رواية عشق احفاد الراوي
بقلم سلمي حجازي
الفصل الثالث عشر والرابع عشر
رنا / هاااا حمزهه ... اي اللي جابك هنا نزلني ي حمزه
حمزه / لا مش منزلك
رنا / حمزه بقولك نزلني انا كده هتاخر ع الطياره نزلني بقولك
حمزه / واهون عليكي تسيبيني وتسافري
رنا بدموع / اه تهون .... ما انا هونت عليك وسيبتني ده كله من غير ما تكلمني
توقف حمزه بالسياره ثم انتقل من المقعد الامامي الي المقعد الخلفي بجانب رنا ومسك يدها
حمزه / انا اسف حقك عليا .... بس انتي برضو ضحكتي عليا
رنا بدموع / ايوا انا غلطت انا اسفه بس والله عملت كده عشان بحبك ومش عاوزاك تبعد عني
حمزه / انتي مكنتيش محتاجه تعملي كده عشان احبك ... انا اصلا بحبك من زمان
رنا / اييه .... انت قولت اي ؟؟
حمزه بابتسامه / رنا انا من اول ما شوفتك وانا حبيتك بجد ... كنت خايف اعترفلك لاخسرك كنت بعرفك كل حاجه عن حياتي بحجه اننا صحاب بس لكن انا كنت بعرفك عشان تبقي عارفه كل حاجه عني وعن حياتي ومتعرفيش من بره وكمان عشان ابقي عارف كل حاجه عنك .... انا غلطت انى معترفتلكيش بس انا كنت عاوز اخد خطوه جد معاكي انتي وعشان متفكريش عمرك انك مجرد واحده بقضى معاها يومين زي غيرها وخلاص لان انا والله بحبك ومحبتش غيرك
القت رنا نفسها بين احضانه مسرعا دون تفكير وهى تضمه اليها بشده حتى بادلها حمزه ايضا
حمزه بضحك / كده هنتقفش فعل فا*ضح ف الطريق العام
رنا بضحك / مش مهم طالما معاك
ف المساء
عادت ورد الى المنزل بعد انتهاء عملها فى الشركه مع مالك بالسياره دون التحدث بأي كلمه ثم صعدت الي غرفتها بعد ان القت التحيه ع الجميع وبعد قليل صعد مالك خلفها
دخل مالك الغرفه فوجدها بدلت ملابسها وتجلس ع الفراش تتابع هاتفها بلامبالاه
مالك / يلا عشان ننزل نتعشي
ورد / مش جعانه
مالك / من امتى
ورد / من النهارده
مالك / طب يلا يا عسل عشان تاكلي
ورد بعصبيه / اي عسل دي اتكلم عدل انت اتج*ننت ولا اي
مالك بحده وهو يقترب منها / انا اي؟؟
ورد بخوف / زي .. زي ما سمعت ... و ... وابعد كده ... والله والله هصوت والم عليك البيت كله
مالك / صوتي اي يعني ... مراتي وانا حر فيها
ورد / لا مش مراتك متقولش مراتك ... انا ميشرفنيش اني ابقي متجوزه واحد شبهك اصلا ... ده انت انت وحش وقليل الاد*بب كنت فاكراك محترم
مالك بضحك شديد / متفتكريش تاني بقا عشان انتي لسه مشوفتيش حاجه
ورد / اسمع يا اسمك ايه انت ابعد عن طريقي وكل واحد فينا ف حاله وخليك انت ف ست هدير بتاعتك دي
مالك بخبث / اممممم ست هدير بتاعتي ... انتي بتغيري ولا اي
ورد بتوتر / ايه ... اغير اغير من اي من ديي ... ولا هغير اصلا ع اي انا مالي بيك ... قال غيره قال
مالك بابتسامه / طب يلا عشان تاكلي
ورد / ما قولتلك مش واكله
مالك / يلا يا وردتي مش هاكل من غيرك ولا انزل اقولهم ان المدام مرهقه ف هنتعشي فوق انا وهي سوا واكلها بنفسي
ورد بغضب / اييييه .... انت بقيت ملزق كده لي اوعا كده انا نازله ربنا يهديك
انفجر مالك ضاحكا عليها فهو كان يقصد ان يعصبها بتلك الطريقه لكى ينفذ صبرها وتنزل معه
