رواية الحب والخيانه
الفصل الثامن والعشرون28
بقلم الاء منيب
عند فهد و حور
حور : فهد مش عاوز تقول حاجه
فهد و هو مركز في الاكل : اقول حاجه زي اي
حور بتوتر : لي بتخاف من سواقة العربيات
فهد و قد تحولت ملامحه بغضب شديد : انا مش بخاف انا مبحبش السواقه
حور : طيب مبتحبش السواقه لي ، ياريت يا فهد لو في حاجه حصلت معاك تحكيها ليا احنا كتب كتابنا بكرة فياريت تحكيلي عن اللي ليل قالو في العربيه
تنهد فهد و مسح وشه بإيدة : بصِ عندي عميين عمي احمد و عمي فؤاد عمي احمد ابو ابرار و عمي التاني كان عندو حياة ، حياة كانت حب طفولتي معايا من وانا صغير كبرنا سوا وحبينا بعض و اتفقنا بعد ما نخلص ثانوي هخطبها و بعد الجامعه نتجوز كانت اصغر مني بسنه من حبها للقران بصوتي دخلت ازهر عشان تحفظ القران و عشان تبقي قدي ف السن كمان في يوم العيله كلها كانت في البيت عندنا عمي احمد و عايلته و عمي فؤاد و عايلته ساعتها دخالنا قدمهم و احنا مسكين في ايد بعض و قولت للكل أن احنا عاوزين فرحنا بعد ما حياة تخلص امتحاناتها علي طول الكل فرح و بابا و عمي وافقوا
حور : كمل
فهد بحزن : تاني يوم كان عليها امتحان وعشان كانت العيله متجمعه في البيت روحت عشان اوصلها وعملنا حادثه
حور بانتباه : كمل ، عملتو حادثه ازاي
فهد بحزن : فرامل العربيه كانت سايبه و مكنتش عارف اعمل اي قولتها تفتح العربيه و تنط بس هي قالتلي مش هسيبك لحد ما العربيه اتقلبت وهي ماتت قبل ما الاسعاف تيجي ومن ساعتها مبقربش من العربيه ولا بسوقها و بقيت يوتيوبر ناجح عشان هي كان نفسها ابقي كدا
حور بدموع : ربنا يرحمها
_________________________
عند نور
نور في اوضتها بتعيط و الباب خبط
نور : مين
ليل : البسي و انزلي ي نور عاوزك
نور : حاضر
بعد دقائق
نور : نعم
ليل : تعالي نتمشي
نور : ماشي
ليل : عينك مخبيه اي
نور بتوتر : هتكون مخبيه اي يعني يا ليل
ليل : مش عارف اساليها
نور بتوتر: مش مخبيه حاجه
ليل بجديه مصطنعه : بس انا عارف يا نور
نور بتوتر و خوف: عارف عارف اي
ليل بابتسامه : انك بتحبيني ولا اي
نور بارتياح : اممم وانت عاوزني اقولك صح
ليل بعبث : تؤ ، انا عاوزك تقوليها
نور بخبث : بس انا مش حساها
ليل و مسكها من هدومها زي ما بيمسكو الحرامي بظبط
: مش حسه اي يا بنت
نور بضحك : ليل برستيچي لو سمحت مينفعش كدا
ليل بعصبيه مصطنعه : مش هسيبك غير لما تقوليها
نور بخوف : يلهوي عمو
ليل سابها بسرعه و لف بتكلم مع باباه بس ملقاش حد
بيبص لقي نور جريت و هي بتضحك
نور بضحك : ضحكت عليك هههههه
ليل بضحك : مش هسيبك يا نور
نور بضحك : لو مسكتني بقي
نور جريت علي البيت و لسه هتفتح الباب ليل مسكها و وقف قدمها و حاصرها
ليل بتنهيده : مسكتك
نور بخجل : طيب سبني لحد يشوفنا
ليل : مش هسيبك غير لما تقوليها
