رواية ورده في مزبله
الفصل المائة والحادي عشر111
بقلم منه محمد
فرحه قامت قبل سليم .. وهي حاسه بصداع رهيب
شافت سليم متبهدل في نومته لان الكنبه اصغر منه
راحت وغيرت و لبست جلابيه راقيه جدا
سمر خبطت الباب وبصوت عالي جدا : يله ياعرايس لسه نايمين شوفو الساعه كم يله ده انا عملتلكم فطار ملوكي
فرحه كانت هتفتح الباب بس افتكرت ان سليم نايم على الكنبه وامه هتشوفه وتشك!!!
فرحه راحت عند سليم : سليم سليم
سليم بصوت غليظ : ها ايه حصل
فرحه: سليم طنط سمر جات
سليم وشعره منكوش من النوم اول ما سمع سمر نط : ها ايه ماما
فرحه : ايوه وعاوزه تدخل
سليم اخد اللحاف وبسرعه بسرعه لمه ورماه تحت السرير وغسل وشه عشان امه ما تشكش ان سليم بينام على الارض
فرحه نزلت و فتحت الباب ببتسامه: اهلا يا طنط
سمر: صباح الخير لاحلى عرايس في الدنيا كلها
فرحه بابتسامه : صباح النور يا اغلى ام في الدنيا كلها
سمر: يالا قومو حبايبي امك من الصبح فلقت نفوخي اتصلت ستين مره وطلبت اجبلكم الفطار بنفسي واه عشان اوصيكم ع الغدا النهارده في بيت جدك الشافعي
فرحه بتعب : والله
سمر : مالك يابنتي فيه انتفاخ تحت عيونك
فرحه : اه مصدعه وامبارح مانمتش كويس
سمر: فرحه انتي كنتي بتعيطي
فرحه بتوتر : ها لا مين قال بس تعبانه شويه
سمر فهمت بس ماحبتش تتدخل في حياتها
فرحه : طيب هقول لسليم عشان يجهز
سمر:هو فينه
فرحه:في الحمام
سمر : خلاص اوكي بس افطرو اول حاجه بعدين الغدا هناك
فرحه : اوكي حبيبتي
فرحه بعد ما فطرت راحت تلبس احلى ما عندها عشان العزومه ..
اما سليم فلبس اشيك بدله
والاتنين الضيق والحزن بقلبهم
ورجعوا يعاملو بعض تاني بالجفاء والحزن
................................
في العربيه
فرحه ساكته ولا بتعلق على حاجه .. اما سليم فهو مقهور من فرحه ومن جفائها
بعد ما وصلو بيت الشافعي
الكل كان في الاستقبال واولهم االجده فاطمه طبعا
وبعد ما دخلوا وبعد ما سلمو
فرحه قاعده على الكرسي وهي تعبانه
تولين : مالك يافروحتي حساك تعبانه اليوم
فرحه: مش عارفه حاسه بضيقه
شيماء : اخص عليكي في واحده جايه لسه من شهر العسل وحالتها كدا .. مع انك ما شاء الله محلوه جدا
فرحه تبتسم : تسلمي عيونك الاحلى
دينا لفرحه : بقول يافروحتي ماوحشكش سلوم الحبه دول
تولين وهي تتصنع الصدمه : ياللي ما بتتكسفيش في بنات صغيرين هنا
شيماء ضحكت : فين الصغيرين دول
دينا تشاور علي فرحه: دي
تولين بدون نفس : عارفين اللي حتقولي عنها طفله هتقوم دلوقت عليكم تجبكم الارض
الكل ضحك حتي فرحه
دينا: بس تعرفي يافرحه اول مره سليم يبقي محلو كدا هيييح
تولين : صح
وضحكو كلهم بصوت عالي
جات فاطمه لشيماء بحده : ياقليله الادب بقالك سااااااااااااااعه تهزري فوق راسها عاوزه تروحي كباريه قومي روحي كلمي ابوكي عيب انت مش مخطوبه تتكلمي عن ابن عمك
شيماء: الله ما هو الي موز وبعدين ماهو ابن عمي وانا مخطوبه لاجمل منه
فاطمه : يابت اتلمي كمان بتعكسي الواد التاني قدامي
شيماء: والله عادي انا مش بعاكس انا بمدح في خطيبي وان شاء الله قريب هيكون جوزي هيييح
فاطمه تهز راسها يمين وشمال بفقدان امل: والله بنات اخر زمن
شيماء : اقولك يا جده انا قايمه خالص من هنا اروح اوضتي بكرامتي
دينا : والله خير ما تعملي ..ياريتك من زمان روحتي
شيماء قامت وشدت دينا معاها: وانت هتروحي معايا
