رواية عشق احفاد الراوي
بقلم سلمي حجازي
الفصل الخامس
رحيم / انا جاي معاكم اما اشوف اخرتها
وصلت ورد الي قسم الشرطه ومعها مالك ورحيم
ظلت تسأل ع صديقتها فريده حتى دلها احد الرجال ع مكانها
ورد / فرييده ... اي حصل اي حد عملك حاجه
فريده / لا
ورد / اومال اي اتسرقتي طيب
فريده / اوماال انطقي
رحيم / ما تخلصي ي انسه ورانا شغل
فريده / مين الواد ده ؟
رحيم / وااااد ميين ما تتلمي ي بت
فريده / بت اما تبتكك ميييين دهه
مالك / بس ي رحيم مينفعش كده
رحيم / مش سامع بتقول اي هقول اي ما انتي سوابق
ورد / بسسسسس .... التزم حدودك ي استاذ رحيم انا صحابي محترمين سوابق اي اللي بتقول عليها هي اكيد حصلها مشكله ف جت هنا تحلها ... اتنيلي قولي ف اي
فريده / بصي مبدأيا كده انا مش غلطانه ... بصي انا .. انا كسرت عربيه يوسف
ورد / ايييييه يخربيييتك
رحيم / الصلاه ع النبي ... يلا ي عم مالك نمشي من هنا هي ناقصه
مالك / استني بسي رحيم .... مين يوسف ده
ورد / دول مرتبطين اصلا ... انتي لي عملتي كده
فريده / مبقاش خلاص ... حيله امه بيقولي امي رفضتك انا اترفضضض انااا
رحيم / هي مالها مستغربه كده لي ده امه داعياله
فريده / انا سامعه همسس كده في حاجه ي اخ
رحيم / لا يستي هو انا حيلتي غير عربيه واحده اخاف عليها
مالك / طب خلاص انا هتصل بالمحامي بتاعي يجي ونحل الموضوع ده
فريده / لا متتعبش نفسك هو يا التعويض ي الحبس ف بالصلاه ع النبي كده قدامنا اوبشن واحد طبعا كلنا عارفينه
رحيم / الحبسسس
فريده / بتتكه ع السين كده لي يبابا لسانك فيه حاجه
رحيم / يالا ي ماالك نمشيي من هناا
مالك / طب هو طالب كام
فريده / ٢٠ الف
ورد / هبقي ابعتلك عيش وحلاوه ي فريده ي حبيبتي خلي بالك من نفسك
مالك / لالا خلاص انا هسدد المبلغ فين يوسف ده
ورد / لا طبعا
مالك / لا لي
ورد / كده متشكرين اوي احنا اللي مسؤلين عن الموضوع ده ومش عاوزين مساعده
فريده / احنا مين هتتحبسي مكاني ي حبيبتي ... ماشى ادفعهم واول ما اخرج هسددهملك ع طول
ورد / فريييده
فريده / اسكتي بق ما الراجل جدع اهو
مالك / خلاص دي حاجه بسيطه انا هروح اخلص الموضوع واجيلكم
ذهب مالك الى الظابط ونهى تلك الموضوع بعد ان اعطي المبلغ ليوسف
مالك / خلاص تقدروا دلوقتي تروحوا
فريده / شكرا جدا جدا لحضرتك بجد كلك زوق مش شبه نااس
قالت فريده كلماتها الاخيره وهي تنظر لرحيم
مالك / العفو دي حاجه بسيطه
فريده / انا حاسه اني شوفتك قبل كده .... اي ده هو انت اللي كنت متصور مع ورد والصوره نزلت ... اخص عليك بقا كده تنشر اشاعات لبنات الناس وتعملهم مشاكل ده انت ودتها ورا الشمس
ورد / فرييده اسكتيي
مالك / ااا ... هو في مشاكل حصلتلك بسببي ؟
ورد / عن اذنكم متشكره جدا ع وقفتكم معانا وان شاء الله الفلوس هنسددها ف اقرب وقت شكرا جدا
قالت ورد جملتها تلك ثم رحلت ومعها فريده دون ان تنظر لكي يرد مالك عليها
رحيم / مالك انت تجننت بتدفعلهم المبلغ ده ع اساس اي
مالك / عادى ي رحيم مش احسن ما تتحبس شكلها ابن ناس يعني مش وش سجون
رحيم / بس لسانها اطول منها ... دى كسرت عربيه الراجل دي مجنونه
مالك / ههههههه البنات بقت متهوره خاف ع نفسك
رحيم / واخاف ع نفسي لي
نظر له مالك بطرف عينيه ثم ابتسم ابتسامه خفيفه وقال :
مالك / طب اركب اركب
ف منزل الفتايات
رنا / اي اتأخرتوا كده لي بقالي كتير قاعده لوحدي
ورد / كنت بجيب صاحبتك من القسم
رنا / احيه قسم اي عملتي اي
ورد / المجنونه راحت دغدغت عربيه يوسف تحت بيته
رنا / جدعه ي بت
فريده / طبلتشيي
ورد / انتو مجانين انتو الاتنين ... دي كانت هتتحبس لولا الراجل دفع الفلوس وبقينا مديونين وتقوللها جدعه
فريده / سيبك من ده كله انتي جيبتيهم معاكي ازاي اصلا ولا اي اللي حصل
ورد / الشركه اللي روحت اقدم فيها النهارده طلع هو المدير وهو وصاحبه اللي كان جاي معاه ده
رنا / مين ده اللي بتتكلموا عليه
فريده / الواد المز اللي كان معاها ف الصوره
رنا / اوعاا ... طب احكي احكي حصل اي
ورد / اتكلموا بس عدل الاول ... انا لما روحت ..........
