رواية لا زلت اتالم
الفصل الاول1
بقلم منه محمد
كنت نايمه على الس*رير زي كل مره بتحصل والهاند فري في ودني،
اغاني حزينه ودموع مش بتخلص، زي كل مره بتخذل فيها، وزي كل مره بتوجع فيها.
اعرفكم بنفسي انا شروق عندي ٢١ سنه بدرس في كلية تجاره
عايشه مع بابا وماما واختي نور، اهي اختي دي بقا اللي
مهونه عليا كل حاجه في حياتي، طول عمرى بتخذل من اقرب الناس ليا، ومفيش مره حبيت
فيها واتسبت، ههههه لدرجة اني بدءت أشك اني نحس وفقر لحد اخر مره
كنت نزلت شغل جديد في شركه صغيره كدا كتدريب لحد اما اخلص
اخر سنه في الكليه، كنت متوتره وقلقانه اوي، كنت حاسه اني هفشل زي ماكل مره بفشل في أي حاجه جديده بعملها
دخلت من باب الشركه وكان باين عليا التوتر اوي، خبطت فيه
آآآآآآه، مش تفتح يا استاذ
رد عليا وهو مستعجل :
معلش معلش عن اءذنك
بصتله وهو بيمشي باستغراب وبعدين مشيت روحت لمكتب المدير اتكلمنا شويه وطبعا زي اي كلام بين المدير والموظف الجديد، المهم هو طلب مني اني اجي اشتغل من بكرا، طبعا فرحتي
مكنتش سيعاني ولأول مزه في حياتي اتقبل او أنفع في حاجه من غير معاناه.
روحت البيت وانا في قمة سعادتي مكنتش متخيله اني هتقبل بالسرعه دي عدي اليوم عادي وكنت حاسه اني مرتاحه اوي، تاني يوم صحيت لبست ونزلت حتى من غير فطار، منا مبسوطه بقا واول يوم ليا في وظيفه زي دي، روحت وكنت متوتره وقلقانه اكتر من امبارح،
ودخلت ولكن خبطت في حد تاني
آآآآآه، انا ا..... ايه دا انت تاني؟
ضحكلي و لاول مره اشوف ضحكه حلوه كدا وقالي :
هههههههه معلش بقا نصيبك، انتي عميله هنا؟
بصتله وقولتله :
لا انا لسه جايه جديده هنا موظفه واول يوم ليا فتلاقيني متوتره بس مش اكتر
هزلي راسه وقالي:
اه يبقا انتي شروق اللي مستر محمود قالي عليها، طيب ياستي انا اللي مسؤل عنك في التدريب، انا اسمي احمد عبد الرحمن، تعالي اتفضلي معايا اوريكي مكتبك.
اهو ياستي دا مكتبك جنبي مكتبي بظبط، ماتقلقيش من اي حاجه انا هنا عشان اساعدك في كل حاجه المهم تحبي نبدء منين؟
بصتله وانا عيني خلاص كانت هتدمع من فرحتي، انا بقا ليا مكتب؟
ابتسمت وقولتله:
بص اعتبرني عروسه لعبه ههههههه اللي انت شايفه صح ليا اعمله
ضحكلي تاني واللي خلاص مش قادره استحمل من ضحكته القمر دي وبعدين قالي :
هههههههههه ماشي ياست عروسه اتفضلي اقعدي يلا عشان افهمك هتعملي ايه بظبط
قعدنا اكتر من ٧ ساعات شغالين على مااعتقد الليل دخل علينا واحنا لسه قاعدين زي مااحنا، عرفني على كل حاجه في الشركه، حتى عرفني اتعامل مع مين ومااتعاملش مع مين، اتبطست اوي، حسيت ان كل حاجه سهله وتمم
بس انا وقف معايا كام حاجه كدا وفصل يفهمني فيهم كتير اوي وبرضو مش عارفه افهمهم، يمكن عشان المعلومات كانت كتير اوي عليا النهارده؟
المهم مفيش حلو بيكمل وهوببيفهمني. انا طبعا خلاص الصرمه القديمه اشتغلت عندي وحالفه ماتفهم حاجه تاني لاقيته بصلي بنفاذ صبر وقالي:
يا شروق افهمي بقا الله
قولتله وانا حاسه اني اتخنقت :
مش عارفه والله مش قادره افهمها
لاقيته مسح على وشه واتنهد اوي ولسه هيتكلم تلفونه رن، وكانت بنت، باين من كلامه انها حبيبته
، لاقيت بيقول بعصبيه :
انتي بتقولي ايه، يعني ايه زهقتي؟، اغزي الشيطان يا ملك يا حبيبتي وبعدين نتكلم، يعني انتي عاوزه ايه دلوقتي انا في الشغل، بقولك في الشغل، يوووووووه خلاص براحتك يا ملك براحتك
رزع التليفون علي الطرابيزه حسيته عاوز يصرخ، مكنتش عارفه اعمل ايه لاقيت نفسي تلاقئ بقوله :
اوعي تعيط مفيش حد يستاهل حتى هي
لاقيته بصلي ووشه كله غضب وقالي :
وانتي مالك انتي حد طلب نصيحتك
بصتله بصدمه وقولت.....