رواية احببت مجنونة الجزءالرابع4
الفصل السابع عشر17
بقلم نجمه براقه
سيف
خالد جه وقعد في الصالون وانا وبابا قعدناه معاه ومعجبنيش شكلو مش حلو وشكله مش مريحني ولا نزلي من زور
مراد _ شغال ايه
خالد _ معايا سلسلة. مطاعم
سيف _ ايه مصدر فلوسها
خالد باستغراب _ افندم
سيف _ ايه مصدر فلوس المطاعم
مراد _ ايه السؤال ده
سيف بهمس_ مش يمكن يكون حرامي
خالد _ حضرتك انا جاي اتقدم مش في تحقيق امن دوله
سيف _ مش لازم نطمن علي مستقبلها معاك افرض طلعت بتعمل غسيل اموال
مراد _ يابني ايه اللي بتقوله دا
سيف _ بابا من فضلك سبني انا اتكلم
خالد بزهق _ لا يا استاذ انا تعبت عشان اقدر اعمل المطاعم دي مليش في الحرام
سيف بقرف_ وياترا بتشرب سجاير ولا بتضرب ابيض
مراد _ يابني في ايه هو قاعد مع ظابط ايه الأسئله دي
سيف بزهق_ انت شكلك عاوز ترمي بنتك وخلاص ما تسبني اجيب اخره
خالد بزهق _ لا مبشربش سجاير ولا بتعاطا اي حآجه
سيف _ ااه اممم طيب بنتنا مش هتقعد مع اهلك في نفس البيت وعاوزين ليها قصر مرصع بالزمرد
مراد _ مرصع بأيه
سيف _ زمرد يا بابا عندنا في امريكا كان النظام كده
خالد _ وريني بيجيبو منين الزمرد ده وانا اعمله حاضر
سيف بقرف_ وياترا ناوي تخليها تشتغل ولا تقعدها في البيت
خالد _ افضل انها تقعد في البيت
سيف _ لا مش هتنفع احنا مش موافقين
مراد_ يابني استني الكلام اخد وعطا
سيف _ بيقولك هيقعدها في البيت يعني هيقتل طموحها ويضيع تعبها ونجاحها
خالد _ ياافندم انا بقول افضل بس القرار ليها
مراد _ الراجل عداه العيب
سيف بهمس_ متجيش في صفه اوي كده لا يفكرها ناقصها حآجه عزز بنتك يا بابا مينفعش كده
مراد بهمس_ هو انا اتكلمت
سيف بهمس _ يستحسن تسبني انا اتكلم انا اتعاملت مع مجرمين كتير وبعرفهم من وقفتهم وانا متأكد ان ده مجرم وشكله بيشم
مراد_ طيب ممكن تهدا عليه يقابل مسك وبعد كده نتكلم
سيف_ ويقابلها ليه هو احنا لسه وافقنا
مراد بزهق_ دي الاصول ياابني
سيف بقرف_ هيقولي اصول
مراد_ بطل كلام وروح اندها
سيف بزهق _ حاضر اما نشوف اخرتها
روحت خبطت علي اوضتها
مسك _ ادخل
سيف يفتح الباب _ العريس مستني
مسك بارتباك_ وبابا مجاش يخدني ليه
سيف _ وانا مش عاجبك يعني
مسك بلخبطه_ خلاص روح هاجي وراك
سيف بتحذير_ مش عاوز لعب في وشك
مسك بغيظ_ وانت مالك
سيف _ مااالي انا مرضاش بالحال المايل
مسك بقرف_ انت كنت عايش في بولاق ولا امريكا اي الأسلوب ده
سيف _ مالو اسلوبي ولا انتي من ساعة ما شوفتي أسلوبه مش عاجبك حد..
