CMP: AIE: رواية احببت مجنونة الجزءالخامس5الفصل الثالث3بقلم نجمه براقه
أخر الاخبار

رواية احببت مجنونة الجزءالخامس5الفصل الثالث3بقلم نجمه براقه


رواية احببت مجنونة الجزءالخامس5

الفصل الثالث3
بقلم نجمه براقه


أخدت أسر معايا الشغل وفضل يبكي وانا كان معايا تصوير ومش عاوزين صوت ،  ف ريماس خدته منى وطلعت


 بيه برا اللوكيشن وانا كنت عارفه انها مش هتقدر تسكته،  وبعد وقت خلصت وروحت اجيبه منها ولقيته قاعد معاها وبيضحك بصوت عالي ومنسجمين

مسك _ معجزه بكل المقايس،  ضحكتيه ازاي 
ريماس  _ عيب عليكي انا ليه سيط وسط العيال، امي الله يرحمها كانت دايما تقولي روحي يا هايفه تعالي يا تافهه من كتر ماهما بيحبوني
مسك  _ والله انتي تحفه.. متشكره  اوي.. انا قولت مبطلش عياط وتعبك
ريماس _ هاتهولي انتي كل يوم وملكيش دعوه 
مسك _ طيب والله فكره ياريت،  واديكي مرتب علي كده 
ريماس _ طيب اسكوتي بلا مرتب ،  وخديه واجري علي البيت 
مسك _ عندك حق انا لازم اروح بدري  سيف زعلان منى جدا علشان مهملاه 
ريماس _ مانتي كتر خيرك هتعملي ايه ولا ايه 
مسك _ محدش فاهم كده 
ريماس _ معلش،  يلا علشان  متتأخريش عليه ويزعل تاني 
مسك _ ماشي حبيبتي،  يلا ياأستاذ هنروح 
أسر يمسك في ريماس 
ريماس بإبتسامة _ ياخواتي على العسل،  ما تسيبيه معايا النهارده 
مسك _ مينفعش هيصحا ويعيط 
ريماس _ متخافيش عليه،  انا قاعده لوحدي وهو هيسيلني النهارده 
مسك _ مش هينفع بجد 
ريماس _ يابنتي متخافيش،.. اعتبري النهارده اجازه وخدي جوزك واخرجو شويه
مسك بإبتسامة _ ماشي حبيبتي،  لو عيط كلميني اجي اخده
ريماس تسعل بقوه _ حاضر يلا روحي متقلقيش
مسك _ انتي كويسه
ريماس _ اه كويسه بس حد ابن حلال افتكرني، شكله كده المرحوم 
مسك_ الله يرحمه.. طيب لو تعبانه هاتيه
ريماس_ متشغليش بالك، انا حابه الاعبه النهارده
مسك بإبتسامة _ ماشي حبيبتي

سيف 

روحت البيت لقيت مسك هناك ومجهزه اكل وشموع ولابسه فستان من اللى بحبهم عليها 

سيف بإبتسامة _ انا بحلم صح 
مسك تقرب منه بإبتسامة _ اه بتحلم،  ايه رأيك فى الحلم ده 
سيف بإبتسامة _ حلم جميل،  اجمل ما فيه انك قدامي دلوقتي 
مسك بإبتسامة _ طيب تعاله عملالك الاكل اللي بتحبه 
سيف _ انا بحبك انتي 
مسك _ وانا كمان  ،  ..  يلا علشان تاكول اكيد جعان 
سيف يشدها ليه _ صح،  
مسك بإبتسامة _ طيب  يلا 
سيف _ ما احنا هناكول 
مسك بضحك _ بتكلم جد،  يلا الأكل هيبرد 
سيف _ مسك انسي الاكل  ..  وبيشيلها...( ما علينا) 