نزلت ورد لاسفل ويليها مالك وكان الجميع يجلس ع طاوله الطعام ف انتظارهم فنظرت ورد الي حمزه باستفهام ف غمز لها حمزه بعينيه فتنهدت ورد براحه ثم ابتسمت وكان مالك يتابع اشارتهم باستفهام وغضب
جلس مالك ع المقعد ثم جلست ورد بجانبه وبالجانب الاخر كان حمزه يجلس
مالك بهمس وغضب / بتغمز لمراتي لي ياض
حمزه بمرح / بعاكسها
وضع مالك الملعقه التى كان يمسكها بقوه ثم مسك الس*كين وهو يوجها الي حمزه
حمزه بخوف / استهدى بالله بس والله بهزر ف اي هفهمك كل حاجه
مالك / متهزرش مع امي تاني تعرف
حمزه / اي بتغير ع ماما كمان مهزرش معاها
مالك / دمك خفيف يلا
حمزه / عارف عارف
مالك / طب انجز ف اي
حمزه / مافيش يعم هى ظبطتني مع رنا يعني وصالحتها بس
مالك / امممم
حمزه / هي مقالتلكش ولا اي
مالك / لا
حمزه / لي
مالك / وانت مالك يحبيبي كل وانت ساكت
حمزه / احم ... ماشي
قطع حديث مالك صوت رنين هاتفه فأجاب عليه ثم قال للمتصل بأنه سوف يأتي الان واغلق هاتفه ثم استأذن من الجميع ورحل
كانت ورد غاضبه بسبب رحيله دون ان يقول الي اين سيذهب ولم يخبرها كما يفعل فهى كانت تود وبشده ان تسأله الي اين سيذهب ولكن كبريائها منعها من ذلك
بدأ يدور ف عقلها ان المتصل هو هدير وانه ذهب لكى يقابلها فاستشاطت غضبها و لا تعلم السبب فهى تحاول ان تقنع نفسها بأنه حر وهي ليس لها الحق ان تدخل فى حياته الشخصيه ولكنها لا تستطيع
انتهى الجميع من تناول الطعام فقامت ورد بحمل الصحون الي المطبخ ومعها تسنيم و سناء حتى انتهوا
تسنيم / ورد يبنتي
ورد / نعم يا طنط
تسنيم / تعالي معايا عاوزاكي
اخذتها تسنيم وصعدت الي غرفتها لكى تتحدث معها فى انفراد
تسنيم / مالك ي حبيبتي فيكي اي
ورد / م .. مافيش يطنط انا كويسه
تسنيم / هتكدبي عليا ولا ع نفسك ... من ساعه ما جيتي من الشركه وانتي وشك متغير وفي حاجه مضايقاكي ... وباين كمان ان اللي مضايقك مالك
ورد / بصراحه اه ... ولا لا اصلا عادي ... ولا مش عادى ... انا مش عارفه
تسنيم بابتسامه / احكي بس حصل اي
ورد / النهارده .........
تسنيم / غيرتي مش كده ؟
ورد / مش عارفه ... بس انا متضايقه جدا ومش عارفه اتخطى وقولتله انه عادي وانه حر بس انا من جوايا مش كده ومش عارفه لي
تسنيم بابتسامه / انا مش هقولك انك بتحبيه هسيبك انتي تتاكدي بنفسك من ده بس اللي متاكده منه ان مالك بيحبك
ورد / بيحبني انا ؟! لا مستحيل
تسنيم / بكره الايام تثبتلك .... بس كل اللي اقدر اقولهولك ان البت اللي اسمها هدير دي هي اللي عاوزه تاخده منك ... مالك ابني وانا اللي مربياه وعارفه اخلاقه كويس ميعملهاش وان اللي حصل ده لعبه من البت اللي متتس*مى دي ف خالي بالك منه .... مالك ابني نسخه من الحاج الله يرحمه مافيش احن ولا اطيب منه وهيراعي ربنا فيكي ويحطك ف عينه واللي انا متاكده منه انه بيحبك ... وانتي كمان بتحبيه بس خدي وقتك واتاكدي بنفسك ... بس متضيعيهوش من ايدك ومتخليش واحده زى دي توقع بينكوا زى ما بتحاول تكيدك كده كيديها يا خايبه ده جوزك حلالك قدام كل الناس وحقك وملكك انتي بينيلها ده عشان متخليهاش تقرب منه تاني
ورد بابتسامه / طنط انا بحبك اوي
تسنيم / وانا كمان يحبيبتي والله اعتبرتك زي بنتي واكتر