مسك
بقا يزعق فيه وبيعلق علي.كل حركه بعملها طول ماهو خالد موجود وعمال يساله اسئله غريبه زي ليك فيش وتشبيه في النيابه.. وعمرك دخلت قسم. بقيت حاسه اننا في جلسة محكمه.. بس انا من جوايا ماسكه نفسي بالعافيه عشان مضحكش
سيف _ خلاص شوفتو بعض اتفضلي علي اوضتك
مسك _ هو انا لسه قعدت
مراد_ سيف تليفونك بيرن
سيف_ مفيش خط في التليفون يا بابا
مراد بهمس _ عشان خاطري عدي الليله عيب كده
سيف_ هو انا عملت حآجه مش بطمن علي.مستقبل البنت معاه
خالد_ انا مش عارف حضرتك قلقان من ايه
سيف_ انا اقلق منك انت
مسك بهمس_ ما تتلم هو محدش مالي عينك
سيف بهمس_ انتي تخرسي مسمعش صوتك
مسك بهمس_ انا عاوزاه متدخلش انت
سيف _ متخلنيش افرغ فيه المسدس دلوقتى وقومي كفايه كده
مسك_ مش قايمه... بتقوم فجاه _ بابا انا موافقه على خالد
خالد بفرحه _ يعني كده اقدر اعتبرها موافقه راسميه
مراد_ ايه يابنتي ده مش نسأل عليه الاول
مسك_ انا عرفاه كويس وانا موافقه
سيف بغضب_ مش قبل ما نعرفه احنا كمان
مسك بنرفزه _ انا موافقه يا بابا.. عن اذنكم
ومشيت وسبتهم وهو واقف وهيطلع نار من عينيه بسبب اللي قولته
سيف بحده_ قالتلك موافقه اتفضل بقا
مراد باحراج _ ايه اللي بتقوله دا.. احنا اسفين يابني
خالد باحراج _ مفيش مشكله عن اذنكم
بيمشي و سيف بيبصله بغضب وبعدين يروح عند مسك ويفتح الباب فجاه وبغضب _ انتي ايه اللي عملتيه ده
مسك بانفعال _ أطلع بره وملكش دعوه بيه
مراد بيجي _ والله عيب الي حصل ده كسفتوني قدام الراجل يقول علينا ايه
مسك _ مش شايف كان بيعمل ايه معاه، عملك ايه خالد عشان تعامله كده
سيف بلخبطه _ مش مش عاجبني انا افهم في الناس اكتر منك
مسك_ علي نفسك بقا مش عليه اخر مره تدخل في حياتي يا سيف
مراد بغضب_ اخرسو انتو الاتنين مش عاوز اسمع صوتكم.. ايه اللي بيحصل ده .. يعنى وقت ما تجمعو تشدو مع بعض كده
مسك _ مش شايف تصرفاته يا بابا
مراد _ غلطان وانتي غلطك اكبر. معملتيش حساب لاي حد وادتيله الموافقة من نفسك كده
سيف _ اه طبعاً ماهي بتقولك عرفاه يعني بينهم. كلام وياعالم في ايه تاني
مراد بغضب_ سفيان متنساش نفسك انت وبتتكلم علي اختك.. انا مربيها وعارف انها. مستحيل تغلط ولا تسمح لحد يتجاوز معاها
مسك تبصله بارتباك وتفتكر لما حضنته قبل كده
سيف يبادلها النظرات وبارتباك _ااانا مقصدش حآجه وحشه .. اسف .. وبيمشي
مراد بشك _ مالكم
مسك بارتباك _ زي مانت شايف
مراد _ هو انتي كنتي تعرفي سفيان قبل كده
مسك بارتباك _ ما انا قولتلك يابابا اني مكنتش لقيته
مراد _ هصدقك عشان انا عارف بنتي مبتكدبش
مسك _ اه
بابا شك في الموضوع وانا عارفه بابا لما بيقلق من حآجه بيفضل ينبش لغيت ما يعرفها
مريم
عدا يومين من ساعه ما مشي زعلان مني ومفكرش يرن عليه رنه واحده ولا يجي النادي علشان يطمن عليه وانا. كمان محاولتش اكلمه علشان انا مش غلطانه ولازم يعرف هو هيتجوز مين .. وبعد شويه الباب خبطت وطلعت ايمي
مريم _ اهلا
ايمي _ ازيك يامريم
مريم _كويسة .. امال فين ابن عمتك مفكرش يسال على خطيبته برنه
ايمي _ معرفش الحقيقة انا مشوفتهوش من كام يوم.
