رواية حياة قلبي سواقة التاكسي
الفصل الثامن8
بقلم يارا عبد السلام
ياسمين ورنا كانو ماشيين
وعدت من قدامهم عربيه ريان وأفنان سائقه
رنا:مش دي افنان
ياسمين:فين
_اللي سائقه دي
ياسمين:اي!؟
اي اللي انا شايفاه دا ازاي كدا النهارده المفروض انها الصباحيه بتاعتها...
رنا:انا حاسه ان افنان فيها حاجه وان ريان دا بيعذبها زي بتوع الروايات
ياسمين:لا طبعا انتى عوزا تقولى انو هيكون زي ادم الكيلانى !
رنا:تفتكري
ياسمين:يعني اختى هتتعذب زي روان بس لا انا حاسه ان في حاجه تانيه ورا الموضوع دا...
رنا وهى باصه اللي واقف باصص عليهم :انا من رايي أننا نعرف كل حاجه من اخينا دا مش هو صاحبه
ياسمين وهى بتبص لعدي اللي واقف يبصلها:انا مش عارفه هوا ورايا في كل حته انا زهقت انا مش عوزا اتخانق معاه والله
رنا:على فكره شكله صاحب ريان اووي وممكن نعرف منه كل حاجه
ياسمين:ازاي
_انتى هوا شكله معجب بيكي
_قصدك اي يا رنا
_قصدى تكلميه وتعرفي اختك اي مبهدلها كدا
ياسمين بعصبية:لا طبعا أنا هكلم افنان واعرف منها كل حاجه
رنا :طيب..
رنا بصت لعدى بقلة حيلة!!!
عدى يصلها بابتسامه وكأنه عرف الطريقه اللي هيكلم ياسمين بيها!!
هوا مفكرها زي باقى البنات!!!
افنان كانت سايقه العربيه
وريان طول الطريق باصص لعنيها في المرايا
ميعرفش لي خايف من الخطوة دي هوا عاوز يخبيها مش يعرضها عالناس!!!
افنان وصلت الشركه
ريان بتكبر:انزلى افتحيلي الباب
افنان:نعم!
_زي ما سمعتى انتى شغاله عندى
_انا شغاله عندك دا مش معناه انى عابده عندك وانت متشلتش افتح الباب لنفسك
_انتى متأكده من كلامك دا
_اه
_طيب يا افنان
ريان نزل
_هاتى الشنطه وتعالى ورايا
افنان جابت الشنطه وطلعت وراه
ودخلت الشركه بانبهار من جمالها
ولسه هتدخل معاه الاسانسير وقفها
_اطلعى على رجليكى
_نعم!
_زي ما سمعتى
قفل الاسانسير وبعدين طلع
وهى راحت ناحيه السلم وكل لما تقابل حد تساله على مكتب المدير
طلعت وهى بتنهج اخدت نفسها
ودخلت عند السكرتيره
_فين المدير
السكرتيره بتكبر:وانتى مين بقى واي اللبس دا
افنان:انا السواقه الخاصه لاستاذ ريان ودي الشنطه بتاعته اتفضلي دخليهاله
_انتى بتأمريني
_لا مش بأمرك يا حلوة دا شغلك المفروض انك الخدامه الخاصه بيه في الشركه صح يا قطه
السكرتيره بزعيق:انتى اتهبلتي اي الكلام دا انتى اللي خدامه يا بيئه انتى
افنان...البيئه دي تبقى انتى ولمي الليله وبطلي لكلك علشان مجبكيش من شعرك اللي عامل شبه الواد فجله دا
ريان خرج على صوت الزعيق وفي نفس الوقت كان عدى وصل
ريان بعصبية:في اي اي الزعيق دا يا ريهام
_يا فندم هى اللي جت تزعق وتقل ادبها انا مش عارفه انت حضرتك شغلتها عندك ازاي
افنان...زي ما شغلك يا حبيبتي شكل الشركات بقت تلم ناس كدابه كمان كتكوا القرف كلكوا زباله زي بعض ورمت الشنطه على الارض ومشيت..
عدى كان واقف باصص بذهول ليها وريان اللي اول مره يشوفه واقف وساكت!!