ورد / ممكن اقولك ي ماما؟ ... نصيحتك ليا وكلامك معايا فكرني بماما الله يرحمها لما كانت تنصحني وتقعد تتكلم معايا كده
تسنيم / ي حبيبتي ده اتمني انك تقوليلي ي ماما هو حد يطول يبقى ام للقمر دي .... الله يرحمها والدتك عرفت تربي
ورد بابتسامه / الله يرحمها
وصل مالك الي المخزن اللذى يوجد به اكرم
دخل مالك بعد ما امر الحراس ان يتركوه مع اكرم بمفردهم فكان اكرم ملقى ع الارض وجسده ملئ بالكدمات والجرو*ح فهو كان لا حول به ولا قوه
مالك / اظن انك شبعت ضر*ب وانك بتتمني المو*ت ومش طايله
اكرم / اان ... انناا... انا اسف ... مش ... مش ... هعمل كده تاني .... ابوس رجلك ارحمني
مالك / متخافش انا مش همو*تك .... انا كنت بربيك بس اصل اهلك باين نسيوا يربوك ..... انا هسيبك تمشي من هنا بس قسما بالله لو لمحتك ف مصر تاني ما هرحمك .... انت تطلع من هنا وتغور ف ستين داهيه مكان ما جيت انت عارف اني ممكن ادف*نك مكانك هنا ومحدش هيحس بيك ... بس الق*تل مش سكتى لكن واقسم بالله لو شوفتك ولا عرفت انك هنا ف مصر ما هسيبك عايش سامع ولا لا
اكرم / ح... حاضر ... حاضر والله هسافر ومش هنزل مصر تاني ... والله ما هتشوف وشي تاني
مالك / ماشي .... وفلوسك وعربيتك وكل حاجه انا خدتها هتخرج من هنا مش معاك الا تمن تذكره الطياره وبس
اكرم / بس.....
مالك / بسسس اييي يرو*وح امككك
اكرم / ماشي ... بس ابوس ايدك خرجني من هنا
مالك / هه غو*ر ف ستين داه*يه.... الشمس تطلع وانت مش هنا ف مصر سامع؟؟
اكرم / حاضر ... حاضر والله
عاد مالك الي المنزل بعد منتصف الليل فكان الجميع نائما ماعدا ورد التي كانت تقف ف شرفه الغرفه تنتظره حتى عاد
صعد مالك الى الغرفه وهو يظن ان ورد قد نامت ولكنه وتفاجئ حين رأها تجلس ف انتظاره
مالك /انتي اي اللي مصحيكي لحد دلوقتي
ورد / عادى .... كنت فين ؟
مالك / عادي ولا عشان تعرفي انا كنت فين
ورد / اه عشان اعرف انت كنت فين
مالك / وتعرفي لي
ورد / واجبي كزوجه اعرف جوزي فين
مالك / واجبك ك ايه ؟
ورد بتوتر / ز... زوجه اي يعني انا مش مراتك ولا اي
مالك / هو شويه تبقي مراتي وشويه مش مراتي ارسيلك ع حل عشان الموضوع هيختلف ع فكره
ورد / والله انا ومزاجي بقا حسب الموقف اللي احنا فيه احدد اذا كنت مراتك ولا لا
مالك / والله وانا كمان ليا الحق احدد بمزاجي برضو وف موقفنا هذا احب اقولك انك لا انتي مراتي ولا انا اعرفك اصلا وملكيش دعوه انا كنت فين
ورد بغضب / والله .... طيب ماشي انا كمان هخرج براحتى وارجع متاخر براحتي وانت ملكش دعوه انا كنت فين وبعمل اي
مالك / ماشي ... وسعي بقا عشان عاوز انام
ورد / انت رايح فين .... مافيش نوم ع السرير انت تنام ع الارضانسي انك تنام جنبي تاني
مالك / بس ي بت
ورد / هاااا بت ... انا بت
مالك / انتي عاوزه اي ف ليلتك دي انا عاوز انام
ورد بعصبيه/ ما تنام هو انا حوشتك .... انت معندكش دم اصلا ولا بتحس اكيد كنت بتقابلها وسهران معاها لحد دلوقتي ... بقولك اي طلقني انا اصلا مش طايقاك ولا عاوزه اعيش معاك انا عاوزه ارجع لحياتي الطبيعيه انت بوظتلي حياتي