بعد وقت 

سيف _ قبل ما ناكول هروح اجيب أسر من عند بابا علشان ياكل معانا 
مسك _ ماهو مش عندهم 
سيف _ امال فين 
مسك _ مع ريماس هيبات معاها النهارده 
سيف _ ايه يامسك ده،  انتي ازاي تسيبيه معاها 
مسك _ متقلقش هي هتاخد بالها منه
سيف _ انتي بتهرجي،  نعرفها منين علشان تثقي فيها وتسيبيلها أسر 
مسك _ ياحبيبي متقلقش هو كويس معاها.. و شبط فيها 
سيف _ يعني ايه شبط،  افرضي شبط في واحد في الشارع كنتي هتسيبيه معاه،  
مسك _ ياحبيبي ارتاح انت بس، ريماس اهل لثقه وهو مرتاح معاها
سيف _ اهل لثقه؟
مسك _ اه اهل لثقه وهتاخد بالها منه 
سيف_ طيب واهلها لما يضايقو منه علشان بيعيط 
مسك_ ريماس عايشه لوحدها بعد جوزها ما مات، وهي بتحب الاطفال
سيف _ طيب ممكن تتصلي تطمني عليه
مسك _ حاضر ياسيدي... نتصل ونشغل الاسبيكر علشان ترتاح

اتصلت بيها وشغلت الاسبيكر 

مسك _ ازيك حبيبتي
ريماس _ كويسه.. متصله عشان تطمني علي أسر صح
مسك _ ايوه هو عامل ايه معاكي 
ريماس _ هو هيرد عليكي بنفسه اسمعي كده 
أسر يضحك بصوت عالي وهما يسمعوه 
مسك بضحك _ حبيبي وحشني ، بس مبتضحكش معايا كده ليه هو انا مش امك 
ريماس_ بيضحكلي علشان بينا توافق فكري ههههه
مسك بضحك _ دي حقيقه 
ريماس _ بقولك ايه متعطلنيش واجري شوفي الطفل اللي عندك وانا هشوف الطفل اللي عندي
مسك بضحك _  سامعك ياهبله 
ريماس بصدمه _ مش قصدي هو انا قصدي... سلام.... وبتقفل في وشها 

سيف _ انا طفل ماشي متشكر
مسك بضحك_ متقصدكش انت
سيف _ وانتي عندك اطفال في البيت غيري،  
مسك _ ههههه لأ 
سيف _ كانت تيجي  تشوفني وانا منوم لاس فيجاس من المغرب،  مكنتش  قالتها 
مسك بضحك  _ ولا لو جربت واحده هصفيكي 
سيف_ نفسي اصفيها، معرفش ليه مش برتحلها البنت دي
مسك _ انت كده مابترتحش  لحد، البنت كويسه 

نسمه

رجعت الكمباوند،  وقبل ما ادخل بيتنا،  اتسحبت ودخلت جنينة الساكن  الجديد،  وروحت نفس المكان اللي وقعت فيه الشنطه وبقيت ادور وابص يمين شمال  





خوف لا يلاقيني وفجأه حد شدني لجوه وارتطمت فيه، وهو مسكني من درعاتي باحكام لا اهرب، ولما  بصيت ليه لقيته زين قابيل او شبه لدرجة. كبيرة،.. بقيت باصه عليه بذهول من غير اي كلمه

زين _ بتعملي ايه هنا...  هييي بكلمك 
نسمه _ هه
زين _ بتعملي ايه هنا 
نسمه _ انت انت مين 
زين _ انا اللي بسألك 
نسمه ببلاها _ انت هو 
زين  _ هو مين 
نسمه _ هو 
زين _  مين 
نسمه _ اسمه ايه ده 
زين _ الولد اللي  بيغني 
نسمه _ اه
زين _ ايوه انا هو
نسمه _ كداب 
زين _ مبكدبش 
نسمه _ طيب لو انت هو، غني اغنيته 
زين _ طيب تعالي معايا 

دخلت معاه عند الألات وبقا يخبط  ويغني وبعد ما خلص استدار بالكرسي وبصلي 

نسمه _ طلعت هو بجد 
زين _ ايوه انا،  ممكن  تقوليلي كنتي بتدوري علي ايه 
نسمه  _ نسيت 
زين _ انتي اسمك ايه 
نسمه بابنهار _ انت بتكلمني عادي زي الناس 
زين بإبتسامة _ ما انا ناس عادي 






