وبعدين صحابي ودوني المستشفى واحمد مكنش يعرف بعدين هو اتصل عليا اه وصحابي ردوا عليه....
ثم اكمل احمد بنفس التوتر قائلا :
اه لما انا طلبت منك الرقم منا مكنتش اعرف هي فين طول اليوم فكرتها في الجامعه كل دا وقلق لما مارجعتش بقا، ولما اتصلت قالولي على اللي حصل وررحتلها وهي لسه خارجه اهي من المستشفي
نظرت لهم چايدا ولم تجد حديث تقوله فكلامهما مقنع رغم شكوكها بهم ولكنها قررت الصمت حتى تصل لما تريد من حقيقه، فابتسمت وقالت :
الف سلامه عليكي يا حبيبتي مش تخلي بالك ياقلبي انتي اساسا ضعيفه كدا ومش بتاكلي، يلا اطلعي ارتاحي على ما يجهزوا الغدي يلا
ابتسمت لها يمني ثم رحبت بعبد الرحمن وقامت بالصعود لغرفتها لكي تنال قسط من الراحه
نظرت چايدا الي احمد بنصف عين ثم اقتربت منه وقالت :
لا بس اقنعتني اه والله انا كچايدا اقتنعت
نظر لها احمد باستغراب ثم قال :
انتي عاوزه ايه يا چايدا؟ عاوزه توصلي لايه؟
چايدا وهي تتصنع الامبالاه قائله :
وانا هعوز ايه يعني َش هعوز حاجه، انا بس كنت فاكره اللي في يمني دا أثر ضرب ولا حاجه لقدر الله، ولا خناقه كدا والا كدا
احمد بغضب قائلا :
بصي يا چايدا انا مش هخاف منك انا لو ضربتها او عملت فيها حاجه هقول مش هخاف يعني، بس أنا مابمدش ايدي على ستات وانتي عارفه كدا كويس محصلش حاجه بينا اصلا عشان نتكلم او يدور بينا حوار، حمدالله على سلامتكم انا قايم ارتاح مانمتش من امبارح
نظر عبد الرحمن الي ابنته وقال بلوم :
ليه يابنتي كدا كفايا بقا اللي بتعملي في اخوكي دا هو ناقص، انتي ليه مصره تطلعي عدواني وبيعنف مع الناس؟
زفرت چايدا بحزن ثم قالت :
وانت فاكرني مبسوطه كدا يا بابا اني عماله أشك فيه وأما عا فه َمتأكده ان مفيش أطيب منه وانه عمره ما يأذي حد، بس الحاله اللي احمد فيها صعبه اوي، مني مش بس كانت خطبته وبيحبها، مني كانت محتله كيانه ومازالت لحد دلوقتي، فكرة ان في بنت تيجي تاخد مكانها دي بتهدده وبتخلي مش حاسس بالأمان ودايما خايف يتعامل مع أي بنت حتى قرايبنا دا لولا انا اخته كان زمانه قالب الوش الخشب عليا انا كمان، اللي انا بعمله دا بحاول اني أفهمه انه اتغير وان معاملته مع الجنس التاني اتغيرت ودا مينفعش، مينفعش يفضل على ذكرى حد حياته انتهت خلاص، الحياه شغاله ومفيش حد بيدوم يا بابا.
نظرلها عبدالرحمن ثم قال وهو ينظر إلى أثر ابنه الذي صعد الي أعلى وقال :
ربنا يهديه يابنتي، ربنا يهديه
في منزل بسيط
كان يجلس مروان بجانب والدته وهو يشعر بالتعاسه لا يريد اي شئ سوي الوصول إلى معشوقته وان يقول لها أن كل شئ سيصبح على مايرام ولكن الحياه ليست عادله ابدا لن تكون كما تريد انت بل عليك أن تعيش كما تكتب لك هي.
اخلاص بابتسامه قائله :
والله يا حاج عتمان انا سمعت عن بنتك من اهل البلد كتير اوي، ادب ايه وأخلاق ايه وجمال ايه، قولت مااكدبش خبر لازم اجي اشوف بنفسي
ابتسم لها ثم قال :
احنا بناتنا بيتربوا احسن تربيه يا حچه وصدقيني بتي صفيه ماهتلاقيش زيها ابدا، تعالي يا يت يا صفيه
دخلت من باب الغرفه فتاه تبدو في العشرون عاما من عمرها قصيرة المقام ذو جسد رفيع ترتدي جلباب لونه ازرق وحجاب باللون الأبيض وتحمل في يدها اكواب من العصير تقدمها لهم وهي في حياء
أخذت إخلاص منها الكوب وهي تنظر لها بتفحص
الحاج عتمان وهو يشير الي ابنته بالجلوس بجانبه قائلا:
تعالي يابنتي اقعدي چاري اهنه.
