رواية من تكوني
الفصل التاسع عشر19
بقلم ديجا
سما :الله الله بتعملوا خطط من ورايا طب فيها لخفيها
سهيله :تعالي اقعدي بلاش دوشه وبعدين دورك جاي بس اتقلى كده
سما :أنا عايزة عريس متريش كده ومز من الاخر
أكرم :طيب يلا ايدك بقى عشان أطير أنا ومتنسيش تبعتى فلوس البت الممرضه عشان كلمتني كذا مرة.. سلام
سما و سهيله :سلام
سما :ها قوليلى بقى انا هعمل ايه
سهيله :هتكوني فاعل خير ان شاء الله
سما : وايه دخل الخير فى اللى بتعمليه
سهيله :هقولك بصى يا ستي.............
جويرية :مين دي اللي هتكلمها
أسر بتوتر :دي دي سهيله تعبانة شوية وعايزة اجازه
جويرية :سلامتها خير
أسر :مش عارف بتقول تعبانه
جويرية :خلاص هعدى أطمن عليها
أسر :لأ لأ بلاش
جويرية باستغراب :لأ ليه يا أسر هو فى حاجه
أسر :مش قصدي انا قصدي اقولك إبقى كلميها فالفون وخلاص
جويرية :خلاص تمام خد الشاى رايح المصنع ولا عندك مشوار النهارده كمان
أسر :لأ رايح أن شاء الله اجهزى هنروح مع بعض
جويرية :لا أسبق انت أنا رايحه مع خالو المرور عشان الرخصة وهبقى اجي على هناك
عاصم :الشاى برد يا عم الحبيب
جويرية ضحكت :معلش هبعتلكم غيرة عن اذنكم
أسر :حبيب إيه يا عم دى شكلها قلبه عليا قلبا سوده
عاصم :ليه يا حبيبي بتلعب بديلك ولا ايه
أسر :ابدا والله................... وحكي لعاصم اللى حصل
عاصم :غلطان يا برنس احكيلها وعرفها انها تتعامل انها متعرفش فرضنا حد شافك مع سهيله وقالها هتي تحكلها عمرها ما هتصدقك هتفكر أنك بتخونها
أسر :عندك حق أنا لازم احكيلها فى أقرب وقت.. ها مقولتش بقى مين اللي امها داعيه عليها
عاصم :ريم زميلتي
أسر ضحك أوى :مش قولتلك انها بتحبك وأنت مصدقتش
عاصم :بتحبنى بس دي بتموت فيا دي كانت هتقتل الدكتوره اللي كانت بتناقش معانا الرسالة عشان هزرت معايا
أسر :ونويت على أمتي أن شاء الله
عاصم :الخميس الجاي الخطوبه وكتب الكتاب على تشطيبات الفيلا تخلص هنحدد الفرح
أسر :ربنا يتمملك على خير يا صحبي
عاصم :همشى أنا عشان عندي محاضرة
أسر :يلا أنا كمان رايح المصنع بقالي يومين مروحتش
عاصم :ايوة أنت فاضي غير للبنات
أسر :تصدق انا غلطان عشان بحكي مع واحد زيك
جويرية جهزت وكانت خارجه مع رشدي
رشدي :أسر أنت رايح الشغل
أسر :ايوة يا بابا خير فى حاجه
رشدي :هاتلى الحسابات ارجعهم
أسر :حاضر يا حج حاجه تانيه
رشدي :لأ يا بنى هتتاخر ولا هتي عالعشا
أسر :هاجى أن شاءالله... عايزة حاجة يا حبيبتي
جويرية :لأ شكرا
عاصم :خطوبتى وكتب كتابى يوم الخميس ما تتأخروش عليا
رشدي :الف مبروك يا حبيبي أخيراً هتعقل
جويرية :الف مبروك ربنا يتمملك بخير
عاصم :الله يبارك فيكم جميعا
كل واحد راح مشواره
إبتهال بتكلم مازن :يعنى جاي الأسبوع الجاي ان شاء الله يا حبيبي
مازن :ايوة يا ماما عايزك بقى تكلمى عمتو وبابا عشان عايز اخد جنه معايا
إبتهال بضحك :ده الحب مولع فالدرة بس هى تستاهل الصراحة أدب وجمال... اهى عمتك جت اهى
جميله :ده مازن؟؟؟
إبتهال :ايوة هو تعالى اسمعي عايز ايه
مازن :عمتو القمر عامله ايه يا حبيبتي
جميله :الحمد لله يا حبيبي انت عامل واخبار امتحاناتك ايه
مازن :خلاص هانت هخلص واجى على طول اخطف عروستي واطير
جميله :امممم هى كلمتني امبارح فى الموضوع ده انت فاضلك ترم وترجع صح
مازن :ايوة صح يا حبيبتي وهخلص وهاجى استلم شغلى واستقر معاكم والله
