رواية المنتقبه وبيت المنشاوي الفضل الرابع عشر14 بقلم هويدا زغلول

رواية المنتقبه وبيت المنشاوي الفضل الرابع عشر14 بقلم هويدا زغلول

في الوقت ده دخل جاسر ومروان بص بصدمه وقال 

جاسر 

كده برده يا صاحبي مش عاوز تقابلني اخص عليك دي ما كانتش عشره عمر ولا كانت صحوبيه بنا واكلنا عيش وملح مع بعض 

مروان بفرحه 

معقوله جاسر يا حبيبي وحشتني قوي انت ايه اللي اعرفك بيا دلوقتي وايه اللي فكرك بيا يا نهار ابيض دى  الدنيا صغيره قوي 

جاسر بص على جميله وقال 

جاسر 

مش تعرفنا اختك ولا صاحبتك 

مروان بضحك 

لا يا صاحبي دي جميله مراتي ومش بس كده دي كمان شركتى في الشركه والمديره هنا

جاسر 

يا ما شاء الله انت كمان اتجوزت لا لا ده انت كده بقى غلطان طب مش تفتكر صاحبك وتعزمني 

مروان 

حقك عليا يا جاسر انا عارف ان انا نسيت كل حاجه بس فعلا الدنيا مشاغل امال لما تشوف المنشاوي الصغير ابني بقى هتقول ايه 

جاسر 

مش هقول اي حاجه كل اللي هقوله ان انا زعلان منك معقوله المنشاوي الصغير يجي وانا ما اشوفوش يا نهار ابيض 

جميله 

انا فرحانه قوي يا مروان ان انت فرحت وضحكت من قلبك يا حبيبي ده انت بقالك يومين زعلان ومتنكد اهلا بيك يا استاذ جاسر تيجي تنورنا في الفيلا وتشوف منشاوي الصغير براحتك 

جاسر 

ان شاء الله يا مدام جميله فرصه سعيده ان انا اتشرفت بحضرتك ممكن يا مروان كلمتين على انفراد موضوع مهم جدا 

مروان 

ما تخافش يا جاسر جميله عارفه كل حاجه في شغلي ده غير ان هي كاتمه اسراري اتكلم براحتك 

جاسر 

ما شاء الله فرحتني يا مروان بعلاقتك بمراتك قد ايه انت بتحترمها وبتقدرها وهي فعلا شكلها بنت ناس محترمين ربنا يسعدك يا رب 

هو فعلا جاسر وجميله ومروان قعدوا وجاسر قال 

جاسر 

كل الحكايه يا صاحبي ان ادهم صاحبنا جهه علشان يشاركنا واداني صفقه غاليه جدا ومهمه جدا وهو مسميها صفقه المليار وقال لي ان انت اديتها له وقلت ان انت مش عايزها وهو كان عايز يشاركني معقوله يا مروان ترمي صفقه زي دي 

مروان بصدمه 

كداب يا جاسر انا ما عملتش كده ادهم هو اللي سلط ناس يسرقوا الصفقه من شركتي ومن فيلتي كمان انا بقى لي يومين متنكد علشان صفقتي اتسرقت مني 

جميله 

من كلام حضرتك يا استاذ جاسر ان الصفقه معاك ولا احنا فاهمين غلط 

جاسر 

ايوه صح يا مدام جميله ايه الصفقه معايا وادهم مستنينى من بكره نبدا فيها شغل وطبعا انت عارف لو السوق كله عارف ان الصفقه اخذتها انا وادهم انت ايه اللي هيحصل بشركاتك يا مروان كلها هتقع وانا ما رضاش حاجه زي كده

مروان 

انت فعلا انسان محترم جدا يا جاسر كنت صاحب جدع ولحد دلوقتي صاحب جدع لكن ادهم من يوم وهو غيور وخاين وما بيامنش لحد ولا حد بيامن له طب وانت ردك ايه يا صاحبي انا مش هضغط عليك 

جاسر 

بصراحه يا مروان انا لازم امسك العصايه من النص علشان شركتي ما تقعش ما انت عارف ادهم شركته اكبر من شركتي وممكن يضيع الدنيا كلها في ثانيه 

جميله 

بس انا مش مطمنه ازاي ادهم ساب لك الصفقه ومشي كده بكل سهوله انا متاكده ان مش هي دي الصفقه بتاعه مروان وادهم متاكد ان انت هتوصل لمروان الكلام ده ولا حاسه ان ادهم دلوقتي بيشتغل في الصفقه

