رواية السر
الفصل الثاني عشر12
بقلم دينا زهران
طلع الصبح على معتز وهو نايم ف الترب ... مع دخول باباه ومامته وفريدة عليه ....
امل وهى بتجرى تحضنه وتصحيه : معتز ... حبيبى ...اصحى يابابا ... انت كويس يابنى ... متوجعش قلبى عليك ..
معتز وهو بيفتح عينه ببطء : انا كويس ياماما متخافيش يظهر راحت عليا نومه وانا قاعد .
فريدة : قلقتنا عليك اوى طول الليل بنكلمك.
معتز كان لسه واخد باله من فريدة قام نط ف مكانه وصرخ فيها : انتى خرجتى ازاى ، جيتى ليه .
امل : هى دى شكرا انها جت تطمن عليك
معتز وهو بيقلع الجاكت بتاعه وبيغطى بيه شعر فريدة ووضها وبيشدها على العربيه : يلا بسرعه يلا هنتكلم ف البيت .
باباه بصله بلوم وقال لامل : يلا يا امل .
-------
فى غرفه نور ... استيقظت نور ولم تجد جمال فى الغرفه ...
نور : ما طبعا لازم يهرب منى ويروحلها مانتى حمارة مش عارفه تحتويه شغاله زعيق وشخط ونطر فاكراه عسكرى عندك ، طفشتيه وبوظتى المهمه بهطلك.... طب وبعدين بقا ... راح فين دا كمان .... احسن حل انى اقوم ادور عليه اكيد يا تحت يا ف اوضتها هسال ف الرسيبشن واروحلها ..... يادى الغباء ... ما انا لو روحت وهو مش عندها هتشمت فيا .... خلاص انا هنزل اتمشى على البحر ولو ملقتهوش هتصل بيه واصالحه عشان المهمه ....
_________
فى منزل هانى عبد اللطيف...
امل : بقا كدة يامعتز تحرق قلبى عليك.
معتز بعصبيه : هو انا ف الحضانه ولا هتوه فيه ايه ،ازاى تخاطرو بحياتها كدة، اغيب كام ساعه تعرضوها للخطر ، هو انت مش معانا ف المهمه دى يا سيادة اللواء ولا ايه مش مطلوب حمايتها دى .
هانى لامل : ابنك كبر يا امل ومش محتاجنا خلاص عارف الصح من الغلط وعارف يعلى صوته علينا .
فريدة : انا اسفه انا خوفت عليك عشان كدة صممت اجى ، عمو كان تعبان وطنط مش بتعرف تسوق بليل عشان كدة جيت ، انا اسفه متزعلش منهم ، كانو خايفين عليك بجد والله .
معتز بدموع : انا تعبت .
امل بخوف : مالك ياقلب امك حاسس ب ايه .
معتز: انى مش موجود .
امل : بعد الشر عنك يابنى ، انت حسك مالى علينا الدنيا اهو .
معتز : لا انا مش لاقينى ، فى معتز اه ،بس مش انا ، دا مش معتز اللى انا عاوز اكونه ، دا معتز اللى انتو عاوزينه ، الساكت اللى بيسمع الكلام ، اللى ماشى ورا نور وبينفذ كل الأوامر من غير اعتراض ، مش دا انا ...
امل : ياحبيبى محدش جابرك على حاجه اللى مش عاوز تعمله متعملوش .
معتز : عاوز نور ترجع ، ونوح كان يرجع ، ومنروحش امتحانات الكليه كلنا وكل واحد يشتغل اى حاجه تانيه متعرضش حياته للخطر .
امل : دا قدرة ، حتى لو كان اشتغل مندوب مبيعات كان هيموت ف نفس اليوم ونفس الساعه بنفس الطريقة .
معتز بدموع : طب خلاص رجعو نور متخلوهاش تكمل .
هانى : دا قرار نور مش قرارك . انت عاوز الناس تشوفك ولا عاوز تمشى الناس على كيفك ، عاوز تخرج برة المهمه سهله هعمل كده لكن اسحب نور دا لا ، دا قراراها هى .
معتز : مش عاوز استلمها جثه ، انا اسف يابابا ،قولت كلام وحش ،بس انا مش عاوز اليوم دا أعيشه تانى ،مش هقدر .
هانى : كلنا هنموت يابنى ، كل واحد له عمر .
معتز : بس مش كدة ،مرميش نفسى ف وسط النار واجازف واقول عمرى .
امل: بسم الله الرحمن الرحيم﴿ أَيْنَمَا تَكُونُوا يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ ۗ وَإِن تُصِبْهُمْ حَسَنَةٌ يَقُولُوا هَٰذِهِ مِنْ عِندِ اللَّهِ ۖ وَإِن تُصِبْهُمْ سَيِّئَةٌ يَقُولُوا هَٰذِهِ مِنْ عِندِكَ ۚ قُلْ كُلٌّ مِّنْ عِندِ اللَّهِ ۖ فَمَالِ هَٰؤُلَاءِ الْقَوْمِ لَا يَكَادُونَ يَفْقَهُونَ حَدِيثًا﴾
[ سورة النساء: 78] صدق الله العظيم .
مفيش حد هيهرب من مصيرة ، استغفر ربنا يابنى .
معتز بتسليم : ونعم بالله.... انا اسف تعبتكو كلكو معايا .
هانى : نور اتصلت كتير رد عليها .
معتز : هى عرفت حاجه ؟!
هانى : لا .
_______
فى الفندق ..
