رواية غرام الاسد كامله جميع الفصول بقلم شروق محمد

رواية عشق غير مشروط

 الفصل الثاني2

 بقلم سوليه نصار

-طلع خااااطب ...

قولتها وانا ببكي لكارمن اللي كانت قاعدة قدامي مي*تة من الضحك ...كنت رابطة راسي وماسكة المنديل وبمسح في دموعي وبندب:

-انا في كل خر*ابة يطلعلي عف*ريت ...مفيش حد عدل احبه لاما متجوز أو خاي*ن ومد*من أو اللي مبيحبنيش اساسا  أو خاطب!!!...ليه بيحصل معايا كده ...

فضلت ابكي بحزن علي حالي ...هي الرجالة بتطفش مني ليه هو انا مبتسحماش ولا ايه...كلهم بيروحوا لغيري ...محدش بيحبني ...

بطلب كارمن ضحك وقربت مني وهي بتحضني وقالت:

-متقوليش كده يا آمال أنا بحبك اوووي ...

بعدتها عني وقولت:

-لا يا ستي استغفر الله مليش في الشمال أنا استريت...بعدين مش عايزاكي انتي ...عايزة التاني ابو دقن وعيون زرقا...

ض*ربتني كارمن علي وشي وقالت:

-تصدقي اني غلطانة اني بهون عليكي غو*ري انتي وصحوبيتك ...منك لله من اول ما عرفتك وانا جالي اكتئاب والضغط  ...

مسحت دموعي وبصتلها :

-تفتكري أنا لو جيبتله اعد*ام حرام عليا 

-بتقولي ايه يا اختي انتي مش قولتي أنه برئ

هزيت كتفي وقولت:

-ايوة هو برئ بس أنا هلبسه في الحيط ...اصل خسارة القمر ده يخرج ويتجوز واحدة غيري ...

هزت كارمن رأسها وقالت:

-والنعمة انتي مجن*ونة ...خلاص معلش يا حبيبتي سيبي الراجل لخطيبته وبإذن الله المرة الجاية اختاري حد عدل ...

-كان شكله هيبقي حلو في البدلة الحمرا...كانت هتبقي قمر علي بشرته ...

ضحكت كارمن جامد وقالت ؛

-والنعمة انتي كار*ثة متحركة يا آمال ...خلاص انتي الكبيرة سيبي الراجل لخطيبته لحد ما تلاقي تع*يس الحظ اللي هيتجوزك ...

بصيت لها وزعقت:

-تعي*س ايه ؟!

-اقصد سعيد الحظ يا قلبي ...

.......

قدرت أطلعه إذن بالزيارة ... يالا منهم لله ...

.......

كانت مرام خطيبة سيف واقفة قدامه بتبصله ببرود تام وبتقول:

-اللي سمعته يا سيف أنا عايزة افس*خ الخطوبة دي ...أنا مقبلش اتجوز رد سجون!

قرب سيف منها ومسك دراعها وقال :

-انتي عارفة كويس اني برئ ...ازاي تتخلي عني ...

ز*قته وقالت:

-حتي لو طلعت هتبقي رد سجون وبعدين أنا ..

سكتت فبصلها بحذر وقال:

-انتي ايه ؟!

رفعت راسها وهي بتبصله بقوة وبتقول:

-انا هتجوز واحد تاني غيرك 

رجع لورا وهو حاسس قلبه بيتق*طع ...مكانش مصدق ان مرام تعمل فيه كده ...هي الوحيدة اللي تعرف كويس انه برئ وان منافسه هو اللي ور*طه الور*طة ديه...

-هتتجوزي مين ؟!

قالها بصدمة ...

-ملكش دعوة ...

بس هو مسك.دراعها جامد وصرخ في وشها:

-انطقي هتتجوزي مين ؟!

-فؤاد ...

عينه اتوسعت بصدمة وهو بيصرخ:

-فؤاد ...اللي هو اصلا السبب في م*وت صاحبي وجابني هنا!!!

-انت معندكش.دليل عليه ...

-انا مش مصدق أنك تعملي فيا كده يا مرام ...ليه كده ده أنا حبيتك !!!

بعدت مرام.عنه وقالت بقوة:

-بس حبي ليك مش كفاية عشان اض*يع حياتي والفرص اللي بتجيلي عشانك ...

وبعدين سابته ومشيت ...

.....

تاني يوم روحت لسيف عشان المحاكمة قربت ...كنت متضايقة وقولت :

-عايزين نهتم بالمحاكمة شوية ...معلش أجل حورات زيارة خطيبتك دي شوية مش هتطير ...

ابتسم بسخرية وقال:

-خلاص خطيبتي سابتني وراحت لحد تاني ...

مكانش لازم ابين اني فرحانة عشان كده هبقي بفرح في مصا*يب الغير ...لكن مقدرتش اسيطر علي نفسي وانا بقول :

-هييييه الحمدلله يارب!

                 الفصل الثالث من هنا 

لقراءة باقي الفصول اضغط هنا 

تعديل المقال