جذبها مالك من يدها الى احضانه لكي تتمدد بجانبه ع الفراش ثم رتب ع رأسها بحنان وهي لم تستطيع التفوه بأي كلمه فهي كانت فعالم اخر لا تشعر الا بالامان ف احضانه وقلبها يكاد يخرج من جسدها من شده نبضاته
مالك / عاوزه تعرفي كنت فين .... كنت بجيبلك حقك ودلوقتي اقدر اقولك ان اللي اسمه اكرم ده مش هتشوفيه ف حياتك تاني وحقك جيبتهولك
ورد / انت ... انت عملت اي ؟
مالك / مش مهم المهم انه اتعلم الادب وزياده
نظرت له ورد فى صمت فقلق مالك من تلك النظره حيث ظن انها حزنت عليه وانها ما زالت تحبه
مالك / ورد ... انتي زعلانه .... لسه بتحبيه ؟
اقتربت منه ورد وهي تحتضنه بشده وتدفن رأسها ف صدره
ورد بدموع / لا انا مبسوطه اويي ... شكراا جدا بجد
مالك بضحك / لا ده احنا نعلم ع اكرم كل يوم بقا
خجلت ورد بشده ثم ابتعدت عنه ولكنه جذبها اليه مره اخرى وقام بضمها حتى ذهب الي نوم عميق
ف صباح يوم جديد
ذهب رحيم الي الشركه ثم اتجه الي مكتبه ولكنه سمع صوت يصدر من مكتبه فتعجب بشده ثم فتح الباب
رحيم / هاااا يخر*بيتتك ايي دهه وبتعملي ايي هناا
عشق احفاد الراوي الفصل الرابع عشر
رحيم / هاااا يخربي*تتك ايي دهه وبتعملي ايي هناا؟؟؟
فريده بفزع / اي ي عم ده خضيتني ... تؤؤ استغفر الله العظيم يا رب اديني اتقت*لت
رحيم / اتقت*لتي ؟!!
فريده / اه يا عم ده انا كان خلاص فاضلي اخر اتنين امو*تهم
رحيم / انتي اتجننتي ف مخك جايه الشركه وداخله مكتبي وقاعده مرميه كل حاجه حواليكي وبتلعبيلي بابجى
فريده / مانا باقه النت عندي خلصت وانتو ماشاء الله سرعه النت عندكوا اي جامده .... الا هى كام ؟
رحيم بعصبيه / امشييي اطلعيي برره انتيي مين اصلا سمحلك تدخلى مكتبي
فريده بتمثيل / انت بتكرشني ي رحيم بعد السنين اللى بينا دي كلها تعمل فيا كده ؟.... عشمتني وخليت بيا طب لما انت هتعمل فيا كده بتعلقني بيك لي اااه قلبييي
رحيم / اي الدراما الاوفر دي
فريده / ماهو بص بقا انا هشتغل هنا يعني هشتغل هنا خليك قد كلمتك
رحيم / ده عندهم حق ف الشركه يمشوكي اني شركه تقبلك ده انتي مص*يبه
فريده / لا بقولك اي انا اللي مشيت بمزاجي وخد بالك هم خسروا جامد اوي انا ف الشغل حاجه تانيه .... تحب تشوف؟
رحيم بغمزه / اشوف
فريده / هاااا انا بتكلم ع الشغلل يا استااذ .... قله اد*ب
رحيم / منا برضو بتكلم ع الشغل لي ظن السوء ده .... خلاص موافق احنا كنا محتاجين مهندس الكتروني حظك ... تحبي تبدأى شغل من النهارده لو عاوزه
فريده / اشطا اوي ماشي اما نشوف
خرجت فريده من المكتب فوجدت ورد تصتدم بها ف طريقها
ورد / اي ده فريده ... اي اللي جابك هنا
فريده / خلاص ي مزه هشتغل معاكي هنا ف الشركه
ورد بفرح / الله بجدد ... مين شغلك اكيد رحيم
فريده / ايوا هو
ورد بغمزه / وال*عه
فريده / وال*عه اي وني*له اي ع دماغك انتي كمان روحي امشي ع شغلك بلا كلام فاضى وسعى كده
تركتها فريده ثم رحلت
ورد / الاه .... طب ماشي اما نشوف اخرتها يست فريده
وصلت فريده الي نهايه الممر ثم توقفت وتذكرت انها لا تعلم الي اين ستذهب فهى لم تسأله ع اي تفاصيل ف عادت اليه مره اخرى
دخلت فريده مكتب رحيم دون استأذان
فريده / هوو انا هروح فيين
رحيم / هو فييي بني ادم يدخل مكان من غير ما يخبط
فريده / اه في انا
