رواية المنتقبه وبيت المنشاوي الفضل الثالث عشر13 بقلم هويدا زغلول
واول ما كل اللي في الفيلا ناموا حتى مروان طلع اوضته سعديه دخلت حمزه اوضه المكتب علشان يرجع الحاجه اللي هو اخذها لكن حمزه كتم بق سعديه
حمزه
اخرسي بقى اخرسي انا لازم اخلص عليك عشان انت الوحيده اللي عرفت سري وعارفه شكلي
وكانت سعديه عماله تصرخ لكن حمزه حاطط ايده على بقها وصرختها مكتومه ومش لاقيه حد ينجدها وحمزه عاوز يخلص عليها
وحمزه جاب خشبه كبيره وخبطها على دماغها واترمت على الارض وبعديها خد كل الورق اللي هو عاوزه وخرج بره الفيلا ولا من شاف ولا من ديري ولا حد حس بيه
لكن سعديه مرميه على الارض واغمى عليها من اثر الضربه اللي على راسها
وبعديها حمزه راحه عند ادهم البيت وقال له
حمزه
ادهم باشا خبيني انا عملت مصيبه وجريمه وكل ده عشان خاطرك انت يا باشا
ادهم بزعيق
انت متخلف يا حمزه انت ايه اللي جابك هنا انت كده ممكن تجيب لنا مصايب الصباح رباح كنا اتكلمنا بكره في الشركه
حمزه
الموضوع ما ينفعش يستنى ابدا يا باشا انا علشان خاطر اجيب لحضرتك الملف ده خلصت على الخدامه وباين كده انا ظاهر في الكاميرات وخايف يحصل لي حاجه
ادهم
يا غبي ايه اللي انت هببته ده انا قلت لك خلص وهات لي الحاجات اللي انا عاوزها من غير ما تؤذي حد ليه لبستنا مصيبه جديده
حمزه
اهو اللي حصل بقى يا باشا اعمل ايه الله يخليك خبيني في اي حته انا مرعوب وخايف ومش عايز اروح البيت
ادهم
طب يلا غور في 60 داهيه وما اشوفش وشك هنا تاني واستخبى في اي حته وانا هبعت لك الفلوس اللي انت عاوزها واوعى تظهر هناك عند فيله مروان ثاني سامع ولا لا
حمزه
حاضر يا باشا مش هظهر تاني بس انا لو حصل لي حاجه الله يخليك خلي بالك منها ما لهاش غيري
وبعديها حمزه مشي وادهم دخل الفيلا بتاعته وكان متوتر وقال في نفسه
ادهم
يا غبي يا حمزه انت كده دخلتني في مصيبه مع المنشاوي ومع مروان حفيدو دول ما بيهزروش اعمل ايه دلوقتي ما فيش غير جاسر هو صاحبنا الثالث
وطبعا علشان جاسر ومروان وادهم كانوا اصحاب لكن ادهم كان بيغير من مروان جدا ولما مروان تعب ودخل في الغيبوبه بقى ادهم وجاسر هم الاثنين صحاب
وادهم قرر ان هو يكلم جاسر علشان يدخل معاه في الصفقه الجديده بتاعه مروان وياخدوها منه ويوقعوه في السوق ويوقعوه شركاته
اما تاني يوم جميله صحيت من النوم وعماله تدور على سعديه علشان تعمل الفطار للبيت وجميله قالت
جميله
سعديه يا سعديه انت فين يا نهار ابيض شكلها طفشت وسابت البيت بسبب خالتي سماح واللي بتعمله
سماح
بتجيبي سيرتي ليه يا جميله يا قلبي خالتك على الصبح
جميله
يا نهار ابيض خضتيني يا خالتي انا عماله ادور على سعديه عشان تحضر الفطار مش لاقياها ما تعرفيش راحت فين
سماح
هتلاقيها بره يا اختي مع بتوع الامن ما هي بقى لها كم يوم متعرفه على واحد من بتوع الامن يا اختي وعمال يعاكسها طلعت عيله هبله وبتحب الحب زيي بالظبط هههههههه
مروان صحي من النوم وقال
مروان
صباح الخير يا جميل بتدوروا على مين في ايه على الصبح
جميله
