رواية اميره في بيتنا ج2
الفصل السابع7
بقلم زهرة الجبل
رن جرس الباب والكل اسرع الي الباب
فتح عاصم الباب وهنا كانت المفاجأه فاروق وتقف خلفه اميرة وهي مطأطأة الرأس
نظرلها الكل بعضهم تنفس براحه لسلامتها منهم امل ومنال وبعضم نظرات تسائل مثل حسن ومراته وعمر وعاصم وبعضهم نظرات كره وحقد مثل جليله وبناتها وبعضهم نظرات غريبه مثل كريمه وصالح
اما يوسف مشاعره لم يحددها حب وعشق وارتياح لسلامه اميرة قلبه وفي نفس الوقت نظرات لهفه وغضب وتسائل
فاروق ::ادخلي اوضتك
اميرة ''حاضر
صالح ::كنتي فين
فاروق ::نظر الي ابنه بالصمت
انا قولت ادخلي في اوضتك
جليله ::مش نعرف الغندوره كانت فين
هي سايبه ولا عماره من غير بواب
يوسف: ممكن متدخليش في حياتي واتفضلوا كل واحد علي بيته
جليله::اي يا حج فاروق راضي باللي بيحصل
فاروق::بصوت كله حزم اتفضلي روحي بيتك
صالح ::ابويا دي من الصبح مش في البيت احنا عايزين نعرف كانت فين
فاروق::كانت معاي ومش عايز اي كلمه تاني يلا من غير اي كلمه تاني
جليله::بس
وبصوت عالي
فاروق::انا قولت خلاص يا جليله
صالح ::يلا يلا جوزها هو اللي يتصرف معاها
جليله ::وهو جوزها هيعرف يتصرف معاها هو لو مالي عينها مكنتش عملت كدا
الكل اتصدم من كلام جليله
فاروق::جليله خدي بالك من كلامك شوفي نفسك بتقولي اي الشقه دي متدخلهاش تاني وبصوت عالي فهماني ولا لا
جليله ::بخوف ماشي يا حج
وخرجت وخرجوا خلفها بناتها
صالح::كفايه لحد كدا يلا
الكل رحلوا وتركوا يوسف وفاروق واميرة بمفرضهم
وكانت ذاهبه الي خرفتها
يوسف::كنتي فين
سكتت اميرة ولم تتكلم
يوسف::انا بقول كنتي فين ليه مش بتردي هو انا مش مالي عينك ولا اي
فاروق::كانت معاي
يوسف::امتي طلعت وليه
فاروق ::روحي جبيلي كوبايه مايه
اميرة::حاضر
يوسف::استني هنا مش هتروحي مكان لحد ما اعرف كنتي فين
فاروق ::هو انا مبقتش كلمتي مسموعه انا بقول كانت معاي وعايزه اكلمك في موضوع لوحدينا
ادخلي جوه
اميرة::حاضر
دخلت في غرفتها
يوسف::ممكن اعرف اي الحكايه
فاروق::انا اللي عايز اعرف انت فين من مراتك ليه سيبها كدا لوحدها انت في اوضه وهي في اوضه اعصابها تعبانه وواضح عليها الارهاق والتعب لما رجعت من بيت ابوها انا قولت اسكت يا فاروق شكلهم ولفوا علي بعض بس الظاهر كنت غلطان انا قولت ابتدا يحبها وهترجع فيه الروح تاني بس الظاهر روحك مستحيل حد ييحيها
يوسف::ليه يا جدي بتقول كدا انت اكتر واحد عارفني اني مش قاسي
انا فعلا بحب اميرة بس هي تصرفاتها بتقول اني مش مالي عينها
فاروق ::ومين قال انك مش مالي عينها دا انت مالي عينها وقلبها
اسمع منها متديش ودانك لحد يملاها بكلام فارغ
كنت عايز اشوف نظرات الشوق والخوف عليها منك
لو انت خوفت عليها شويه هي كانت هتموت واطمنك عليها بس انا اللي قولتلها سيبيه يشرب من نار الشوق والخوف عليكي وتستاهل انا اتحايلت عليها تفضل شويه عندي بس هي مقدرتش اكتر من كدا
