CMP: AIE: رواية البحث عن الحقيقة الفصل الثالث3 بقلم اية عبد السلام
أخر الاخبار

رواية البحث عن الحقيقة الفصل الثالث3 بقلم اية عبد السلام


رواية البحث عن الحقيقة
 بقلم اية عبد السلام

الفصل الثالث


سندس كانت نايمة و بتحلم و شافت فى الحلم مرام و هى فى شقتها و بتجيب حاجة من تحت السرير

مرام باصتلها بإبتسامة و مسكت الصندوق اللى جابته من تحت السرير و فتحته و طلعت منه حاجة و حطتها قدام سندس

مرام بإبتسامة و ندم : الفلاشة دى فيها كل حاجة و بتمنى تسامحينى

سندس حاولت تكلمها فى الحلم بس لقت مرام صورتها بتتلاشى لحد ما اختفت من قدامها

- قامت مفزوعة و هى بتنهج و بتعرق و هيثم قام من جنبها بفزع

هيثم بخضه : فى ايه مالك

سندس  و هى بتاخد نفسها : م مافيش حاجة دا كان كابوس بس

هيثم طبطب على ضهرها و قال بحنان : طب اهدى .. خدى نفسك الاول و بعدين اتكلمى

سندس سمعت كلامه و فضلت تهدى نفسها

هيثم بحنية : هديتى

سندس بهدوء : اه

هيثم : طب احكيلى بقى حلمتى بإيه

سندس بتهرب : مش وقته الكلام دا انا عايزة انام

هيثم اتنهد و قال و هو بيغطيها : خلاص لما تصحى الصبح ابقى احكيلى

سندس غمضت عيونها و راحت فى النوم و هيثم فضل يمشى ايده على شعرها بهدوء

فضل باصصلها بتردد لحد ما اخد قراره خلاص







• تانى يوم

سندس قامت من النوم و بصت فى الساعة و قالت بعدم تصديق : يااه انا نمت كل دا

قامت بسرعة اول ما افتكرت الحلم و رنت على مالك و قالتله : قابلنى فى شقة مرام علشان فى حاجة مهمة جدا عرفتها 

مالك بتساؤل : حاجة ايه

سندس بتسرع : مش وقته الكلام دا دلوقتى يا مالك .. بس هى حاجة مهمة جدا و شكلنا كدا قريب هنكتشف القا*تل

مالك بلهفة : تمام .. انا رايح على هناك حالا

- سندس قفلت معاه و لبست بسرعة و نزلت و قفت تاكسى وركبت

سندس و هى بتكلم نفسها : اكيد فى حاجة مهمة جدا فى الفلاشة دى 

غمضت عيونها و افتكرت جوزها لما نبه عليها انها متنزلش من غير اذنه

سندس بخوف : ان شاء الله هلحق اروح قبله

وصل التاكسى للمكان اللى قالتله عليه و دفعت فلوسه و طلعت تجرى على فوق

كانت لسه هاتخبط بس لقت الباب اتفتح

سندس : كويس انك جيت

مالك : انا سيبت كل اللى ورايا و جيت بسرعة علشان انتى قولتى ان فى حاجة هتفرق معانا جدا علشان نكتشف القا*تل







سندس دخلت و اول ما دخلت راحت على طول على اوضة مرام و نزلت تحت السرير

سندس وسعت عيونها لما لقت الصندوق و فتحته بسرعة

سندس بفرح و تفاجئ : الفلاشة اللى قالتلى عليها فى الحلم اهى

مالك بصدمة و تفاجئ : فلاشة ايه دى

سندس بفرح : مرام جاتلى فى الحلم و قالتلى ان الفلاشة دى فيها حاجة مهمة 

حطت الفلاشة فى جيبها و لفت علشان تجيب شنطتها بس اتفاجأت بضر*بة جامدة على راسها فقدتها الوعى

• بعد خمس ساعات

قامت بوجع فى دماغها و نظرها مشوش

: كل دا نوم يا برنسيسة زمانك

دققت فى الصوت لحد ما الرؤية بقت واضحة

وسعت عيونها و قالت بشهقة و صدمة : مالك انت بتعمل ايه

مالك بإبتسامة مختلة : متوقعتيش ابداً انه انا صح

سندس برعب : ق قصدك ايه بمتوقعتش انه انت

مالك بضحك خبيث : متوقعتيش ان انا اللى قتل*تها صح

سندس برعب و بكاء و صراخ : انت بتقول ايه

مالك بغضب : ماسمعتيش كلام جوزك ليه و صدقتى انها انتح*رت .. كان زمانك دلوقتى فى حضة مدفية تحت البطانية احسن من لما تكونى مدفية تحت التراب






سندس برعب و حاسة ان قلبها هيقف : مدفيه تحت التراب

مالك بضحكة شيطا*نية و هو بيطلع السك*ينة من جيبه : عايزة تسألى اى اسألة قبل ما تودعى الدنيا دى

سندس غمضت عيونها بإرتعاش بعدين فتحتها و قالت بحقد و قه*رة : انت عملت كدا ليه

مالك بإستفزاز : قصدك قتل*تها ليه .. بس تصدقى وانا بزقها من الشباك كانت لحظة ممتعة اوى .. والامتع من كدا كمان انها حاولت تعافر و تهرب بس انا اللى انتصرت فى الاخر

سندس بصراخ و بكاء و حقد : دى اختك يا حق*ير يا زبا*لة يا مر*ض

كملت بصريخ اعلى مليان قهر : عملت كدا ليه

مالك ببرود : علشان شافت حاجة ماكنش ينفع تشوفها

سندس بإنهيار : انت بتقول ايه






مالك بشر : انا عارف انها وحشتك اوى .. بس متقلقيش كلها ثوانى و هتروحيلها

بعد ايده علشان يغ*رس السكينة فيها و هى غمضت عيونها ببكاء و رعب

يتبع......

انا لما فكرت حسيت انها لما تكون حكاية صغيرة هتبقى اخف من انها تكون رواية علشان كدا عدلتها و خليتها اسكريبت مش رواية + مين فيكم اتوقع ان مالك ممكن يكون القا*تل + عارفة ان الموضوع هيكون صدمة ليكم بس هتعرفوا ليه البارت الجاى ان شاء الله


                          الفصل الرايع من هنا
     
تعليقات



حجم الخط
+
16
-
تباعد السطور
+
2
-