نور بتوتر: طيب ابعد شويه مينفعش كدا ، لو حد شافنا هيفهم غلط
ليل : ميهمنيش مش هسيبك غير لما اسمعها
نور بخجل و توتر : طيب سبني واقولها
ليل : تؤتؤ
نور بتوتر : ع عمي
ليل بضحك : مش هتضحكي عليا تاني قديمه يا حلوة
نور بتوتر : ع عمي حسني
ليل بابتسامه : دا أنتِ مصممه بقي
الحج حسني بجديه : انتم بتعملو اي
ليل بصدمه بعد عن نور : بابا ا انت فهمت غلط
الحج حسني بجديه : تعالي معايا عاوزك ، وأنتِ يا نور اطلعي لكوثر عشان جابت ليكي أنتِ و حور فستانين لكتب الكتاب اطلعي شوفيهم
نور بتوتر : ح حاضر يا عمي
و دخلت نور البيت بسرعه
____________________________
عند فهد و حور
حور بابتسامه : تصبح علي خير
فهد بحب : وأنتِ من اهلي اجهزي بقي بكرة هتبقي عروسه
حور بخجل : بكرة كتب الكتاب بس
فهد بضحك : بس هتبقي مراتي و انهي كلامه بغمزه
حور بخجل : احم ماما بتنادي عليا
فهد بهمس : ماما نايمه
حور بتوتر: انا كمان لازم انام
فهد بابتسامه : فستان كتب الكتاب هيبقي عندك الصبح و مش عاوز ميكب كتير عشان بدل ما يبقي كتب كتاب هيبقي فرحك فاهمه
حور بخجل : مبحبش احط ميكب اصلا
فهد بابتسامه : عارف ، سلام
حور بجديه : فهد انت بتحبني
فهد باستغراب : اكيد بحبك و بحبك اوي كمان
حور : طيب و حياه
فهد بتفهم : حياه كانت ماضي نسيتها في أول مرة شوفتك فيها خطفتي قلبي ساعتها و حسيت أن حياه اتبخرت من قلبي
فهد مسك ايد حور وحطها عند قلبه : المكان دا مبقاش في إلا حور نبض قلبي بيطلع باسمك حنيتك والطيبه اللي شوفتها فيكي و التمرد و العند بتاعتك دول انا حبيتهم انا بحبك اوي يا حور
حور بابتسامه : تصبح علي خير
فهد بابتسامه : وأنتِ من اهلي
ابتسمت حور بخجل و دخلت و قفلت الباب
____________________
في بيت فهد
فهد داخل بيغني و ابرار شافته
ابرار : الله الله فهد بيغني غريبه دي
فهد : بكرة لما تحبي هتعملي اكتر من كدا
ابرار : طيب ولو بحب من طرف واحد
فهد : يبقي تنسحبي احسن و متكمليش إلا إذا حاولتي تخليه يحبك
ابرار بأمل : تفتكر ممكن يحبني
فهد بابتسامه : لو محدش في حياته هيحبك أما لو بيحب فاستحاله يبقي ليكي وأنتِ حاولي تغيري مشاعرك
ابرار بإصرار : لا انا هدافع عن حبي و هو هيحبني
فهد بابتسامه : اتمني بتمني ليكي السعاده ، تصبحي علي خير
ابرار بابتسامه : وانت من اهل الخير
_________________________
صباح يوم جديد
اسماء بزعيق : حوووووووووووووووور
حور بخضه : اي في اي البيت بيولع
اسماء بضحك : بقالنا نص ساعه بنصحي فيكي
حور بنعاس : طيب سبيني انام شويه كمان
اسماء : قومي يا عروسه
قاطهم صوت تلفون حور و كان المتصل فهد
حور بابتسامه : صباح الخير
فهد بابتسامه : صباح النور علي عيونك ، افتحي الباب
حور بخضه : ا انت هنا
فهد : دقيقتين وابقي قدام البيت
حور : طيب سلام
وقفلت قبل ما يرد