كنت لسه هرغي واعبرله عن حبي ليه بس وقفت وقولت اتقلي عشان ميشوفش نفسه عليكي 

نسمه _ اه طبعا،  بشري زينا،  بس المشاهير بيكونو مغرورين دايما دي الفكره 
زين _ انا  مش  زيهم 
نسمه _ وحتي لو زيهم  انا اصلا بشوفك صدفه في التلفزيون، يعني متهمنيش 
زين بإبتسامة _ يعني انتي مش من معجبيني 
نسمه _ لا عادى مش بسمعلك خالص 
زين بإبتسامة _ كويس اوي
نسمه _ هو انت الساكن الجديد 






زين _ ايوة،،  وانتي ساكنه هنا بردو
نسمه _ ايوووه يعني هشوفك كل يوم علي كده 
زين _ رد فعلك بيقول انك من معجبيني 
نسمه _ مش من معجبينك ولا حاجه بسأل من باب العلم بشيء وبس
زين بإبتسامة _ ماشي،،  تشربي شاي معايا؟ 
نسمه _ اه....  لا لا، انا لازم امشي ياااا..  اسمك ايه علشان مش بفتكرك اوي 





زين بضحك _ اسمي زين.. زين  قابيل 
نسمه بإبتسامة _ ماشي يا استاذ زين 
زين _ مسموحلك تقولي  زين  من غير  ألقاب 
نسمه بإبتسامة _ ماشي،،  يا زين  قابيل...  انا ماشيه 
زين بإبتسامة _ اتفضلي 
نسمه _ طيب...  ماشيه اهو  
زين بإبتسامة _ اتفضلي 
نسمه _ باي 

زين 

مشيت وهي بتلف حولين نفسها بارتباك،،  بس معرفش ليه عملت انها  مش  معجبه بيه،  رغم ان كل اغنياتي في  الفلاشه  





بتاعتها دا غير رقصات الزومبا اللي بترقصها عليهم في الفيديوهات... وانا مرضتش اقولها ان حاجاتها معايا عشان يكون ليها حجه تيجى بيها، وكمان مش هديها الفلاشه

بعد يومين 

ياسر

ا كتبنا الكتاب في المستشفي واهلها سابوها ومشيو وابوها قالها اتحملي نتيجه غلطك لوحدك واعتبري ابوكي ميت وهي بقت تبكي.. شكلها كان يوجع القلب بس موجعليش قلبي، دا اقل حاجه تستاهلها




ياسر _ مبروك ياعروسه..  
مريم بغضب _ بعينك اكون عروسه واحد زيك،  امشي روح ورا ابوك
ياسر _ لا اطلعي من الدور ده وفهميني دخلتي شقتي ازاي،  احنا بقينا لوحدنا اهو
مريم باستحقار _ قول الكلام ده لنفسك،  متكدبش الكدبه وتصدقها،  انت حيوان 
ياسر يمسكها من شعرها بقوه وهي تتوجع 
ياسر بغضب _ هعرفك الحيوان ده هيعمل فيكي ايه،  وحياة امك لا اخليكي تترجيني امو.تك واريحك 
مريم بغيظ _ محدش هيموت غيرك وعلى ايدي،،  لو خايف علي نفسك طلقني دلوقتي 
ياسر _ ههههه تصدقي ،  انا لو مش عارفك كنت صدقتك،،  بطلي تمثيل خلاص وصلتي للي عاوزاه 
مريم بألم _ غور بقا  وسيبني مش طيقاك 
ياسر يشد شعرها اكتر _ لا اجمدي كده، مش من اولها هتتعبي 

فريد يدخل يلاقيه ماسكها من شعرها 

فريد بغضب _ يااسر،  ايه  اللي  بتعمله  ده 
ياسر بحده _ محدش ليه دخل،  دي مراتي وانا بربيها




مريم تذقه بقوه _ انا مش مراتك  ولو قربتلي تانى هسـ.يح دمك قدام ابوك
فريد بغضب _ خلااص مفيش  احترام ليه ولا ايه،،  قومي  يلا هنروح  البيت 
مريم _ انا مش رايحه  بيوت حد 
ياسر _ مش بمزاجك،  قومي  وبيشدها من دراعها يقومها بالعافية وفريد يحوشها منه 
فريد _ اطلع بره 
ياسر _ مش طالع من  غيرها 
فريد بغضب _ قولت  اطلع  بره 
ياسر  بنرفزه _ حاضر...  وانتي متفرحيش مسيرك هتيجي تحت ايدي ومحدش هيعتقك منى
مريم بغيظ _ طيب قربلي وانا ابعتك ل امك متقـ.طع 
فريد بغضب_ ايه في اييه عيل وسطكم... اطلع بره انت، وانتي اقعدي
ياسر يبصلها بتوعد وبعدين يمشي