فريده / امممممم يعني هو عينك عشان محتاجه الشغل رغم انك رفضتي وكمان دفع الفلوس عشان بس مساعده مش اكتر اممممممم
ورد / ايواا طبعا وكمان لما عرف اني محتاجه الشغل زود المرتب الضعف
رنا / امممممم يعني زوده عشان محتاجاه اممممممممم
ورد / انتو بتتكلموا كده لي اوعوا كده انا خارجه
ضحكت الفتايات بشده ع طريقتها
رنا / خلاص تعالي تعالي احنا بنزر يستي
فريده / تعالي متبقيش قموصه بق
ورد / طب بطلوا غلاسه
رنا / ماشي .... صحيح انا عملت حاجه النهارده
ورد / عملتي اي انتي كمان ماهو يوم باين من اوله
رنا / روحت الجامعه النهارده وحصل ........
ورد / وانتي مستفاده اي يعني لما تكلميه من اكونت فيك
رنا / مش عارفه
فريده / اي شغل العيال ده ي رنا
رنا / ي جماعه ما يمكن يحبني هو بس يديني فرصه
ورد / ي ماما هو لو حبك هيحب الشخص اللي بيكلمه شات مش انتي
رنا / ما الاتنيين واااحددد
فريده / ايوا بس لما يجي يتقدملك بق وجواز وكده هيبقي شات برضو ولا اي ... هو اكيد اصلا هيطلب انه يشوفك
رنا / هبقي اتصرف وقتها
فريده / انا عاوزه اشوف حمزه ده
ورد / ايوا وانا كمان
رنا / ده انا مش بشوفه غير ف الجامعه اصلا
فريده / بصي انتي حره اعملي اللي انتى عاوزاه بس مترجعيش تعيطي هه
رنا / ماشي
ف منتصف الليل اخذت رنا هاتفها وبدأت تتحدث مع حمزه عن طريق الانترنت وقالت له انها من محافظه اخري وتسمي ريم فحقا هى كذبت في كل شئ تقوله ولكنه كان مقتنع لان الحساب قديم ويوجد عليه متابعين وتفاعل كثير فلا احد يشك انه وهمي ابدا
في صباح يوم جديد
ذهبت ورد الي الشركه ولكنها تأخرت نصف ساعه بسبب استيقظها متأخرا
مالك / يعنييي ايييي راحت عليكي نوممه احنااا بنلعبب هنااا
ورد بخوف / غصب عني اعمل اي ده اول يوم وانا مش متعوده
مالك / وحضرتك هتتعودي امتيي ان شاء الله
ورد / يعني بتاع اسبوعين كده
مالك / احنا هنهزرر اتفضلي مخصوم منك نص يوم
ورد / من اولها كده ده اي ده هووف هه
خرجت ورد من المكتب وهي تزفر وتدبدب ف الارض كالأطفال ف بعد خروجها ابتسم مالك ع طريقتها التي تشبه الاطفال تماما
كان رحيم سائق سيارته ومتجه الي الشركه وكان يتحدث ف الهاتف مع صديقه ولكنه ضغط ع الفرامل بسرعه عندما وجد فتاه تعبر الطريق بكل غباء وسرعه ولكنه صدمها وسقطت الفتاه ارضا
رحيم / حما*اره .. حما*ااره بتعدي الطرييق
فريده / انا حماره ي سواق الحمير .... ااااه رجلااااي رجلي راحت وحياه امي لوديك ف داهيه اهه
رحيم / هووو انتييي .... انا قولت الغباء وطوله اللسان دي عدت عليا قبل كده ... حد يعدي الطريق كده تستاهلي
فريده / مش بتعرفوا تسوقوا بتركبوها لييي والله لاوديك ف داهيه اااااه
لوهله استوعب رحيم ان الناس حولهم وهم لا ينتبهوا لذلك فتقدم اليها ثم حملها
فريده / هااا انت بتعمل ايي ازاي تلمسني ي قليل الادب
رحيم / احنا هنستعبط بقا ما انتى محاولتيش حتى تقومي عشان اشيلك واهو اديني نفذتلك طلبك
لكمته فريده بيدها ف كتفه بقوه