مراتك تعبانه نفسيا خد بالك منها بتحكي عن حاجات انا حاسس انها صح بس الواقع بيقول تخريف اسمع ليها وطمنها
لو محصلش تطور للأحسن في حياتكم انا هرجع اميرة لأهلها
وسابه وخرخ
ظل لوقت طويل يفكر في كلام جده وبعدها ذهب الي غرفه اميرة
يوسف؛؛كنت هموت من الخوف
كنت زي المجنون عليكي انا لو بنتي ضاعت مني مكنتش خفت عليها كدا ليه عملتي كدا ليه
اميرة::انا معملتش حاجه
يوسف::طيب ليه رحتي عند جدي منغير ما تقوليلي
اميرة::لو قولتلك هتصدقني ولا هتقول عليا مجنونه
يوسف::هقول عليكي هبله
اميرة::هروح اخد دوش
يوسف::ههه خلاص انا بهزر قوليلي ليه عملتي كدا
""""فلاش بااك """""""
استيقظت اميرة في اذان الفجر
اميرة::منال منال قومي الفجر اذن
منال::بنعاس حاضر حاضر روحي صحي يوسف
اميرة::طيب اصحي وانا هروح اصحيه
اميرة ::بهدوء يوسف يوسف اصحي الفجر اذن
يوسف::نظر لها بحب هو انتي لما بتقومي من النوم حلوه ليه
اميرة::احم شكرا وبصوت هامس لحسن منال تسمعك
يوسف:امتي يجيي بكرة
اميرة::طيب قوم وبلاش كلام كتير صلاه الفجر وبدلع علي فكره انا حلوه انا وصاحيه وانا نايمه
يوسف::ما انا عارف
لم تهتم ولم تركز اميرة في كلام يوسف لها
فلو اعطت لكلامه بعض التركز لادركت انه يراها
منال::احم احم انا ممكن اخرج بره لو نوين تطولوا
اميرة :: بكسوف:يلا يا جو هقوم اتوضا
نظرت منال الي يوسف
جو ميرو زي القمر
يوسف::يلا روحي اتوضي
صلوا وجلسوا لبعض الوقت
يوسف ::يلا قوموا ناموا كفايه لحد كدا
اميرة ::انا هذاكر في الصاله
يوسف::هفضل صاحي معاكي لو احتجتي حاجه قولي
اميرة::همست له مش هعرف اذاكر وانت صاحي مش بعرف اركز وانت جمبي تركيزي كله بيبقا معاك
فتح يوسف عينيه علي وسعها بزهول من كلام اميرة
همس لها
يوسف:: والله حرام عليكي انتي بتعزبيني
اميرة::انا ليه يا حبيبي
يوسف::محاولا تمالك اعصابه
قومي ذاكري وكفايه كلام وبطلي سهوكه ""وبلؤم؛؛ عشان متندميش
اميرة::تقصد اي
يوسف::ولا حاجه قومي ذاكر مطوليش ساعه وتعالي نامي
اميرة::حاضر
اخذت كتبها وخرجت الي الصاله وبعدها خرجت منال
اميرة::هتروحي فين
منال::العيال صحيت هوديهم لجدهم عشان اعرف اخد نومه قبل ما امشي
اميرة::متتأخريش
منال::ماشي
وبعدها نامت منال ويوسف وتركوا اميره تذاكر بمفردها في الصاله وعند الساعه السابعه نضفت اميرة المطبخ وفتحت الباب لاخراج كيس الزباله امام الباب
وعند الباب رأت قطه بيضه صغيره والواضح عليها انها جأئعه
اميرة::تعالي تعالي انا هأكلك حبيبة قلبي جميله
الله عليكي يختي حلوه
خافت القطه من اقتراب اميره فاسرعت الي الدور الارض
اميرة::تعالي مش هعملك حاجه انا هأكلك بس خدي هنا
دخلت القطه اوضه مظلمه تحت السلم دخلت اميرة خلفها وبعد محاوله من اميرة استطاعت اميرة امساك القطه
كانت فرحه اميره لا توصف وكأنها امسكت بكنز ثمين
وهي خارجه من الغرفه اغلق الباب عليها