جميله :طيب يعنى كلها شهور لازمتها ايه بقى الشحتته دى ليك وليها أنزل الأسبوع الجاي لبسها دبله وآخر السنه اتجوزوا واللي هتصرفوه فالسفر رايح جاي انتوا أولى بيه ولا ايه
إبتهال : والله عندك حق يا جميلة
مازن :يعني انتوا اتفقتوا عليا كده
إبتهال :لأ خالص والله يا حبيبي ولما يجي بابا هنشوف رأيه هو كمان
مازن :ماشي انا هقفل دلوقتي واكلمكم لما بابا يجي تكونوا كلمتوا وتكون جنه جت من الجامعه
جميله :مازن يا حبيبي مش عايزاك تزعل مني انا بقول كده لمصلحتكم
مازن إبتسم :لأ يا حبيبتي مقدرش ازعل منك واللى فيه الخير يقدمه ربنا
إبتهال :صح ياحبيبي اللي فيه الخير يقدمه ربنا
جميله :لما نكلم نرمين نطمن عليها
نرمين :وحشتوني يا بنات كأني بقالي سنتين هنا مش يومين
جميله :طمنيني عليكي وعلى يوسف
نرمين :الحمد لله بخير لسه نازل من شويه بعد ما كلم جورى
بيخلص شغله ويجيلى على طول
إبتهال :معلش يا حبيبتي ربنا يهون عليك والنت اهو قرب البعيد كل ما تبقى فاضيه كلمينا إحنا قاعدين اهو
نرمين :عندك حق والله ربنا يخليكم ليا بس جورى مش عجبانى شكلها مرهق كده ليه
جميله :المذاكرة والشغل عماله أقنعها تقعد من الشغل على ما الامتحانات تخلص مش راضيه
نرمين :دماغها ناشفة أوى
إبتهال :مالكوش دعوة بمرات إبني حبيبتي سبوها براحتها
جميله :ودي حد بيقدر يغير رأيها بتعرف تقنع اللي قدمها
نرمين :ربنا يحميها ويحفظها
جميله وابتهال :يارب
جويرية خلصت مع رشدي وراحت المصنع ودخلت مكتبها اشتغلت شويه وبعدين راحت لمكت أسر لقته بيتكلم فالفون وأول لما دخلت أنهى المكالمه وده ضايقها أوى
جويرية بزعل :اسفه كنت فاكرة أنك فاضي بس الورق ده محتاج مراجعة وانا هروح البيت عشان عندي مذاكره
أسر قرب عليها :ايه اسفه دي انتي تيجي فى أى وقت مالك حاسس انك زعلانه مني
جويرية :ابدا مافيش حاجه أنت عارف ضغط الامتحانات والشغل بس
أسر رفع وشها ليه وقرب عشان يبو*سها الباب خبط
جويرية بعدت عنه :طيب انا همشي بقى
عامل البوفيه :القهوة يا بشمهندس
أسر بضيق :بقالي ساعه طالبها بتيجي في اوقات
عامل البوفيه : بتقول حاجه يا بشمهندس.. آسف اتاخرت على حضرتك
أسر :ولا يهمك كان الله فالعون
عامل البوفيه :تسلم يا بشمهندس تؤمرينى بحاجة يا بشمهندسه
جويرية :متشكرة أنا ماشيه عن إذنكم
أسر خلص شغل وراح لسهيله اللي كانت سما قاعده معاها ومثلت انها تعبانه عالعاده بس أسر كان حريص أنه مايتأخرش على العشا قعدوا كلهم يتعشوا واتناقشوا فى حوار جواز مازن وجنه ولقوا أن رأى جميله صح واتفقوا على خطوبه لحد ما السنه تخلص
جويرية :طيب استأذن أنا عشان عندي مذاكره عشان عندنا خطوبتين فى اسبوع واحد
رشدي :اه صحيح ده خطوبه عاصم كمان الخميس.. استنى يا جوري اتفضلي
جويرية :ايه ده خالو ده مفتاح عربيه
رشدي : ايوة عربيتك الجديده يا حبيبتي
جويرية :بس ليه يا خالو كده ملهاش لازمه والله
رشدي :إنتى تستاهلى اكتر من كده بكتير يا حبيبتي
جويرية حضنت رشدي :ربنا يخليك ليا يا حبيبي
أسر :أنا مش قايل نو تاتش
رشدي :بس يلا انت تعالي يا قلب خالك اوريكى العربية
جنه:يا عيني عليكي يا جنه يا غلبانه ولا جواز ولا عربيه
الكل ضحك عليها... جويرية طلعت اوضتها وأسر طلع بعديها وقرر يحكلها لكن تأتي الرياح بما لا تشتهي السفن وأسر فونه رن وكانت سما بتقوله أن سهيله تعبانة وطلبت لها الدكتور
أسر :معلش يا حبيبتي انا هنزل عندي مشوار مهم وهاجى على طول عايز اتكلم معاكي
جويرية :خلاص تمام انا مستنياك هذاكر شويه على ما تيجي