مروان 

معقوله الكلام ده يا مدام جميله على العموم انا جايب ورق الصفقه معايا خدي يا مروان اطمن هي دي صفقتك ولا لا 

مروان شاف الصفقه وقال بصدمه 

مروان 

للاسف يا جميله كلامك كله صح ادهم بيعطلني انا ومروان علشان يشتغل هو في الصفقه واكيد بكره الصفقه اكون في كل مكان وانا كده شركتي كلها وقعت 

جاسر بصدمه 

متاسف جدا يا مروان صدقني كان نفسي اساعدك بس معقوله ادهم لسه واطي وندل زي ما هو وما تغيرش ابدا 

مروان 

اللي فيه طبع عمره ما بيتغير يا جاسر بس دلوقتي هنعمل ايه انا مش مطمن خالص ومش متفائل خير

جميله 

اهدى يا مروان اهدى يا حبيبي عشان خاطري ان شاء الله خير رب الخير لا ياتي الا بالخير ثق في ربنا 

مروان 

ونعم بالله يا جميله 

جاسر 

بس ما شاء الله انا كده اطمنت عليك وعلى حياتك ان انت معاك زوجه صالحه زي دي ما تخافش بدل الواحد معاه زوجه صالحه ما يخافش من الدنيا ابدا 

مروان 

يا رب يا جاسر ان شاء الله خير 

جاسر 

على العموم انا همشي دلوقتي ولو في اي جديد طمني يا مروان وانا مش هسيبك يا صاحبي

مروان 

وده العشم يا جاسر انا عارف ان انت من زمان بتحبني وانت انسان محترم وعمرك ما تغدر بي ابدا وان شاء الله هيكون بينا شغل جديد بيني وبينك يا صاحبي 

وبعديها جاسر مشي ومروان روح البيت هو وجميله وكان محتار مش عارف يعمل ايه لكن سمع كلام جميله وسابها لربنا وان شاء الله هتتحل 

اما عند ادهم كان قاعد عمال يضحك في مكتبه ومبسوط وبيقول في نفسه 

ادهم 

كده انا رميت الطعم لمروان لاني متاكد وعارف ان جاسر هيجري ويعرفوا كل حاجه وانا بقى هسيبهم يلفوا حوالين نفسهم وبكره خبر ينزل في كل مكان على صفقتي الجديده صفقه المليار

وبعديها ادهم كلم منافس مروان علشان يدي له الصفقه الجديده هو يشاركوا وقال له 

ادهم 

كمال باشا بكره هنتشارك على اجمل صفقه صفقه المليون صفقه حفيد المنشاوي قلت ايه معايا 

كمال 

يا نهار ابيض لو الكلام ده صح يبقى انت كده بقيت احسن شركه في الدنيا وهكبرك يا ادهم بس فعلا تكون على قد كلامك 

ادهم 

عيب يا باشا الكلام ده انا مش صغير وعارف انا بقول ايه بكره نتفق انا وانت 

كمال 

تمام يا ادهم وانا معاك في كل حاجه ومستنيك ايدي بايديك ندمر المنشاوي وحفيده ونكسب احنا السوق 

ادهم 

ايوه كده هو ده الكلام ياما نفسي ادور على واحد نفس لوني ونفس تفكيري وفعلا لقيته 

كمال 

ان شاء الله هيكون في بيننا شغل كويس جدا بدل احنا فاهمين بعض كده يا ادهم بكره هتكون عندي بالصفقه علشان تتم ونكسر المنشاوي 

ادهم بضحك 

هههههههه لا يا كمال باشا ايه الكلام ده زمان انت اللي بكره هتجيلي ادهم الصغير كبر خلاص وفرصتي جات لحد عندي ما ينفعش اسيبها 

كمال بضحك 

هههههههه حقك يا ادهم ما هو صحيح ما انت معاك صفقه المليار وانا موافق بكره هاجي لحد عندك نشرب القهوه مع بعض ونتفق مع السلامه 

وادهم كان قاعد على مكتب سرحان وفرحان وعمال يفكر في بكره ايه اللي هيحصل لمروان والمنشاوي لما يصطدموا يعرفوا ان صفقه المليار بقت مع ادهم وادهم يبقى مليونير 