اميرة::بخوف حاولت فتح الباب ولكن دون جدوه
لو حد بره يفتح الباب وبصوت عالي منال
منال امل امل وسمعت صوت غريب داخل الغرفه خافت اميرة وظلت تطرق علي الباب بشده
وهي تبكي افتحوا الباب حد سامعني وبدات اصوات غريبه في الاوضه ومخيفه
وبدا خوفها يذداد وبدأت تطرق علي الباب بشده افتحولي يا يوسف افتحي ياماما حرام عليكم حد يسمعني
ظلت علي هذا الوضع حوالي نص ساعه تعبت من الطرق وبدأ صوتها ينخفض جلست بجوار الباب وبكت بشده والصوت هدأ بعض الشئ وعاد مره اخري وضعت يدها فوق اذنها وطوت قدميها الي صدرها
وبدأت تبكي وتصدر اصوات غير مفهومه
وبعض لحظات فتح الباب لم تصدق اميرة انا الباب قد فتح ولكن بعض نفاذ قوتها
فاروق::اميرة واسرع اليها وجدها وجهها اصفر وعيونها حمره وجالسه علي الارض وهي تبكي
اي جابك هنا واي اللي عمل فيكي كدا
اميرة::بصوت متقطع من البكاء الباب اتقفل انا بجيب القطه انا خايفه في عفاريت هنا خدني والنبي
ساعدها علي القيام وادخلها الي شقته في الدور الاول
فاروق::اهدي اهدي وقوليلي اي اللي حصل
حكت له ما حدق وهي ترجف من الخوف
فاروق::عفاريت ابتسم فاروق لها مفيش عفاريت دي خرفات بيخوفوا بيها العيال الصغيره
اميرة::وهي تكبي بس انا بشوف وبسمع حاجات غريبه حتي في شقه يوسف
فاروق::شكل الموضوع في حاجه غلط
انا هعملك كوبايه شاي من جدك فاروق عمرك ما هتشربي زيها ونقعد تحكيلي عن العفاريت اللي في شقه يوسف
ظل فاروق يحكي لاميرة بعض المواقف المضحه من ايام شبابه وعن ايام زمان وهي كلها اصغاء له فلم توقفه وظلت تسأله وتحاوره واندمجت معه في الحديث ونسيت موضوع العفاريت
فاروق::قوليلي بقا اي اخبارك مع يوسف
اميرة::الحمد لله تمام
فاروق ::يوسف انا اللي ربيته كان معاي ديما بيذاكر عندي وبيبات عندي كل حاجه انا اللي كنت بجبهاله
ركزت اوووي عنند الحديث عن يوسف
فاروق:هههههههه هو يوسف نزل في المقرر ولا اي
اميرة::ليه
فاروق::شايفك مركزه قوي
اميرة::انا عايزه اعرف كل حاجه عن يوسف
فاروق ::انتي بتحبي يوسف
اميرة::بتلقائيه بحبه قوي وياريت يعرف اني مقدرش اعيش من غيره
وفجأه قامت مسرعه
فاروق ::راحه فين
اميرة::يوسف زمانه قلقان عليا
فاروق ::تعالي هنا
اميرة::يوسف هيزعل مني
فاروق::مفيش حد يقدر يعملك حاجه طالما انا معاكي
اميرة::انا مقدرش ازعله
فاروق::ببتسامه انتي مش عايزه تعرفي قدر حب يوسف ليكي
اميرة::نفسي اعرف هو بيحبني ولا لا
فاروق::خلاص خليه يدوق طعم الفراق سيبيه عقله يودي ويجيب سيبيه علي نار
لما يشوفك انتي هتعرفي حبه من لهفته عليكي وكلامه معاكي
هتروحي معاي الدكان وهزورك مكان حلو انا بحب اقعد فيه بس سر بينا ونشرب شاي هناك وباليل هنكون هنا
خلينا نشوف هيعملوا اي لما تغيبي وتعرفي قدر كل حب فيهم
اميرة::يوسف ممكن يزعل ويخاصمني
فاروق::ببتسامه شويه دلع وكلمتين حلوين هينسي