فريده / انت زبا*له ازاي تفكر كده انا فعلا رجلي مش قادره احركها
ثم بدأت الدموع تنزل من عينيها فأحس رحيم بالذنب ف قال لها :
رحيم / طيب خلاص متزعليش انا بهزر معاكي اهدي هوديكي للدكتور وهتبقي كويسه
وضعها رحيم ف سيارته ثم انطلق الي المستشفى فقام الطبيب بفحصها فوجد كسر ف قدمها اليمنى فقام بعمل اللازم واخبر رحيم به ثم رحل
فريده / ااااه رجلييي ااااااه ياااا رجليييي اااا..
رحيم / بسسس بق ايي صدعتيني المستشفى كلها اشتكت منك
فريده / منك لله ياللي معرفش اسمك منك لله
رحيم / اسمي رحيم
فريده / منك لله ياللي معرفش رقمك منك لله
رحيم / نعم ؟!!
فريده / احييه اااااه رجليي روحناااي
رحيم / هو انا خاطفك ف اي اهدي شويه ده انتي مزعجه هدفع المصاريف واجبلك الدوا وهغورك ده اي ده ي ربي
فريده / معرفش شايف نفسك ع اس توكنش ياسر جلال وانا مش واخده بالي
رحيم / ما شاء الله حسك الفوكاهي عالي اوي
ذهب رحيم لسداد مصاريف المستشفى واشترى لها الادويه الذي طلبها الدكتور ثم اخذها ورحل
رحيم / فين عنوانك عشان اوصلك
فريده / ممكن تستني شويه اتصل برنا عشان عشان مافيش حد ف البيت
رحيم / رنا دي تبقي اختك
فريده / لا دي تبقي صاحبتي ... اصل انا وصحابي قاعدين مع بعض
رحيم / طب فين اهلك
فريده / بابا وماما منفصلين وكل وكل واحد فيهم اتجوز وانا وحيده معنديش اخوات ف قاعده مع صحابي بقولك اي افصل شويه هو انا هحكيلك قصه حياتي ده اي ده
رحيم / انتي ربنا خد من طولك وحط ف لسانك انتي اللي بتتكلمي يبنتي
فريده / طب اسكت اسكت
قامت فريده بالاتصال برنا وعادت الي المنزل وقامت رنا بسندها حتى صعدت الي المنزل ثم انطلق رحيم الي الشركه
كانت ورد تقوم بعملها حتى جاءها اتصال من اكرم فأجابت بسرعه وبلهفه
ورد / اكرم ازييك
اكرم / ورد وحشتيني اوي انا جايلك اخرجيلي
ورد بفرح / انت ف القاهره
اكرم / ايوا
ورد / طب هديك عنوان شركه انا فيها دلوقتي انا ف اول مكتب ف الدور التاني ع ايدك اليمين هبعتلك اللوكيشن
اكرم / انتي اشتغلتي امتي
ورد / لسه اول يالا متتاخرش
اكرم / اكيدد
بعد عده دقائق وصل اكرم الي الشركه وصعد الي مكتب ورد وعندما رأها ذهب اليها بسرعه ثم احتضنها بقوه وبادلته ورد الحضن ايضا
ورد / اكرم وحشتني اوي يحبيبي
مالك بعصبيه/ ايي المهزله ديييي ... ميين ده
رواية عشق احفاد الراوي
بقلم سلمي حجازي
الفصل السادس
مالك بعصبيه/ ايي المهزله ديييي ... ميين ده
ورد بتوتر / ااا .. سوري ي مستر مالك
مالك / بقول مييين دهه
اكرم / انا خطيبها
وقعت تلك الملمه ع مالك كالصاعقه لا يعلم لماذا ولكنه انصدم وبشده وكانت الدماء تغلي بداخله لا يعلم ماذا يفعل او ماذا يقول يريد صفع تلك الرجل الذي يقول انه خطيبها لكي لا يقترب منها مره اخرى ولكن بأي حق يفعل ذلك فهو لا يعني لها اي شئ سوى انه مديرها في العمل
تحدث مالك بعصبيه يحاول الا يظهرها ولكنه لا يستطيع
مالك بعصبيه / وحضرتك متعرفيش ان ده مكان شغل مش مكان غرامي لحضرتكم
ورد / انا اسفه ي مستر مالك بس هو ...