مريم

بيكدب الكدبه ويصدقها حتي واحنا لوحدنا بيتهمني اني كدابه، 

فريد _ شوفي... انتي لازم تفهمي بسرعه انك بقيتي مراته اي ان كانت الطريقه اللي اتجوزتو بيها، بس في النهاية انتي بقيتي مراته
مريم _ انااا مش مرات حد انتو اجبرتوني اتجوزه بعد ما بوظلي حياتي
فريد _ وانتي كمان غلطتي لما روحتي الاماكن دي وراه،، مش كنتى رايحه وراه بردو 
مريم ببكاء _ مكنتش فكراه هيعمل فيه كده والأ عمري ما كنت روحت 
فريد _ اهو حصل والمشكله كمان حصلت، احنا في دلوقتي
مريم_ اوعا تقولي اتقبل الوضع واعتبره جوزي ومعرفش ايه 





فريد _ مقولتش كده، انا عايزك تطلعي عينه وتربيه عشان انا وامه مقدرناش نربيه 
مريم _ انا لو عشت معاه بجد هقـ.تله، لو عاوز ابنك يمو.ت كمل في الموضوع دة
فريد _ هتقدري تقتـ.ليه؟
مريم _ اقدر وناوياها 
فريد _ تمام اعملي كده 
مريم _ انت بتتريق عليه، انا مش بهوش ولا بقول اي كلام انا هقـ.تله بجد
فريد _ لو قدرتي انا مسامحك، بس مش قبل ما نربيه الاول




مريم بخنقه _ حضرتك مش مقدر انا حاسه بأيه دلوقتي، وانت شكلك كده متأمل اني اصلحله حاله... انا عايزة اللي يصلحلي حالي بعد ما اقتـ.له 
فريد _ طيب روقي دمك وقومي وبعدين نتكلم 
مريم ببكاء _ مش هروح انا لا يمكن اقعد معاه في بيت واحد


فريد _ مانتي لازم تقعدي معاه امال هتاخدي حقك منه ازاي 
مريم ببكاء _ بأي طريقه غير اني اشوفه كل يوم في وشي 
فريد_ بصي... كان في الحروب زمان، دايما بيترقبو للعدو ويعرفو نقاط ضعفه وقوته عشان يضربوه فيها، وانتى دلوقتي في حرب ولازم تعرفي هتضربي خصمك فين بظبظ 
مريم بانفعال _ هضربه في قلبه... انت بتفتني على مين دا ابنك 



فريد بضحك _ وابني غلط ولازم يتعاقب،  اوعدك هقف جمبك لغيت ما ناخد حقك من عينه 
مريم _ وانت عاوزني اعمل معاه كده ليه، 
فريد _ عشان حاله يتصلح، 
مريم بغيظ _ يعني لمصلحته، طيب وانا اخد حقي منه ازاي لما



 اساعده يصلح حاله 
فريد _ انتي لسه مش مقتنعه انك ليكي نص الغلط، انتي اللي روحتي لحد عنده مش هو، ولازم تعاقبي نفسك بأنك تعيشي معاه، 
مريم _ موافقه هعيش







 معاه بس انا مش غلطانه، انا جه عليه وقت حبيته فيه، وعلى قد ما انا حبيته علي قد ما انا كرهته اضعاف حبي ليه 
فريد _ تمام، كده يبقا اضمن انك هتقدري تربيه وتخلصي حقك منه احرميه من كل حاجه بيحبها، اقلقي راحته ونغصي عليه عيشته 

بعد كلام كتير روحت معاه البيت و وصلني الاوضه بتاعت ياسر، كانت اوضه كبيره اوي وفيها حمام كبير، ف دخلت استحميت ولبست هدومي نفسهم ولما طلعت لقيته قاعد علي السرير بشرط، وافتكرت شكله يوم اللى حصل، وبقيت امسك في الحاجات اللي علي التسريحة وارميه عليهم بانفعال 