اميرة::بس لو زعل مني حضرتك هتقولوا انا اللي قولتلها تفضل معاي
هو حضرتك ليه فتحت الباب سمعت صوتي
فاروق::الاوضه اللي كنتي فيها بحط فيها حاجات تبع الدكان لو احتجتها بجبها منه
اميرةء::يعني لو محتجتش حاجه في الوقت دا كنت هفضل محبوسه في الاوضه مع العفاريت
فاروق::احنا قولنا مفيش عفاريت
وبصوت هامس شكل الموضوع في حاجه غلط وانا لازم اعرفه
ميرة::بتقول حاجه يا جدي
فاروق::بقولك انسي اللي حصل ومتحكيش لحد اللي حصل
ااميرة::ويوسف
فاروق::نمشي سي يوسف حبيب القلب
يلا بقا هنروح الدكان وبعدين المكان السري
عوده للزمن الحاضر
اميرة::والله هو دا اللي حصل
يوسف::يعني عملتي دا كله عشان تعرفي قد اي انا بحبك
اميرة::ببكاء اه والله
يوسف::وتأكدتي ولا لسه
اميرة::بس مش قد حبي ليك
يوسف::انا اكتر
ابتسمت اميرة ومسحت دموعها
اميرة:يعني مش زعلان مني
يوسف::حد يزعل من روحه
بس انا عايز اعرف قدر حبك ليا
اميرة::والله انا بحبك اوووووي وممكن اعمل اي حاجه عشانك
يوسف::بس متفهمنيش غلط ومن غير زعل
اميرة::انا مستحيل ازعل منك
يوسف::بترد تتعالجي عند دكتور نفساني
صدمت اميرة من كلام يوسف
اميرة::بتأثر
بس انا مش مجنونه عن اذنك
مسكها يدها
يوسف::اقطع لسان اللي يقول عليكي كدا
بس انتي اعصابك تعبانه والدكتور النفسي زي اي دكتور ولو حباني انا اروح معاكي اروح واتعالج معاكي بس انتي حالتك كل يوم والتاني بتزيد
اميرة::وهي تحاول تمالك اعصابها
كل اللي بشوفه وبسمعه حقيقي مش تخيلات
يوسف::انا مصدقك
بس الدكتور النفساني ملهوش علاقه بالاصوات االلي بتسمعيها ولا اللي بتشوفيها
اميرة::بس انا مش عايزه اروح عند دكتور نفساني انا كنت بروح قبل كدا ومش عايزه اروح تاني
يوسف::ابتسم يوسف لها خلاص يا ستي ولا تزعلي متروحيش لا اي حتي غير
اميره ::غير اي
فتح يوسف زراعيه علي وسعها
يوسف::غير لحضني
اسرعت اليه وظلت لوقت طويل تبكي في حضنه وهي حاول تهدأتها
يوسف::خلاص ننسي اللي خصل ومنفكرش غير في الحاضر والمستقبل عايزن احلي دكتوره بغمزات
ابتسمت اميره ليوسف
يوسف::اهو كدا الشمس ظهرت
في اليوم التالي
بعد صلاه العشاء
يوسف::في حاجه واقفه معاكي في المذاكرة
اميرة::لا يا حبيبي هروح افتح التلفزيون واخد دوش وبعدين ارجع اذاكر
دخلت الحمام وبعد مده خرجت وهي ترتدي شورت ضيق وتي شيرت حمالات
يوسف::وهو يتكلم بعصبيه
لا لا كدا حرام قوي ولما اعمل حاجه ولا اقرب منك تزعلي بصي لنفسك عامله اي
اميرة:: بصدمه وزهول وخوف
مالك في اي انا عملت اي وبتكلم عن اي
يوسف::بشخط متقعديش كدا روحي اللبسي تقيل
اميرة::بدهشه هو انت شايفني
يوسف::وقد ادرك الخطأ الذي وقع فيه حاول تمالك نفسه وأصلاح ما اخطأ فيه
يوسف ::مش لسه خارجه من الحمام اكيد لابسه خفيف لو لابسه خفيف روحي البسي تقيل لتبردي
اميرة::الجو حر قوي
يوسف::روحي البسي حاجه تقيله
اميرة::حاضر
ذهبت الي غرفتها وبعد دقائق سمع صوت صراخها