قطع مالك حديثها وهو يذهب الي المكتب ويغلق خلفه الباب بقوه فزعت الجميع وهو يقول :
مالك / حصليني ع المكتب
اكرم / اي ده انتي مستحمله الشغل هنا ازاي
ورد / امشي ي اكرم دلوقتي ونبقى نتقابل بعد الشغل
اكرم / تمام ماشي هستناكي
ورد / طيب
ذهبت ورد الي مكتب مالك بخطوات بطيئه بسبب خوفها من مالك ف كانت تدعي ربها الا يفصلها من العمل او يتعصب عليها مره اخرى ويسبب لها احراج وسط زملائها ف الشركه
طرقت ورد باب المكتب ببطئ وخوف شديد حتى سمح لها مالك بالدخول وهو يقول كلمته بشموخ شديد وصوت لا يدل ع الخير ابدا
مالك / ادخل
ورد / ااا ... حضرتك طلبتني
نظر مالك الي يدها اليمنى مع العلم انه نظر اليها عده مرات قبل ذلك لكنه اراد ان يتأكد للمره الاخيره
ظل عده دقائق صامتا بعد نظره ليدها ثم تحدث بهدوء تام لكن نبره صوته الهادئه كانت لا تدل ع الخير ابدا
مالك / خطيبك ازاي مش شايف ف ايدك اي خاتم
ورد / ماهى مش خطوبه رسميه بس اهلى عارفين واحنا اصلا بقالنا خمس سنين مع بعض و.....
قطع حديثها صوت مالك الذي تحدث بعصبيه شديده اخافتها بشده
مالك / خلاااص انتي هتحكي معايا ... اتفضلي ع شغلك واللي حصل ده لو اتكرر تاانيي اعتبري نفسك مطروده من الشركه ... دى شركه محترمه ي انسه والله اعلم ده خطيبك فعلا ولا
هبطت دموع ورد بعد محاولات كثيره لتتحكم بها ولكنها لا تستطيع بعد اتهام مالك لها بالسوء ف بأي حق يتحدث معها بتلك الطريقه ويوجه لها اتهامات ف شرفها ف هو حقا تعدى حدوده معها
ورد بدموع / انا مسمحش لحضرتك تتكلم عني بالشكل ده ... مش معني انك مديري فليك الحق انك تتهمني ف شرفي ... ما عاش ولا كان اللي يتهمني ف شرفي اصلا ملكش انك تتدخل ف حياتي ولا تعرف اذا كنت مخطوبه ولا لا دي حياتي الشخصيه وان كان ع الشغل ف انا اصلا مكنتش عاوزاه من الاول وانت عارف كده كويس عن اذنك
انهت ورد حديثها وهى تبكي بشده ثم خرجت من المكتب بهدوء شديد تاركه مالك وحده يلوم نفسه وبشده ع ما فعله معها فهو يعلم انه خطأ معها وبشده
بدأ مالك يتذكر اول مره رأها فى حفل خطبه صديقه فهي كانت لا تستطيع الدخول بسبب انها عاذب فكيف .. كيف تكون مرتبطه وكانت تقل انها عاذبه
فهل هناك سرًا وراء ذلك ام انه لا يعلم عنها الكثير ؟
ففى تلك الحالات لا يحق له معرفه المزيد لكنها تشغل باله من اول لحظه رأها فيها ولكنه لا يعرف السبب فهو لم يفكر ف فتاه بهذا الشكل ف حياته
قطع تفكيره صوت هاتفه يصدر فنظر فيه فوجده رحيم فجاوب عليه
مالك / اي ي رحيم انت فين
رحيم / انا جاي اهو
مالك / ده كله تاخير
رحيم / اسكت والنبي عشان انا خبطت واحده بالعربيه
مالك / اييييه طب حصل اي وعملت اي
رحيم / لما اجى هحكيلك المهم حمزه كلمني ومصر اننا نتجمع النهارده بالليل ونسهر بره
مالك / انا مش فايق والله يرحيم
رحيم / ي عم بكره الجمعه ومافيش شغل تعالى نخرج بق بقالنا كتير مخرجناش
مالك / خلاص ماشي بس نروح مكان هادي عشان عاوز اتكلم معاكم
