رواية قدرها الاسود
الفصل الاول
بقلم صبا صافي الدين
-انتي مين يا روح امك .... وايه اللي دخلك اوضتي
شهقت بصدمة وهي تراه يوجه السلاح نحو رأسها لتقول برعب : انا انا انااا هدي .
صرخ بها وهو يقول : هدي مين وايه اللي دخلك هنا
هدي بدموع : والله هو اللي بعتني .
ضيق عينيه قليلا قبل ان يقول : اه انتي بقي اللي علي بعتها .
كادت تتحدث لكنه سحبها نحو صدره لتقول بصدمة : انت بتعمل ايه .
اقترب من وجهها بخبث وهو يقول : هكون بعمل ايه ولا مش عاوزة ... نظرت له بصدمة قائلة : عاوزة ايه
قال ساخرا : واحدة علي سرير واحد الساعة ٢ بليل هتكون عايزة ايه .
قالها ودفعها علي الفراش بعنف وفجأة دلفت امرأة من الغرفة لتركض هدي خلفها قائلة : الحقيني يا طنط صفية .
صفية : انت بتعمل ايه يا طارق .
طارق : مين دي و بتعمل ايه في اوضتي
تنهدت صفية وهي تلتف نحو هدي وتقول : اسفة يا حبيبتي روحي اوضتي وانا جاية .
امأت لها بخوف وهرولت من أمامها لتلتف له والدته وتقول : ايه الطريقة دي .
طارق : واحدة علي سريري في نصاص الليالي عايزاني اعملها ازاي .
رفعت حاجبها له ليقول بغضب : وبعدين انتي ازاي تدخليها هنا كده من غير اذني .
صفية بتهكم : اذنك .
طارق : اه اذنك .
اقتربت منه صفية وقالت : انا ست البيت ده ادخل اللي انا عايزاه وعقابا ليك مش هقولك مين دي .
قالتها ورحلت ليقول هو متعحبا : عقاب .
أغلقت صفية باب الغرفة والتفتت قبل أن تشهق بصدمة وهي تقول : بسم الله الرحمن الرحيم انتي واقفة كده ليه يا هدي .
هدي بخوف : خوفت ادخل اوضة غلط تاني .
تنهدت صفية وسحبتها نحو حضنها وهي تتحرك بها نحو الغرفة قائلة : اهدي يا حبيبتي هو طارق كده دايما عصبي ومندفع زيه زي أغاريد أخته
دلفتا الغرفة وقالت صفية : نامي دلوقتي وبكره هتبقي كويسه .
امأت لها هدي وتكورت علي الفراش لتزفر صفية بيأس وهي تقول بنفسها : شكلك كده هتاخدي اطول مما توقعت .
علي طاولة الطعام جلست صفية وهي تقول : صباح الخير يا هدي .... نمتي كويس
هدي بابتسامة : صباح النور .
سمعت صفية صوت كعب حذاء علي الدرج لتبتسم وهي تقول : أغاريد صحيت .
دلفت اغاريد وهي تقول : صباح الخير يا ماما .
صفية : صباح النور يا أغاريد ... مش هتقولي صباح الخير لهدي .
أغاريد : مش بكلم أغراب وبعدين الله أعلم هيا جاية منين ولا كانت شغالة ايه حرامية ولا خدامة ....
- أغاررريد .
قالها والدها الذي دلف الغرفة للتو وجلس وهو يقول : كده عيب ... هدي ضيفة عندنا وبعدين يلا علشان توصليها .
قالها وأمسك الجريدة يشاهد الأخبار كعادته بينما استأذنت صفية بسبب مكالمة هاتفية .
فنهضت أغاريد ووقفت خلف هدي وهي تقول : أقسم بالله ما هتباتي فيها دقيقة كمان
ووضعت لها بحقيبتها احد فرد قرطها وهي تقول : وده وعد .
وقالت لوالدها (يسري): عايز حاجه يا بابا .
يسري: لأ واياكي تكلمي البت سها دي تاني .
تنهدت بضيق وهي تقول : حاضر .
وتوجهت نحو والدتها التي كانت بالصالون وهي تقول لها : عاوزة حاجه يا ماما .
صفية وهي تغلق الهاتف : لا يا حبيبتي .
توجهت أغاريد نحو الدرج فقالت لها صفية : رايحة فين .
أغاريد بخبث : هدور علي الحلق بتاعي .
امأت لها صفية توجهت مرة اخري نحو طاولة الطعام ولم يمر دقيقة حتي صرخت اغاريد : يا مامااااا .
ركضت صفية ويسري وحملت هدي حقيبتها و ذهبت حيث يقف الجميع بالصالون ... حتي طارق الذي استيقظ علي صراخها .
صفية : في ايه يا أغاريد .
أغاريد : الحلق بتاعي مش لاقياه .
يسري بغضب : وهو ده بقي اللي بتصرخي علشانه .. اما قليلة الأدب بصحيح .
أغاريد بضيق : لأ ... علشان هدي هانم هيا اللي سرقته
هدي بصدمة : انتي بتقولي ايه .
صفية : بنت ازاي تتهميها بحاجه زي دي بدون دليل .
أغاريد : شوفتها في اوضتي امبارح .
طارق وهو يجلس ببرود : وانا كمان كانت في اوضتي .
يسري بصدمة : في اوضتك .
ابتلعت هدي ريقها بينما قالت صفية : دي غلطت في الاوضة مش اكتر .
أغاريد : في الاوضتين .
صفية بضيق : تلاقيكي كنتي بتحلمي .
أغاريد : طيب لو مش مصدقني فتشوها .
نظرت لها صفية بصدمة بينما قال طارق : اه صح ليه لأ
صفية : اخرس .
يسري : معلش يا هدي ... احنا مضطرين .
هدي بدموع : بس انا معملتش حاجه .
صفية : اهدي يا قلبي ... مش هتتفتشي .
يسري: وانا قولت كلمة واحدة ... هتتفتش هتتفتش .
ابتلعت هدي ريقها واقتربت منها أغاريد واخذت حقيبتها وأفرغت محتويتها أرضا .
ثم هبطت وأمسكت القرط وهي تقول : اهو شايفين الحرامية اللي مدخلينها وسطينا