الجده فاطمه:وانتو خلصو رغي وحصلوني
فرحه تضحك : هههههههههه ....بعد ما مشيو
تولين بصت لفرحه لقتها سرحانه : ها فين وصلتي استراليا ولا بلجيكا
فرحه : والله فكرتيني ب بلجيكا بجد كانت حلوه وناسها طيبين
تولين : اخير الحمد لله ابتسمتي فرحه جاوبيني بصراحه انتي بتحبي سليم ولا لسه
فرحه اتنهدت : ااااااه ماعرفش اقولك ايه سليم اتغيرت تصرفاتي معاه في شهر العسل لاني عرفت انه انسان رومانسي درجه اولى وغير كدا طيب وعمره ما زعلني مع اني احيانا اتعمد اقسى عليه عشان يزعل مني بس بيرجع هو يراضيني .. بس كحب لا .. انا يمكن بستلطفه بس لسه ما حبيتهوش
تولين : غريبه سليم يتحب بكل مواصفاته اللي قلتيلي عنها لازم تحبيه كزوج تعرفي ليه ما حبتيهوش يمكن لان هاجس رشاد لسه بيلاحقك ..لو رشاد بعد شويه عنكم صدقيني هتحبيه
فرحه بحيره: ماعرفش ماعرفش
تولين : خلاص قومي خلينا نئعد معاهم قبل ما يزعلوا مننا
فرحه : يلا
.
في الجنينه
زين : شباب ايه ريكم اليوم نطلع نسهر برا
هيثم نفخ خدوده وكشر: اه والله نفسي
مراد بضحكه على شكلو
ماجد : والله وانا كمان نفسي
حازم إبتسم : انا معنديش مشكله أي سهره انا دايس يا معلم بس طلعوني من هنا زهقت نفسي افك من الحبسه
عماد بتفكير : طلاما عاوزين نسهر نروح البحر ها ايه راايكم نروح
هيثم : ياعم ده مشوار
عماد : عاادي ورانا ايه بكره اجازه
سليم : والبنات والله لو عرفو ليعملكو منكم بسطرمه دول ينهبلو فيها
هيثم بنص عين: اه يا لئيم البنات ولا مراتك
سليم ببتسامه: اه حبيبتي اخرج يعني من غيرها
زين: خلاص امرنا لله ناخدهم ونخرج يلا تعالو نتغدي وبعدين نقررر هنعمل ايه
.....................
...
رشاد رجع من المستشفى
وكان مبسوط لانه مشتاق لفرحه
والبيت كلو كان في استقباله
ليلي وهي تحضن ابنها : حمد لله على سلامتك يا رشاد نورت البيت
صقر داخل معاه: حد قالك رشاد لمبه البيت علشان ينور البيت
هند : هههههههههه احلي لمبه محروقه
رشاد ابتسم : اهلا بام لسانين
هند ابتسمت وراحت باست اخوها : حمد لله على السلامه
رشاد ضمها: الله يسلمك هندوده
رشاد بهمس لنوره : نوره هي فرحه عارفه اني خارج النهارده
نوره بضيق: لا
رشاد: اتصلي بيها وبلغيها
نوره : رشاد اعقل بقي وبعدين ليكون سليم موجود وندخل في مشاكل
رشاد اتعصب عليها: يتحرق.. ما يهمنيش يلا اختي اتصلي
نوره تشاور على عيونها : من عيوني
رشاد يبتسم : تسلميلي عيونك
نوره ضحكت واتصلت بفرحه
وفرحه في سابع نومه بس من رنة موبايلها قامت
فرحه بتعب : الو
نوره : يلا بطلي نوم قومي
فرحه : ليه الساعه كم
نوره : الساعه 6 قومي
فرحه: اف والله عاوزه انام
نوره : تعالي شوفي في بيتنا مين موجود
فرحه : مين
نوره : رشاد
فرحه حست بشعور غريب : رشاد
نوره : اه وبيسال عنك جايه
فرحه : اكيد دقايق البس بس
نوره : ماشي اياك تتاخري
فرحه : اوكي
فرحه قامت لبست بنطلون وتر شيرت حلو بلون السماوي والكحلي وكان حلو عليها
سليم دخل الغرفه شاف فرحه بتلبس : رايحه فين
فرحه وهي تدور على شنطتها : بيت خالي نوره عاوزني ضروري
سليم كور ايده : ولبستي قبل ما تقوليلي
فرحه : عشان عارفه انك مش هترفض بنت خالي وعاوزاني مفهاش حاجه
سليم اخد نفس : طيب يلا نروح
فرحه وهي واخده شنطتها : اوك يله
سليم كل فكره ان رشاد في المستشفي
........................
