رواية غرام الاسد كامله جميع الفصول بقلم شروق محمد

رواية احببت مجنونة 

الجزءالخامس5الفصل الرابع4

بقلم نجمه براقه

اسراء كانت عندي وسألتني اذا ليها صور عندي ولا لا  ،  قولتلها عندي علي الفلاشه ولما فتحت الشنطة عشان اشوفها ملقتهاش،  بقيت ادور عليها في الإدراج والدولاب  وبردو ملقتهاش،  كنت هتجنن علشان عليها صور خاصة وفيديوهات برقص فيه بملابس صغيرة جدا وبتكشف الرجلين والخصر،  ولو وقعت في ايد حد مش كويس هينشر الحاجات دي علي الانترنت وتبقا فضيحه

اسراء بغيظ _ في حد يضيع فلاشه عليها صور زي  دي،  حرام عليكي كده ممكن تروحي في داهيه 

نسمه_ اسكوتي انا مش ناقصه خوف،  دي لو وقعت في ايد حد هتبقا مصيبه 

اسراء _ كل شويه تضيعي حاجه،.. مره دهبك، ودلوقتي الفلاشه،  مش  مركزه  ليه 

نسمه _ خلاص بقا انا مش ناقصه

اسراء_ طيب وهتتصرفي ازاي دي لازم تتلقي وانا هخبيها طالما انتي خايبه 

نسمه_ اقولك استنيني   هروح  ادور تانى يمكن  الاقيها هناك

اسراء _ هتدوري فين 

نسمه _  جمب بيت جارنا،  ويمكن الاقيها   هناك 

اسراء _ وهى ايه هيوديها هناك 

نسمه _ هفهمك بعدين، 

اسراء _  هروح أدور معاكي 

نسمه _ طيب يلا بسرعه  قبل بابا وماما ما يرجعو

خدتها وروحنا ندور والحمدلله مكنش زين موجود،  وبقينا ندور في  كل شبر وملقناش حاجه 

نسمه _ يادي المصيبه اللي وقعت على دماغي هعمل ايه يا اسراء 

اسراء _ مش يمكن الساكنين هنا لقيوها  

نسمه _ تفتكري 

اسراء _ اه ليه لا

نسمه _ انا جيت هنا ولقاني بدور ومبانش عليه انه يعرف حاجه 

اسراء _ هو مين ده 

نسمه _ زين قابيل 

اسراء _ حبيبتي فوقي انتي مش بتحلمي دلوقتي،  احنا في مشكله بجد 

نسمه _ ماهو انا مقولتلكش انه هو الساكن الجديد 

اسراء باندهاش_ بتهزررري،  هو جه هنا  فعلاً 

نسمه _ ايوه بس دا مش وقته،  احنا  لازم  نلاقي الفلاشه 

اسراء _ يخرابي لو هو  اللي  لقاها اكيد هينزل الفيديوهات والصور ماهو انتي بتتنيلي ترقصي علي اغانيه 