صبا _ مين يامريم
مريم _ دي ايمي يا ماما
صبا _ اهلا وسهلا حبيبتي اتفضلي واقفه عندك ليه
ايمي بإبتسامة _ ميرسي يا طنط عاملة ايه
صبا _ بخير حبيبتي
ايمي_ امال فين جميله
صبا _ في اوضتها
ايمي _ طيب ممكن اسلم عليها علشان وحشتني
صبا _ اه طبعاً روحيلها
مريم بإبتسامة _ ميرسي
جت تسأل على جميله وانا مفكرتش تقعد معايا تسالني مالك حتى .. بس انا شكيت فيها وحاسه ان جيتها وراها سبب ف روحت وراها وقعدت معاهم عشان اعرف بيقولو ايه
جميله
كالعاده كنت قاعده في اوضتي وزعلانه بسبب اللي قالته مريم. وزعلانه من نفسي لانها مش غلطانه انا فعلاً بخدعها وبفكر في خطيبها بس انا ولا مره فكرت اخده منها برغم محاولاته معايا ... وفجاه الباب اتفتح
ايمي بإبتسامة _ جميلتنا عامله ايه
قومت من مكاني وحضنتها بفرحه.. فرحت لما شوفتها. كانت وحشاني وحسيتها صحبتي وقريبه مني
ايمي _ زعلانه منك اوى
جميله بالكتابة _ ليه
ايمي _ علشان مبتساليش عليه
لسة هكتب الرد الا ولقيت مريم داخله علينا وبتبصلنا بتطفل تجاهلتها ورديت علي ايمي
جميله _ اسأل عليكي فين مش معايا رقمك
ايمي _ خديه سهله هاتي تليفونك
وبتاخد تليفوني وتكتب رقمها وترن لنفسها من عندي
مريم _ لينا ناس وناس مخدتيش رقمي ليه
ايمي بإبتسامة _ احنا فيها هاتي اكتبلك رقمي
مريم _ لا مش عاوزة خلاص كنتي طلبتيه من بنفسك لو عاوزاه
ايمي _ طيب ايه رأيك هتدهوني
مريم _ قولت لا لو عاوزة خوديه من على
ايمي _ علوش دا حويط مستحيل يدهوني هاتيه انتي
مريم _ علوش؟
ايمي بإبتسامة _ اه انا بدلعه بكده
مريم بقرف_ وهو موافق
ايمي _ اه ما احنا صحاب اصلا وبنقول اي حآجه لبعض ياغبي ياغبيه يا اهبل يا هبله وكده مجتش على علوش يعني ههههه
مريم _ من الواضح اني لسه. هكتشف عنه حاجات كتيره انا معرفهاش
ايمي _ معندهوش حآجه يخبيها هو. كتاب مفتوح يفهمه اللي يعرف يقراه
مريم _ وانتي بتعرفي تقريه علي كده
ايمي _ قولتلك احنا صحاب
مريم _ اه طيب اسيبكم
ايمي _ اتفضلي
طريقه كلامها مع ايمي مكنتش كويسه وايمي لاحظة تلمحاتها
ايمي _ هي مالها
جميله بإبتسامة _ ملهاش هي بس بتحب تهزر بشكل ده
ايمي _ دا مش هزار. لتكون فاكره ان بينا حآجه انا وهو
جميله بإبتسامة باهته _ لا خالص بس هي بتغير عليه
ايمي _ على قالي على اللى حصل عندكم وشكها فيكم وباعتني اطمن عليكي
جميله بنرفزه _ حتي انتي يا ايمي يعني انتي موفقاه على الي بيعملو ده ومخليكي مراسال
ايمي _ هو غلط لما اتقدم لمريم بدالك بس ده علشان مش لاقي طريقة تانى يشوفك بيها
جميله بزهق _ والله انتو بتستهبلو في واحد يخطب واحده علشان يشوف اختها.. ايمي انا اختي شكت فيه بسببه وفكراني بحاول اسرقه منها يرضيكي كده
ايمي _ عرفاه متخلف بس والله طيب وبيحبك دا مبطلش رن عليه لغيت ما قولتله اني ريحالك في السكه تليفون ايمي يرن... شوفتي اهو بيتصل. ثانيه واحده