نظرت إخلاص الي مروان ثم قالت بصوت منخفض:
يا ماشاء الله يا ماشاءالله، شايف ياولاا شايف البت حتة قشطه، اهي دي البنات والا بلاش مش جايبلي بواقي الحريم وتقولي بحبها يا اما.
نظر لها مروان بغضب ثم قال :
بقولك ايه انا جيت معاكي وسمعت كلامك، مش عاوز كلام عليها لوسمحت وماتجبيش سيرتها تاني مفهوم.
برمت إخلاص شفتها بسخريه ثم ارتشفت بعض من كوب العصير ثم قالت :
داتك نيله انت وهي
، المهم يا حاج احنا جايين نطلب يد بنتك صفيه ست الحسن لابني مروان زينة الرجال، واي حاجه هتطلبها عنينا ليها هناخدها بشنطة هدومها بس، ها قولت ايه يا حاج؟
ابتسم الحاج عتمان ثم قال وهو ينظر إلى ابنته :
والله يا حجه يزيدنا شرف ناسبكم بس انا مبحبش كدا انا بنتي هتتجهز من كل حاجه وجهزها موجود زي اي صبيه خرجت من بيت ابوها، وبعدين ان كان عليا انا موافق بس نشوف رأيها هي الاول.
ابتسمت له إخلاص ثم قالت :
مش هنختلف مفيش اي مشاكل شوف رأيها ايه؟
نظر لها عتمان ثم قال بتسأول :
ها يا حبيبتي ايه رأيك والا محتاجه وقت تفكري؟
نظرت له بخجل ثم قالت :
هو اني ممكن اقعد معاه هبابه يا أبا؟
ابتسمت إخلاص ثم ضحكت وقالت :
ههههههه خلاص يا حاج خليهم يقعدوا شويه مع بعض يعني يفهموا حتى دماغ بعض شويه
وافق الحاج عتمان ثم خرجوا من الغرفه وتركهم يجلسون أمام بعضهم مي يتحدثوا، كانت تنظر له مانظره ان يتحدث او يقول شئ لكنه كان ملتزم الصمت ينظر في الغرفه بفراغ الي ان شعرت بالملل فقررت التحدث قائله :
هو انت عندك كام سنه؟
نظر لها ثم قال بلامبالاه :
٢٨
ابتسمت بخفه ثم قالت :
شكلك چاي مغصوب.
نظر لها مروان باستغراب ثم قال :
وانتي عرفتي منين؟
صفيه بابتسامه حزينه قائله :
اصلك مش اول واحد يچي مغصوب ياحزين، اي حد ياچي اهنه عشان يتچوزني بيبان عليه انه مغصوب يااما بيطفش
نظر لها بصدمه مما تقول، فلماذا يهرب منها الجميع فهي تبدو في غاية الجمال والادب لما يهربون اذا؟
قال لها بتساؤل:
طب وهما يعني بيكونوا مغصوبين ليه؟، انتي يعني ماشاء الله زي القمر وشكلك محترمه اي حد يعني يتمناكي
ابتسمت له ثم قالت :
معرفاش دا اللي بيحصل كل مره يااما بيحصل اختلاف، وبعدين اسأل نفسك، انت ليه چاي مغصوب مع انك بتجول اني چميله ومحترمه ليه بجا معوزش الجوازه ديه؟
نظر لها بشرود ثم قال :
عشان انا بحب واحده، بحب بنت عمتي وللأسف امي مش بتحبها ولا بتحب امها ومش عاوزاني اتجوزها، وللأسف هي كمان مش بتحبني اساسا، فأكيد مش هفضل طول حياتي قاعد كدا لازم اسمع كلام امي نفسها تشوف حفيد ليها فقولت اسمع كلامها واتجوز بنت هي مختارها ليا اكيد هي ليا نظره في البنات
ابتسمت له وقالت :
ربنا يريح قلبك ابي العموم لو انت عاوز تمشي انا ممكن اجول لأبوي اني مش موافجه وخلاص مهتضطرش انك تتچوز غصب.