نسمه بقلق _ لا مفتكرش انه يعمل كده... اسكوتي متقلقنيش 

اسراء _ وميعملهاش ليه وهو يعرفك اصلا علشان يخاف عليكي 

نسمه _ لا  لا مفتكرش،  وبعدين مين قال انه لقاها من الاساس 

اسراء _ طيب ما تسأليه لما يرجع 

نسمه _ هعمل كده وربنا يستر  ..  يلا بينا نرجع قبل بابا ما يجي 

#زين

خلصت شغل ورجعت البيت  وبعد وقت نسمه جت 

نسمه  _ انا اسفه اني جايالك دلوقتي 

زين _ اسفه علي ايه،  تعالي ادخلي

نسمه _ مش هقدر،  بس كنت عايزة اسألك على حاجه 

زين _ حاجة ايه 

نسمه _ في فلاشه وقعت مني وعلى  ما اظن وقعت هنا،  يكون لقيتها؟ 

زين _ لأ  ملقتهاش 

نسمه بقلق _ هتكون راحت فين بس 

زين_ وانت خايفه ليه كده 

نسمه _ عليها صور وفيديوهات خاصه 

زين _ So 

نسمه _ لو حد خدها هتبقا مصيبة 

زين _ وتبقا مصيبة ليه 

نسمه _ ممكن ينشر الصور والفيديوهات علي الانترنت 

زين _ وانتي معندكش حسابات علي مواقع التواصل الاجتماعي وبتحطي عليها صورك؟

نسمه_ عندي، بس الصور دي متنفعش خالص تتنشر على الانترنت

زين بإبتسامة _  مش عاوزك تقلقي، اكيد هتلاقيها 

نسمه _ يارب الاقيها يارب

زين _ تعالي طيب حابب اخد رايك في الاغنيه الجديده اللي بجهزلها 

نسمه _ ينفع يعنى، مش المفروض محدش يعرف قبل ما تنزل وكده

زين _  بربك، متحسسنيش ان المغنيين حياتهم غير البشر، تعالي 

نسمه بإبتسامة _ اوكى

بقت تسمعني بانبهار لغيت ما خلصت 

زين بإبتسامة _ ايه رأيك 

نسمه _ كالعاده مزهله 

زين بضحكة خفيفه _ انتي بتقولي انك مش بتسمعيلي،  يبقا ازاي كالعاده 

نسمه بإبتسامة _ لا الصراحة بسمعلك وانا من اشد معجبينك،  بس  خوفت تشوف نفسك عليه زي بقيت المغنين 

زين بإبتسامة _ انتي فاهمانا غلط، احنا عادين جدآ وناس زي الناس

نسمه بإبتسامة _ اه ما انا عرفت 

زين _ طيب مقولتليش اسمك ايه  

نسمه _ بجد مقولتش 

زين _ ايوه

نسمه بإبتسامة _ اسمي نسمه سليمان توفيق بنت الدكتور سليمان توفيق اشطر جراح في مصر

زين بإبتسامة _ سألتك على اسمك بس،  انتي كده  بتقدمي cv بتاعك 

نسمه بضحك _ علشان متحسش اني قليله في البلد 

زين _ شكلك لوحده يكفي لتعرف عليكي 

نسمه _ يعني ايه 

زين _ يعني انتي جميلة 

نسمه _ بتعاكسني 

زين بضحك _ وانتو عندكم اللي يبدي اعجابه بحد يبقا بيعاكس 

نسمه _ في الغالب بيكون كده 

زين _ لا مش بعاكس انتي  بجد جميلة 

نسمه بإبتسامة _ طيب وربنا لا اقول للبت اسراء قالي جميله واغيظها 

زين بضحك _ مين اسراء دي 

نسمه _ صحبتي اللي دايما بتتريق عليه عشان بحب اغانيك وبتقولي بطلي هيافه 

زين _ سيبك منها 

نسمه بإبتسامة _ مااشي

زين _ وانتي بقا بتعملي ايه في حياتك 

نسمه _ ولا حاجه 

زين _ ليه 

نسمه _ كده،  مش  شايفه نفسي في حاجه 

زين _ اكيد عندك موهبه 

نسمه بإبتسامة _ بحب الرقص 

زين _ ايه نوع الرقص 

نسمه _ الزومبا والسالسا

زين _ بتعرفي ترقصي سالسا بجد 

نسمه _ ايوه 

زين_ طيب خليني اشوف  

نسمه _ ههههه تشوف ايه لا طبعا مش ممكن، 

زين يقوم ويمدلها ايده _ تعالي متخافيش انا كمان بعرف  

نسمه تبص لأيده  _ مش هينفع 

زين يقرب لها يده_ يلا متخافيش

بعد  تردد كتير قبلت ترقص معايا، ورقصنا على موسيقى كلاسيكيه، كانت في الأول خايفه ومتوتره بس بعد شويه بقت ترقص براحه، وفعلا طلعت بتعرف ترقص، وفي ختام الرقصه ميلت علي دراعي..  ولما باصتلي اعتدلت بسرعه وخطفت ايدها مني بارتباك