وفي الوقت ده دخل عليه حمزه وقال له 

حمزه

في ايه يا ادهم باشا انت نسيتني ولا ايه وكمان منبه على السكرتير ما يدخلنيش عندك ليه كده ده انا كنت ذراعك اليمين 

ادهم بعصبيه 

انت ايه اللي جابك هنا يا حمزه بقول لك ايه انا مش ناقص مشاكل انت اللي غبي واكتشفت واكيد وشك جاي في الكاميرا عند مروان يعني انت هتجيب لي مشاكل اتفضل امشي من هنا وما شوفش وشك ثاني 

حمزه 

يا ادهم باشا عشان خاطري بلاش تستغنى عن ه عشان خاطر امي التعبانه انا كنت تحت ايديك وخدامك وبعمل كل اللي انت عاوزه ليه استغنيت عني بالسهوله دي 

ادهم بزعيق 

ما تتكلمي عدل يا حمزه هو انت كنت خطيبتي وانا ما اعرفش هو ايه اللي استغنيت عني ما انت اللي غبي وخلاص متشكرين مش عاوزك ثاني واطلع بره علشان لو ما مشيتش هخلي الامن يطلعك بره 

حمزه 

هي وصلت لكده يا باشا تخلي الامن يطلعوني بره كثر الف خيرك لحد كده 

وكان ادهم قاعد وورق الصفقه بتاع مروان على المكتب عمال يدرسوا وفي الوقت ده جاء له تليفون وادهم قال 

ادهم 

اطلع بره يا حمزه انا جالي التليفون مهم جدا هروح ارد على التليفون اجي ملقاكش علشان ما اطلبش البوليس سامع ولا لا

حمزه 

حاضر يا ادهم باشا انا ماشي تحت امرك وكثر الف خيرك على كده 

وبعديها ادهم قام وبعد عن المكتب علشان يرد على المكالمه المهمه وحمزه راح وخد ورق الصفقه كله وهرب اما ادهم بعد ما خلص مكالمه رجع وبص على المكتب ما لقاش ورق الصفقه وقال بزعيق 

ادهم 

يخرب بيتك يا ادهم حته عيل هلفوت ملهوش لازمه ضحك عليك يا نهار اسود اكيد حمزه هينتقم دلوقتي  انا لازم اكلمك واضحك عليه بكلمتين يمكن يرجع 

وفعلا ادهم حاول يكلم حمزه ورد عليه في التليفون وقال 

ادهم 

انت فين يا حمزه  ارجع لمخك وعقلك ورجع ورق الصفقه اللي انت اخذته من على المكتب بتاعي يا حمزه 

حمزه بضحك 

هههههههه معلش يا باشا ما هي الدنيا كده يوم ليك ويوم عليك ولما انت اخذت اليوم بتاعك جيت علينا كلنا ودص برجليك دلوقتي جه يومي وانا مش هسيب فرصتي تضيع مني ابدا 

ادهم 

طب انت رايح فين دلوقتي ارجع وهديك الفلوس اللي انت عاوزها عشان خاطر علاج امك اعقل يا حمزه وبلاش تتهور الصفقه دي مهمه جدا عندي هديك فيها مليون جنيه 

حمزه 

ومين قال لك ان انا عاوز فلوس يا باشا انا عاوز اذلك زي ما انت ذليتني وبقول لك ايه هقول لك كلمتك المفضله ما تتصلش على الرقم ده ثاني سلام 

وبعديها حمزه قفل السكه وراح على فيله مروان وطلب ان هو يقابله واول ما سعديه شافته مسكت فيه وقالت له

سعديه 

تعال هنا يا حرامي انا مش هسيبك يا مروان بيه يا جميله هانم الحقوني انا مسكت الحرامي ومش هسيبه تعالوا بسرعه 

حمزه 

اعقلي يا سعديه انا مش حرامي انا جايه اصلح اللي انا عملته ما يصحش كده سيبي هدومي عيب اللي انت بتعمليه ده

سعديه 

واللي انت عملته كان صح يا اخويا ده انت كنت هتخلص عليا انا مش هسيبك ده انا هجيب حقي منك 

