بيبدء المشهد عل دكتور سليم وهو قاعد قدام ايمان عل المكتب ...
ايمان: حضرتك قولتلى بقا اسمك وسبب المقابله.
سليم : دكتور سليم ايوب صديق لفريدة وهى عندها علم بانى جاى
وهى عل وصول خلاص .
ايمان بتحدى : وحضرتك بقا تعرف فريدة منين .
سليم: اتقابلنا ف كندا من كذا سنه كنت بدرس هناك وهى كمان كانت ف فنون جميله.
ايمان بكذب : انا كنت معاها ف كندة عمرى ماشوفتك ولا عمرها جابت سيرتك .
سليم بلؤم لأن فريدة محفظاه كويس هيقول ايه : مش حقيقي فريدة كانت لوحدها هناك وانتى كنتى ف مصر وطول الوقت كنتو بتتكلمو فيديو ومكنتش بتبطل كلام عنك .
ايمان : طيب وأما هو كدة مكلمتهاش ليه خدت معاد .
سليم بنرفزة : قولتلك كلمتها وهى جايه ف الطريق.
نبذة عن سليم : هو شخص عصبى معندوش ثقه ف الستات نهائى بيكرهم وبيشوفهم خاينين زى أمه اللى خانت ابوة وهو طفل .
كان قاعد متعصب من اسالتها الكتير يمكن عشان اول مرة واحدة تلفت انتباه رقيقه هى ايمان يمكن تشبه كتير لفريدة
بس الاكيد انها نسخه من أمه ومن كل ست خاينه وغدارة وملهاش امان ومتستحقش ثقته يمكن عشان كدة كان عصبى معاها .
--------
نروح بقا لفريدة اللى كانت نايمه مستغرقه ف حضن امل مامت نور ...
امل : يلا كفايه نوم بقا اصحى يلا يانور عينى.
فريدة بكسل وهى مغمضه عنيها : يووه ما تسبينى بقا يادادة كنت بحلم حلم جميل كنت بحلم ب ماما الله يرحمها كانت حضنانى وبتطبطب عليا ... فريدة سكتت ثوانى وهى بتفوق وبتفتح عينيها ببطء وبتكتشف الكارثه اللى عملتها من اول يوم وعنيها جت على أمل اللى كانت بصالها بهدوء باستغراب وشدت موبايلها بسرعه واتصلت عل جوزها وهى بتصرخ
امل بزعيق : مين دى !!!!
هانى : أهدى بس هفهمك.
امل : تفهمنى ايه ؟؟؟فين بنتى نور جرالها ايه ومين دى وازاى تسيبها نايمه ف حضنى طول الليل كدة انت اتجنتت بنتى فين رد عليا !!!؟؟؟
هانى كان بيحاول يهديها ويفهمها كل حاجه براحه بس هى كانت قلقانه جدا عل بنتها وكانت مستغربه أنهم لأول مرة يدخلو الشغل ف البيت بس هو شرحلها أن دا أأمن مكان ليها ومفيش مخلوق ممكن يقربلها هنا وان نور هتعرف تحمى نفسها كويس هناك وانها بدءت مهمتها من الصبح ومش هتضيع وقت وهتخلص كل حاجه بسرعه جدا ...
امل قفلت مع هانى وبصت لفريدة اللى كانت قاعدة حضنه رجلها وغرقانه ف دموعها ..
امل باشفاق : طب انتى بتعيطى ليه دلوقتى.
فريدة بدموع : اصلى افتكرت ماما .
امل : ربنا يرحمها هى اكيد في حته احسن بكتير مننا موجودة ف دار الحق عند ربنا اللى احن عليها من اي مخلوق . بصى يابنتى انتى زى نور واليومين اللى هتقعديهم معانا هتبقى واحدة مننا فيهم ف أهدى كدة وكل حاجه هتتصلح متخافيش نور مكانك وهتحللك كل حاجه.
فريدة : حضرتك طيبه اوى انا اسفه لو مقولتش الحقيقة بس غصب عنى كنت محتاجه اتحب ولو بالكدب كنت محتاجه حد يطبطب عليا وياخدنى ف حضنه من يوم ما بابا وماما ماتو قدام عينى ف الحادثه وانا لوحدى خمس سنين شايفه الحادثه قدامى مبيهونش عليا شويه غير دادة زينب إنما جدى بقا ربنا يسامحه دمرلى الباقى من حياتى وختمها بخطوبتى لحفيد صاحبه اللى مبيطقنيش اصلا وعاوز يتجوزنى مصلحه وخلاص ..
طبطبت امل عل فريدة وقالت : انسى بقا كل دا نور هتحل مكانك شويه وانتى تعالى ادلعك شويه يلا الفطار جاهز .
-------
ف مكتب جمال
جمال : طب وليه منتجوزش بجد .
نور: عشان دا اسمه جواز مصلحه بنا بزنس هيخلص وكل واحد ف طريقه إنما انا مش هكون غير مع شخص بيحبنى وبموت فيه ها قولت ايه ...
جمال بعد تفكير : موافق ....