ايمي _ ايوة ياعلي
علي _ اي الاخبار
ايمي _ كله تمام اهي كويسه
على _ حد جمبكم
ايمي _ انا وهي بس
على _ اديلها التليفون
ايمي _ عاوز يكلمك
جميله _ لا اقفلي بلاش فضايح
ايمي _ عشان خاطري كلميه
جميله _ مش هينفع يا ايمي وبعدين هكلمه ازاي صوت
ايمي _ اسمعيه بس علشان خاطري وبتحط التليفون على ودنها.. اهي سمعاك
حطت التليفون علي ودني وسندته بأيدها طول المكالمة وهو بدأ يتكلم
. على _ وحشتيني يا جميله .. انا عارف اني سببتلك الاحراج مع اختك .. انا اسف بجد... جميله علشان خاطري اديني فرصه انا تعبانه من غيرك
كنت بسمعه وبعدين شيلت التليفون من علي ودني وايمي كلمته
ايمي _ اهي سمعتك سلام دلوقتي هكلمك لما امشي
على _ قوليلها مستنيها تكلمني ضروري
ايمي _ ماشي اقفل بقا
على _ سلام
ايمي _ قولتي ايه
جميله بدموع _ خليه يسيبني في حالي يا ايمي انا مش عاوزاه احلفله بأيه اني مش بفكر فيه حتى
ايمي _ طيب بتبكي ليه
جميله ببكاء _ عشان هو مش قادر يفهم ان اللي بيعملو غلط وبيخسرني اختي ونفسي.
ايمي _ اختك مبتحبهوش يا جميله هي لو حبته كانت قبلته زي ماهو بس انتي قبلتيه كده وساعدتيه
جميله _ قبلته كصديق مش حبيب وانا اسفه اني قبلت من الاول
ايمي _ خلاص متزعليش نفسك انا هبلغه وهفهمو انه يبعد عنك
جميله بدموع _ ياريت عشان خاطري اعملي كده خليه يركز مع. مريم احنا نفس الشكل اهو
ايمي _ حاضر ممكن تمسحي دموعك بقا
ايمي
النهارده اتاكدت انها بتحبه بس في صراع داخلي جواها بين عواطفها واللي بيقولو العقل.. هى بتتصرف صح بس بتعذب نفسها....
خلصت زيارتي وجيت امشي ولسه بفتح الباب الا والاقي رحيم الرزل في وشي
رحيم_ الشبر ونص
ايمي بقرف_ نعم
رحيم_ كتاب الشبر ونص فين يا جميله
ايمي_ هتلاقيه جمب كتاب المعتوه وسع من وشي
رحيم_ وهو في كتاب اسمه المعتوه بردو
ايمي بقرف_ زي مافي كتاب اسمه الشبر ونص
رحيم_ اه هما كده القصيرين عندهم سرع في الرد علشان معندهمش غير لسان
ايمي تذقه بغيظ _ عديني
رحيم يرجع لورا _ مش هرميكي في بلاعة المطبخ علشان انتي ضيفه عندنا
صبا_ عيب يا رحيم
ايمي_ سيبيه يا طنط هو مش عارف بيقول ايه هاتيلوه مهدئ... سلام حبيبتي
رحيم بقرف_ خلي بالك من البلاعه اللى في الشارع مليانه صراصير لا يفكروكي تبعهم
ايمي تبتسمله باستغلاس وتمشي
صبا_ يابني عيب دي ضيفتنا
رحيم_ دي بنت قليلة الادب انتي متعرفهاش
صبا_ طيب بطل طولت لسان وانزل هات العيش واياك تقولي مش هعرف
رحيم_ هعرف مين قال فوريره وبيجري لبرا
صبا_ اقطع دراعي لو ما كان رايح يضايقها
مريم_ خليه تستاهل
صبا_ اتلم يابت عيب
رحيم
نزلت وراها جري ولقيتها لسه برا بابا العمارة ف خبطت فيها وعملت اني مش قصدي
مريم بنرفزه_ ما تفتح يا اعما القلب والنظر