رحيم / خلاص ماشي
انهت ورد عملها وحان وقت رحيلها من الشركه ولكن قبل رحيلها ذهبت الي مكتب مالك بعد ان سمح لها بالدخول كانت حامله فى يدها ورقه فقامت بوضعها ع المكتب دون التحدث بأي كلمه
مالك / اي ده
ورد / استقالتي
مالك وهو يبتسم بسخريه / مرفوضه
ورد / يعني اي مرفوضه
مالك / الكلمه واضحه مش محتاجه شرح
ورد / وانا مش عاوزه اكمل
مالك / مش بمزاجك
ورد / نعم ... طب تمام ارفضها براحتك كده كده مش هتشوف وشي ف الشركه هنا تاني
مالك / تمام ... بس متنسيش ال ٢٠ الف جنيه عاوزهم بكره الصبح بالكتير اوي والا هرجع صاحبتك السجن وانتي عارفه اني قادر اعملها كويس
ورد / انت بتهددني ... واجبلك انا ٢٠ الف بكره منين
مالك / ده ف حاله لو انتي عاوزه تسيبي الشركه ... لكن لو هتكملي ف سدديهم من مرتبك وبعدين ابقي امشي
ورد / هوووووف
زفرت ورد ثم رحلت وهي ف غايه العصبيه من هذا المتحكم الذي لا تعلم سبب تعامله معها بهذه الطريقه فهذه ليست ابدا طريقه مدير مع عامل
قامت ورد بالاتصال ب اكرم لالغاء موعدها معه والذهاب للمنزل
ورد / اسفه ي اكرم بس مش هقدر اخرج النهارده
اكرم / لي في حاجه ولا اي
ورد / لا بس تعبانه شويه من الشغل
اكرم / ماشي ي ورد براحتك
اغلق اكرم هاتفه وهو ينظر امامه نظره لا توحي ابدا بالخير ثم قال :
اكرم / ماشي ي ورد كده كده اللحظه الحاسمه قربت وقريب اووي هنفذ اللي ف دماغي من زمان
كانت ورد قد وصلت الي منزلها ولكنها انصدمت عندما وجدت فريده جالسه ع الفراش وقدمها منكسره
ورد / هاااا فريده اي اللي عمل فيكي كده
فريده / ابن الورمه خبطني بالعربيه
ورد / مين ده
فريده / صاحب مديرك ده اللي اسمه رحيم الواد الحليوه ده
ورد / هاا رحيم
فريده / ايوا ياختي هو معرفش شايف نفسه حتى ف السواقه
ورد / خلاص معلش نصيبك ... الف سلامه ي كوكو ... اي ده مالك يا رنا مبلمه كده لي
رنا / بنتكلم كتير اوي ... مكنتش اعرف ان الموضوع هيوصل لكده بالسرعه دي ... بفرح لما بنتكلم بالساعات بس برجع اقول ماليش حق انى افرح ده بيكلم ريم مش رنا ... انا متلغبطه اوي ومش عارفه ابعد ومش عارفه اكمل انا تايهه
ورد / اهدي بس انتو وصلتوا لفين
رنا / هو سال ع كل اللي عاوز يعرفه عني وجاوبته كدبت ف كام حاجه زي اسمي ومكاني والحاجات دي لكن ف صفاتي وحياتي كلمته ك رنا وبتكلم معاه بكل جديه وهو كمان بقى يحكيلي عن حياته معرفش ازاي بالسرعه دي بس هو قالي انه ارتاحلي ف الكلام
فريده بضحك / عبيط اوي
رنا / فريده بس متقوليش كده
ورد / طب هو مطلبش يشوفك
رنا / طلب طبعا بس انا قولتله مش ببعت صوري لحد وكده ولما ناخد ع بعض اكتر هنتقابل حورت يعني
فريده / بصراحه .. انا مش متفائل
ورد / بنات ... اكرم رجع النهارده من السفر وجالي الشركه
رنا / اي ده بجد
فريده / يختاااي ع القرف مبقبلش الواد ده
ورد / المهم ان مالك مدير الشركه لما شافه ف الشركه اتعصب
رنا / احكي حصل اي بالظبط
ورد / هو اكرم لما جه حضني وبعدين........
