رواية حياة قلبي سواقة التاكسي
الفصل التاسع9
بقلم يارا عبد السلام
قلة الادب دي اللي هوا انت يا حيوان
_لا دانتى زودتيها اوووي
ولسه هيمد ايده
لقي اللي ماسكها
كان ريان واقف قدام افنان اللي كانت واقفه مصدمه ومتصمره مكانها
ريان بعصبية:انت ازاي جاتلك الجراه انك تمد ايدك على حد تبعى وشغال عندى
الشخص وهوا بيبلع ريقه خوفا من ريان وأنه يقطع عيشه لانه صاحب الفندق:انا انا اسف يا فندم بس هى اللي غلطت فيا الاول و...
ريان:مفيش مبررر انك تمد ايدك على واحده ست
الراجل:دي ست !!!دي مش باين عليها انا حاسس انى بكلم واحد صاحبي دي ارجل منى...
الكلام جرح افنان جدا وجه على كرامتها
افنان:كويس انك عارف انى ارجل منك يا ع*رة الرجاله
ريان:افنان اسكتى
افنان:مهو انتو كلكوا زي بعض زباله للاسف انا مستقيله من الشغل دا واللي عندك اعمله سلام...
افنان سابته مكانه وهوا مصدوم من كلامها وركبت تاكس وطلعت على بيتها..
خبطت على الباب
قابلتها ياسمين بابتسامه بتحاول تخفي فيها غضبها من اختها
افنان:عامله اي
_الحمد لله
_مالك
ياسمين بدموع:انا فرحت انك هتتجوزي وقولت الحمد لله انها لقت الشخص المناسب بس مسألتكيش على سبب الجواز السبب اللي عرفته النهارده وشوفته بعنيا اللي واضح جدا ان استاذ ريان متجوزك علشان يعذبك وينتقم منك ويشغلك عنده زي الروايات
افنان:ياسمين انتى جبتي الكلام دا منين
_انا شوفته بعنيا يا افنان وبعدين اسألي نفسك لابسه لبس زي دا لى ولي كنتي انتى اللي سائقه العربيه بتاعت ريان وهوا راكب ورا ولا كأنه وزير ..
_اهدى ممكن انا انا لبست اللبس دا علشان مكنش معايا لبس بتاعى نسيت اخده فعادي انا متعوده على اللبس دا وثانيا يا ستي مين قالك أن ريان بيعذبني بالعكس دا طيب جدا وخادني النهارده اشوف الشركه وانك شوفتيني بسوق فدا كان تحدي بيني وبينه وانتى عارفه بحب التحديات
ياسمين بعدم تصديق وشك:ماشي يا افنان..
فارس خرج من الاوضه لما سمع صوت افنان
جري عليها وحضنها
_عامله اي يا حبيبتي البيت وحش من غيرك انا مفتقدك اووي يا افنان بجد اقولك ارجعي عيشي معانا
_يا حبيبي انت اكتر والله عامل اي في المذاكره
_الحمد لله دعواتك بقى الامتحانات اتحددت بعد شهرين وانا خايف
_طول مانت بتجتهد وبتعمل اللي عليك دي حاجه هتكون سند ومعون ليك وربنا معاك طبعا يا حبيبي
افنان قعدت معاهم شويه هى في مثابه امهم واختهم وكل حاجه وفكره انها تبعد عنهم من يوم وليله محدش يتقبلها ولا حتى هي قادره تتقبلها...
افنان رجعت الفيلا بعد ما جابت اللبس بتاعها وكل حاجه تخصها..
ريان كان متعصب جدا وعمال يلف في الفيلا مستنيها ..
دخلت وكانت طالعه الأوضه
ريان وقف قصادها
افنان بهدوء:عاوز اي
_كنتي فين
افنان :كنت عند اخواتي وبجيب هدومي في حاجه!متخافش انت متجوز راجل
ريان:منا عارف انى متجوز راجل بشكلك ولبسك دا وطريقه كلامك
افنان:طيب واي جابرك عليا متطلقني وكل واحد يروح لحاله
ريان بعصبية:مش هطلقك يا افنان انا لسه مخدتش حقي منك
افنان:ومش هتعرف تاخده لانى مش هسمحلك تقربلي ولا تكسر عيني فاحسنلك تطلقني من غير منتعدى على حدود بعض والبنات كتير حواليك اللي بتسهر معاها واللي بتكلمها واللي عايش حياتك فانا اي لزمتى
_مش هطلقك برضو وهفضل وراكى لحد ما تحبيني وساعتها هكسر أنفك وساعتها يا حلوة هتقولى حقى برقبتي وانتى اللي هتحاولى تقربي منى وانا هبعد عنك
زي ما حبيب القلب عمل ولا اي يا بطه
افنان بتوتر:حبيب القلب مين انت بتتكلم عن اي
_ههههههه شكلك لسه متعرفيش مين هوا ريان السيوفي مسكينه بكرا تعرفي
_انت حقير وزباله وانا بكرهك بكرهك طلقني بقى
_مش هطلقك برضو يا افنان مهما عملتى ويلا اطلعي من وشي
افنان طلعت وهى بتحاول تحبس دموعها
دخلت الحمام خدت شاور ولبست بيجامه من بتوعها وفردت شعرها ونامت على السرير
لقت ريان داخل ونام جنبها
_انت اي اللي بتعمله دا
_اوضتي ومراتى
_انا مش مراتك انا راجل زيك
_شاطره انك عارفه كدا عارفه انتى عامله زي اي زي المتحولين الصبح راجل وبليل ست
_وعرفتها لوحدك دي
_هقولك حاجه انقح
قرب منها وهمس لها
_انتي بليل لما بتتحولى بتبقى زي القمر
افنان اتكسفت وغمضت عينيها
_لو سمحت ابعد عني
_مراتي
_وانا مش طايقاك مش بحبك انا بكرهك وكلامك المعسول دا مش هيخليني ارجع في قراري
_ومين قالك انى هقربلك مثلا انا عادى عندي وقت فراغ لقوات تتسلى
_اه تمام
وقامت من جنبه وخرجت برا
فضلت تدور على اوضه تانيه لقت كل الاوض مقفوله...
نزلت تحت في الصالون ونامت على الكنبه
بعد نص ساعه
ريان نزل ولقاها نايمه على الكنبه
وقف قدامها وفضل يتأمل فيها
_انا مش عارف انتى
هتعملى اي في حياتى انتى دخلتيها يومين وقلبتيها يا تري هتعملى اي تاني ...
تاني يوم افنان صحيت الصبح لقت نفسها على السرير وريان نايم جنبها
افنان بعصبية:انت انت
ريان صحي:في اي
_انا اي اللي جابني هنا ومين سمحلك انك تشيلني
_اللي سمحلى انك مراتى بس كدا
_انت مستفز
وقامت من جنبه..
_اعملى حسابك انك هتنزلى الشغل النهارده
_لا مش هنزل ولا هرجع
في قراري ولو عندك كرامه طلقني بقى انا قولتلك انى مش عوزاك هوا عافيه ...
وحاولت تستفزه:هترضي على نفسك تكون مع واحده قلبها مع واحد تاني ..
هوب لقت القلم على وشها ووقعت على الأرض
ريان بعصبية......