مش لاقيه سعديه يا مروان مش عارفه راحت فين مالك يا حبيبي من امبارح وانت مش عاجبني وزعلان في حاجه او في مشاكل في الشغل
مروان بزعل
ما فيش حاجه جميله انا داخل اوضه المكتب علشان اشتغل شويه
سماح
ايوه يا اخويا تلاقيك زعلان عشان خاطر امك مش موجوده في البيت هو احنا ما نشبهش ولا احنا مش زيها
مروان
لا ابدا يا مدام سماح طبعا انت زي امي بس انا متضايق شويه عن اذنكم
سماح
خدي يا بنت يا جميله جوزك ماله يا بت شكلك مزعلاه من حاجه ايه اللي حصل
جميله
ما اعرفش والله يا خالتي مروان من امبارح وهو على كده وانا مش عارفه ايه اللي جرى له انت عارفه ان انا بحبه وعمري ما هزعله ابدا
وفي الوقت ده مروان دخل الاوضه المكتب وقال بزعيق
مروان
يا نهار اسود سعديه سعديه مين اللي عمل فيك كده الحق يا جميله تعالي الحقيني
وبعديها جميله وسماح والمنشاوي جري على مكتب مروان واول ما دخله جميله قالت
جميله
يا لهوي وانا اللي كنت عمال ادور عليها مين اللي عمل فيها كده يا مروان ده في حد كان عاوز يخلص عليها
سماح
يا حبيبتي يا قلب امك يلا بينا يا جماعه ننقلها على المستشفى على طول دي البنت هتروح مننا بنت يا سعديه ده ما فيش نفس فيها
المنشاوي
ده فعل فاعل يا مروان ايه الخزنه بتاعتنا مفتوحه يا حبيبي اكيد في حرامي دخل البيت وسعديه قومته واللي حصل حصل
مروان
انا واخد بالي يا جدي من كل حاجه يلا بينا الاول نوديها المستشفى وبعد كده نبقى نشوف ايه اللي هيحصل
وفعلا نقلوها على المستشفى واول ما سعديه فاقت الدكتور شافها وقال
الدكتور
هي الحمد لله كويسه بس يمكن تلاقيها مصدعه بس من اثر الضربه اللي على دماغها وتقدروا تروحوا بيها النهارده عن اذنكم
سعديه بدموع
حقكم علي حقكم على راسي انا اللي ما صنتش الامانه انا اتضحك علي انا اسفه يا مروان بيه حقك عليا يا منشاوي باشا
جميله
اهدي بس يا سعديه وفهمينا يا حبيبتي ايه اللي حصل
وسعديه حكيت كل حاجه ومروان قال
مروان
مين حمزه ده وايه اللي يخلي افراد الامن يخشوا عندي وخدوا ايه يعني من المكتب دي كانت خزنتي مفتوحه وللاسف الملف المهم راح منها البني ادم ده ما كانش من افراد الامن يا جدي ده كان مزقوق علينا
المنشاوي
اهدى يا مروان اهدى يا حبيبي عشان نعرف نفكر يلا بينا نروح على البيت عشان نشوف الكاميرات ونعرف ايه اللي حصل بالظبط
مروان
عندك حق يا جدي يلا بينا واتفضلي معانا يا سعديه انت ما لكيش ذنب في اي حاجه انت انسانه امينه ومحترمه وما تخافيش احنا مش مغلطينك في حاجه
سماح
اللي نفسي اعرفه بقى انت ايه اللي خلاك تدخليه الفيلا من غير اذننا يا هبله
جميله
ايوه فعلا يا سعديه انا كنت هسال نفس السؤال انت ليه عملتي كده كنت المفروض تاخدي اذننا واحنا نقول لك اه او لا
سعديه
بصراحه الواد حمزه ده كان مواعدني بالجواز وقال لي ان هو كان سارق حاجه من المكتب وهيرجعها ولا من شاف ولا من داري وانا كنت خايفه عليه عشان كده كنت وافقته بس صدقوني انا كنت واقفه معاه عشان ما يسرقش حاجه بس هو اللي غدر بيا وخبطني على راسي حقكم علي
المنشاوي