رشاد بيكلم نوره : ها جايه
نوره : ان شاء الله قريب
رشاد : الحمد لله
نوره : خلاص انت روح ارتاح بغرفتك .ماتنساش الدكتور قال ان لازم ترتاح ايه نسيت
رشاد : لا ما نسيتش بس مليت من السرير انا رايح شوي اقعد في الجنينه الجو روعه ..وبعدين ارجع الاوضه اوكي
نوره : تحب اجي معاك
رشاد : لا مالوش داعي هروح انا هناك شوي اغير جو
نوره : على راحتك روح الجنينه وانا هجهز لك عصير ولقمه تاكلها..
رشاد ببتسامه: ميرسي يا احلي اخت
نوره : دلوقتي تسمعك هند عشان تدبحك
رشاد : اه والله دي طالعه سفاحه وتدبحنا عادي
نوره : هههههههههههههههههه
رشاد : يلا اروح انا الجنينه
نوره : خلاص وانا هجهزلك العصير
.................
فرحه وسليم بعد ما وصلوا
فرحه دخلت الصاله
اما سليم فدخل الصالون مع صقر
فرحه شافت نوره ماسكه العصير: رايحه فين
نوره : كويس انك جيتي تعالي معايا
فرحه: فين
نوره : الجنينه
فرحه : ليه
نوره : ياكتر اسالتك فيه ناس هناك
فرحه : رشاد
نوره تلف شمال ويمين : اسكتي لبعدين حد يسمعنا ويتعملنا حكايه
فرحه تطلع لسانها : اه نسيت نفسي
فرحه ونوره راحو الجنينه
اما رشاد أأعد على الكرسي ومتامل بالورود والجو روعه
نوره : مرحبا
رشاد لف وشافها : فرحه
فرحه منزله راسها : حمد لله على السلامه
رشاد وقف بابتسامه : الله يسلمك
نوره : يلا العصير ..
رشاد غمز لنوره عشان تروح لانه عاوز يقعد مع فرحه ..نوره فهمت وراحت ع مضض
فرحه مسكت ايد نوره : رايحه فين
نوره : ممممممم لما اروح اجيب العصير
فرحه : لا تعالي
نوره : رايحه وراجعه بسرعه
فرحه مرعوبه سليم يشوفهم لوحدهم ويرتكب جريمه
رشاد : اتفضلي أأعدي
فرحه : لا انا مرتاحه كدا ميرسي
رشاد وهو يتامل فيها : واخيرا شفتك
فرحه ساكته
رشاد :مالك ليه حزينه
فرحه : مفيش صدقني
رشاد : افتكرتك نسيتيني ؟
فرحه : لا والله مانسيتك
رشاد : وايه الدليل
فرحه في ايدها هديه لرشاد اللي اشترتها من بلجيكا والهديه كانت الميداليه اللي على شكل الاحجار فتحت ايدها : ده الدليل
رشاد : ايه دي
فرحه: انا اشتريتلك ميداليه وده دليل اني ما نسيتكش
رشاد خد الميداليه من ايد فرحه : الله حلوه تسلم ايدك
فرحه : ميرسي.