ضحك مروان بسخريه ثم قال :
ويعني اللي حلجك ماخلجش غيرك هترفضي امي هتچبلي بدل الواحده عشره وماهتسكتش فهي هي وعلى ايه بقا يبقا وافقي يابت الناس لو انتي شايفه ان دا صح لو ماعاوزانيش من الأساس خلاص ماتوافجيش
قالت له بعدم اهتمام :
مش مهم معنديش اي مشكله كدا كدا فقدت الأمل في كل حاچه، سواء وافجت او رفضت مفيش حاچه هتتغير بس انت ماتتعيبش الصراحه فعادي بجا.
ابتسم لها ابتسامه بسيطه ثم قال :
خلاص وافجي
هزت له رأسها ثم هبت واقفه كي تنادي على والدها.
ظل ينظر في اثرها بشرود، لا يعلم ماذا تخبئ له تلك الأيام؟..
*
في شركة عمر
كانت تجلس على المكتب تتحدث في الهاتف قائله :
وانا اعمل ايه يعني ماهو اللي كل اما اقرب منه يبعد وبعدين البت اللي اسمها شيرين دي معرفش جايبها منين دي على طول حاشره نفسها كدا وهو لازقلها معرفش ليه شكله هيحبها والا ايه، وانا مالي انا طيب الله، انت
بتزعق ليه دلوقتي، طيب خلاص حاضر حاضر سلام.
اووووف اعمل ايه انا دلوقتي لا وسبحان الله باعتني لواحد قفل مالوش في الحاجات دي
دب دب
نظرت الي الباب ثم اذنت للطارق بالدخول
السكرتيره وهي تحمل ملف قائله :
هو مستر عمر مش جاي النهارده يا موزموزيل يارا؟
يارا بشرود قائله :
لا ياختي مش جاي أصله بيتفسح، ليه كنتي عاوزاه في ايه؟
نظرت الي الملف ثم قالت :
اصل صفقة مستر رؤف متأجله بقالها اسبوع والمفروض كان يمضي على الملف بتاعها النهارده أصلها مهمه اوي
نظرت يارا الي الملف ثم قالت:
وريني الملف دا كدا
أعطت السكرتيره الملف، فتطلعت عليه يارا فعلمت انها صفقه مهما وكبيره للغايه فابتسمت بشر وقالت :
الغي الصفقه دي مش عاوزينها
نوت لها بصدمه ثم قالت:
ازاي يا فندم دي صفقه مهمه وانا لسه قايله لحضرتك، وبعدين مستر عمر ماقالش كدا ولو عرف هيبهدل الدنيا
نظرت لها يارا ثم قالت:
انتي سمعتي انا قولت ايه هو انا اللي بشتغل عندك والا ايه، اتفضلي اعملي اللي قولتلك عليه يلا
نظرت لها السكرتيره بضيق ثم تركتها ورحلت
يارا وهي تعبث في بعض الأوراق قائله :
اما وقعت كل اللي انت فيه دا ياعمر مبقاش انا يارا.
بقلمي منه وائل ****************
****************
في مطعم فخم
كانوا يجلسون في جو من المرح يتناولون الغداء ولايخلو الجو من نظرات عمر المتأمله لشيرين والتي كانت تشعر بتوتر من تلك النظرات لا تعلم لما ينظر لها هكذا
ثريا بتسأول :
بس الغريب بقا ياعمر انك سبت شغلك اللي انت عمرك ماسبته في يوم وخرجتنا ومبسوط كدا في ايه بقا ها ماتفهمني؟
ضحك عمر ثم قال :
ههههههه ياحول الله يارب ابقا قافيل مش عاجب اكون فرفوش مش عاجب اعملكم ايه بقا؟
ضحكت ثريا ثم قالت :
لا خليك زي ماانت، انت كدا حلو اوي هههههههههههه.