نور لأحد الموظفين في الرسيبشن: لو سمحت شوفت استاذ جمال .
الموظف : اه يافندم كان على البحر برة .
نور : شكرا .
مشيت نور مكان ما شاور الموظف . لقت جمال واقف وبيحضر قعدة رومانسيه ،

كانت فرحانه جدا ك نور لأن المهمه مباظتش بالعكس بيراضيها ، وك فريدة ، لانه واضح بيحبها ، بس كل دا اتبخر اول ما قربت منه وسمعته بيتكلم مع رنا ...
جمال : اى اللى نزلك يارنا مش اتفقنا ،هتبوظى كل حاجه ،فريدة ممكن تنزل ف اى لحظه.
رنا : غيرت عليك ، بقا كل دا للبتاعه دى .
جمال: البتاعه دى هى اللى هتنقذنا من السجن انا وانتى ، واتكلمنا ميت مرة ، متبوظيش كل حاجه بغباءك دا .
رنا : لا هتنقذك انت من السجن ، انا مليش دعوة ، وكونى وافقت اساعدك دا عشان بحبك م عشان متورطه معاك ، وكل حاجه ماشيه زى ما اتفقنا وهى بدءت تقع ف حبك والغيرة قتلتها بليل ولما تصحى وتشوف كل دا هتجرى تترمى ف حضنك ، ساعتها بقا شاطرتك تخلص الحوار دا ونخلص بسرعه .
نور كانت مش مصدقه اللى بتسمعه ، معقول كان بيكدب ، جريت جرى على الاوضه قبل ما حد ما يشوفها ف الوقت دا معتز كان بيتصل ..
نور بدموع مش قادره تكتمها : الو .
معتز بلهفه وخوف: فى ايه ، مالك ، حد عملك حاجه ،الحيوان دا جه جنبك .
نور وهى بتمسح دموعها وبتستجمع قوتها : حاول بس انا ضربته ، طلع كداب .
معتز : مش فاهم حاجه.
نور : طلع بيخونى ، بيحب بنت تانيه وجايبها هنا عشان تغيظنى وعامل معاها خطه عشان اقع ف حبه .
معتز : هو عارف انتى مين !!
نور بصدمه من الحقيقة: لا !! قصدى كفريدة يعنى .
معتز : فوقى يانور ، اوعى تكونى اتعلقتى .
دا بنسبه كبيره مش دى كدبته الوحيدة وانتى مسافرة معاه وعارفه أنه ممكن يكون من المافيا . اوعى تصدقى كلمه منه ،والاهم انتى مش فريدة يانور .
نور : عندك حق يظهر صدقت التمثيلية.
المهم ،انت فين طول الليل بكلمك .
معتز : نمت بدرى .
نور : كداب .
معتز : ياسلام ، اى مبنمش .
نور : لا مش هيجيلك نوم بعد اللى حصل وانت عارف انى مسافرة معاه لوحدى .انت كنت عند نوح صح .
معتز: مين قالك .
نور : قلبى .
معتز بلؤم : بقاله كتير عطلان بركاته استاذ جمال صلحهولك.
نور بعصبية: بطل هبل بقا ، انا غلطانه انى كلمتك اصلا .
معتز بضحك شديد: ااااه ،مش مصدق بقا نور يوم ما توقع ، تسيب كل الظباط والدكاترة وتقع مع حرامى 😂😂😂
نور : تصدق أن انت حيوان ، وقعت ايه بقولك تمثيل انا بس صدقت انى فريدة للحظه . كفايه اوى العته اللى سليم عمله بليل .
معتز : نيل ايه دا كمان .
نور : طلب ايد ايمان .
معتز : يا ابن.... قولتله يبطل برود يقوم متقدملها ... أما وريتك يا زفت .
_______
جمال كان ف طريقه عشان يصحى فريدة وياخدها للمفاجا اللى حضرهالها .
نفس الموظف اللى اتكلم مع نور : استاذ جمال ها اى الاخبار.
جمال باستفهام : اخبار اى ؟!
الموظف : مدام فريدة لسه طالعالك من شويه وانا قولتلها على مكانك زى ما اتفقنا .
جمال بعصبيه : ومكلمتنيش ليه يابنى ادم . بوظت كل حاجه منك لله يا شيخه .
جرى جمال على الجناح بتاعهم عشان يلحق فريدة ويعرف شافت ايه .
أما نور ف كان مستلقيه على الفراش بهدوء بتفكر تتصرف ازاى بعد اللى عرفته ..دخل جمال من الباب ونفسه مقطوع من الجرى ..
جمال بلهفه : فريدة .
نور : انا هنا .
دخل جمال الغرفه الخاصه ب نور : فريدة ، انتى نزلتى تدورى عليا .
نور ببرود: اه ، ولقيتك مع صاحبتك ف مرضتش ادايقكم وطلعت .خصوصا أن المكان والأجواء كانت رومانسيه.
جمال : لا انتى فهمتى اى ، لا لا لا كل دا ليكى انتى ، انا بحضرهولك طول الليل عشان اصالحك دا هى جت وشافتنى وانا زعقتلها صدقينى وقولتلها تبعد عنى .
نور : ليه ، انا مبحبكش وهى بتحبك ، ليه تعملى انا جو وورد وبتاع وهى تزعقلها . روحلها ، انا مش مدايقه ، اصلا ورايا شغل هقعد اخلصه .
جمال بحزن مصطنع : بس انا بحبك انتى .
نور بتهكم شديد : معلش . ما تريدة لا يريدك تأقلم .