عدي قرب منه
_اي اللي انت عامله في مراتك دا مشغلها عندك؟
ريان دخل وسابه
عدى بص لريهام وقال....هاتى الشنطه دي
عدي دخل وقعد قدامه ...انت لي عامل فيها كدا لى ذاللها هى عملت فيك اي دا كلو علشان رفضت انها تكون من حساباتك ونزواتك
ريان:عدى متعصبتيش انا فيا اللي مكفيني
عدي....فيك اي يا صحبي
انا من الاول مكنتش موافق عالجوازة دي لانى عارف انك مش هتقدر تعمل معاها حاجه لان دي مش زي البنات اللي تعرفها دي مش بنت دي
راجل راجل يا ريان وأرجل من الرجاله كمان قليل لما تلاقي بنت زيها قويه كدا وبتتقبلش اي هزيمه..
حتى لما انت جبت ابوها وقولت هكسر عينيها هى حتى مبصتش في الأرض بالعكس فضلت محتفظه بقوتها للنهايه وهتفضل كدا حتى معاك يا ريان انت اللعبه دي يا اما هاتخلص وانت مهزوم بعد ما تحبها أو وانت مطلقها علشان معرفتش تاخد منها حاجه ..
_خلصت كلامك
عدي...اه وعارف أن مفيش نتيجه عن اذنك يا يا صحبي ..
افنان نزلت تحت وقعدت قدام العربيه
وقامت دورت على مكان تشرب منه شاي
سألت احد الحراس ودلها على المكان
راحت وكانت عيون الحراس كلهم بيراقبوها وبداو يتكلموا قد اي هى جميله لكن شكلها مضطره انها تشتغل الشغلانه دي!!
جت وقعدت مكانها وبدأت تشرب الشاي
والكل مستغرب البنت دي ..
ريان نزل بشموخه وركب العربيه وهى ركبت
_هتتزفت فين
_بت احترمي نفسك
_هتروح فين
_فندق******
بدأت تسوق وبعدين وقفت في اشاره
$حاجه لله يا بيه حاجه لله
افنان بصتلها وهى عارفاها:ازيك يا بطوط
_الست افنان عامله اي ليكي وحشه
_انتى اكتر يا بطوط عامله اي وعيالك
_كويسين الحمد لله زي مانتى شايفه اللي ميتسماش جوزي قاعد في البيت وانتى عارفه الباقى
_طيب استني
افنان بصت لريان بتوتر
_احم ممكن اخد سلفه من مرتبي وتخصمها منى اخر الشهر
_لي!؟
_معلش انا عوزا ٢٠٠جنيه
_لي
_هتديني ولا لا
ريان كان متابع كلامها مع الست دي وعرف انها عوزا تدي الفلوس دي ليها
طلع الفلوس من جيبه وادالها عليهم ٣٠٠
_بس انا طلبت ٢٠٠
_الباقي مني ليها ويلا علشان الاشاره فتحت
افنان بصتله بنظره جديده وابتسمت
أدت لبطوط الفلوس وبدأت تدعيلها
_انتى بقى عارفه كل اللي في الشوارع كدا
_اه طبعا أنا متربيه معاهم ولا انت شايف اي
ريان يصلها بغيظ وسكت...
وصلت الفندق
ريان نزل وبصلها
_هتفضلي هنا!
_اه طبعا أنا شغلتي سواقه
_اه ماشي
ريان دخل جوا وهى فضلت واقفه مكانها حست انها مخنوقه وعطشانه
دخلت جوا علشان تشوف مايه
شافت ريان قاعد مع ناس كتير رجاله وستات حلوه اوووي
بصت ليهم وبصت لنفسها
*عمرك يا افنان ما هتكونى من العالم دا لانه كلو نفاق وكذب...
شافت واحد
_لو سمحت انا عوزا ميه ممكن
يصلها من فوق لتحت
_وانتى جايه مع مين يا شاطره
_جايه مع ريان باشا وبعدين انا مش شاطره يا شاطر انت
_بت بطلى قلة ادب
_قلة الادب دي اللي هوا انت يا حيوان
_لا دانتى زودتيها اوووي
ولسه هيمد ايده
لقي اللي ماسكها
و......