ضحك عمر ثم قال الي مريم وهو مازال يسلط نظره على شيرين التي تشعر بتوتر :
بس ماقولتليش يا طنط انتي ليه مااتجوزتيش بعد موت جوزك يعني مع انك زي القمر يعني ولسه شكلك صغير؟
ضحكت مريم بشده ثم قالت :
هههههههه اتجوز ايه بس يابني انا فيا حيل، وبعدين انت مش شايف يوسف صغير ازاي اكيد مش هحب يكون له جوز ام يتحكم فيه وبعدين انا كنت بحب ابو شيرين اوي، روحي كانت فيه الله يرحمه، ونسيت شيرين اكيد يعني مش هجبلها برضو جوز ام وهي كبيره كده
هز لها عمر بتفهم ثم وجه حديثه لشيرين قائلا :
وانتي يا شيرين مقررتيش تتجوزي؟
تركت شيرين الملعقه من يديها ثم قالت بتوتر :
ها...، مااهو يعني النصيب لسه مجاش وكدا.
عمر بتسأول قائلا :
طب لو في حد جالك هتوافقي؟
ابتلعت شيرين ريقها بصعوبه ثم قالت :
لا
رفع حاجبيه باستغراب ثم قال :
دا ليه أن شاء الله هتتراهبني؟
شيرين وهي تحاول التحكم في اعصابها قائله :
لا بس انا عاوزه اتجوز عن حب، يعني اللي هيتجوزني لو مكنش بيحبني وانا بحبه ومكنش يشلني في عينه يبقا بلاها منه الجواز خالص.
نظر لها بتفهم ثم اكمل طعامه وهو ينظر لها بتفكير
بقلمي منه وائل
********************************
في منزل مشيره
كانت تجلس على الاريكه وهي تشرب سيجارها الخاص وتفكر فيما ستفعل به بعدما علمت انه متزوج كما تظن هي، انهز تريد الانتقام
جلس والدها بجانبها ثم قال :
مالك يا حبيبتي قاعده كدا ليه؟
نظرت له وقالت :
شوفت ابن ثريا هانم، اتجوز ماصدق خلص مني زي مايكون كنت ماعيشاه في مرار مش هو، لا و ايه مبسوط اوي معاها
نظر لها ثم اقترب منها وأخذها بين احضانه ثم قال :
يا مشيره يا حبيبتي انتي غلطي جامد مكنش ينفع اللي انتي عملتي اصلا انا مردتش اروح اتكلم معاه لاني عارف انه هيطلعم غلطانه، هو حتى مهما كان عايش
معاكي غصب بس كان مراعي ربنا فيكي انتي اللي نكشتي لحد اما هو اتخنق وطلاقك عاوزه ايه بقا تاني سبيه في حاله.
رفعت مشيره رأسها بذهول ثم قالت :
انت بتقول ايه يا بابا؟، اسيبه دا ايه انت ماتعرفش هو عمل فيا ايه، دا ضربني وطردني من بيته كل دا عشان يتجوز السنيوره دي، انا مشيره بنت فاروق جبر يتعمل فيا كدا، وحضرتك سكت ومعرفتش تتصرف يبقا سبتي اخد حقي بقا
نظر لها باستغراب ثم قال :
يعني انتي عاوزه تعملي ايه تقتليها او تقتلي مثلا؟
نظرت أمامها بشر وقالت :
دي أقل حاجه
اتسعت عينيه بصدمه َذهول ثم قال :
انتي اتجننتي يا مشيره انتي عاوزه تقتلي روح؟، لا دا انتي اتجننتي رسمي فعلا
هبت مشيره واقفه تقول بغضب :
وهو مااتجننش لما مد ايده عليا، مااتجننش لما اهني قدام كل الخدامين اللي عنده، انا مش هسكت يا بابا انا هجيب حقي حتى لو وصلت اني اقتل
نظر لها بصدمه وهي ترحل فهو لم يرى ابنته بذلك الشر من قبله، لا يعلم متى وصل بها الأمر إلى ذلك؟
في المساء في منزل عمر
دخلوا من باب المنزل وهم في حاله من الفرح والسعاده
انه كان يوم مميز للجميع
ثريا بحب قائله :
يا سلام لو اليوم دا يتكرر تاني
ابتسم لها عمر ثم قبل يديها وقال :
يا سلام دا انتي تؤمري ياست الكل
ابتسمت له ثم قالت بتعب :