______
فى شركه المصرى جروب كان هاشم المصرى على حافه الجنون
وهو ييتحرك ف الشركه زى بركان من الغضب بسبب تأخير فريدة ...
وصلت نور وجمال الشركه واتوجهو على طول لمكتب هاشم اللى
انفجر ف وش نور اول ما فتحت الباب من غير ما يلاحظ وجود جمال ...
هاشم : لسه فاكرة ياست هانم هى دى ٨ لامتى هتفضلى مستهترة كدة فى شغل بملايين بيضيع بسببك انتى ازاى صاحبه شركه لما معاليكى تيجى الضهر باقى الموظفين يجيو امتى !!!😡😡😡🤯🤯
نور بهدوء شديد : معلش الوقت خدنى انا وجمال واحنا بنرتب للفرح .
هنا هاشم اخد باله من جمال اللى واقف ورا نور ..
هاشم : انتى كنتى عند جمال !
نور : اه مش فرحنا بقا الخميس وانهاردة الاتنين يعنى مفيش غير ٣ ايام لازم نجيب بيت ونفرشه ونحجز قاعه ودعوات ومعازيم وفستان وويدنج بلانر وشهر عسل كل دا محتاج اتفاق بينا وسرعه كبيرة ف التنفيذ.
هاشم باستغراب موجه كلامه لجمال : واتفقتو .
جمال : اه اتفقنا عل كل حاجه وكنا جاين عشان نبلغ حضرتك .
هاشم بتعجب شديد : اتفقتو على ايه بقا ؟!
نور : بالنسبه للفرح ف احنا هنعمل فرح فخم يليق بالعيلتين واخدت معاد معا ودينج بلانر هايل كمان ساعتين هروح انا و ايمى نتفق معاه وهو عندة اكتر من مكان هيوريهولنا والفستان والخاتم اخدت
معاد من دار الأزياء والمجوهرات والمفروض اروحلهم بليل تقريبا
أما الدعوات بقا ف استاذنك تجهز لسته المعازيم وتبعتها لايمى وانا جهزت الاسماء بتاعتى
وجمال كمان هيجهز المعازيم بتوعه وهيبعتهالى بكرة أما بقا البيت ف انا فكرت أن مش هنلحق نشترى بيت اكيد لضيق الوقت وبصراحه احنا حابين الخصوصيه ومش حابين نعيش معاك أو مع أهله ف انا فكرت أن أفتح بيت بابا وماما واغير شويه ديكورات فيه ونعيش فيه مؤقتا واخدت معاد بكرة مع انتريال ديزاينر هيوضب كل حاجه ..
نور كانت بتتكلم بثبات وتنظيم وهى فاتحه الايباد بتاعها وبتمليه المواعيد بدقه هى دى فريدة اللى هاشم كان يتمناها بس ازاى ؟! اى حصل غيرها كدة ف يوم وليله ؟ فاجأه وافقت عل الجواز وحضرت كل حاجه بس ثانيه بيت ايه !!
صرخ هاشم ف نور : فريدة ... قولت البيت دا انسيه خالص .
نور ببرود كأنها مسمعتش حاجه: البيت دا بتاعى وبتاع ابويا وامى ومكتوب باسمى ولو عاوزة اعيش فيه
من غير ما ارجعلك اصلا هعمل كدة بس انا قدرتك واظن أن دى تضحيه بسيطه تقدر تقدمهالى مقابل كل تضحياتى .
هاشم : تضحيات ايه انا عاوز اعمل منك بنى ادمه بس مفيش فايدة فيكى .
نور : ربنا خلقنى بنى ادمه من البدايه خد بالك ثم إن البيت مقفول سيبنى اعيش فيه وافتحه واجدد الذكريات فيه واملاه ب احفاد حقيقين .
هاشم أتأثر لثوانى وهى بتتكلم عن احفادة
نور كملت ببرود : أما شهر العسل بقا ف احنا هنكتفى ب اسبوع ف مصر مؤقتا عشان الشغل واخر السنه ممكن
نسافر تركيا ولا فرنسا ، بس محتاجه اليومين الجايين اجازة لحد الفرح لانى جدولى مزحوم جدا وكمان ايمان هاحتاجها معايا .
هاشم بنرفزة مصطنعه : طبعا لازم اجازة عشان تروحى تملى البيت برسوماتك .
نور : مش هرسم ف حياتى تانى ودا وعد ليك وعل فكرة دى من ضمن التضحيات .
سكتت نور ثوانى ..
نور : ها فى اى حاجه نسيتها اى ملحوظه ؟
هاشم : البيت دا لا عيشو معايا .
نور بحزم : لا . فى اى حاجه تانيه ؟
هاشم كان مستغرب من قوه فريدة اللى ظهرت فاجأه ازاى اتغيرت كدة فى حاجه غلط اكيد هعرفها بس مضطر اوافق عل البيت دلوقتى عشان متبوظش الجوازة وبعدين هرجعها غصب عنها تقعد معايا .
هاشم : موافق .
نور: تمام. باى .
خرجت نور وشدت جمال وراها اللى كان قاعد مزهول ومستغرب
وتعجبه ميقلش ابدا عن هاشم فى حاجه اتغيرت مش دى فريدة ...