رواية حب ام انتقام
الفصل الحادي عشر11
بقلم رحمة عبد الرؤوف
عاد جاسر الى المستشفى ومكث ينتظر بجانب جدته واخته بينما في قصر الدمنهوي ارجعت جميله ظهرها عالحائط
ورائها ودموع الألم والخذلان لا يفارقونها واخذت تتذكر الماضي
فلاش باك:-
(نور(جميله) عندها ٢٢ سنه تدرس في كليه الهندسه عندها اخت
توأم اسمها نيره مختلفتان في العيون فنور عينيها زرقه ونيره عسلي امهم ماتت وهي بتخلفهم
وابوهم اللي رباهم هو مالك الأحمدي عنده ٥٥ سنه يملك شركه معماريه وبيحب بناته جدا وبيخاف عليهم ولكن بيحب نور اكتر لأنها بالرغم
انها انطوائيه جدا ومعندهاش غير صاحبه واحده اسمها رنا اتعرفت عليها في الكليه ونفس سنها لكنها مسئوله عن تنظيم البيت وبتساعد
باباها في شغله ودخلت هندسه علشان تساعد باباها في شغله لأنه مريض بالقلب)
(نيره اختها اجتماعيه جدا في كليه تجاره بس مغروره ومش
مسئوله ابدا وكل اصحابها مصاحبينها مصلحه علشان فلوسها لأن كل العزومات في المطاعم الكبيره عليها)
-------------سبحان الله وبحمده سبحان الله العظيم--------
في فيلا الأحمدي:-
استيقظت نور بنشاط وذهبت لتلقي التحيه علي ابيها
نور وهي بتبوس ايد ابوها: سلام عليكم يا حبيبي، خدت ادويتك؟
مالك ابوها بضحك: وعليكم السلام ورحمة الله وبركاته مبتنسيش
ابدا انتِ؟ اه ياستي خدتهم
نور: ايوه طبعا مبنساش لازم نحافظ على صحة الأسد بتاعنا
مالك بحب: ربنا يديمك ليا يا بنتي
نور: ويديمك لينا يا بابا، هقوم احضر الفطار واصحي نيره
مالك بغضب: هي لسه مصحيتش البنت دي مش هتكبر ابدا ايه حاله الامبالاه دي؟
نور بهدوء: يابابا اهدى علشان صحتك بس هي زمانها قامت
وبعدين متقعدش تزعقلها كده احتويها بدل ماهي فكرانا بنكرهها كده
مالك بتنهيده: اعمل
ايه يانور؟ اعمل ايه انا فضلت معاكوا بعد مامكوا ماتت اهتميت بيكوا واهتميت بيها اكتر
حاجه وسيبتك انتِ لحد ماباظت وانا اللي بدفع التمن دلوقتي سامحيني يابنتِ على اهمالي ليكِ
لا عرفت ابقى جمبك علطول واسأل عليكِ حتى ونيره دلعي ليها بوظها
نور بحزن: خلاص يا بابا اللي فات مات المهم هي دلوقتي لازم نفضل معاها ونحتويها هي بس مش مدياني فرصه
مالك: ربنا يسعدك ويحفظك من كل شر يا بنتِ خليكِ جمبها ملكوش غير بعض
نور: حاضر يا بابا ان شاء الله خير هروح اصحيها
نيره وهي بتقعد عالطرابيزه: صحيت ياست الكونتيسه مش محتجالك تصحيني بعرف اصحى لوحدي
مالك بغضب: اتكلمِ بإحترام اكتر من كده مع اختك وإلا قاطعته نور:
خلاص يابابا محصلش حاجه صباح الخير يا نيره هروح احضرلكوا الفطار
نيره: يلا بسرعه ياختي مالك نظر لها بغضب ولكن اهدأته
بعد قليل:
احضرت لهم نور الفطار واكلوا وانطلقوا لمشاغلهم
--------لا حول ولا قوة الا بالله العلي العظيم----------
في كليه الهندسه:-
قابلت نور صديقتها رنا بإبتسامه: اذيك يارنوش عامله ايه يا قلبي؟
رنا بحب: الحمدلله يا قلبي وانتي؟
نور: نحمد الله، يلا علشان نحضر
رنا: يلا استعنا عالشقا بالله
بعد ماخلصوا:
رنا بتعب: هوف كان يوم طويل
نور: فعلا يلا همشي انا بقى اريح شويه
رنا: تمام يا قلبي سلام عليكم
نور: وعليكم السلام ورحمة الله وبركاته يا قلبي
ركبت نور العربيه
واتحركت وهي بتسوق تليفونها كان بيرن ونزلت علشان تجيبه قامت خابطه حد