خلاص يا بنتي حصل خير بس الغلطه دي يا ريت ما تتكررش تاني وبلاش تامني لحد وما ينفعش حد يدخل عندنا غير باذننا اتفضلي يلا عشان تروحي معانا
وفعلا روحوا البيت واول ما دخلوا مروان فضل كاميرات ولقى حمزه لكن ما تعرفش عليه وقال لجده
مروان بعصبيه
يعني ايه يا جدي خلاص كده الصفقه راحت عليا ده الصفقه دي لو وقعت في اي شركه ثانيه انا كده سمعتي في السوق اتدمرت انا كده شريكاتي كلها اتدهورت
المنشاوي
اهدى يا حبيبي ما تعملش في نفسك كده اكيد في حل
مروان
حل ايه بقى ما خلاص انا اللي كنت فاكر نفسي ذكي وحطيت نص ورق الصفقه في الخزنه في الشركه والنص الثاني في خزنه الفيلا قلت علشان ما حدش يطوله وفي الاخر عرفوا يطولوا الصفقه كلها
المنشاوي
خلاص يا مروان اللي حصل حصل وان شاء الله
ورق الصفقه لو وقع في ايد حد من اصحابنا صدقني هنعرف وهنعرف نلم الموضوع كمان وننقذ الشركات
مروان
لكن للاسف يا جدي لو وقع في ايد حد من اعدائنا يبقى احنا كده خلاص انتهينا وشركاتنا وقعت خلاص
المنشاوي
خلاص يا مروان ما فيش حل غير ان انت تصبر شويه وان شاء الله خير ولازم تروح الشركه دلوقتي وتعرف مين الجاسوس اللي هناك اللي عمل فيك كده
مروان
عندك حق يا جدي انا فعلا لازم اكون في الشركه دلوقتي بعد اذنك
اما سماح كانت قاعده مع سعديه وبتقول لها
سماح
تعالي هنا يا بت يا سعديه بدل انت يا اختي بتحبي وعايزه تتجوزي ما قلتليش ليه كان عندي بدل العريس 10 يا موكوسه بدل الحرامي ابن الحرامي اللي انت عرفتيه وسرقنا
سعديه بزعل
حقك عليا يا ست سماح انا غلطانه ما اعرفش وانه حرامي كده يا ريتني ما حبيت ولا اعجبت بيه ولا شفته في يوم اصلا
جميله
خلاص بقى يا جماعه المفروض دلوقتي اكون واقفه جنب جوزي في المحنه اللي هو فيها بس انا فعلا مش عارفه اساعده ازاي
سماح
بقول لك ايه يا بنت يا جميله قومي البسي واطلعي على الشركه هناك اقعدي مع جوزك يا حبيبتي وهوني عليه وما لكيش دعوه بالمنشاوي الصغير هقعده مع صبري ويلعبوا مع بعض
جميله
عندك حق يا خالتي انا فعلا لازم اكون جنبه في الوقت ده وهروح الشركه عن اذنكم
وفعلا جميله راحت الشركه ورا مروان وكان قاعد في مكتبه وعمال يكلم السكرتير بتاعه ويزعق وقال له
مروان
انت لازم تعمل لي اجتماع بكل موظفين الشركه دلوقتي انا لازم اعرف مين الجاسوس اللي عندي اللي في الشركه عشان لازم يتعاقب على اللي هو عامله معايا
السكرتير
تحت امرك يا فندم هعمل اجتماع حالا بعد اذن حضرتك
مروان
وكمان عايز كل المكالمات اللي تمت من تليفون الشركه يمكن اوصل لاي حاجه انا هتجنن ازاي الحرامي سرق خزنه شركتي وخزنه بيتي وما عرفتش امسكه
السكرتير
ما تضايقش نفسك يا مروان بيه اكيد الحرامي ده هيتمسك عشان ما فيش حرامي ذكي عن اذن حضرتك
وفعلا السكرتير راح وعمل اجتماع لكل الشركه وطبعا كل الموظفين رحبوا جدا الا سهير اتوترت وخافت جدا ولمت حاجتها علشان تسيب الشركه وتمشي
وكانت سهير واقفه قصادي اسانسير ومتوتره جدا وخايفه علشان تنزل وتمشي قبل حد ما يمسكها واول ما فتح اسانسير كانت جواه جميله وسهير قالت بتوتر