رحيم_ انتي اللى ماشيه سرحانه ما تفتحي بدل ما عربيه تيجي تدوس عليكي وتريحنا
ايمي بغيظ _ يارب توقع عليك عماره دايخه تخلصنا منك وبتمشي وتسيبه
رحيم يمشي وراها _ ع فكره كلنا بنعرف نغلط بس مش كلنا قصيرين
ايمي تمسك شنطتها بغيظ وتضربه في وشه وتجري
على يبرق عينيه _ ايه ده انا فين وبيوقع وهي تبص لورا وتلاقيه واقع
ايمي _ يا نهار اسود الواد مات. بترجعله تانى وتفوق فيه
ايمي_ انت يازفت قوم... انتاااا قوم العربيات هتدوسك
رحيم يمسكها من شعرها ويضرب في رأسها _مسكتك ياعقلة الاصبع يا قصيرة
ايمي بصراخ_ الحقووووني
رحيم يسيبها بسرعه _ بس بس هتلمي علينا الناس
ايمي بغيظ' _ الحقووووني حرامي
رحيم يمسكها ويسدلها بوقها _ خلاص مش هضايقك تاني بجد
ايمي تعضه في ايده _ ايدك لو اتمدت تانى هتخسرها يا شبح
رحيم بإبتسامة _ شبح؟ طيب تصدقي انه قصير بس يحير
ايمي بقرف _ هاهاها هي مامي نحله
رحيم _ هاهاها وهي مامي غوريلا
ايمي بقرف_ امششي ياض وبتمشي وتسيبه
مشيت وهي مش باينه من الارض شكلها عيله مفهاش غير صوت طالع ولسان طويل وهي دي الحاجه الطويلة عندها .. بس بصراحه عسل . بقيت اتمنا اشوفها علشان انكوشها ونشد مع بعض
ميادة
من ساعة ما رجعت من امريكا وانا تقريباً مبنمش بسبب انى بقوم مفزوعه
كنت قاعده بالليل في الشقة وبقلب في التليفون وانا هموت وانام بس خايفه . ف لقيت عبقرينو بيرن عليه .. فرحت لكن حبيت اضايقه
ميادة _ متصل في الوقت ده ليه مش عيب
عبقرينو _ لسه صاحيه
ميادة _ وهو انا بقيت اعرف انام بسببك
عبقرينو _ كنت حاسس علشان كده اتصلت
ميادة _ لا بتحس اوي
عبقرينو _ ممكن تبطلي تضايقيني شويه
ميادة _ لما تبطل توقفلي على الواحدة
عبقرينو _ انا بعمل كده خوف عليكي
ميادة _ وبتخاف عليه ليه
عبقرينو _ زميلتي ياستي مش دي كفايه بردو
ميادة _ زماله منيله بستين نيله، منك لله هموت وانام
عبقرينو _ طيب حاولي تنامى وشغلي الاسبيكر
ميادة _ انام وانت على التليفون يعني
عبقرينو _ ايوة
مياده _ مش هعرف
عبقرينو _ اتمددي وحطي التليفون علي المخده وانتي هتعرفي
مياده تعمل زي ما قالها _ اديني عملت كده . منمتش ليه بقا
عبقرينو _ نسيتي تدوسي علي زرار النوم
مياده _ استظراف ده صح
عبقرينو _ لا ده استعباط
مياده _ ههههه ماشي
عبقرينو _ عارفه في مره انا وصغير كنت صاحي ومش جايني نوم وفجاه شوفت فراشه مضيئه بالون الازرق
مياده _ دا بجد
عبقرينو _ اه
مياده _ وبعدين حصل ايه
عبقرينو _ بقت تلمع وترفرف في الاوضه ف قومت عشان امسكها ومشيت قدامي واكنها عاوزاني اروح وراها
مياده بدوخه _ اه
عبقرينو _ مشيت وراها وبقت تمشي تمشي وخدتني معاها في الجنينة اللي ورا بيتنا وهناك لقيت مجموعة فراشات بنفس الشكل محوطين سرير علي قدي وبيمرجحوه براحه ف انا نمت عليه و.... ميادة.... ميادة!
