رواية ملاكي علي الارض
الفصل السادس والسابع
وصلوا الحفله وكان في ڤيلا العروسه ريم وكانت الانظار كلها علي ملاك ومروان اللي خطفوا الاضواء بطلتهم
مروان /نونا خدي مازن واقعدوا علي الترابيزة دي لحد لما اخد ملاك ونسلم علي حسام ونيجي
نوال /طيب بس متتأخرش علشان مازن
مروان/حاضر يلا يا ملاك
ومشوا لحد لما راحوا لحسام
مروان وهو بيحض حسام /مبروك يا حس
حسام /الله يبارك فيك كده تيجي متأخر تصدق انك عيل ندل
مروان /احم احم طب احترمني شويه
حسام بغمزه /لي
مروان بغضب مصطنع /هو اي اللي لي المفروض اصلا في العادي تحترمني شويه هو علشان مش عاوز اقل منك النهارده علشان انت العريس تعمل كده
حسام /خلاص خلاص الطيب احسن
ملاك /الف مبروك يا دكتور حسام الف مبروك يا ريم
حسام /الله يبارك فيكي
ريم /الله يبارك فيكي عقبالك ياا
ملاك /اسمي ملاك
ريم /ما شاء الله اسم علي مسمي اي رايك نبقي اصحاب
ملاك /ربنا يخليكي يارب اكيد طبعا
ريم /اتفقنا اهوه لاقيت حد يتفق معايا علي الاتنين دول بدل ما هما موريني السواد كده
ملاك /ماشي يا اوختشي
ريم /اتفقنا يا زميلي
حسام /اوختشي وزميلي لا انا مش هتجوز
ريم /حسام حبيبي بتقول حاجه
حسام /لا ولا حاجه ياروحي
وضحكوا كلهم
مروان /يلا يا ملاك نروح نقعد
ملاك /يلا
وراحوا قعدوا جمب نوال ومازن
جات بنت في منتصف العشرين وهي بشرتها بيضه وعيونها زرقاء شعرها باللون البني
نور /مارو اذيك
مروان /الله يسلمك يا انسه نور عامله اي
نور /مبلاش انسه دي مش بحبها منك
وجات عنيها علي ملاك
نور /مروان مين دي
مروان /خطيبتي
الكل في صدمه
نور/ازاي وازاي اخويا حسام ميقوليش انك خطبت وكمان تخطب دي بدالي لي هو انا وحشه ولا وحشه يا استاذ مروان
مروان /حيلك حيلك وانتي مفكره نفسك مين علشان ابصلك اصلا وبعدين خطبتي عجباني وانا مطلبتش رايك في حاجه تخصني وكمان انا وعدتكيش انا هتجوزك انتي اللي بترمي نفسك عليا يا استاذه يا محترمه
نور /والله لهندمك انت والحلوه دي وهعرفك مين هي نور الشامي يا مروان بيه
مروان /يلا في داهيه مبقاش غير العيال هما اللي يهددوني علي اخر الزمن
نور /طب والله لهعرفك العيال دول لما بيقلبوا هيعملوا اي ومشت
ــــــــ صل علي محمد 🌺
مروان /مش انا اللي اخاف يا عسل
ملاك /اي دا يا مروان ازاي تقول اني خطيبتك
مروان /معلش يا ملاك اني قولت كده بس كنت لازم ازحلقها دي عامله زي الازقه بالظبط
ملاك /بردوا مكنتش تعمل كده وبعدين مينفعش تعلي صوتك عليها دي مهما كانت بنت
مروان /يوه ومشي عند البسين
نوال /اهدي يا ملاك يا بنتي متزعليش مروان عصبي شويه وانتي متعرفيش البنت دي عملت اي فيه
ملاك /خلاص مش عاوزه اعرف انا عاوزه اروح
نوال/طب معلش نقعد خمس دقايق بس علشان فرح صاحبه وكده
ملاك /ماشي
الدي جي /ممكن نفضي الاستيدج علشان المأذون وصل
حسام /مروان مروان تعالي
مروان /حاضر جاي
ريم /ملاك تعالي
ملاك /حاضر
وراحوا وشهد مروان علي الجوازه
المأذون /بارك الله لكما وبارك عليكما وجمع بينكما في خير
واصبحت ريم زوجه حسام الشامي قدام ربنا والناس
