رواية عشق المراد
الفصل الثالث والعشرين
بقلم نورا رمضان
احمد بصدمه: مراد
مراد :احمد
احمد جري علي مراد
احمد بخوف:اي اللي حصلك مين عمل فيك كده
مراد حضنه:متخافش عليا كانت حادثه بسيطه
احمد :حادثه بسيطه اي انت مش شايف شكلك عامل ازاي
مراد :خلاص متخافش الحمدلله عدت علي خير
وحضنوا بعض
كل ده تحت استغراب عشق و روز
عشق باستغراب :انتوا تعرفوا بعض
احمد :اه مراد اخويا وانتي مرات اخويا
عشق بصدمه : اخوات ازاي انا مشوفتكش في فرحنا خالص
احمد :للاسف معرفتش اجي لأن كان في صفقه مهمه جدا في الشركه اللي هنا
عشق :تمام اتشرفت بمعرفتك
روز : يعني احنا الاتنين كده سلايف يعشق
عشق بفرحه :اه هيي
مراد كل ده مركز علي عشق اللي ملامحها اتغيرت من التعب
مراد في سره وهو بيبص علي عشق :اه اخيرا شوفتك تاني شوفت ضحكتك لما بتضحكي كان الشمس بتطلع ملامحك وحشتني وانتي وحشتيني وحشني عطر شعرك وحشني شكلك وانتي متعصبه وحشني شكلك وانتي مكسوفه مني كل حاجه فيكي وحشتني في بعدك عرفت اني بحبك لا بعشقك انتي هديه ربنا ليا في بعدك كنت عامل زي الجسد اللي من غير روح اكتشفت انك روحي مكنتش بعرف انام من غير ما اضمك لحضني بس برضو زعلان منك انك بعدتي عني وسبتيني بعدتيني عنك
مراد فاق من سرحانه علي صوت احمد :بتقول حاجه يا احمد
احمد : بندهلك بقالي سنه
مراد وهو بيبص علي عشق:معلش مكنتش واخد بالي
احمد بغمزه:مهو باين
عشق اتكسفت لأنهم لاحظوا بصات مراد لعشق
مراد:بس يرخامه
احمد :انا غلطان اني بتكلم معاك بس انت ازاي تيجي ومتقوليش
مراد :هبقي احكيلك بعدين وانت ازاي متروحش الشركه كل ده
احمد :احم مكنتش فاضي وصحبي معتز كان بيروح بدالي وهو فاهم في الشغل بس هو مقليش ليه انك جيت
مراد:انا اللي قولتله ميقولكش
احمد :ماشي
موبايل عشق رن
عشق وهي بتدي الموبايل لمراد :اسد عايز يتطمن عليك
مراد اخد منها الفون ومردش عليها
اسد بقلق:الو عشق مراد فاق صح مراد كويس
مراد :كويس يا اسد طلعت بتخاف عليا
اسد :اومال لو مخفتش عليك ياخويا اخاف علي مين
مراد :يعني لازم يحصلي حاجه عشان تقول كده
اسد :بس يرخم انت هتخرج أمتي من المستشفى
مراد :يومين كده وامشي
اسد :طب انا هجيلك
مراد :لا ملوش داعي احمد معايا ومش هيسبني زي ناس
عشق ادايقت لأن مراد قصده عليها
احمد :ازيك يا اسود
اسد :كويس يابو حميد خلي بالك علي مراد
احمد :في عنيا وفضلوا يتكلموا شويه وقفلوا
الدكتور دخل يتطمن علي مراد ويكشف عليه
الدكتور: الحمدلله يا بطل عديت منها الف سلامه عليك وانت محظوظ اوي بمراتك كانت خايفه عليك جدا
مراد: الله يسلمك البنت اللي عملت حادثه معايا هي دلوقتي كويسه
الدكتور :اه بقت كويسه هي متعرضتش لإصابات كتير وفاقت انهارده
مراد:تمام انا هخرج أمتي
الدكتور :بعد يومين
الدكتور خرج
عشق كانت واقفه بتغلي مراد مكلمهاش ومش عاملها اهتمام وكمان بيسال علي بنت وكانت معاه
عشق بغيظ :بنت مين اللي كانت معاك يمراد
مراد ببرود :بنت وخلاص اصل انا بتاع بنات
عشق اتغاظت اكتر
روز :في حد بيشيط جنبي
عشق :اسكتي دلوقتي عايزه اروح اقتلوا
احمد :انا همشي دلوقتي يمراد هسيبك ترتاح وهجيلك الصبح
مراد:ماشي خلي بالك من نفسك
روز :سلام يعشق هجيلك بكره
عشق :ماشي يحبيبتي
ومشي احمد وروز
عشق راحت قعدت جنب مراد جت تمسك ايده مراد شدها
عشق:انت زعلان لي وانت اساسا كنت بتخوني ومعاك بنت