عبقرينو
بقيت احكي اي كلام وانا مش فاهم ازاي ممكن يكون في فراشات مضيئه لا وكمان خدتني من مكان لمكان.. المهم ان الحدوته جابت نتيجه ونامت فعلاً.. انا نومتها ومقدرتش انام جبت الفيديو اللي صورناه مع بعض وبقيت اتفرج عليه ودي عادتي كل يوم من وقت مصورناه.. انا حبيتها ومش عارف ايه مانعني اقولها لدلوقتي مع انها هي. كمان بتحبني وهتفرح لو اعترفتلها
جه اليوم التاني ورحت الشغل وبقيت ادور عليها بعنيا وبعد شويه لقيتها جاية وشكها هي. كمان بتدور عليه ولما شافتني جت عندي
ميادة بإبتسامة _ كنت قاصد صح
عبقرينو _ بتتكلمي عن ايه
ميادة _ عن الحدوته.. كنت قاصد تنيمني
عبقرينو بإبتسامة _ اه قولت اخلص من ذنك وتذنيبك ليه
ميادة _ طيب عملت ايه الفراشه بعد. ما مشيت وراها
عبقرينو _ خدتني معاها
ميادة بإبتسامة _ وبعدين
عبقرينو _ ولا قابلين بس كده
ميادة بإبتسامة _ بس تصدق حدوته حلوة.. متشكره كنت محتاجه انام فعلاً
عبقرينو _ خلاص كل ليلة احكيلك حدوتة الفراشة
ميادة بإبتسامة _ موافقه بس انا هتعود كده.
عبقرينو بإبتسامة _ اتعودي معنديش مشكله
ميادة بإبتسامة _ ماشي
سيف
كنت لسه مش عارف الشوارع كويس ف حبيت اتمشا بالعربية في اماكن جديدة لغيت ما وصلت لشارع ضيق ودخلت فيه وفجاه طلع عليه اتنين ماسكين مطاوي ولابسين قمصان مفتوحه مع ربطه علي الراس وبنطلون جينز مقطوع وسلسله صفره وبيوقفو قدام العربيه
كردي _ اطلع ياحلو يابو بدلة انت ياغني
سرور _ مش قالك تطلع يا حلويات
سيف يطلع من العربيه بكبرياء _ افندم
كردي _ طلع الي في جيبك يا رقيق انت يا رايق
سيف _ انتو حراميه صح
سرور _ هاهاهييي طلع نبيه ما تكمل نباهه وتطلع الي معاك خلينا نخلص
لقيتهم بيشوحو بالمطوه ف طلعت المسدس وصوبته عليهم
كردي بخوف_ ايه دا ياباشا احنا بنهرج معاك مش كده ياض
سرور _ صح ياباشا احنا اصلا خارجين من المورستان ف تلاقينا بنهكش
سيف ببرود _ طلعو الي معاكم
كردي _ هه واحنا لو معانا حآجه هنقلب معاليك ليه سعدتك
سرور _ قوله
سيف يطلع فلوس من جيبه ويدهالهم _ خدو
كردي _ ههههه ايه ده سعادتك انت بتدينا فلوس والله انت راجل عسليه لو ما خايف اوسخك كنت بوستك وحضنتك.
سيف _ بطل رغي دا رقمي ابقو كلموني
سرور _ هتسلمنا ياباشا
سيف _ لا.. يمكن احتجكم بعدين
كردي يضرب علي رقبته _ خدمين معاليك
سيف _ وسعو طيب وبيركب العربيه
ويطلع
سرور_ انت فاهم حآجه ياض
كردي _ ولا عاوز افهم يلا خلينا نشوف ادانا كام
مكنش ليه
رجاله هنا يعملو حآجه ف قولت استغل الموقف واخليهم في صفي اكيد هحتاجهم في يوم
وفعلا تاني يوم كلمني كردي وسجلت رقمه واول مهمه ليه كانت انه
يراقبلي خالد ويعرف كل تحركاته ماهو مش سيف اللي يناسب واحد زيه