رشاد : لا كدا اثبتيلي انك افتكرتيني
فرحه بضيق.: شوفت
رشاد قرب من فرحه اكتر:فرحه انا مش قادر من غيرك انتي كل دنيتي الله يخليك ما تتخلي عني
فرحه دمعت وسكتت
رشاد : فرحه انا بحبك
فرحه عيطت اكتر من تأنيب الضمير الي احتاجها
رشاد : مالك
فرحه : رشاد الي بنعملو غلط وحرام وذنب كبير
رشاد فتح عيونه : ليه
فرحه: انا بحس بتانيب الضمير يا رشاد انا بالطريقه اعتبر خاينه خاينه تعرف يعني ايه خاينه
رشاد : ليه انتي مبتعمليش حاجه غلط
فرحه : لاعملت كلامنا مع بعض ووقفنا مع بعض ده اكبر خيانه
رشاد بعصبيه : ليه انتي حبيتي سليم
فرحه : حتى لو مش بحبه بس انا اعتبر زوجه وحرام اللي بعملو حتى لو بحبك انت .. بس ده ميدنيش الحق اكلم غيره ..والله انا تعبانه
فرحه عيطت جامد
رشاد : فرحه فيه في ايدينا حل عارف انك متعذبه بس
فرحه : ايه الحل مش هقدر اعيش مع انسان مش عاوزه ولا اقدر اكون معاك لاني بالطريقه اعتبر خاينه لجوزي
رشاد بحده: قصدك ايه عاوزه تتخلي عني
فرحه : انا ما قلتش كدا
رشاد وقف بعصبيه: فرحه انا طلبت منك نطفش ورفضتي
فرحه بصتلو بغضب: لاني مش هكرر ساره ونادر تاني ولا هموت امي وابويا بقهرتهم عليا ولا هخالي عماد يحط راسه في التراب
رشاد : كنت اعمل ايه اعمل ايه انا حبيتك قبل منه حبيتك لحد ما كبرتي وزاد حبي ليك روحي اوضتي وشوفي كل موقف حصل بينا كتبته،، شوفي الورد اللي عطتهولي من زمان مجففه ومخليه عندي ذكره ..روحي اوضتي وشوفي صورك لما كنتي صغيره لحد الان عندي يافرحه انتي بتجري في دمي انتي حلم طفولتي .. وانا ماليش ذنب باللي حصل
فرحه بحيره مجنونه : ولا انا يا رشاد .. ومش عارفه اعمل ايه ولا ايه هو الحل
**************
سليم طلع من الصالون لان صقر جاله مكالمه ودخل يرد عليها فسليم قال يسال عن فرحه
هند بخبث ومكر : فرحه في الجنينه
سليم: وفين الجنينه
هند : اول ما تطلع من باب الصالون على طول روح يمين
سليم : شكرا
راح سليم الجنينه
نوره جايه : بتكلمي مين
هند : بكلم سليم الصاروخ
نوره : ليه كان عاوز ايه
هند بخبث: بيسال عن زوجته المخلصه فرحه
نوره فتحت عيونها : وقلتيلو ايه
هند بتغير من فرحه لجمالها وكملت بسليم : قلتلو الحق.. قلت فرحه في الجنينه بس ما قلتش ان رشاد هناك
نوره بعصبيه : وليه قلتي ان فرحه في الجنينه ..ماتعرفيش انه هيشوف فرحه مع رشاد ويمكن يعمل مشكله واحنا مش ناقصين
هند : بس انا ما قلتلوش ان رشاد في الجنينه
نوره بصريخ : ياغبيه اكيد هيعرف يعني اوانك غطيتي عليهم
هند : عادي هما ولاد خال يعني ليه يغير والله ما تستاهلو ده احسن منها
نوره : هند بلا ش عبط لو عيال خال زي باقي الناس بنقول عادي بس انت ناسيه ان رشاد كان خطيب فرحه والشئ ده سليم ما نساهوش
هند : والله انا ماليش دعوه بقي هي الي جنت ع نفسها
نوره : الله يسامحك لما الحق اروح هناك
هند : انتي ليه تدخلي استني شويه ولو أتاخرو روحي
نوره : ربنا يسترطلع سليم من الصاله للجنينه يدور علي فرحه وهو مش عارف ان رشاد معاها