سهير
خلصي ارجوكي حضرتك داخله ولا نازله ولا طالعه ولا ايه بالضبط
جميله
في ايه انت مالك متوتره كده ليه انت رايحه فين
سهير
هو انت هتصاحبيني انا نازله
جميله شكت في سهير وما رضيتش ان هي تخرج الاسانسير وقالت لها
سهير
انا كمان نازله اتفضلي ادخلي
وبعديها سهير دخلت الاسانسير وبعتت رساله لادهم على الوتس وقالت له
سهير
يا ادهم بيه مروان بيه عمل اجتماع للموظفين كلهم وانا كان لازم امشي الله يخليك شوف لي اي وظيفه تانيه عشان لازم اسيب الشركه دي
وطبعا جميله شكت في سهير على طول ووقفت الاسانسير وما خلتوش لا يطلع ولا ينزل وسهير قالت بزعيق
سهير
هو ايه اللي انت بتعمليه ده انت مجنونه اوعي كده انا عايزه انزل
جميله بزعيق
صوتك ما يعلاش بالطريقه دي وعيب قوي لما تكلمي المديره بتاعتك كده انا جميله هانم مرات مروان بيه وانت اتكشفتي يا استاذه ومش هتمشي من هنا ولازم الكل يعرف حقيقتك
وطبعا سهير حاولت تهرب بالاسانسير ما عرفتش تخرج منه وفي الوقت ده جميله اتكلمت مروان وقالت يجي لها قصاد الاسانسير حالا وفعلا جميله طلعت بالاسانسير واول ما خرجت منه مروان كان مقابل جميله وحكيت له على كل حاجه ومروان قال
مروان بصدمه
ايه الكلام ده يطلع منك انت يا سهير معقوله قدامي على المكتب بتاعي عرفيني مين اللي عمل كده وازاي وعشان ايه
سهير
الله يخليك يا مروان بيه افهمي بلاش تسجني انا عملت ده كله عشان خاطر امي تعبانه واللي طلب مني اعمل كل ده واحد اسمه ادهم بيه وبصراحه كده اللي عرفته ان انتوا اصحاب من زمان قوي
مروان بصدمه
معقوله ادهم صاحبي هو اللي يعمل كده هو فعلا من يومه وهو بيكرهني ودايما كان بيغير مني لكن يوصل بيه الوقت انه يؤذيني في شغلي
جميله
مهما كان امك كانت تعبانه ليها رب كريم كان هيساعدك ويساعدها لكن تخوني المدير بتاعك ده اللي ما كانش ينفع ابدا ليه عملت كده ده انت خربتي بيت والله يسامحك
مروان
خلاص يا جميله ايه اللي حصل حصل لكن دلوقتي سهير هتنقذ الموقف وهتكلم ادهم وهتوقعه في شر اعماله ولا ايه
سهير
اللي انت عاوزه انا هعمله يا مروان بيه بس الله يخليك بلاش تبلغ عني وبلاش تسجني
مروان
يبقى اتكلمي ادهم دلوقتي وتخليه يقابلك بره وانا هكون ماشي وراكي وبعد كده مهمتي خلصت وانا هعرف اخد حقي منه كويس
سهير كلمت ادهم في التليفون وقالتها
سهير
ادهم بيه الحقني انا لازم اقابل حضرتك دلوقتي في موضوع مهم جدا لازم اكلمك في
ادهم
ومين قال لك ان انا هقابلك ولا اتكلم معاكي بقول لك ايه خلاص عندك كنت طالب مني خدمه هو انت عملتها لي واخذتي حقها كمان اطلعي من دماغي وما ليش دعوه باي حاجه
سهير
يعني ايه انت كده خلاص بعتني الله يخليك ما تسيبنيش
ادهم بضحك
ههههههههه
وانت ليه محسساني اني انا كنت وعدك بالجواز ولا حاجه بنت انت بلاش تنسي نفسك وما تتصليش علي ثاني
وبعديها ادهم قفل السكه في وش سهير وجميله قالت
جميله
خلاص يا مروان بدري انت عارف ادهم ده تعالى لو انت نروح عنده ونتكلم معاه بكل هدوء يمكن يتقبل مننا الكلام
