قلب قاسي
الفصل الثاني
بقلم هويدا زغلول
اسماء
معقول ينهار اسود اي اللي جابه ده
زكريا
هو ده عمك يحيي صح يا اسماء
اسماء
ايوه هو ومعرفش جه ازاي اكيد انهارده هيقلب
نكد ربنا يستر
زكريا
بقولك اي اوعي تخافي خالص وراح يحيي
ومسك الميكروفون
يحيي
مبروك لبنت اخويا اللي هي زي بنتي اللي
مقلتش لعمها علي فرحها عمها اللي المفروض
يكون هو وكيل العروسه وكل ده ليه بقي
علشان كنت عايز اكون واصي عليهم وهما
وأمهم رفضوا
زكريا
خلصت خلصت النمره اللي جاي تعملها اتفضل
بقي برا القاعه
نجوي
انت بتعمل اي يا زكريا ده عمنا اللي مكان
ابونا واللي انت بتعمله ده مينفعش
الام
يحيي لو سمحت تعالي نتكلم برا شويه
يحيي
مش لما نكتب الكتاب البنت الاول ولا
ناويه حد يكون وكيل غيري
الام
لو سمحت تعالي برا عايزك وخرجت هي ويحيي
وراحت ام زكريا لابنها
الام زكريا
ممكن افهم فيه اي بقي واي الفضايح دي
زكريا
ممكن نتكلم بعدين يا امي لو بتحبني ارجوكي
انهارده فرحي ومش عايز نكد
الام
انا دلوقتي نكد عليك ماشي يا زكريا
زكريا
والله انتي اغلي الناس تعالي بس اقولك
وبرا القاعه كانت وافقه ام اسماء ويحيي
يحيي
تبقي عبيطه لو فاكره أن انتي هتقدري تجوزي
بناتك والموضوع هيعدي كده يا عبير
عبير
عايز اي يا يحيي البنات وخالص اتجوزت وهما
اصلا رافضين يتجوزوا عيالك علشان انت عارف
كويس اوي انك عايز تجوزهم طمع
يحيي
لا بلم عرض بنات اخويا الله يرحمه زي ما حاولت
الم عرض امهم بس هي رافضه
عبير
ده بعدك انا اتجوزك انت انت بتحلم وبقولك اي
خالص مبقاش في عيالي الا نجوي
يحيي
لا دي حبيبه عمها ملكيش دعوه بيها
عبير
والله لو اخر يوم في عمري ما فيه بنت
من بناتي هتتجوز عيل من عيالك وبيت
جوزي ده بعدك انك تخدو
يحيي
هوريكي أن هاخد البيت وبناتك كمان مافيش
وحده فيهم هتفضل في بيت جوزها هههههههههههه سلام يا حلوه
عبير
منك لله يا بعيد وحسبي الله ونعم الوكيل
فيك ودخلت تاني القاعه
أم زكريا
بقولك اي يا عبير معلش احنا يوم ما جينا
اتكلمنا علي اسماء قولتي أن ملكيش أهل
عبير
وانا والله ما كدبت عليكي انا فعلا اهلي متوفين
أم وزكريا
بس مقولتيش أن اسماء ليها عم
عبير
انا هقولك كل حاجه بس بعد الفرح وتم الفرح
وروحت اسماء شقتها وامها واخوتها فضلوا
في شقه من شقق زكريا
الام
خدي هنا يا هانم رايحه فين
نجوي
تعبت جدا من الرقص وهموت وانام خير فيه اي
الام
نامت عليكي حيطه عمك جه الفرح ازاي واياك
تكدبي عليا
نجوي
واكدب ليه هو اللي جاب اصاحبي هنا مش قولت
لحضرتك وقولتي خلي اصاحبك يجوا موصلات
عمي طلع جدع وجابهم
الام
انتي ازاي بارده كده بعد اللي عمك بيعملوا
معانا تعملي فينا كده
نجوي
عملت فيكي اي انا عزمت عمي علي الفرح تصبحي علي خير بقي ودخلت
رقيه
معلش يا ماما منها لله علي اللي هي بتعمله
ده ومش فاهمه ازاي هي مديا الامان لعمي
الام
انا لو موت هيكون بسبب البنت دي
رقيه
بعد الشر عليكي بس حلوه اوي شقه اسماء
والشقه دي كمان
الام
ربنا يسعدها ويتمم ليها بخير
وفي شقه اسماء
زكريا
مالك يا قلبي فيكي اي
اسماء
مش فاهمه عمي ليه بيعمل فينا كده كل
ده علشان البيت والله انا امي تعبت اوي بسببه
زكريا
وهو. ده وقته انك تقولي كده يا اسماء
اسماء
انا عايزه اقولك ان المشكله بس مش فيه أنه
عايز ياخد البيت ده كان عايز يجوزنا عياله واحنا
رافضنا ومن يومها بيحاول يعمل لينا مشاكل
زكريا
عايزك تهدي بس وانسي اي حاجه حصلت
وانا اقدر اقف قدام عمك وعياله وعمري ما
فيه حاجه تخليني ابعدك عنك
اسماء
ربنا يخليك ليا يا حبيبي يارب
وفي اوضه سوسن وجوزها سامح
سوسن
شوفت الشقق عامله ازاي مش شقتنا
سامح
اكيد جوز اختك حرامي هيجيب كل ده منين
في سنه ده