وفي الوقت ده نزل مروان وجميله واول ما شافوا سعديه ماسكه في حمزه قال 

مروان

بس يا سعديه ايه اللي حصل هو انت مين انت حمزه اللي دخلت سرقت الورق من مكتبي ايه اللي جابك هنا اكيد ادهم زقك عليا عاوزين ايه ثاني بس انا مش هسيبكم 

حمزه 

ايه ده يا باشا واسمع مني كلمتين وريح نفسك انا جاي اعمل الصح وجاي ارجع الحاجه اللي انا خدتها اتفضل الورق بتاع الصفكه بتاعتك اهو انا ادهم بيه غدر بيا وانا غدرت بيه وهو ده حقك يا باشا وحاجتك رجعت لك لحد عندك

مروان خد ورق الصفقه وفعلا اتاكد ان هي دي الصفقه اللي بيدور عليها وقال 

مروان 

وايه اللي صح ضميرك كده قوي ولا علشان ادهم غدر بيك وحسيت بخيانته 

حمزه 

فعلا يا باشا هو غدر بيه وضحك عليا وهو ده رد الغدر بالغدر ودلوقتي انا رجعت لك حاجتك يا باشا وانا كده في السليم تؤمرني بحاجه ثانيه 

مروان 

لا يا حمزه مش عاوز اي حاجه ثانيه كل اللي انا عاوزه ان انت تستخبى علشان ادهم مش هيسيبك في حالك اكيد بيدور عليك دلوقتي وقالب الدنيا عليك 

حمزه 

لا يا باشا ما بقتش فارقه خلاص اهم حاجه دلوقتي ان انا رجعت كل حاجه لصاحبها وانا كده مرتاحه البال يا باشا 

سماح 

والنبي عندك حق يا بنت يا سعديه تحبيه ده الواد طول بعرض يا اختي حلوه على جمال امك يا واد 

حمزه 

وحقك عليا يا سعديه ان انا استغليتك علشان اعرف اوصل لورق الصفقه ما تزعليش مني وانا اسف ليكم كلكم عن اذنكم 

مروان 

مع السلامه يا حمزه وخلي بالك من نفسك 

وبعديها حمزه مشي والمنشاوي قال 

المنشاوي 

شفت يا مروان مش قلت لك هتتحل الحمد لله يا حبيبي 

جميله 

انت طيب يا مروان وانا كنت متاكده ان ربنا هينجدك من الازمه دي الف مبروك يا حبيبي على الصفقه الجديده صفقه المليار 

مروان 

انا فعلا لازم اعمل اول خطوه صح وهي انت اكيد عارفاها يا جميله 

جميله 

طبعا عارفاها ده انا شايفاها في عيونك من زمان 

مروان 

تمام وبكره الصبح اول ما هصحى من النوم انا هعمل الصح اللي المفروض كان يحصل من زمان 

هو فعلا تاني يوم مروان صحي من النوم وحضر نفسه وراحه على شركه جاسر صاحبي واول ما دخل مكتبه قال 

مروان 

صباح الفل يا صاحبي مستعد صفقه المليار تتم ونعملها انا وانت 

جاسر 

يا نهار ابيض ايه السباحه اللي زي الفل ده يا صباح الورد على عيونك طبعا موافق ده حاجه تشرفني يا مروان 

مروان 

انا مش هلاقي احسن منك ولا اجدع منك يا جاسر انت فعلا انسان محترم وكفايه ان انت اول ما حسيت ان شركتي هتتهز جيت لي على طول علشان تنبهني 

جاسر 

انا ما عملتش حاجه يا مروان انا كان نفسي اساعدك بس فعلا ما قدرتش اقف قصاد ادهم انت عارف قد ايه هو شرير وحش 

مروان 

قوم يا جاسر ايدك بايديا والنهارده هتتم اجمل صفقه صفقه المليار يلا بينا 

وفعلا ادهم دخل عليهم المكتب ومروان وجاسر كانوا حاطين ايديهم في ايد بعض وبيتحدوا علشان الصفقه الجديده واول ما شافهم ادهم قال 

ادهم 

كده برده يا مروان عملت اللي في دماغك وعملت اللي انت عاوزه وفي الاخر هتعمل صفقه المليار لوحدك انا كنت متاكد وعادي ان انت في يوم من الايام هتوصل بس ما كانش في بالي انك هتوصل للمرحله الكبيره دي ابدا 