مروان
بلاش الطيبه بتاعتك الزايده دي يا جميله ادهم قاصد ان هو يؤذيني في شغلي وانا ما ينفعش اظهر له خسارتي ولا قله حيلتي
جميله
طب هتعمل ايه دلوقتي يا حبيبي
مروان
العمل عمل ربنا وانت يا سهير امشي اطلعي بره شركتي مش عاوز اشوف وشك هنا تاني انت خاينه واللي يخون مره يخون 1000 مره ومره
وفعلا سهير سابت الشركه ومشيت وجميله بقت قاعده جنب مروان عماله تهون عليه
اما في شركه ادهم كلم جاسر صاحبه هو ومروان في التليفون وقال له
ادهم
جاسر باشا حبيبي واحشني فينك يا عم وفين ايامك الغاليه عندي ليك صفقه بمليار جنيه معايا يا باشا ولا عليا
جاسر
يا نهار ابيض ادهم بنفسه بيكلمني فينك يا عم هو لازم يكون في مصلحه يعني عشان اسمع صوتك طبعا معاك يا باشا من امتى وانا عليك ده احنا اصحاب من زمان
ادهم
حلوه قوي الكلام ده النهارده هكون عندك في مكتبك اشرب معاك القهوه وهعرفك الدنيا فيها ايه وصدقني مش هتندم ما انت عرفت انا ادهم الذكي
جاسر
طبعا طبعا يا صاحبي هو انت هتقول لي انا تحت امرك في كل حاجه تيجي تنورني يا ادهم
وبعديها فعلا ادهم اقفل السكه مع جاسر علشان يروح عنده المكتب ويبدا معاه صفقه العمر علشان يهده مروان المنشاوي
اما في البيت عند مراد كان قاعد بياكل رنا في بقها وبيقول لها
مراد
الف هنا على قلبك يا ست البنات طب امسكي كلي حته القشطه دي وخلاص علشان خاطري
رنا
حرام عليك يا مراد كل ده اكل هو انت فاكرني مفجوعه ولا ايه مش عارفه اكل نفسي مسدوده من الحمل
مراد
لا لا بقول لك ايه الكلام ده ما ينفعنيش انت لازم تاكلي وتتغذي وتخلصي الاكل ده كله كمان ولازم تشربي 2 كيلو لبن في اليوم انا امي كانت بتقول كده زمان
رنا الضحك
هههههه يا نهار ابيض هو انت عايزني اشرب 2 كيلو لبن في اليوم ليه ان شاء الله هو انا جاموسه
مراد بضحك
ههههههههه الله يسامح اللي اداك شهاده ومين قال لك ان الجاموسه بتشرب لبن يا قلبي الجاموسه بتشرب ميه ههههههه
رنا
ايا كان ايه هو الكلام انا مش هشرب 2 كيلو لبن في اليوم وكفايه بقى شيل القشطه وشيل المربى من قدامي انا عايزه حته جبنه قديمه وعايزه حته مش نفسي في قرن فلفل حامي
مراد
يا نهار ابيض ده الكلام ده انا كنت بسمعه في الافلام ده طلع بجد بقى يعني فعلا الحامل بتاكل الكلام ده طب كل ده واجيب لك اللي انت عاوزاه
رنا
لا لا بقول لك ايه انا رايحه عند بابا انت على طول كده مضايقني ومنرفزني ومش عايزه الواد يطلع عصبي والبنت تطلع عصبيه
مراد
ومين قال لك ان هم بنت وولد مش ممكن تكون بنتين ويبقوا احلى بنتين في الدنيا
رنا
يا لو كلامك طلع جد يا مراد وفعلا اجيب بنتين او بنت وولد بس اهم حاجه اجيب بنت علشان عاوزه اسميها جميله يا مراد
مراد
طبعا يا حبيبتي اللي انت عاوزاه كفايه اللي جميله عملته معانا دي اقل حاجه نقدمها لها ان احنا نسمي بنتنا على اسمها
رنا
ربنا يخليك ليا يا مراد بجد انا اول مره اشوفك حنين عليا كده بحبك يا اجمل حاجه في حياتي واجمل حاجه حصلت في دنيتي
اما جميله كانت قاعده جنب مروان في المكتب بتاعه قالت له
جميله