وسالت عن البنت وانا لا متكلمتش معايا
مراد ببرود:لا حقك تزعلي تهربي مني عشان حاولت اقرب منك وكل يوم انزل ادور عليك بالساعات وقلبي هيطلع من خوفي عليكي وعملت حادثه لاني كنت سارح وبفكر فيكي كل يوم كنت بعيط لانك سبتيني انا امي لما سبتني لجدي انا معيطش كده ومزعلتش كده وشايفاني لسه خارج من عمليات وكنت بين الحياه والموت وبدل متطمني عليا بتقوليلي كنت بتخوني البنت دي عربيتها خبطت في عربيتي عشان كده بطمن عليها وسالت الدكتور وشكرا اوي ليكي علي كل اتهاماتك دي
عشق متخيلتش أنه ممكن يدور عليها كل يوم وكمان يعيط ويزعل عشانها
عشق بندم لتسرعها :انا اسفه اني سيبتك انت اتجوزتني عشان تنتقم مني فاانا مستحملش ده عشان كده سيبتك انا اسفه واسفه اني اتهمتك بس ده من غيرتي عليك انا بحبك يمراد انا كنت كل يوم بموت بسبب انك بعيد عني ولما شوفتك في الكافيه فرحت اني شوفتك ولما شوفتك في المستشفي وجهاز القلب بيصفر كنت هموت عشانك وانهارت كنت حاسه ان روحي بتتسحب مني ولما رجعت تاني للحياه مكنتش مصدقه كنت فرحانه اني هشوفك تاني وانك رجعتلي
انا اسفه وفضلت تعيط
مراد ضمها لحضنه:خلاص هششش وانا كمان بحبك انا اتعديت مرحله الحب انا بقيت بعشقك وضمها اكتر لحضنه لمده
مراد :اه انتي كنتي بتشتغلي في الكافيه انا كنت حاسس ان انتي
عشق :اه بعد مسيبتك ومشيت روحت اشتغلت بس وعد اني مش هسيبك تاني ياحبيبي
مراد :طب وازاي عرفتي اني في المستشفى
عشق : انا انا كنت جايه اكشف واخد جلسات الكيماوي
مراد بصدمه : انتي عندك كانسر
عشق:اه مرحله أولي
مراد حضنها اكتر : متخافيش يروحي أن شاء الله هتخفي هخدك اكبر مستشفي تعالجك وان شاء الله هتخفي وتبقي احسن
عشق :أن شاء الله يحبيبي بعد مخلصت كيماوي كنت ماشيه وسمعت صوت جهاز قلب بيصفر فضولي خلاني اشوف مين اللي جوه وشوفتك انت حسيت ساعتها أن روحي بتتسحب مني وفضلت تعيط
مراد :خلاص يحبيبي انا اهو كويس وانتي أن شاء الله هتبقي كويسه وفضولوا يتكلموا في كل حاجه حصلت وهما بعاد عن بعض
عشق :مراد هو انت ممكن تسبني عشان ملامحي بهتت وشعري بقي بيقع ومبقتش جميله
مراد مس وشها :يستحيل اسيبك انتي جميله في كل حلاتك انتي بقيتي اجمل انا بحب روحك مش شكلك بحب قلبك النقي وانتي هتفضلي في عيني احلي واحده في البنات مفيش اجمل منك يحبيبي
عشق حضنته جامد :ربنا يخليك ليا يمرادي
وفضلوا يتكلموا
عند اسد اتصل علي ملك وطمنها علي مراد واتصل علي سليمان وحكاله اللي حصل وان مراد فاق
سليمان اتصل علي عشق
عشق :الو يجدو
سليمان بخوف :الو يعشق مراد عامل اي دلوقتي
عشق :كويس يجدو خدو اهو كلمه
مراد :انا كويس يجدو
سليمان :انت عملت حادثه ازاي عشان لو كانت متدبره من حد اجيبوا
مراد :لا لا وحكاله عمل حادثه ازاي وحكاله عن أحمد وأنه هيخرح من المستشفى بعد يومين
سليمان :طيب يحبيبي ربنا يقومك بالسلامه وهات عشق اسلم عليها عشق كلمته وبعدها قفل
ومراد وعشق فضلوا يتكلموا بعدها ناموا وهما حاضنين بعض كل واحد فيهم خايف التاني يسيبوا
سليمان حكي لزينب وطمنها
عند أحمد وروز
روز:ازاي انت ومراد اخوات انا عمري مشوفته معاك أو بتكلمه أو قولتلي
احمد :انا ومراد اخوات من الاب ولما امي ماتت وبابا انا جيت هنا لأنهم كانو كل حياتي بس بنتكلم انا ومراد وعلي تواصل
واهو يستي قولتلك
روز. : ماشي
احمد روح روز وروح هو كمان نام