زين بإبتسامة _ مذهله،.. بتاخدي كورسات فين

نسمه _ اتعلمت من الفيديوهات

زين _ الرقصه دي لازم ليها شريك ازاي بقا من الفيديوهات

نسمه بإبتسامة _ اول مره أرقص مع حد 

زين _ بس انتي حافظة الخطوات كويس 

نسمه _ صح، انا برقص دايما ولما رقصت معاك قدرت افتكرها 

زين بإبتسامة _ تشتغلي معايا

نسمه_ اغني؟

زين _ نرقص سالسا مع بعض 

نسمه _ ههههه انت عاوز الدكتور يو.لع فيه صح

زين _ وفيها ايه لما تعملي حاجه حباها وشاطره فيها

نسمه _ لا طبعاً انت عاوزني اقف علي المسرح والناس يتفرجو عليه

زين _ هنصور فيديوهات في مكان بعيد عن الناس وننزلها علي اليوتيوب 

نسمه _ لا طبعا مينفعش ده انا مرعوبه لا حد يلاقي الفلاشه وينشر فيديوهاتي ،، دا بابا هيتبرا مني لو حصل

زين _ انتي خساره بجد،  فكري في  الموضوع كويس

نسمه _ متتعشمش مش هينفع 

زين _ اوووكي،  براحتك بس اتمنا متكونش اخر مره نرقص  مع بعض،  وتعلميني الزومبا كمان 

نسمه بإبتسامة _ اوكي موافقه 

زين _ اوكي لحظه وجايلك 

نسمه تسمع صوت عربية داخله الكمباوند وتطلع تجري _ هنكمل بعدين، بابا جه وهينفوخني سلام سلام

كنت هدخل اجبلها الفلاشه بس  فجأه  جريت وقالت ان باباها جه وهينفوخها،  ف فكرت اني ادهالها وقت تاني يكون اتفرجت على الفيديوهات شويه 

#ريماس 

روحت لخالد المطعم واتحايلت عليه يرجعلي ابني وهو مرضيش

خالد _ ابنك مش هيرجع غير لما تنفذي اتفاقنا 

ريماس _ حرام عليك وأبني ذنبه ايه في الموضوع ده 

خالد بحده _ ذنبه ان امه مش بتسمع الكلام 

ريماس ببكاء _ طيب ما تشوف واحده غيري انا عيانه وممكن اموت ويمكن ملحقش اوقعه 

خالد _ انا مش لسه هستنا ادخل واحده تانيه في حياتهم ويثقو فيها،  استغلي كل دقيقه في حياتك وبلاش مقاوحه كتير انا مش فضيلك 

ريماس ببكاء _ طيب رجعلي ابني وانا هعمل كل اللي تطلبه،  هروح اترمي تحت رجلين سيف علشان يحبني 

خالد ببرود _ مش مهم يحبك المهم ان مسك تظبطكم متلبسين فهماني 

ريماس بصدمه _ يعني ايه تظبطنا متلبسين 

خالد يبتسم بخبث _ زي ما فهمتي 

ريماس بذهول _ يانهار اسود انت عاوزني اعمل.... 

خالد _ مش لازم علاقة كامله ان شاءلله حضن المهم تشوفكم وتعرف انه بيخونها 

ريماس ببكاء _ ربنا ينتقم منك 

خالد _ رجالتي مستنين رنه مني علشان يخلصو علي سليم ف اكسبي وقت،  انا مش هصبر عليكي كتير،  وقدامك أسبوعين بس  تخلصي فيهم 

ريماس ببكاء _ مش  هقدر والله ما هقدر

خالد _ اسبوووعين

ريماس ببكاء _ الله يخليك متعملش فيه كده  

خالد ينده علي الأمن _ طلعوها بره  

ريماس تمسك ايده بترجي _ الله يخليك رجعلي ابني والله ما هقدر اعمل اللي انت عايزة 

شدوني من عنده بالعافيه وطلعوني بره وانا مشيت في الشارع ومش مركزه مع العربيات، كل اللى فى دماغي انى مش عايزة اعيش وبتمنا عربية تخبطني وتريحني

#سيف

كنت راكب العربيه وانا وفي طريقي شوفت ريماس ماشيه  عكس اتجاه العربيات في نص الشارع،  والكل بيزمرلها عشان تمشي وهي مش مركزه،  ف نزلت من العربيه ورجعتها معايا كنت هزعقلها بس لقيتها مش مركزه ودموعها علي خدها ومستسلمه لحزنها 

سيف _ ريماس...  ريماااس.. انتي سمعاني 

بعدِت ايدي عنها ورجعت تاني وفجأه طلعت عربية قدامها كانت هتخبطها بس انا لحقتها  وشدتها من قدامها علي اخر لحظة