حور وهي بتنط من علي السرير : دقيقتين البس اي الحق اعمل اي ف الدقيقتين دول
اسماء بضحك : اغسلي وشك و البسي إسدال
حور وهي بتلبس الاسدال : صح أنتِ صح
لبست الاسدال و جريت تفتح باب الاوضه
اسماء بصوت عالي : طيب اغسلي وشك
حور : حاضر
حور غسلت وشها بسرعه و جريت تفتح الباب
كانت كوثر و نور بس اللي قدام الباب
حور بتنهج : اومال فين فهد وبتدور بعيونها عليه
كوثر بضحك : طيب سلملي عليا الاول
نور بضحك : وانا يا كلب البحر مش تسلمي و دخلينا و بعدين فهد في البيت
والده حور جت خبطتها علي راسها: دخلي ي بت حماتك من علي الباب
كوثر بضحك: معليش بقي عقلها مشغول
حور بحزن : اتفضلو
نور بضحك : يساتر علي الوش اللي بيقلب
حور بغيظ : ادخلي يا اختي اسماء جوا
حور طلعت من الباب تبص يمين و شمال لقت حد شدها و دخلها جوا
كوثر بجديه مصطنعه و هي مسكاها من ودنها: انا قولتلو مش هيشوفك إلا بليل في كتب الكتاب و روحته يبقي أنتِ كمان تدخلي وأنتِ ساكته فاهمه
حور بحزن : فاهمه فاهمه
اووووف مجاش لي دا
والده حور بجديه مصطنعه : و مفيش تلفون كمان إلا بعد كتب الكتاب
حور وهي بتبرطم بغيظ : اي دا ع فكرة أنا عروسه بقي ها
طب والله استنو عليا لما يبقي جوزي بقا ها
والده حور و كوثر ف صوت واحد : سمعناكي علي فكرة
حور بغيظ : كلها كام ساعه علي فكرة ويبقي جوزي اصلا
و مشيت دخلت اوضتها
عدي اليوم و جيه وقت كتب الكتاب كانت حور لابسه فستان ابيض المنفوش ببساطه و ميكب هادي جدا و كان الخمار ذايد من جمالها و سحرت كل اللي قاعدين بطلتها
وبعدها بثواني نور طلعت و كانت في قمت الجمال بفستانها الابيض الكلاسيكي و ميكب هادي و الحجاب محليها اكتر
الماذون بابتسامه : مين اللي هيكتب الاول
ليل بثقه : انا طبعا ي شيخنا انا الكبير
المأذون : مين وكيلك يا بنتي
نور بدموع : ممكن ياعمي تبقي وكيلي
الحج حسني بابتسامه : طبعاً يا بنتي
المأذون : إذاً حطو ايدكم في ايد بعض
وبعد مده انهي المأذون كلامه بجملته الشهيرة
(بارك الله لكما وبارك عليكما وجمع بينكما في خير)
ليل بفرحه قام سلم علي والده و والدته وخد نور في حضن كبير و نور همست وسط دمعها
نور بدموع و همس : بحبك
ليل بفرحه اكبر : أنتِ قولتي اي
نور بخجل و دموع و صوتها عالي نسبياً : بحبك
ليل قبل جبينها : وانا بحبك اوي يا نور عيني و قلبي و نور حياتي كلها
فهد : انجزو بقي عاوز اكتب انا كمان
الحج حسني : اقعد بقي يا ليل عشان نكتب كتب كتاب اخوك ، ابدا يا شيخنا
المأذون : مين وكيل العروسه
حور بدموع : كان نفسي يكون بابا معايا هنا بس ربنا يرحمه
الحج حسني قام و احتضن حور : انا ابوكي يا بنتي ولا اي
حور بهز رأسها وسط دموعها : طبعا يا بابا
المأذون : إذاً حطه ايدكم في ايد بعض
........... : ازاي يعني يا شيخنا واحده متجوزة هتجوزوها ، مش كدا حرام ولا اي