رحيم / ع فكره انا مديرك هنا ف الشركه يعني تلزمي حدودك معايا
فريده / انت محبكها كده لي بس
رحيم / محبكها ؟
فريده / ايوا .... يلا بقا قولي ع التفاصيل ومكاني وكده يعني
رحيم بنفاذ صبر / هيييح طب تعالي اشرحلك الشغل
فريده بمرح / مااشيي
كانت ورد تتابع عملها حتى رأت هدير متجهه ناحيه مكتب مالك ثم دخلت حين سمح لها مالك بالدخول
استشاطت ورد غيظا حين رأتها وبالاخص وهي ترتب ملابسها وشعرها قبل ان تدخل اليه
اتجهت ورد مسرعا نحو المكتب وهي ف غايه الغضب ودخلت المكتب دون استأذان
هدير / اي ده هى ازاي تدخل كده من غير استأذان
ورد / استأذن قبل ما ادخل مكتب جوزي انتي عبيطه
ابتسم مالك حين تفوهت ورد بتلك الكلمه
مالك / خير ي ورد في حاجه
ورد / لا يحبيبي جيت بس اشوفك فطرت ولا لا
مالك بتعجب / غريبه ... وبعدين ما احنا فطرانين سوا ف البيت
اتجهت ورد اليه ثم عقدت يدها حول عنقه وهى تتحدث بتدلل تحت نظرات مالك المتعجبه
ورد / ما انت يا حبيبي مكلتش كويس الصبح تحب اطلبلك ساندوتشات
مالك بخبث / اممم ماشي بس انتي كمان تاكلي معايا عشان انتي عارفه مش بيجيلي نفس من غيرك
ثم لف يديه حول خصرها حتى خجلت ورد بشده ونظرت له بحده لكي يبتعد ولكنه لم يبتعد عنها وكأنه كان ينتظر تلك الفرصه
خرجت هدير من المكتب وهي فى غايه الغضب ثم غلقت الباب خلفها بقوه
كانت ورد تحاول الابتعاد عن مالك ولكنه جذبها اليه مره اخرى
ورد / ابعد عني انا بحذرك
مالك / الاه ما انتي كنتي حلوه من شويه ف اي بس
ورد / ملكش دعوه .... ابعد عني بقولك اهو
مالك / طب والساندوتشات
ورد / ساندوتشات اي انت صدقت ده انا كنت بكيدها بس
مالك بضحك / بتكيديها .... وبتكيديها لي بقا
ورد /كده مزاجي انا حره
مالك بخبث / طب لما انتي بتحبيني بتعاندي لي
ورد بتوتر / ب اييه ... لا طبعا انت بتقول اي محصلش ... هحبك انت .... مستحيل ده ف خيالك
مالك بابتسامه / طب لما انتي مش بتحبيني بتغيري عليا لي
ورد / مشش بغييير .... انا بس بعمل واجبي ك زوجه قدام الناس مش اكتر
تركها مالك ثم تحدث بجديه
مالك / بجد ... طيب اعملى حسابك اننا ع الاسبوع الجاي كده هنطلق
ورد بصدمه / ااا .... م .... ماشي .. بس ... بس لي
مالك / لي اي ... مش ده اتفاقنا ولا نسيتي ... ولا يمكن غيرتي رأيك
ورد / لا طبعا ... اغير رأيي اي ده انا مصدقت ... بس يعني انت مستعجل عشانها ... اتفقتوا ع كده صح
مالك / اظن ان دي حاجه ماخصكيش
ورد / متخصنيش ازاي ... مش انا مراتك ... اقصد يعني ... انك تحترم وجودي
مالك / هو انا خو*نتك مثلا ... منا محترم وجودك وزياده كمان
ورد / ايوا وانت عاوز تطلق عشان تاخد راحتك صح ؟
مالك / ايوا حقى اتجوز واحده تحبني واحبها زى اي اتنين ف الدنيا
ورد بعصبيه / صح ... صح عندك حق ... وانا كمان ع فكره عاوزه اشوف حياتي اللي انت بوظتها اصلا بوجودك ده ... انت اصلا اي دخلك حياتي انت وقعتلي منين .... يريتني ما كنت روحت الفرح ولا اتنيلت شوفتك
خرجت ورد من المكتب وهي ف غايه العصبيه وتمنع دموعها من الهبوط ولا تعلم السبب فهل هي تحبه حقا ؟! ام هى تعودت ع تلك الحياه والاسره التي احبتها بشده واحست فيها بالامان التى تفقده منذ طفولتها ؟!