سوسن
لا والله طيب خليك حرامي زيه وهات ليا
كل ده
سامح
فضلتي تقولي اشتغل مع عمي هتكسب دهب
اشتغل مع عمي هتبقي اغني الناس ومرتبي
عندو أقل من اللي كنت باخدو في شغلي القديم
سوسن
اشششش وطي صوتك لماما تسمع انك شغال
ما عمي وبعدين انت اللي مش عارف تمشي
علي دماغه
سامح
انتي اللي عارفه تنفذي كلامه يعني قالك
كذه مره تحاولي تخلي امك تبيع
ليه البيت وانتي مش عارفه تعملي ليها
سوسن
مانت شايف دماغها عامله ازاي حاولت كذه
مره بس هي رافضه
سامح
في حل بس مش عارف انتي ممكن توافقي عليه
ولا لا
سوسن
قول يمكن اعرف اعمل كده
سامح
ترفعي قضيه حجر علي امك أنتي وأخواتك
سوسن
شكلك بتتفرج علي أفلام كتير حجر اي وبعدين لو انا وافقت أخواتي هيواققوا
سامح
انا هقولك هنعمل كده ازاي وتاني يوم
الكل طلع شقه اسماء
اسماء
تعالي يا ماما
الام
الف الف مبروك يا حبيبتي ويارب اشوفك دائما
فرحانه ومبسوطه
اسماء
تعالو يا بنات ادخلوا
نجوي
امال فين زكريا
اسماء
بيلبس وجاي
نجوي
تمام اقعدو بقي علشان عايزه اقول ليكم حاجه
الام
اكيد مش هتقولي دلوقتي اختك انهارده صبحيتها
نجوي
اه علشان انا هنزل علي بيت عمي وهعيش
عندو عقبال ما اتجوز ابنه عمر
الام
انتي بتقولي اي حرام عليكي انتي ليه بتعملي
فيا كده انا عملت فيكي اي يا شيخه ارحمني
نجوي
هو انا عملت اي ولا انتي لازم تعملي المسلسل
ده قدام عيالك
رقيه
فيه اي يابت انتي احترمي امك شويه ومينفعش
كده هو انتي اي ملكيش كبير
نجوي
ليا عمي يحيي هو كبيري وانا بسمع
كلامه
اسماء
نجوي انا مش فاهمه انتي ليه كده وكل
فرحه لينا لازم تنكدي علينا
نجوي
هو انتي عايزه اي مش اتجوزتي حبيب العمر
واللي هيعوضك علي اللي فات ولا اي
سوسن
بقولك اي تعالي عايزكي في اليلاكونه
شويه يا نجوي
نجوي
ليه اي كلام يكون بينا هنا احسن قدام الكل
سوسن
قومي بقي بطلي اللي بتعملي ده
ودخلت نجوي وسوسن البلاكونه
نجوي
خير فيه اي
سوسن
انتي ليه بتعملي كده مينفعش تقفي كده
قدام ماما وكل حاجه تتعاملي بالطريقه دي
نجوي
بقولك اي اوعي تكوني فاكره أن مش عارفه
اي حاجه بتحصل أنا عارفه أن جوزك المحترم
شغال عند عمي بس انا مليش دعوه بس
متعمليش فيها الملاك
سوسن
اي انتي بتقولي اي وانتي عرفتي الكلام ده منين
نجوي
ابلعي ريقك يا قلبي انا مش قول لحد حاجه بس
متعمليش فيها الكبيره العاقله
رقيه
يلا يا جماعه علشان مسافرين القاهره دلوقتي
نجوي
بس قبل ما اخد الموافقه
رقيه
دي حياتك يا قلبي اعملي فيها اللي انتي عايزه
عايزه تروحي لعمك روحي واتجوزي اللي انتي
عايزه بس عايز اقولك أن انتي ملكيش
حاجه في الورث
نجوي
نبقي نشوف الكلام ده لما نرجع القاهره وفعلا نزلوا القاهره وكانت الام ساكته خالص واول
لما وصلوا القاهره
نجوي
ايوه هنا لو سمحت انا هنزل ونزلت
الام
برضه راحت عند عمها
رقيه
هترجع يا ماما لما نعمل اللي قولنا عليه
سوسن
مش فاهمه قولته اي وانا مش معاكم ولا اي
رقيه
مش وقته بقي علشان خاطر ماما وراحت نحوي
عند عمها
يحيي
حبيبه عمه تعالي يا روحي
نجوي
انا قولت اللي حضرتك قولت عليه بس أنا مش
هتجوز عمر صح
يحيي
اكيد يا قلبي بس لما ماما عرفت عملت اي
نجوي
عملت فيها مصدومه بس احنا هنعمل اي دلوقتي
يحيي
خدي الدوا ده وارجعي البيت وقولي ليها
انك مش هان عليها تشوفيها زعلانه
والدوا ده حطي منه ليها كل يوم
في العصير
نجوي
وهو الدوا ده فيه اي مش فاهمه
يحيي
متخافيش ده حاجه هتمسح ليها الذاكره
وبعدين انتي هتمضيها علي بيع البيت ليكي
واكيد حبيبه عمه هتكتب البيت لعمها صح
نجوي
اه اه طبعا بس عايزه اسالك سؤال
يحيي
خير يا قلبي قولي اللي انتي عايزه
نجوي
هو انت متاكد ان ماما اللي قتلت بابا فعلا
يتبع