مروان 

من يومك وانت بتغير مني يا ادهم ما اعرفش ليه وعشان ايه المهم دلوقتي ان انت ما بقاش ليك مكان بينا بسبب غلك وحقدك علينا 

جاسر 

يا ادهم لازم تحب الناس اللي حواليك شويه ما ينفعش تكرهنا بالطريقه دي احنا ما عملنالكش حاجه ولازم تحط ايديك في ايد الناس اللي بتحبك مش تخونهم وتسرقهم 

ادهم 

يا سلام يا سلام دلوقتي بقيتوا انتوا الاثنين افاضل وما فيش زيكم وانا الشرير الحقود على العموم انت لو فاكرني ان انا هسكت لحد كده تبقوا غلطانين انا هفضل وراكم لحد ما اهد شركاتكم وخليها ما لهاش وجود ابدا وشركه الادهم هي اللي تبقى فوق جدا 

مروان 

اللي انت عاوز تعمله اعمله مهما عملته مهما لفيت مش هتاخد غير نصيبك وانت للاسف ما بترضاش بنصيبك على العموم انا عايز تجيب كرسي وتقعد تتفرج على صفقه المليون لما تتم لشركه جاسر وشركتي يا ادهم 

جاسر 

وده شرف ليا يا مروان ان انت تفكر فيا ربنا يخليك يا صاحبي وان شاء الله تكون فاتحه خير علينا 

ادهم 

حلو قوي الكلام ده ودلوقتي ادهم ما بقاش لي وجود بينكم بس انا برده عندي كلمتي ههدكم يا مروان ههدكم يا جاسر مش هسيبكم ابدا 

وبعديها راحه على شركته وكان قاعد في مكتبه هيتجنن معقوله ده كان كلها كم ساعه وهو هيكون صاحب صفقه المليار دلوقتي هو خسر كل حاجه 

اما في البيت عند عزمي وسمر صحيت من النوم على كابوس ان كريم بيخلص عليها وكانت بتصرخ وبتقول 

سمر 

لا يا كريم لا يا كريم الله يخليك انا ما عملت لكش حاجه سيبني وما تظلمش ابني 

عزمي 

اصحي يا سمر اصحي يا حبيبتي ده كابوس انت بتحلمي كريم مش موجود ابدا معقوله يا سمر كل يوم على الكابوس ده هتعيشي امتى حياتك هترتاحي امتى يا حبيبتي 

سمر 

بين كده يا عزمي مش مكتوب عليا الراحه ابدا انا خايفه على ابني قوي وحاسه ان هو ماذي معلش يا حبيبي انا لازم البس واروح اطمن عليه في الفيلا عشان من امبارح ما حدش فيهم بيرد عليا في التليفون 

عزمي 

ما فيش مشكله يا حبيبتي قومي يلا جهزي نفسك وانا هوديكي وبعد كده هروح على المستشفى قضي اليوم معاهم النهارده وانا متاكد ان هم بخير ما تقلقيش 

وبعديها عزمي وصل سمر لحد الفيلا وراحه على المستشفى واول ما داخله السمر الفيلا سماح قالت لها 

سماح 

بنت يا سمر غضبانه ولا ايه نهارك اسود هو زعلك هو ضربك هو غلط فيك ده انا هوديه في 60 داهيه  يلا بينا نطلع على محكمه الاسره

جميله 

في ايه يا حماتي طمنيني عليك مالك مخضوطه كده ليه عم عزمي مزعلك ولا ايه 

سمر 

يا حبايبي انا كويسه ما فيش حاجه انتم من امبارح ما بتردوش عليا وقلت قوي عليكم والنهارده حلمت بكابوس وحشه طمنوني مروان كويس 

جميله 

يا سبحان الله قلب الام وبيحس مروان دلوقتي بقى كويس لكن امبارح ما كانش كويس خالص يا حماتي بس احنا ما كناش عاوزين نعرفك علشان ما تضايقيش 

سماح 

يا سلام يا سلام بقيتش امي وبتحس بابنك يا بنتي يا سمر طمنيني يا بنت عامله ايه انت وعزمى 

سمر 

انا كويسه الحمد لله طمنوني يعني مروان دلوقتي بقى كويس والمنشاوي الصغير عامل ايه والمنشاوي الكبير وصبري انتم كلكم وحشيني قوي يا جماعه 

