رواية احببتك رغم اختلافك
الفصل الثاني عشر12
بقلم هدير بدر
هدوء الكلام نزل عليها زي الصاعقه : ايه انا عملت اييييه
هند بغضب: انتي تخرصي دي تربيتي ليكي وسابتها ومشيت
هدوء قعدت في الارض انهارت ومروان جري عليها يهديها
هدوء بصتله بدموع : ليه كله بقا قاسي عليا ليه انا عملت ايه في حياتي اتعاقب عليه كدا وفضلت تعيط
مي كانت واقفه تبص ليها بخبث وشماته
هدوء قمت مسكتها من شعرها : انطقي قلتي ايه لامي امي كانت قاعده معاكي انطقي
مي بتمثيل: الحقني يامروان مراتك بتضربني
مروان ماراديش عليها
وهدوء فقدت السيطره علي اعصابها : انطقييييي انتي قلتي لامي اييييييه مروان لاحظ انها هاتتعب مسكها بقوه وشالها
هدوء بترجي : سيبني ابوس ايدك اشوف قالت ايه لامي
مروان بحزن : اهدي بس وانا هاعرف ماتقلقيش
حطها علي السرير
وهي بدأت تعيط
مروان ماعرفشي يهديها ازاى خدها في حضنه : شششش اهدي انا جنبك
هدوء بدون وعي : حتي انت ماحبتنيش زي مانا حبيتك ليه كله بيكرهني
مروان كان بيربط علي ضهرها وبعدين حس بانتظام أنفاسها
عدل نومتها وفضل قاعد حزين عليها
..................
مي بخبث : الو الخطه نجحت
مجهول : ......
مي بشماته: نهايتها قربت اوي واخيرا مروان هايبقا جوزي انا وملكي لوحدي
مجهول : .........
مي : حلو اوي ننفذها في أقرب وقت ياريت
........................
الدكتور طلع وكريم جري عليه
كريم بلهفه : طمني يادكتور
الدكتور: المريضه فاقت هي حصلها انهيار عصبي بس
كريم اتنفس بارتياح
الدكتور : بس لازم تاخد بالك من علاجها وياريت تبعدها عن أي ضغط
كريم بهدوء : تمام اقدر ادخلها
الدكتور: اكيد اتفضل
كريم دخلها لقاها متعلقلها محاليل ووشها اصفر وباين عليها الإرهاق جامد وجسمها بقا ضعيف جدا
كريم قعد جنبها وهي بدأت تعيط
كريم : شششش اهدي جوزك بيعمل معاكي كدا ليه
رنين بعياط: مش جوزي
كريم بصلها بصدمه : بتقولى ايه
رنين: والله ماجوزي
كريم بعصبيه: امال خبيتي عليا ليه
رنين بتعب : مش هاقدر احكيلك ظروفي بس عايزه اطلب منك طلب
كريم : اتفضلي
رنين بخوف : تحميني منه
كريم بصلها : واحميكي ازاى
رنين : بالله عليك اقف جنبي واحميني منه هو عايزني بالغصب وانا مش عايزاه
كريم : تمام يبقا اتجوزك
رنين بصتله بدون استيعاب
رنين : تتجوزني
كريم ببرود: عندك حل غير دا والا انا ماشبهشي
رنين عيطت : لا مش قصدي بس شوف انت فين وانا فين
كريم بصلها بحب : مافيش فرق بينا كلنا ولاد تسعه
رنين ويكان الحياه اديتها امل جديد معقول حلمها هايتحقق
كريم : نكتب كتب الكتاب انهارده
رنين : موافقه
كريم : هاروح انا اجيب اكل واجي
رنين : شكرا تعبتك معايا
كريم : مافيش الكلام دة بقا بينا
رنين بحرج : تمام
كريم هامشي انا خدي بالك من نفسك
رنين قعدت كانت فرحانه اوي ان حلمها بدا يتحقق وكانت سرحانه في كريم
وفاجاه
ظهر احمد
رنين برعب : انت ايه دخلك
احمد : اهدي يابطه اسمعي مني كلمتين وهامشي
بعد نص ساعه
كان وصل كريم دخل لرنين
كريم : اتفضلي كلى علشان اخدك ونكتب الكتاب بعدها
رنين : انا مش موافقه