فريده / هااا الندل بيهددك بالعشرين الف بتوعه
رنا / ما انتي السبب لو تبطلي مشاكل شويه
فريده / بس ي بت .... يعني انتي هتفضلي مكمله ف الشركه دي بسببي انا اسفه جدا ي ورد
ورد / عادي ي فريده ده هم اربع شهور هستحملهم وخلاص
فريده / ده انتي استحملتي اكرم بسماجته خمس سنين اكيد يعني هتستحملي الشغل اربع شهور
رنا / ههههه ف دي عندك حق بصراحه
ورد / يجماعه اكرم بيحبني بجد
فريده / ورد متقنعنيش والنبي انه بيحبك ده احنا ساعات بننساه من كتر ماهو مبيسألش عنك ده غير انه بتاع بنات اصلا وانتي عارفه ولما بيختفي اكيد بيعرف واحده يقضي معاها يومين وبعدين يرجعلك وانتي شبه العبيطه بترجعيله
رنا / فريده بس مينفعش كده
ورد / سيبيها ي رنا ... شكرا ي فريده
فريده / انا اسفه مقصدش ازعلك والله بس دي الحقيقه
رنا / خلاص يجماعه غيروا الموضوع ... في فيلم نازل جديد تعالو نسمعه انا جبت حاجات حلوه نتسلي بيها واحنا بنتفرج هروح تجهزها واجيلكم
كانوا الثلاث شباب يجتمعان فى سياره واحده متجهان الي الكافيه المفضل لديهم وبعد دقائق وصلوا اليه وجلسوا ع طاولتهم المفضله
رحيم / ما تسيب يابني الفون اللي ماسكه ف ايدك ده ... بتكلم مين ؟
حمزه / ريم
رحيم / ريم مين انت اول مره تقولنا ع الاسم ده
مالك / تلاقيها يعم واحده من اياهم
حمزه / لالا دي محترمه يجماعه
رحيم / معاك ف الجامعه
حمزه / لا اتعرفت عليها من ع النت
مالك / نعممم
رحيم / انت مراهق يلا
حمزه / اول مره اعملها ع فكره بس مش عارف مرتاحلها لي حاسس اني اعرفها من زمان مش عارف
رحيم / ههههههه عليا النعمه تلاقيه واحد صاحبك وبيشتغلك
مالك / هههههه تصدك ممكن يكون جدك اصلا
حمزه / بطلوا استظراف اكيد لا
رحيم / طب ماشي بكره تشوف .... اه صحيح مش اللي انا خبطها النهارده بالعربيه تبقي فريده صاحبه ورد
مالك / اي ده بجد
رحيم / اه والله معرفش وقعتلي منين دي بجد انسانه مستفزه ولسانها طويل مزعجه جدا
حمزه / امممممم مزعجه اممممم
مالك / اممممم مستفزه ولسانها طويل اممممم
رحيم / لالالا دماغكوا متسرحش دي مش زوقي خالص انا مبحبش كل المواصفات دي اصلا
حمزه بهمس لمالك / بكره تشوف ان موقعش مبقاش انا حمزه
رحيم / بتقول اي ياض
حمزه / مبقولش ي عم
رحيم / مالك ي مالك سرحان ف اي
مالك / مافيش حصلت مشكله ف الشغل النهارده
رحيم / مشكله اي
مالك / النهارده .........
حمزه / طب وانت مالك بده كله مخطوبه مش مخطوبه اصلا ملكش الحق تكلمها بالشكل ده انت غلطان
مالك / انا بس خايف ع سمعه الشركه مش اكتر
رحيم بخبث / سمعه الشركه برضوو
مالك / ايوا اومال هيكون اي اصلا......
قطع حديثهم دخول شاب ينادي باسم حمزه فقام حمزه بالسلام عليه فيبدو انه يعرفه جيدًا وانهم منذ فتره طويله لم يلتقيان
نظر له مالك بصدمه عندما رأه مره اخري
انتظر حتى جاء حمزه اليهم ثم سأله بكل جديه
مالك / مين ده انت تعرفه ؟
حمزه / ايوا ده اكرم صاحبي