جميله 

وانت كمان وحشتيني قوي يا حماتي والبيت وحش قوي من غيرك 

سماح 

بنت يا سمر انت مش هتمشي النهارده اقعدي عشان اعمل لك الاكله اللي انت بتحبيها ونتغدى مع بعض 

سمر 

اه طبعا موافقه انا جايه اقضي معاكوا اليوم انتم كمان واحشيني قوي واحشني القعده والهزار معاكم 

وفعلا سمر قعدت معاهم وقضت اليوم وكان يوم جميل جدا

اما تاني يوم الصبح كان الخبر مالي كل مكان ان صفقه المليار تمت على خير ما بين مروان وشريكه وجاسر وبقوا الاثنين اشهر شركتين في السوق 

واول ما جاسر شايف الخبر ده كلم مروان في التليفون وقال 

جاسر 

متشكر جدا يا صاحبي انا مش عارف اشكرك ازاي انا كنت خلاص على وشك ان انا افلس واقفل شركتي وكنت متاكد ان انا مش هعرف اشتغل وابقى مشهور ما بين الشركات الكبيره دي 

مروان

ما تقولش كده يا جاسر دي اقل حاجه اقدمها ليك على امانتك واهتمامك بيا يا حبيبي وان شاء الله من  النهارده شركتك هتكون من اشهر الشركات

جاسر 

فعلا يا صاحبي انت كنت عند وعدك وقد كان شركتي بقت من اشهر الشركات ومش ملاحق على الشغل اللي جالها 

مروان 

وان شاء الله يا حبيبي مش هتكون اخر شغل بينا ولا هتكون اخر صفقه بينا 

وبعديها مروان قفل السكه مع جاسر واول ما ادهم شاف الخبر ده اتجنن وقال في نفسه 

ادهم 

وبعدين ده انا كده رحت في 60 داهيه اكيد كمان مش هيسكت يمكن هيفكر ان انا كنت بلعب بيه وكمان ما بيهزرش وما يعرفش هزار في الشغل 

انا لازم امشي من هنا واسيب الشركه علشان كمان ما يعرفش يوصل لي انا لازم اؤمن نفسي

وبعديها ادهم كان بيلم حاجته علشان يمشي من الشركه لمده كم يوم لحد ما الموضوع يهدى شويه لقى كمال داخل من باب المكتب وقال 

كمال 

يا سلام يا سلام بتهرب ورايح على فين يا محترم هو انت فاكر نفسك من دوري عشان تهزر معايا ده انا هوديك ورا الشمس يا ادهم 

ادهم 

اهدى بس يا كمال باشا انت فاهم غلط صدقني الصفقه كانت معايا بس السكرتير بتاعي غدر بيا ووداها لمروان طب اعمل ايه 

كمال

بدل انت خايب ومش عارف تشغل ناس محترمين معاك يبقى ما كنتش رفعت السماعه عليا وكلمتني على الصفقه ده انا على اساسها كلمت ناس كبيره قوي في السوق انت كده صغرتني وانا مش هسيبك سليم ابدا 

ادهم بخوف 

قصدك ايه يا باشا انا مش فاهم حاجه لا لا لو سمحت اهدى كده هو انت فاكرني خايف منك ولا ايه 

كمال 

قدامك فرصه واحده بس تخلي مروان يرجع في رايه ويسحب الصفقه دي من السوق لا اما كده لا اما قول على نفسك يا رحمن يا رحيم تمام يا ادهم سلام 

وبعديها كمان مشي وادهم كان قاعد خايف جدا وقال في نفسه 

ادهم 

يا ريتني ما كلمتك يا مروان يا ريتني ما فكرت فيك ولا خدت منك الصفقه يا دي الليله السوداء طب اعمل ايه دلوقتي ما فيش غير حل واحد هو ده الحل الوحيد اللي هيوقف مروان عند حده ان انا اروح واخطف ابني ولو فعلا خطفت المنشاوي الصغير كده مروان هيوقف الصفقه على طول وانا ما اخسرش روحي ولا اخسر حياتي 

هو فعلا بعديها على طول ادهم لبس لبس مقنع وداره وشه خالص وراح على فيله مروان ودخل من ناحيه المطبخ واستنى لما كل اللي في صاله الفيلا مش موجودين خالص وطلع على الاوضه لحد ما سمع صوت المنشاوي الصغير بيعيط ودخل على اوضته من غير ما حد يشوفه