سيف بعصبيه _ انتي عميه،، كنتى هتموتي 

ريماس ببكاء _ انا ماشية كده عشان اموت انت لحقتني ليه 

سيف باستغراب _ عاوزة تموتي؟ 

ريماس بأنفعال_ ايوه ومتعملش فيها شهم وتلحقني تانى، انت السبب في كل اللي بيحصلي منك لله

سيف  _ انا؟

ريماس تبصله بغيظ وتمشي وتسيبه وهو يروح وراها

سيف _ انتي استنى عندك... بقولك استنى،    ويمسكها من ايدها

ريماس تشد ايدها منه بغضب _ عاوز ايييه

سيف _ عاوز اعرف انا السبب في ايه، عملتلك ايه علشان تنتحري  

ريماس ببكاء _ ابعد، وإلا والله اصوت وألم عليك الناس 

سيف  _ انتي باين عليكي مجنونه صح

 

شوحت بأيدها ومشيت

وانا مفهمتش انا عملت ايه علشان تنتحر علشانه،.. جه علي بالي ان ممكن تكون مسك قالتلها حاجه عني مثلا،.. بس هيكون ايه اللي قالته يخليها عاوزة تنـ.تحر بسببي،.. 

وبعد حيره، مشيت علي طول وروحت لمسك الشغل وملقتهاش، ف قعدت شويه هناك استناها، لكن اللي جه ريماس مش مسك ولما شافتني طلعت تانى وانا روحت وراها 

سيف بحده _ وقفي عندك 

ريماس توقف _ افندم 

سيف _ انا عملتلك ايه علشان تقولي الكلام ده 

ريماس بتنهيده _ لحقتني وانا مكنتش عايزة حد يلحقني 

سيف _ ده سبب الكلام اللي قولتيه يعني 

ريماس _ ايوه 

سيف بنرفزه _ انا آسف جداً اني لحقتك.كان لازم اسيبك تموتي، اتفضلي روحي تانى محدش هيمنعك

ريماس _ ما خلاص غيرت رأيي

سيف _ باين عليكي مجنونه ولا ايه حكايتك انتي 

ريماس _ ايوه، مجنونه، انت جاي ليه دلوقتي بقا 

سيف _ فكرت نفسي عامل كارثه قولت اجي اسأل مسك انا عملت ايه 

ريماس _ ممكن متجبلهاش سيرة طيب 

سيف بقرف _ مش بخبي عنها حاجه

ريماس _ خبي المره دي علشان مش هعرف اقولها أيه لو سألتني 

سيف بقرف _ طيب عن اذنك 

ريماس _ انا متشكره اوي وأسفه

سيف بقرف _ اسفه علي أيه 

ريماس _ علي أني كنت فكراك قاسي  بس طلعت طيب 

سيف بقرف _ وطلعت غلطان كمان وكان لازم اسيبك تموتي 

ريماس _ شكرا لذوقك

سيف يبصلها بقرف ويمشي

#مسك 

رجعت الشركه لقيت ريماس قاعده ساكته وشارده 

مسك _ مالك 

ريماس بخنقه _ مفيش حبيبتي، 

مسك _ مين مزعلك  

ريماس _ الدنيا  

مسك _ سلامتك حبيبتي مالك بس 

ريماس _ خايفه 

مسك بقلق _ ليه بس كده احكيلي 

ريماس _ خايفه اموت لوحدي ومحدش يحس بيه،  الوحده وحشه اوي يا مسك 

مسك _ حبيبتي كلنا جمبك 

ريماس _ معايا في الشغل انما في البيت انا لوحدي 

مسك _ طيب اقولك فكره حلوه ويارب ما تكسفيني 

ريماس _ فكرة ايه 

مسك _ انا محتاجه حد ياخد باله من أسر انا وفي  الشغل وهو بيحبك انتي 

ريماس _ وبعدين  

مسك _ احنا عندنا اوضتين في الجنينة ايه رأيك تيجي تعيشي فيهم وتاخدي بالك من أسر وانا وفي الشغل واديكي مرتب بدال الشغل هنا 

ريماس _ مش عارفه اقولك إيه 

مسك _ قولي انك موافقه

ريماس بإبتسامة _ موافقه

مسك _ حبيبتي 

ريماس_ بس يارب ما اضايق جوزك بجيتي 

مسك _ وتضايقيه ليه انتي هتقعدي في اوضتين بره الفيلا يعني بعيدة عنه 

ريماس بإبتسامة _ طمنتيني 

مسك بإبتسامة  _ ماشي  حبيبتي انتي  هتيجي معايا النهارده اوريكي الاوضتين وبعدين  تروحي  تجيبي  حاجتك وتيجي 

