رواية مالكي
الفصل الثاني2
بقلم الاء محمد
ببص لقيته اكتر حد بيحبني ف الدنيا وهو(مراد ابن خالي)وطبعا
علشان انا مهزقه وغاويه تعب رفضته بسبب حبي لمالك كل يوم بتأكد
أن مالك اكبر خدعه ف حياتي وأنه اكتر واحد بياذيني بس مش
قادره ابعد عنه لاني مهزقه
=انا اسفه يا فندم ماخدتش بالي أن حضرتك دخلت
_عادي ولا يهمك اهم حاجه تكوني عرفتي غلطتك
=اكيد يافندم
ماله الولا مراد ده بيتكلم برسميه كده بس عادي انا لو منه اتف عليا
اصلا بعد اللي حصل من ٤سنين المفروض يكون فاهم اني كنت لسه صغيره واخترت مالك ورفضته ورفضت الشغل معاه واخترت بردوا الشغل مع مالك
وزع كل واحد ف مهمه الا انا ياتري شايلي ايه ياابن الخال
_اما بقي الانسه مريم فهتكون السكرتيره بتاعتي
الله يا عبدالله هما مالهم اي حد عايز يشغلني معاه يشغلي سكرتيره يكونش مكتوب علي وشي يعني ولا ايه
_ورايا يا انسه فرح علشان اعرفك طبيعه شغلك
=حاضر
اول أما دخلت المكتب راح واخدني بالحضن وقال_وحشتيني اوي اوي اوي يا مريوم
انا ومراد كنا قريبين ف الفتره اللي مالك سبني فيها كان اخويا وابويا
وحبيبي وكل حاجه الصراحه لحد ما مالك ظهر تاني واخترته وسبت مراد وروحت اشتغلت مع مالك مش بقولكم مهزقه واستاهل كل اللي انا فيه ده
ضميته لحضني انا كمان =وحشتني اكتر بكتير يا مرادي
_ياااه وحشتني الكلمه دي اوي كلك وحشتيني يا مريم والله
بضحك=اتغيرت يا مراد بقيت ضخم يولا فاكر ولا افكرك
قعد يضحك _الله حليم ستار ياست
بهيام معتاد _انتي كمان يا مريم اتغيرتي ملامحك وشكلك كلك اتغيرتي كبرتي يابت
=اربع سنين كفيله أنها تغير اي حد يا موري
_عندك حق والله
كفايه عواطف يلا بينا نشتغل
=يلا يا مستر مراد
_ياولا يا بتاع الرسميات انت
قعدت اضحك
قد ايه مراد جميل ولطيف وخفيف علي القلب كده غير مالك خالص متكبر ومغرورة وعصبي ودايما يغلط ف اي حد محدش بيهمه
مراد عنده ٢٧سنه هتقولولي ف السن ده وعنده شركه هقولكم أننا عيله غنيه جدا جدا فمراد عامل شركته دي اصلا من ٥سنين وماشاء الله اتشهرت وبقت من أهم الشركات ف مصر طبعا مش زي شركه مالك بس مالك وارث الشركه من أبوه مش بدأها من الصفر زي مراد وكده كده هو مش فنفس المجال اوي مالك عقارات ومراد هندسه معماريه ده غير ده
قولت لمراد علي الموقف بتاع الجامعه واني شغاله مديره اعمال مالك وهو قالي اهم حاجه اجي الشغل ف معادي واسرار شغلي متخرجش بره وكده كده هي فتره التدريب وكل حاجه هترجع زي الاول
محترم ومهذب الولا مراد ده
خلصت الشغل ف شركت مراد واللي ظبط فيها مواعيده والاجتماعات اللي وراه وكده كان وقت جميل الصراحه لأني شوفت مراد
ورجعت علي مالك كنت معرفاه اني هبقي ف تدريب الفتره الجايه وأنه يشوف حد يبقي سكرتير بدالي عقبال ما اخلص الشهر ده وكده كده انا كمديره أعماله مظبطاله الدنيا
هي فتره صعبه عليا جدا وبتبقي حاجه محزنه لما متلاقيش حد يشيل معاك الحمل ده
روحت الشركه كل الناس بتحبني هناك لاني عكس مالك ف كل حاجه اي حد عايز حاجه من مالك بيقولي وانا أقوله مع أنه مش بيعملي خاطر يعني بس مع الزن بيوافق
خبط علي مالك
_ادخل
=اذيك يا بشمهندس مالك انا جيت يافندم
_اهلا يا هانم كل ده تأخير
بتنهيده=ما انا معرفه حضرتك اني رايحه تدريب ف شركه المراد وانت قولتلي روحي
_اه فكرتيني انا اتصلت بدكتور الجامعه بتاعك وقولتله يغيرلك مكان التدريب بتاعك لهنا
بعصبيه =وانت مين اذن ليك انك تعمل كده
بصوت عالي وحده وجه وقف قصادي _وطي صوتك يا بت انتي انتي نسيتي نفسك ولا ايه مبقاش غير العيال اللي تعلي صوتها علينا،دي اول حاجه ثانيا انا عرفت أن الشركه دي بتاعت مراد وانا مش عايزك تشتغلي معاه وده اخر الكلام
=انا اتكلم براحتي يا مالك انا زي زيك ف الشركه دي ولو كنت فاكرني السكرتيره بتاعتك بجد
افتكر انا ابقي مين انا مريم المالكي لو نسيت دي اول حاجه ثانيا بقي انا حره اشتغل مع اللي يريحني
هوب لقيت قلم نزل علي وشي انا اتصدمت للدرجه دي انا اتقلت قمتي
بتوعد_كلمه تاني زياده وهتشوفي وشي التاني يا يا مريم المالكي
بقهر=انا خلاص تعبت منك وقرفت طول عمري معاك وجنبك وف ضهرك وانت كل اللي بتقدمهولي زعيق وإهانه انا خلاص قرفت منك ومش عايزه اشوف وشك تاني من بكره انا وماما هنروح نعيش ف حته تانيه انت اكبر خدعه انا اتخدعتها انت قدري الاسود يا مالك مش عايزه اشوفك تاني اطلع بره حياتي بقي
وسبته وخرجت وانا منهاره ومش شايفه قدامي
روحت البيت وانا خلاص علي أخري عايزه حد يشيل من عليا الحمل ده انا تعبت اوي اوي
روحت لقيت ماما موجوده الحمدلله انها موجوده روحت وانا منهاره اترميت ف حضنها وقولت بعياط وانهيار=يلا نمشي يا ماما من هنا انا مش عايزه اعيش هنا مش عايزه اشوف مالك
بجفاف-ايه اللي حصل
بعياط=ضربني يا ماما انا خلاص تعبت من العيشه دي
بجفاف اكتر -ده ابن عمك يعني يعمل اللي هو عايزه وبعدين عيشه ايه هو اللي عايش عيشتك يتعب لبس وفلوس وعربيات وتقولي تعبت قومي قومي وبطلي هبل وحلي عني علشان ورايا معاد
زقتني وقامت =ماما انتي لو ممشتيش معايا مش هتشوفي وشي تاني
-ههههههه براحتك ياماما بس اوعدك لو عتبتي بره البيت ده مش
هتخدي حاجه من اللي معاكي دي ولا عربيه ولا فلوس ولا حتي مكان تقعدي فيه إكرام مني بس هسبلك هدومك
انا مش مصدقه نفسي بجد دي ام دي انا بحلم ولا ايه
انا عارفه اني مش أهمها ف حاجه بس مش للدرجادي يعني
انا مصدومه بجد دي امي دي
قولت بكل قسوه وقوه