مريم بانفعال _ اطلع بررره.. اطلع بره 
ياسر يتفادا الاشياء ويروح يجيبها من شعرها 
ياسر _ اهدي علي  نفسك  يا عروسه،  النهارده  دخلتنا،  ولا نسيتي 
مريم  تذقه بعيد عنها _ انا اموت نفسي  قبل  ما تلمسني تانى،
ياسر يقرب  منها  وهي  تتراجع للخلف _ مصدقه نفسك  انتي،.. ايه يابت،  هو  انتي  عاوزة  تفهميني اني  كنت  سكران ومش  فاكر  اللى  حصل  
مريم بغيظ  _ لو قربتلي هصوت والم عليك  الناس 
ياسر يقترب منها اكثر _ هو  انا  مليش نفس زي اللي  غلطتي معاه  
مريم   _ اخرس.. وخليك عندك، هقتـ.لك لو قربتلي  
ياسر يشدها ليه بقوه _ وريني  هتقتليني ازاي،،  يلا مستني 
مريم تبعد وشها عنه _ ابعد عني  مش  طايقه نفسك  ولا ريحتك 
ياسر يرميها على  الحيط بقوه ويحاويطها بأديه _ من النهارده  مش  هتشمي غيرهم،  وافتكري انك انتي  اللي  بدأتي،  ..  ومن الليلة  تستقبليني بالميه الدافيه وتدعكيلي رجليه،  
مريم بحده _ بعينك،  ولو انت لو  مقتلتــ.نيش انا اللي هقـ.تلك   
ياسر يمسكها ويزهقا علي الحيط تاني _ عيب الست تقول  كده  لجوزها مفيش ادب ولا احترام
مريم بألم _ انا  عندى  اموت ولا  انك تكون   جوزي،  
ياسر _ ولا  انا  يشرفني ان واحده  رخيصة  زيك تكون  مراتي 




مريم تضربه بالقلم _ الرخيصة  دي هتسود ايامك لغيت  ما تمو.ت على  ايدها،،  
ياسر  يغمض عينه ويجز على  سنانه بغيظ وهي  تنزل من تحت  دراعه وتمسك سكين من علي  طبق الفاكهة  
مريم  بتحذير _ لو مستغني عن عمرك  قربلي
ياسر يقترب منها وهو  ينظر لها  بتوعد وغضب _ يلا وريني هتعملي  ايه 
مريم  بحده _ مش  بهدد،  خليك  مكانك  
ياسر  يقترب  منها  ويمسك يديها فجأه وياخد منها السكين _ مش كده السكين تعورك 
مريم  بغيظ  _ سيبني 
ياسر يحط السكين  علي  وشها _ انا  بفكر اعملك علامه بحرف ال Y عشان  لما  تبصي للمرايا تفتكريني 
مريم  تغمض عينيها وتاخد نفسها  بصعوبه 
ياسر  _ بلاش  ال Y ايه رأيك نخليه حرف اللي غلطتي معاه 
مريم بدموع _ لو مش هتسبني اقتلني وريحني 
ياسر يمط شفتيه بسخريه _ انتي بتعيطي تؤ تؤ، صعبتي عليه  اوي
مريم _ طيب ابعد 






ياسر _ مش  قبل  ما تقوليلي  دخلتي شقتي ازاي 
مريم بغيظ _ انت بتنكر ليه ما انا  وانت لوحدنا،  ليه  بتلف وتدور عليه
ياسر _ بت انتي متزودهاش انا علي اخري منك،، عاوزة تفهميني اني جبتك وعملت اللي عملته وانا مش حاسس 
مريم باحتقار _ كنت حاسس، مش انت اللي طلبت من العامل يجيبلي عصير على حسابك، وبعدين طلعت حاططلي فيه مخدر 
ياسر _ اقتنعت انا كده وهعيط، انتي مش سهله وخططتي لكل ده علشان توصليلي، بس اقسملك انك هتتمني انك تكوني موتي قبل اليوم ده
مريم _ مش خايفه منك وسع بقا، وبتذقه وتدخل الحمام وتقفل علي نفسها 