ريماس بتنهيده _ حاضر 

مسك _ طيب  يلا بينا  

#ريماس  

عمري ماكنت اتخيل اني  اعمل كده،  بس  حيات ابني غاليه عندي،  ويمكن بعد ما يرجع، لو كنت لسه عايشه افهمهم ايه اللي خلاني اغدر بيهم...  ويمكن يسامحوني، بس يارب اقدر اشغل سيف حتي للحظه واحده،  مع اني واثقه انه من المستحيلات يقربلي ولا يستلطفني حتي

#مريم

كنت قاعده في الاوضه وياسر دخل وهو بيتمطوح وسكران وجه واترما علي السرير، وانا قومت وبقيت ابصله وشيطاني بيوزني عليه وقرفانه منه، وعيني بتروح لسكين اللي علي الطبق، واقول لنفسه بلاش وشيطاني يقولي امسكيها واقتـ.ليه، وفعلا مفكرتش كتير ومسكتها و وقفت عنده ورفعت ايدي علشان اضر.به بيها وفجاه مسكني ورماني علي السرير وثبت أيديه، حاولت اضربه او ابعده بس مقدرتش 

مريم بغيظ _ ابعد انا بكرهك 

ياسر ببرود _ عاوزة تقتلي جوزك، طيب كان ليه دا كله من الأول

مريم بغيظ _ ولو انت مقتلتنيش دلوقتي،، انا اللى هقتـ.لك فرصتك جاتلك اهو.. اقتـ.لني

ياسر يضربها بالقلم بقوه ويرجع يثبتها تاني _ مش هتموتي بسهوله، مش واحده زيك اللي تجبرني علي حاجه واسيبها تموت وترتاح 

مريم بألم _ كسر ايدك ان شاءلله، ابعد عني بقا 

ياسر يقترب منها _ ولما انتي مش عاوزاني اقربلك وعاوزه تموتيني كان ليه اللي عملتيه ده كله 

مريم تضربه بركبتها في رجله وتقوم  _ مصدق نفسك انت.. مصدق نفسك، 

ياسر بانفعال _ انتي اللي عاوزة تجننيني،... عاوز افهم دلوقتي انتي ليه عملتي كل ده طالما عاوزة تموتيني ومش عاوزاني

مريم _ انا معملتش حاجه وانت عارف كده كويس 

ياسر  _ لا مش عارف، عرفيني عملت ايه،، اعتبريني كنت سكران

مريم  _ انا مش فاكره حاجه غير اني شربت عصير ومحستش بنفسي ولما فوقت لقيتك معايا من غير هدوم 

ياسر ببرود _ معاكي؟.. وشوفتيني وانا بعمل حاجه  

مريم تضربه في كتفه بغيظ _ مشوفتش وبطل وقاحه 

ياسر بخنقه _ يعنى انتي عاوزة تفهميني اني خدرتك وجبتك شقتي وعملت اللي عملته وانا مش حاسس 

مريم _ انت فاكر كل حاجه، وانا والله ما هسيبك تتهنا يوم واحد 

ياسر  _ طيب انا سكتلك كتير،، اتلمي،، ويلا البسي حاجه عدله وتعالي شوفي جووزك عاوز ايه يا مراتي 

مريم بغيظ_ انا اقولك عاوز ايه، ف تمسك  طفايه السجاير وتضربه فى رأسه بيها وهو  يوقع من طوله 

