رواية مازلت انتظر
الفصل الثاني
بقلم نوره احمد
- زين استني!
= نعم
- هوا في اية انت هتفضل تتهرب مني
زين ببرود = انا؟ مش بتهرب هتهرب ليه
اتحرك عشان يمشي
عيوني دمعت - انت ليه بعدت عني طب انا دايقتك!؟
وقفت ومسكت نفسي واتكلمت من غير ما ابص فى عينيها عشان مضعفش.!
= لاء معملتيش انا مخنوق شوية
- انت عمرك ما خبيت عني حاجه اية الي مزعلك طيب
= مفيش
- لاء هتقولي
= قولتلك مفيش !
لفيت وبصيت في عينه الي بيهرب بيها مني- كداب يا زين انت فيك اي
= ليلي لو سمحتي كفايه كلام
سابني ونزل قعدت على الارض وفضلت اعيط زي ما يكون الي سابني امي حسيت بتوه وحسيت اني خايفه مكنتش عارفه ابطل عياط لحد ما حسيت بأيده وكان بيقومني
مسك دموعي - انا اسف مكنش قصدي ازعق
فضلت باصه للارض وبعيط
- والله العظيم انا حمار ومش هبعد عنك تاني بطلي عياط عشان خاطري بقي
بصتله وعيوني مليانه دموع - انا معملتش حاجه
= يلهوي لاء خلاص والله انا عيل صغير بلاش البصه ام دمعه دي يا ليلي بتجبني الارض
ضحكت - طب انا بجد زعلتك
حاولت ابين ابتسامه = لاء يا عبيطه انا مش بزعل منك اصلا يابت انتي؟
- يا شيخ
= اه
- طب صالحني واوعدني تفضل معايا وعلى قلبي كدا وترخم عليا
= حاضر حقك عليا ياستي واوعدك هحافظ على وجودي على قد ما اقدر..
يومها نزلنا وكنت فرحانه اوي انه خلاص رجع او كنت فاكره انه رجع بقي يكلمني بالعافيه كأني غاصبه عليه يكلمني و دا كان تاعبني جدا وخت جمب لاني حسيت اني تقيلة اوي عليه بس القدر كان مصمم يخليني احتاجه..!!
- في اية مالها !!
- معرفش يابني قافلة على نفسها وعماله تعيط وجيت اخبط زعقت
- زين اتصرف ادخلها بالعافيه!
كان كلام ماما وخالتو قلقني فا نزلت وخبطت عليها ومرضتش تفتح - ليلي ؟
- ممكن تفتحي طب محدش هنا جمبي
- ليلي؟
للحظه الخوف اتملك مني وحسيت ان فيها حاجه كسرت الباب فورا و لقتها واقعه على الارض ساعتها بس حسيت بشلل جريت وحاولت افوقها لازم تفوق معايا.!
قفلت الباب قبل ما حد يشوفها ويتخضوا وفتحت دولابها وجبت برفيوم وحاولت افوقها كل ثانيه بتعدي قلبي كان بيتعصر عليها لحد ما خدت نفس كبير وقامت مخضوضه
- ليلي انتي كويسة اهدي !
مسكت ايديها وهي بتحاول تبعد
- بس يا ليلي دا انا اهدي في اييييه!!
كأن صوتي العالي خضها اكتر بعدت وانكمشت في ركن سمعت صوت خالتو وامي جاين..
-