سيف 

روحت الشغل عند مسك علشان اطمن على أسر  ولما وصلت ملقتهاش، ولقيت ريماس ومعاها أسر 

ريماس  _ اهلا استاذ سيف 
سيف _ فين مسك 
ريماس _ في التصوير 
سيف _ طيب،.. اسر تعاله حبيبي 
أسر يمسك في ريماس وميرضاش يروحلوه 
ريماس _ يلا حبيبي روح لبابا 
سيف يمسكه ف ايده تيجي علي ايدها بالغلط وهي تشدها بسرعه 
سيف بجديه _ اسف.... 
ريماس _ مش مشكله 
سيف _ يلا ياحبيبي، مش عاوز تروح لماما 
ريماس _ سيبه لغيت ما تيجي مسك تاخده 
سيف بخنقه _ لا هاتيه 
ريماس _ هيعيط 
سيف يبصلها بحده _ خليه يعيط.. يلا وبيشده منها وأسر يبكي
ريماس _ من فضلك خليه معايا يكون مامته جت 
سيف يبصلها بحده، ويمشي من غير ما يرد

من وقت ما جت وانا مش برتاح لتعامل معاها، مش بتتصرف بحريه 




ودايما في ارتباك في تعاملها معايا من غير سبب، مش عارف ده خجل ولا تلون، ومش مرتاح لارتباط أسر بيها بشكل ده

ريماس

انا ريماس 28 سنه،  ارمله ومعايا ولد عمره خمس سنين وانا عندي مشاكل في القلب ولازم اعمل عمليه، والعمليه تكليفتها عاليه اوي.. وجه وقت كنت  شغاله 


 في  مطعم لواحد اسمه خالد،  وهو  طلب مني اني  ادخل  حيات مسك واحاول اقرب لسيف  واخده من منها، مقابل انه يديني مبلغ اعمل  بيه  العملية  وانا  بعد  تفكير  وخوف  علي ابني لا اموت 



واسيبه وافقت وبدأت شغل  مع  مسك بقالي اربع شهور،  وهي  متعرفش  ان معايا ابن اصلا ولا تعرف اني تعبانه ولا انا  عارفه  اغدر بيها واسرق جوزها،  وحتي لو هقدر،  هو  كشري ودايما  بحسه مش  طايق دبان وشه... وبعد ما مشي.. خالد كلمني 

خالد _ ام ضمير بينقح عليها،  متصرفتش ليه  
ريماس _ يافندم  مش  هقدر 
خالد  _ ومتقدريش ليه 
ريماس  _ مسك كويسه  معايا ومعملتش حاجه وحشه  عشان  اسرق جوزها 






خالد _ انسي العواطف  دي اللي  هتخلص عليكي  وهتيتم ابنك،  
ريماس  _ ليه  ربنا يرعاه 
خالد  _ ريماس انا  مش  عاوز اجبرك،  نفذي يا حبيبتي، نفذي بذوق
ريماس  _ تجبرني ازاي  يعني 
خالد  _ هو  ابنك اسمه سليم مش  كده  
ريماس  _ مالك  بأبني 
خالد  _ اصلي جبته من  عند جارتك يقعد معايا 
ريماس _ ابني لو مرجعش هروح فيك في داهيه
خالد _متخافيش




  عليه هو  بيلعب عندي  لما  تخلصي  المهمه ابقي تعالى  خديه هو  وفلوس العمليه 
ريماس _ انت  بتقول  ايه،  ابني لو مرجعش هبلغ عنك  وهقول لمسك كل  حاجه
خالد _ لو مسك عرفت  مش  هتشوفي ابنك تاني 
ريماس  ببكاء _ وابني ذنبه ايه،  حرام  عليك،  انت طلعتلي منين،  




قولتلك  مش  هقدر  
خالد _ اقدري،  قوليلهم علي. مرضك واستعطفيه سهله 
ريماس  ببكاء  _ والله  ما بيطيقني ولا  بيديلي وش شوف  حد




  غيري  ورجعلي أبني ونبي
خالد _ قولت اللي



  عندي،  ولو حد منهم عرف  باتفاقنا اقسم اني هرجعلك ابنك جسه

تعليقات



حجم الخط
+
16
-
تباعد السطور
+
2
-