مريم _ يلا في داهيه صنف نجس 

شهيره بتيجي تخبط عليهم ومريم تفتحلها 

شهيره_ انتو بتتخانقو.. ابننني عملتي في أيه يا مجر.مه

مريم _ معملتش حاجه هو جه سكران و وقع 

شهيره تقعد جمبه _ يا حبيبي يابني... انتي عملتي فيه اية الواد راسه ورامه 

مريم _ ماهو وقع علي طرف التربيزه، دقيقة وهفوقه متقلقيش

روحت جبت شفشق ميه ساقعه من التلاجه ورجعتلها

شهيره _ انتي هتعملي ايه 

مريم _ ابعدي شويه ممكن 

شهيره تقوم من جمبه _ اهو، هتعملي ايه 

مريم تدلق عليه الميه كلها وهو يفوق ويشهق من برودة االميه 

شهيره بغيظ _ انتي عملتي اية يابنت الحر.ام 

مريم _ انا عرفت دلوقتي هو مش متربي ليه

شهيره _ اخرسي

ياسر يحط ايده علي دماغه _ ااه وحيات ربنا ما  هسيبك،هتموتي علي أيدي 

مريم بقرف _ غيريله لا ياخد برد الصغنن 

شهيره بغيظ _ انتي اللي هتغيريله وحسابي معاكي بعدين،، 

ياسر بألم _ اتفضلي انتي يا ماما 

شهيره _ متقوليش اتفضلي وقوم ربيها 

مريم تمط شفتيها بقرف _ طيب اتفضلي حضرتك علشان اغيرله وادهنله كريم التسلوخات 

ياسر بألم _ ماما اطلعي واقفلي الباب بالمفتاح ولو سمعتي صراخ وتكسير متفتحيش 

شهيره _ ايوة كده علمها الأدب

مريم بقرف _ اقفلي كويس يا حجه 

امه صدقت ما لقيتها علشان يربيني، وقفلت علينا الباب وهو قام و وقف قصادي وبصلي بتوعد وغضب

مريم ببرود _ هتصورني اجبلك الفووون

سابني وراح فتح التلاجه وطلع منها كل الارفف والأكل وكل حاجه وانا بقيت بصالوه وانا مش فاهمه بيعمل ايه

#ياسر

روحت فضيت التلاجه من كل اللي فيها وبعدين روحت لمريم شيلتها علي كتفي وهي بقت ترفص وتضربه عشان انزلها، وبعدين دخلتها في التلاجه وقفلت عليها وسندت الباب لمدة دقايق لغيت ما حسيت انها قطعت النفس وبطلت تخبيط من جوه ف فتحت الباب و وقعت قدامي وهي قاطعه النفس خالص وفي اللحظة دي بابا دخل علينا لقاها مرميه  ف قعد جمبها بسرعة  ولما  لمسها لقاها متلجه وقاطعه النفس  

فريد بغضب _ انت عملت  ايه يابن الكـ.لب شيلها بسرعه

ياسر _ مش هشيل خليها تموت 

فريد بغضب _ انت هتشيل ولا امو.تك دلوقتي 

ياسر بخنقه _ هشيلها 

شيلتها، وحطيتها على السرير وكان جسمها بارد اوي و وشها  بلون جيري، ومفيش اي نفس، بصراحه ندمت، كان ممكن ارميها من البلكونة اهون من اللي عملته ده

فريد  _ غطيها كويس  يخربيتك 

ياسر  يغطيها كويس ويحط ايده جمب انفها  _ اهي بتتنفس متخافش

فريد  بغيظ _ اخرس خالص  

ياسر  _ اهو دلعك ده  اللي  هيخليها تتمرع علينا  

فريد _ ربنا ياخدك ويخلصني منك، اترزع جمبها واعملها حاجه سخنه لما تفوق 

مشي وسابني معاها وانا قعدت على الكنبة وبعد شويه اتحركت وبقت ترتجف بشده وتأن بتعب،.. قومت وحطيت ايدي علي جبينها لقيت جسمها لسه بارد، ف غطيتها كويس، وبردو مبطلتش رجفه، ف قعدت جمبها وبقيت اغطيها كويس من كل حته علشان تبطل، وبردو مفيش فايده، وبعدين بدأت حرارتها تعلي وجسمها سخن، اخر ما تعبت كلمت سامح صاحبي، هو دكتور وطلبت منه يجي وبعد وقت جه وكشف عليها.. قالي عندها حمه 

سامح _ نخف الميه يا عريس البنت هتموت 

ياسر  _ يعني اعتبرها بشاره اني هخلص منها

سامح _ مش لدرجة دي، هاتلها الدوا ده وتاخده بانتظام لغيت ما تخف 

ياسر _ ولو مخدتهوش هتموت؟

سامح _ ايوه، الحرارة هتدخل في الدماغ ومش بعيد تدخلها في غيبوبه 

ياسر _ يلا علي البركه 

سامح _ ارحم نفسك دي بقت مراتك مهما حصل 

ياسر _ متقولش مراتي، انا لولا بابا كنت سبتها تموت

سامح _ هي لسه مُصره علي  كلامها؟ 

ياسر _ ايوه  تصدق لأ  وكمان  كانت  عاوزة  تقتـ.لني

سامح _ غريبه  فعلاً  تكون  عملت  كل  ده  علشان  توصلك وبردو مُصره علي  كدبها قدامك