أسر نزل ومقالش كالعاده رايح فين لكن المره مرجعش غير الصبح ولما رجع لقى جويرية نايمه هالكرسى مكانها
جويرية :الساعه كام
أسر :الساعه ٦ الصبح
جويرية :ياه اتأخرت أوى ليه كده
أسر اتوتر وقرر ما يحكيش دلوقتي :ابدا عديت على عاصم والكلام خدنا حقك عليا
جويرية :اه تمام ما فيش مشكله انا هروح النهارده الشغل اظبط الذ وبعد كده هريح عشان الامتحانات
أسر :ماشي يا حبيبتي اللى يريحك
جويرية :طيب انا هنام شويه قبل الشغل
عدت الأيام عدت وجويريه بتتجنب أسر لأنها حست أنه مخبى عنها حاجه والنهارده خطوبه عاصم وريم
جويرية لابسه دريس اسود مطعم بشال من عالكتف مشغول بنجمات سلفر وحجاب أسود والشوز والشنطة سلفر
وأسر لابس بدله سودا وقميص اسود من غير كرافت وساعه سلفر والشوز أسود مازن كان لابس بليزر جراى على بنطلون جينز وجنه دريس جراى وحجاب من نفس لون الدريس وجاسر كان لابس قميص وبنطلون كلاسيك
الخطوبه تمت والكل كان فرحان لعاصم وريم ومازن انتهز الفرصه وطلع دبل الخطوبه ولبسها لجنه وقرر بدل ما يضيع الاجازه فى تحضيرات الخطوبه يستغل الوقت ده انه يقضيه مع جنه
جميله :شايفه انك بدأت تفكر خارج الصندوق
مازن :البركه فيكي يا قلبي
جنه:من اول كد بتعاكس قدامي
الكل ضحك عليهم
إبتهال :مالك يا جوري فى حاجه مضيقاكى
جويرية :ابدا يا حبيبتي إرهاق مش أكتر... مبروك يا مازن مبروك يا جنه عقبال الفرح ان شاء الله.. أنا هطلع اوضتى ارتاح عن إذنكم
جويرية طلعت اوضتها ودخلت الحمام وانهارت من العياط وطلعت تليفونها وبصت فالصور اللي جتلها من مجهول وبيقول انه فاعل خير
سهيله بتضحك بشر :برافو عليكي يا سمسم
عايزاكى بكره تبعتي الرساله دي هي كده استوت عالاخر وتأكدت أنه بيخونها عايزين بقى نخليها تمسكه بالجرم المشهود
سما ماسكة فلووووس بتعدها :أنا من ايدك دي لايدك دي
سهيله :لازم فى أقرب وقت اكون معاه
سما :معلش يعني أنت ايه اللى مخليكى متأكده انه هيتجوزك لما يسيبها
سهيله :ماهو لازم هيتجوزنى عشان كلام الناس
سما :إنتى دماغك دي إيه وانا بقى فين عريسى عندك اخوه مازن ولا اخو جوري جاسر اللى تعرفي توقعيه حلال عليكي
سما:خطه من خططك الجهنميه دي بقي
سهيله :ادخل البيت بس واتفرجى... وضحكوا بشر
ليان :أكرم أنا عرفت كل حاجه عرفت انك كنت بتضحك عليا بس انا حبيتك بجد
أكرم :أنا آسف والله أنا كمان حبيتك بجد وبحاول أعمل بيت وشغل عشان اجي اتقدملك
ليان:وانا ايه اللي يخليني اصدقك انا سيبت خطيبى قبل الفرح عشانك وقبلت الناس تتكلم عليا وفى الاخر يطلع
كل ده تمثيل عشان الفلوس ملعون ابو الفلوس اللي تخليك تكسر قلبي بالشكل ده أنا عملت ايه عشان يحصل فيا كل ده
أكرم :ممكن تهدي وتسمعينى انا معترف أنى مثلت عليكي الحب فى الاول لكن لما قربت منك حبيتك واتمنيت اكمل حياتي كلها معاكى وكنت هاجي احكيلك كل حاجه لكن للأسف كل حاجه انكشفت قبل ما اجي
احكيلك ارجوكى ادينى فرصه أصلح غلطتى فى حقك وحقك نفسي وخطيبك اللي انتي سيبتيه مكنش بيحبك اصلا
ليان :ايوة مكنش بيحبنى بس كان صريح من البدايه ربنا يسعده ربنا رزقه بواحدة بتحبه ويحبها
أكرم :وعشان أثبت انى اتغيرت أنا همنع ان قلبين يتحرموا من بعض......
.. وحكي لها خطه سهيله
ليان بصدمه :دي بنى ادمه مريضه... تعالى يلا نقابل جويرية او أسر وتنفذ خطتها القذرة
اكرم:افهم من كده أنك سامحتينى
ليان:سيبها للظروف
وراحوا قدام الشركه لكن فجأة حصل............