مروان حبيبي متهيالي قعدتك هنا ما لهاش لازمه تعالى نروح الفيلا نرتاح شويه ونفكر انا وانت على رواقه واكيد هنوصل لحل
مروان بعصبيه
الله يخليك يا جميله سيبيني في حالي انا مش طايق نفسي ومش طايق الفيلا ومش طايق اي حاجه حواليا انا نفسي الاقي صفقه دي انا ممكن اتدمر عارفه يعني ايه شركتي سمعتها تقع في السوق
جميله
صدقني يا مروان في حل انا متاكد بس انت اهدى يا حبيبي قوم بس كده انا وانت نصلي لربنا وندعي وان شاء الله ربنا هيحلها لنا
مروان
كلامك مطمني يا جميله ويا رب يكون فعلا صح يلا فعلا عندك حق نصلي ركعتين لربنا وان شاء الله ربنا هيحلها لي
اما ادهم راح عند جاسر صاحبه في المكتب واول ما دخل عنده قال
ادهم
حبيبي وصاحبي وعشره عمري وحشتني اخيرا هنحط ايدينا في ايد بعض ونبدا صفقه العمر
جاسر
يا نهار ابيض ايه النور ده اتفضل يا ادهم وحشتني ده انت ما تغيرتش لسه انت زي ما انت
ادهم
يعني ايه انا زي ما انا مش فاهم يا جاسر
جاسر
قصدي يعني كلامك المعسول واسلوبك الجميل ده انت منورني يا ادهم قل لي بقى صفقه ايه اللي احنا هنشتغل فيها انا وانت
ادهم
صفقه العمر يا جاسر وانا مسميها صفقه المليار لانها هتخلينا نعدي كل حاجه قلت ايه معايا يا صاحبي
جاسر
طبعا معاك بس ممكن تديني الورق كده واشوف الصفقه
هو فعلا جاسر شاف الصفقه وبصه على اسم الصفقه ولقاها باسم مروان المنشاوي وقال لادهم
جاسر بخبث
مين مروان المنشاوي ده يا ادهم ده صاحبك ده ولا ايه
ادهم
معقوله نسيت مروان المنشاوي صاحبنا من زمان ده دلوقتي بقى صاحب اكبر شركات بس هو مش عاوز الصفقه دي وقال لي اشتغل فيها لوحدك وانا مش هقدر يا صاحبي ايدك معايا قلت ايه
جاسر
تمام وانا تحت امرك معاك طبعا وهنشتغل فيها من النهارده ايه رايك يا ادهم
ادهم
حلو قوي قوي الكلام ده بس يا ريت ما حدش يعرف بالكلام ده ولا حتى مروان علشان ما يزعلش مني ان انا شاركتك وهو كان سايبها لي ليا لوحدي
جاسر
طبعا يا ادهم هو انت شايفني عيل صغير سيب لي ورق الصفقه علشان ابدا فيه براحتي واعرفك هنمشي الصفقه ازاي واحده واحده
ادهم
تمام الكلام وانا واثق فيك واثق في دماغك الالماظ يا جاسر سلام بقى والمره الجايه هبقى اشرب القهوه
وبعديها ادهم مش وجاسر محتار وقال في نفسه
جاسر
معقوله مروان هيسيب صفقه العمر دي اللي ادهم انا حاسس ان في حاجه غلط وادهم من زمان بيغير من مروان انا لازم افهم في ايه
اما ادهم ركب عربيته وقال في نفسه
ادهم
حلو قوي الكلام ده حظ سعيد للمره القادمه يا مروان يا منشاوي من بكره هتجيلك جلطه انت وجدك مين اللي هتشوفوه وهتسمعوه في السوق الصفقه بقت بتاعتي انا ومروان واسمك في السوق هيتهز وهيكون ملكش اي لازمه
اما في مكتب مروان كان قاعد هو وجميله ومتوتر جدا ولقيتها باب مكتب بيخبط عليه والسكرتير قال
السكرتير
في واحد عاوز يكلم حضرتك ويقابلك في موضوع مهم جدا يا مروان بيه
مروان
مش عايز اقابل حد امشي اطلع بره وقف كل المكالمات وقف كل المقابلات انا مش طايق نفسي
في الوقت ده دخل جاسر ومروان بص بصدمه وقال