ياسر _ هي  بتعمل  كل  ده  علشان  تفهمني اني  غلطت  ومكنتش  حاسس

سامح _ بس  الدكاترة  اثبتو ان تم الاعتداء  عليها فعلاً 

ياسر _ اه ماهي اكيد  غلطت  وقالت تلبسهاني فكراني اهبل 

مريم  تأن بتعب

سامح _ خلاص  نكمل  بعدين  ،  بس  روح  هاتلها الدوا وحاول تخلي  حد  يعملها كمدات علشان  تسرع في  نزول الحراره 

#حسام

اسراء  جاتني البيت  وقضينا وقت  مع بعض وسألتها اذا نسمه  لقت الحاجه ولا  لأ  

اسراء _ لأ  ملقتهاش بنت الفالحه

حسام  بغيظ  _ الله  يلعنها هضيع علينا  اللي  مخططينلوه كله 

اسراء _ ادعي  بس  هي  نفسها  مضعش منك 

حسام  _ وتضيع مني  ليه 

اسراء  _ زين  قابيل  سكن  عندهم في  الكمباوند،  وليها كلام  معاه 

حسام  _ ودا ايه  جابوه وازاي تتكلم  معاه  اصلا 

اسراء  _ ياريتها جت علي  الكلام وبس، دي  رقصت  معاه  السالساااا

حسام _ ايه السالسا دي،،،  عملو تقليه يعني؟ 

اسراء  _ يابنى  السالسا دي  اللي  بتلاقي البنت  فجأه دخلت  من بين  رجليه وطلعت  من الجهه التانيه 

حسام  _ يانهار ابوها  اسود وربنا  لا اعلقها،  فين  الزفت  الموبايل 

اسراء  _ اقعد  اقعد،  هتقولها ايه،  ما كده  هتفهم ان بينا حاجه وانا  اللى  قولتلك 

حسام  بخنقه  _ اه بس الواد  ده  ممكن  يلف دماغها ويخطفها مني 

اسراء تمضع العلكه _ متخافش سيبهولي هعرف  ازاي  مخلهوش يفكر فيها 

حسام _ هتعملي  إيه  يعني 

اسراء  تبتسم بخبث _ زي ما  كنا نعمل  دلوقتي 

حسام  _ وهو  هيوافق بسهوله  كده 

اسراء  _ وميوافقش ليه  ،،  دا امريكاني يعني  الحياه  عندهم مفتوحه  على  البحري

حسام _ طيب  شهلي قبل  ما يشبكو مع  بعض 

اسراء _ بكره هروح  واشوفله داخله 

حسام _ ايوووه بقا وخلينا نلم من هنا  وهنا،  شكلها هتلعب معانا  يابت

اسراء  _ وبعدين  نتجوز  بقا

حسام  _ ههههههههههههههه  نتجوز 

اسراء _ بتضحك ليه؟

اسراء _ على كلمة نتجوز دي، واحنا هنعمل ايه في الجواز اكتر من اللي بنعملوه من غيره

 اسراء _ لا ياحبيبي  انت وعدتني... حسام _ خلاص  يابيبي  نتجوز  ومنتجوزش ليه  ،  ما تيجي  اقولك  موضوع مهم 

اسراء  تذقه بعيد  عنها  _ ولاااا انا  اسراء  يلا، يعني  لو بتفكر  تلعب بيه  احطك في  قعدة الحمام  واشد عليك السيفون

حسام _ بقا  كده يابت تشُكي فيه..  ،  طبعا  هنتجوز ونعيش في  ثبات وتبات ونخلف صبيان وبنات 

اسراء  وهي  تمضغ العلكه _ ايوه  كده هات ورا،  وابعد بقا  مش  فضيالك انا  مروحه

    

                   الفصل الخامس من هنا 

 لقراة باقي الفصول اضغط هنا

تعديل المقال