انا هطلع انام بقا لحسن مش قادره خلاص، تعالي يا شيرين طلعيني
هزت لها شيرين رأسها ثم ساعدتها في الصعود الي الغرفه تحت أنظار عمر لها
مريم وهي تمسك يد يوسف قائله :
طيب احنا كمان هتطلع ننام يابني، شكرا اوي على اليوم الجميل دا تصبح على خير
ابتسم لها عمر ثم قال :
وانتي من اهل الخير
ثم جلس على الاريكه يتصفح هاتفه فوجد يارا تجلس بجانبه وتقول :
وحشتني اوي ياعمر كل دا سايبني طول اليوم لوحدى في الشركه
نظر لها باستغراب ثم قال :
هو أحمد مجاش؟
اقتربت منه وهي تملس بيديها على وجهه قائله :
لا مجاش بس مش مهم كل دا انا مهم عندي انك واحشني اوي طول اليوم
امسك عمر يدها وقتك باءزاحتها قائلا :
إيه يا يارا مالك في ايه بس؟
اقتربت منه يارا وقالت :
إيه ياعمر وحشتني
ثم نظرت له وقامت بتقبيله من شفتاه
ابتعد عنها عمر وهو يحاول التقاط أنفاسه ثم قال :
مالك يا يارا انتي عاوزه ايه بظبط؟
يارا وهي تحتضنه قائله :عاوزاك انت ياعمر انا بحبك اوي
ازاحها عمر من احضانه ثم قال :
مينفعش يا يارا اتفضلي اطلعي نامي يلا
أمسكت يارا يده وهي تجذبه معاها الي الأعلى قائله :
تعالي بس انا عاوزه اقولك حاجه تعالي
صعدوا الاثنان الي الأعلى ولكن توقف عمر أمام الغرفه وقال :
انا مش هدخل الاوضه عاوزه حاجه قوليها هنا
يارا بحزن مصطنع وهي تقترب منه قائله :
عشان خاطري ياعمر يلا بقا
كان سيتحدث ولكنه وجد شيرين تفتح باب الغرفه فنظرت لهم باستغراب، ونظرت الي وقفتهم تلك فابتعد عمر عن يارا سريعا ثم قال بتوتر وتلعثم :
احم اا هي ماما نامت يا شيرين؟
نظرت له شيرين ثم قالت :
اه نامت
يارا وهي تنظر لها باشمئزاز:
وانتي لسه مانمتيش ليه؟
نظرت لها شسويت باستحتقار ثم وجهت نظرها الي عمر وقالت :
انا بكرا عندي مشوار فكنت عاوزه اقولك اني مش هكون موجوده طول النهار بكرا
نظر لها باستغراب ثم قال :
خير رايحه فين؟
شيرين بشرود قائله :
مشوار للبلد مش هتأخر هو بكرا بس وهاجي على بليل
هز لها رأسه بالموافقه
ثم ذهبت إلى غرفتها وهي تنظر لهم باستحقار
كان ينظر لها عمر بخجل واحراج ثم نظر الي يارا بغضب وقال :
بصي بقولك ايه لو قربتي مني كدا تاني وعملتي
اللي بتعملي دا ماتلوميش الا نفسك سامعه
ثم تركها وذهب الي غرفته تحت أنظار يارا الغاضبه
يارا بتوعد قائله :
ماشي يا ست شيرين انا هعرف اتصرف معاكي
ازاي، دايما بتبوظلي كل خططي كدا ماشي.
في غرفة يمني
كانت نائمه على الفراش تبكي بألم من رأسها،
فهي تؤلمها كثيرا منذ الصباح ولا تستطيع النوم من ذلك الألم
يمني ببكاء قائله :
انا تعبت بقا مش قادره خلاص يااارب
اعمل ايه دلوقتي اروح فين والا اعمل ايه الوجع رهيب اويييييي
كان يقف أمام غرفتها لا يعلم ايذهب ليطمئن
عليها ام يذهب إلى النوم، وبعد صراع دام لعدة
دقائق قرر الذهاب والاطمئنان عليها، فذهب وقام
بالدق على باب الغرفه قائلا :
يمني انتي صاحيه
دب دب
انا بس كنت عاوز اطمن عليكي
وعندما كان يقف ينتظر الرد سمع صوت صراخ
عالي بالداخل ثم صوت ارتطام شئ يقع على الأرض
عاااااااااااااا ااا اااااااااااااه
فزع احمد فور سماع ذلك الصوت فقام بفتح
الباب سريعا ثم نظر بصدمه وقال :
يمنااااا