رواية مالكي
الفصل الثابث3
بقلم الاء محمد
قولت بكل قسوه وقوه=وانا مش عاوزه منكوا حاجه انتوا متستهلوش حبي ليكوا طول عمري وانتي كل اللي همك الفلوس وبس
كرهتيني فيكي بدل ما تبقي اهم واكتر حد بحبه انا بكرهكوا كلكوا ومش عايزه اشوفكوا تاني انتوا اكبر عقده ف حياتي بكرهكوا بكرهكوا انهرت بعد اخر كلمه وصعبت عليا نفسي اووووي
وكان ردها اسوء مما تخيلت انا قولت يمكن تحن لما اقول لها الكلام ده بس الحقيقه اني لسه عندي امل اتجاههم
_خلصتي الدراما دي يلا بقي قومي لمي هدومك ومش عايزه اشوف وشك ف القصر فاهمه
طلعت بهدوء وانا ف كميه هدوء رهيبه لميت خدوني وحاجتي وسبت ليهم الكريدت بتاعتي حتي لو ده حقي بس انا خلاص مش عايزه منهم اي حاجه
طلعت بره البيت وانا مش عارفه اروح ف انهي حته معنديش حد اروحله روحت علي البحر اه ما انا من اسكندريه صحيح
مكاني المفضل قعدت اعيط بانهيار كتيير اوي لحد ما الشمس بدأت تغيم لقيت حد قعد جنبي وحط أيده علي كتفي لسه هشتمه
لقيته مراد اول أما شوفته تبت فيه وقعدت اعيط علي أخري ف حضنه مصدقت لقيت حد اعرفه وهو قعد يطبطب عليا ويهديني بجد لطيف وجميل وحنين الولا مراد ده عسلللل
_احكيلي بقي ف ايه لكل ده
=حكيتله اللي حصل
_ولا يهمك انا معاكي وف ضهرك اوعي تحسي انك لوحدك انا معاكي دايما يا مريوم
بشحتفه=ربنا يخليك يامراد تسلم
_يلا تعالي معايا
=علي فين
_يلا هتعرفي لما نوصل
اخدني ف بيته هو عباره عن دورين الدور اللي فوق الاوض واللي تحت المعيشه والمطبخ والحمام بيت جميل ورقيق ودافئ بيت مريح للأعصاب بجد
_عجبك البيت
=اوي اوي يامراد
_انا عارف أنه ميجيش حاجه ف القصر بتاعكوا
=تصدق أنه احلي واجمل من بتنا مليون مره
_اصدق ،اصل مش لازم علشان انا مقتدر والدنيا حلوه معايا اني اتفشخر ربنا بيحب التواضع والوسط ف كل حاجه
=عندك حق
_بصي بقي ياستي انتي هتعيشي معايا هنا ف البيت وهتشتغلي كمان معايا ف الشركه وخلص الكلام
=مش هينفع اعيش معاك يامراد
_متخافيش انتي اختي والبيت بيتك وكده كده انا باجي علي بليل فمش هدايقك ف حاجه ويلا بقي اطلعي ظبطي اوضتك انا اوضتي اللي علي اليمين دي
=ربنا يخليك ليا يا مراد
ضحكلي وسبني ومشي
مش عارفه اتدايقت ليه لما قالي اني أخته انا مش أخته انا الاه
مراد عايش لواحده لأن مامته ماتت هو وخالو وهو وحيد أبوه وأمه بس
******************
مرت الايام وانا عايشه مع مراد وكانت احلي ايام بشتغل معاه يصحي اجهز الفطار وبعدين بننزل الصبح مع بعض برجع علي الساعه ٣كده وهو بيبقي لسه وراه مشاوير اكون انا جهزت الغدا وحطيته علي السفره يكون هو جه وغير هدومه ونزل ناكل بهدوء وف جو هادئ ومريح وسط ضحكنا وهزارنا اتعودت علي وجود مراد ف حياتي هو بقي محور حياتي اصلا اتسرسب جوا قلبي من غير ما احس هو الطف حد قابلته ندمانه اني ممسكتش فيه من الاول حياتي بقت زي المتجوزين بس من غير جواز
_مريوم
=نعم يا مارد
_يخربيت الاسم ده انا مش بحبه
بدلع ممزوج بهزار=بس انا بحبه
_كح كح خلاص براحتك ياعم
بقولك صحيح هو فين القميص الاسود
=لييه
بضحك_ورايا ميتنج يا مريوم ف ايه
=البس اي قميص تاني ده بتبقي فيه حلو والبنات بتعاكسك
_بتغير ياجميل
=ابدا اطلاقا انا بس علشان الفتنه يامارد مش اكتر
_انتي هتقوليلي
حياتنا مريحه هادئه عكس حياتي مع مالك علاقه توكسيك اخر حاجه وانا قاعده دايما افضل اقارن بين مالك ومراد انا ايه اللي يخليني استحمل مالك كل ده ده عقدني ياجدع من جميع الاتجاهات
عكس مراد اللي عاوز يريحني من جميع الاتجاهات
********
_يلا يا مريوم هاتي الفشار
=حاضر اهو حضر انت الفلم بس
_جبته اهو يلا بقي
=انا جييييت
_اخيراااا يلا انا شغلت كينج كونج اللي انتي بتحبيه
=يسلملي قلبك يارب
قعدنا نتفرج لحد اما جت الحته اللي بيموت فيها الغوريلا وهي بتعيط عليه وانا منهاره علي أخري ببص لقيته هو كمان بيعيط
قد ايه طيب وحنين ومش بيتكسف أنه يبين ضعفه بالعكس بيعيط لان طبيعي أن أي إنسان يبقي ليه نقطه ضعف مش يقول انا راجل مينفعش اعيط شخص سوي وجميل ولطيف معايا رغم اللي عملته فيه الصراحه هو لطيف دايما
**********
كنت قاعده ف جنينه البيت الصغيره اوي بس اهدي وانقي مكان وبسمع ام كلثوم
🎶وقابلتك انت لقيتك بتغير كل حياتي معرفش ازاي حبيتك معرفش ازاي يا حياتي ،من همسه حب لقتني بحب لقتني بحب ودوب ف الحب 🎶
الله عليكي ياست وعلي كلامك علاقتي بمراد تشبه الاغنيه دي هو فعلا
غيرلي حياتي للاحسن وانتشلني من العلاقات السامه اللي كانت حوليه وانا كنت عامله نفسي مش واخده بالي
لقيته دخل وقعد قدامي وقال_ياروقانك ياست
=راحه يا مراد اول مره في حياتي احس بالراحه دي وانت السبب فيها علي فكره
_انتي حاجه غاليه اوي يامريم ف حياتي تكادي تكوني اغلي ما املك انتي اهم وانقي ما ف حياتي يا مريوم
=مراد انا عايزه اقولك اني ب
لقيت الباب بيرن قمنا نفتح البيت بنفتح لقيت