حسام مسك المايك /انا طالع النهارده مش مجهز حاجه اقولها بس كل اللي اقدر اقوله ان الكلام دا طالع من قلبي النهارده اسعد يوم في حياتي كلها اخيراً ربنا جمعني بحب حياتي بعد حب 8سنين اه عشناهم في فرح وحزن وخناقات كتير اه صحيح كانت تافهه بس كنت بحبها عمري ما هنسي اول يوم شوفتك فيه اليوم دا كانت اول خناقه بينا وكانت علي مين يقعد جمب الشباك وفضلنا طول الطريق نتخانق لحد
لما جه واحد تاني وقعد فيه يوميها فضلتي تشتمي فيا وتقوليلي انت السبب كله بسببك فين الرجوله صحيح الرجاله ماتت في الحرب واول ما بصتلك اتكتمتي خالص ومسمعتش صوتك لحد لما نزلت من اليوم دا وانا حياتي اتغيرت 180درجه بقيت بصحي كل يوم بدري عشان اشوفك واتخانق معاكي زي اول مره ولا اول مره نتصالح مع بعض ولا اول لما اعترفنا بحبنا لبعض ودا كان حلم حياتي وعمري ما انسي يوم ما صحيتيني الساعه تلاته الفجر تقوليلي انا حلمت انك هتسيبتي وهتحب حد غيري وفضلت احلفلها اني بحبها هي واصلا مفيش حد هيرضي بيا غيرها ومش هنسي نكدها عليا بس مع كل دا انا بحبك لا بحبك اي دا انا بعشقك لا انا مجنون بيكي انا بدمنك.. ♥
جرت عليه ريم وحضنته وفضلت تعيط هي وهو والناس كلها يسفقوا واصوات الصفير من الشباب
ريم /انا بحمد ربنا انه رزقني بيك بعد كل التعب دا انت قولت اللي كنت عاوزه اقوله واكتر ومش عارفه اقول اي بس انت كنت دعوة كل سجده ليا واتمني من ربنا نفضل كده علي طول ويحمينا ويحفظنا لبعض طول العمر
حسام شالها ولف بيها وقال /بحبك ❤
ريم /وانا كمان
ــــــــــ صل علي محمد 🌺
وكل بقا يرقص مع بعضه
مروان وهو بيبص علي ملاك لاقاها بتعيط اوي
مروان بخوف /مالك فيكي اي
ملاك /مفيش بس قصتهم وكلامهم خلوني اعيط هو في حد لسه بيحب حد كده
مروان في باله /انا من اول يوم شوفتك وانا بحبك يمكن مفيش حد في الدنيا دي كلها حبك ولا هيحبك قدي
مروان /اكيد لي لا
ملاك /تفتكر هعيش قصه زيها
مروان/قولي يارب
ملاك /يارب
ملاك/يلا علشان عاوزه انام
مروان /حاضر يلا بس الاول تعالي نسلم عليهم
ملاك /يلا
ملاك /بجد ربنا يحميكم لبعض وتعيشوا حياه سعيده مع بعض واشوفك بالابيض وتكوني زي القمر ياروحي
ريم /ياروحي تصدقي انك اخدتي قلبي مت اول لما شوفتك
حسام /علي اساس اني مأخدتش قلبك وقلبك دلوقتي مش معايا ماشي يا ست ريم مروان نادي للمأذون تاني مش عاوز اتجوز
ريم /بتقول حاجه يا حس
حسام /لا ربنا علي الظالم والمفتري
ملاك / بجد انتوا نكته 😂
ريم /ميرسي
مروان /مبارك يا حس يلا باي بقا علشان عاوز انام
حسام /ماشي بس ابقي شوف الحاله بتاعتي بكره علشان انت عارف انا واخد اجازه علشان الفرح
ريم /حتي يوم كتب كتابي بتتكلم في الشغل
حسام /خلاص يا روحي اسف
ريم /ماشي
مروان /باي يا اطفال
ريم وحسام /باي يا عمو
وفضلت ملاك تضحك وهي ماشيه
مروان/فرحانه يختي
ملاك /اوي اوي
مروان /يارب تدوم واشوف الضحكه الجميله دي
ملاك بخجل /يارب
مروان /يلا يا مازن يلا يا نونا
الكل/ يلا
وركبوا العربيه ومشوا
نوال /بس ماشاء الله ريم وحسام كانوا قمرات
ملاك ومروان /اوي
ملاك /شوفتي يا نونا لما كانوا يتكلموا عن بعض انا عيطت من كتر الحب والمشاعر اللي طالعه من القلب في الكلام
نوال /اه والله عندك حق وانت اي رايك يا مروان
مروان /اه كانوا جمال اوي مع بعض ربنا يحميهم بصراحه كلامهم حرك مشاعر كتير جوايا وخلاني افكر اح.....
ملاك ونوال /حاااااااسب