كان يدور ف عقلها الف سؤال وسؤال ولكن الاجابه واحده ف جميع الاسئله وهي انها لا تريد الطلاق
كان حمزه يقف بسيارته ينتظر قدوم صديقه داخل السياره كما اخبره ولكنه بعد قليل وجد فتاه تفتح باب السياره وتجلس بجانبه فجأه
حمزه / اي ده ... يارا
يارا / ازيك ي حمزه وحشتني
حمزه / انتي اي اللي جابك هنا
يارا / كنت معديه صدفه ف لقيتك .... حمزه انت مش بترد ع تليفوناتي لي ولا كل المسدجات اللي ببعتهالك دي
حمزه / يارا خلاص احنا نهينا علاقتنا من زمان
يارا /يا حمزه انا بحبك
حمزه / وانا مبحبكيش ي يارا وانتي عارفه كده من الاول ف مالوش لازمه اللي انتي بتعمليه ده اتفضلي انزلي لو سمحت
يارا / ده كله عشان مين .... عشانها ... عشان الست رنا
حمزه / متجيبيش سيرتها ع لسانك انا بحذرك
يارا / طب عشان خري انا مش قادره اعيش من غيرك
حمزه / مش قادره تعيشي من غير مين ي يارا فوقي انتي صاحبتي بعدي خمس مرات بطلى افوره
يارا / طب وحياتك كنت معاهم وبفكر فيك برضو
حمزه / لا اصيله
يارا / شوفت
حمزه / طب انزلي بقا اتكلي ع الله
يارا / برضو
حمزه / اه يلا
يارا / طب ممكن اودعك
حمزه / ازاي ؟
قامت يارا باحتضانه فاجأه فانصدم حمزه وكان سيبتعد عنها ولكنه وجد رنا تنظر من النافذه التى خلف يارا
قام حمزه بابعاد يارا عنه ونزل من السياره مسرعا متجها نحو رنا التي كانت تذهب مسرعه وهي تبكي
حمزه / رنا استني والله انتي فاهمه غلط
رنا ببكاء / ابعدد عنييي بقااا انا بكرهك
حمزه / هو احنا لحقنا يادي الني*له ... والله العظيم انتي فاهمه غلط
رنا / فاهمه ايي غلطط ده انت مرمي ف حضنعا ةشايفاك بعينيا دول وتقولي فاهمه غلط ... حمزه ابعدد عنيي وسيبني ف حالي بقاا انا تعبتت
حمزه / طب انتي اي اللي نزلك من غير ما تعرفيني يا هاانم
نظرت له رنا بشمإذاذ ثم رحلت وتركته حتى عاد الي السياره مره اخري
يارا / حمزه انا ...
حمزه / انزليييي
يارا / حمزه
حمزه بعصبيه شديده / بقولك انزلييييي
نزلت يارا من السياره ثم انطلق حمزه مسرعا
كان مالك يتابع عمله ف الشركه حتى جائه اتصال من رقم غير معروف فأجاب عليه
مالك / الو مين
المتصل / .....
مالك / دلوقتي ؟
المتصل / ....
مالك / طيب انا جاي حالا
خرج مالك من المكتب متجها للخارج ولكن ورد اوقفته
ورد / مالك رايح فين
مالك بتوتر / اا ... رايح مشوار بس
ورد باستفهام / مشوار فين
مالك / لما .. لما ارجع هقولك سلام
رحل مالك تحت نظرات ورد الاستفهاميه
وصل مالك الي مقهى ثم اتجهه للداخل وظل ينظر حوله حتى وجد رجل يجلس بمفرده ف اتجه اليه
مالك / خير يا عمي فى حاجه ؟
احمد / مالك يابني الحقني انا ف مص*يبه