فرحه بعد ما بينت لرشاد بان اللي بيعملو غلط وهي أأعده على الكرسي وبتمسح دموعها
رشاد كان واقف وااعد على الكرسي اللي جنب فرحه
رشاد حط ايده علي حرف الكرسي كأنهه بيضمها: بس يا فرحه والله دموعك غاليه
فرحه وهي تمسح دموعها : اسفه رشاد ازعجتك مع انك لازم ترتاح لانك جاي من المستشفى
رشاد: لا يافرحه متقوليش كدا تعبك عندي منتهي الراحه
فرحه بصت لرشاد وقالت في نفسها (( قلبي معاك يارشاد بس اسمي مرتبط باسم سليم كزوجه ايه الحل ))
وهنا طب عليهم سليم
سليم واقف يشاهد من بعيد ويتأكد حد مع فرحه بس مفيش حد واضح لان رشاد مش ظاهر من بعيد
واول ما قرب اكتر شاف رشاد
سليم اول ماشاف رشاد فتح عيونه وكور كف ايده وهو مقهور ونار الدنيا بقلبه لا والمصيبه قاعدين لوحدهم
قرب عندهم وبصلهم باحتقار : ماشاء الله عليك يا فرحه انتي هنا وانا بلف عليكي
فرحه اول ماشافت سليم على طول وقفت من الخوف ..اما رشاد قاعد مرتاح لانه كان يتمنى ان سليم يشوفهم عشان يقهره
رشاد بص لسليم من فوق لتحت وسليم وجهه نفس النظرات لسليم
فرحه وهي تبلع ريقها : امم رشاد لسه يادوب جاي من المستشفى وقلت لازم اسلم عليه بس
سليم بكل جديه وعصبيه : يعني لازم تسلمي عليه لوحدكم
فرحه برتباك وخوف: نوره كانت معانا والله بس راحت تجيب حاجه وراجعه
رشاد وقف مكانه ووجهه كلامه لسليم من غير نفس وبتكبر: وبعدين انت ناسي يا حلو اني مش غريب يعني مش لازم تنقهر وتتعصب قوي كدا
سليم : اكيد مش ناسي يا امور بس كمان ما تنساش انت اني جوزها والي عاوزه هو اللي لازم يتم وانا لازم يكون عندي كلمه امشيها عليها
رشاد : هههه كلمه ايه دي الي تمشيها وبعدين نسيت اني ابن خالها وكنت خطيبها (شاور بالسبابه باستهزاء )) قبل ما تكون انت جوزها
سليم ربع دراعه: كنت ولا ماكنتش المهم انها بقت مراتي واحنا بنهتم بالمستقبل والحاضر مش بالماضي ( وشاور بالسبابه بنفس طريقته معاه) وانت خليك مع الذكريات اظن ده الشئ الوحيد الي باقي لك
فرحه بعصبيه : بس اسكتو شوي
رشاد بص لفرحه : لا لا عادي خاليه يكمل ( ولف لسليم ) وبعدين حبيت اوضح لك واتمنى ما تكونش ناسي اذا هي جسديا واسميا زوجتك بس روحها وقلبها معايا انا
اذا تقدر تدخل قلبها شوف اسم مين في قلبها اسمي ولا اسمك انا بس اللي في قلبها ماحدش غيري
سليم اتعصب جدا وقرب اكتر منه: وانت كنت دخلت قلبها عشان تعرف وتتفلسف
رشاد بكل هدوووء واستهزاء : لان انا وهي قلب واحد يعني اعرف ايه اللي في قلبها ..والدليل على اهتمامها وحبها .. انها جت لحد عندي عشان تسلم عليه واظن ده دليل واضح
سليم هنا متحملش كلامه ومسكه من ياقه قميصه : انت انسان وقح ومش بتتكسف ع دمك..
رشاد مسك ايده : عادي سبتلك الاحترام يا اناني
فرحه بتحاول تبعدهم عن بعض قبل ما الدنيا تولع : ربنا يخليكم بس بس ..كفاااايه كفايه حرام عليكم عذبتوني
دخلت وسطيهم تحاول تبعدهم ..حست مره واحده ان الدنيا ضلمت ومسكت راسها وفجاه
وقعت على الارض واغمى عليها
لو لقيت الناس ظهرت بارت اخر لو لقيت وصائد النساء هتنزل الليله