Ads by Google X

القائمة الرئيسية

الصفحات

رواية غلطة كلفتني الكثير الفصل الثالث3بقلم نشوه عادل

رواية غلطة كلفتني
 الكثير الفصل الثالث3
بقلم نشوه عادل 
حسام:  احنا هنتجوز عرفى
سلمى بصدمة:  اييييييه عرفى ده مستحيل يحصل 

حسام:  مستحيل!  ليه يا سلمى انتى مش بتثقى فيا ولا ايه؟! 

سلمى:  لا طبعا بثق فيك جدا كمان بس الجواز العرفى ده مش بينتهى الا بمصايب 

حسام:  يا حبيبتى افهمينى الورقة دى ما بينى وبينك بس ومحدش هيعرف حاجة عنها غيرى انا وانتى وبعدين الجواز ده شكليات عشان اضمنك ليا مش اكتر 

سلمى:  لا يا حسام فيه الف طريقة غير دى 

حسام:  افهم من كده انك مش بتحبينى ع العموم ماشى براحتك انا همشى دلوقتى 

مسكته من ايده وانا بعيط:  ارجوك يا حسام متسبنيش انا بحبك ومتعلقة فيك 

حسام:  لو بتحبينى كنتى وثقتى فيا وبعدين دى حتة ورقة اضمنك بيها مش احسن ما حد يتقدملك واهله يوافقوا عليه وانا هعمل المستحيل عشان اتقدملك رسمى ها قولتى ايه 

فى لحظة ضعف وعدم فهم وكلام امى ليا اللى كان بيرن فى ودنى وهى بتقول:  اعملى اى حاجة مهما كانت بس مش تطيريه من ايدك قولتله:  انا موافقة 

حسام:  بجد يا حبيبتى طيب خدى امضى ع الورقة دى 

طلع ورقة من جيبه ومضيت عليها وبعدها اخدنى روحنى  ...  طلعت الشقة وانا مش فاهمة اى حاجة لقيت بابا فى الصالة

سلامة:  ايه يا غندورة اتأخرتى كده ليه؟ 

سلمى:  ابدا كنت فى الدروس  ..  يا بابا ارجوك بلاش تشرب الشيشة وانت قافل الشباك انا بتخنق من الدخان ده

قام مسكنى من شعرى جامد:  جرى ايه يا بت انتى هتحكمينى فى بيتى وتعلمينى اعمل ايه يالا غورى من وشى 

زقنى وقعت فى الارض قومت وانا بعيط ودخلت اوضتى وطبعا ماما مكنتش فى البيت كانت فى الاتليه 

عدى اسبوع وانا بتهرب من حسام مكنتش برد ع مكالمته ولا رسايله وغيرت كل المدرسين بتوعى اللى هو يعرفهم وفى يوم كنت قاعدة لوحدى بالبيت كنت ادام الكتاب بس عقلى فى حتة تانية سمعت جرس الباب بيرن فقومت افتح واتصدمت:  حسااااام 

حسام وهو ماسك بوكيه ورد:  ازيك يا حبيبتى وحشتينى 

دخلته بسرعة وقفلت الباب:  انت اكيد مجنون انت ازاى تيجى هنا؟! 

حسام:  هو فيه عروسة فى الدنيا تسأل عريسها هو جاى ليها ليه وبعدين اعمل ايه مبترديش ع رسايلى ولا مكالماتى كان لازم اجيلك بنفسى 

سلمى بعصبية:  لا ده اسمه استهبال رسمى افرض حد من الجيران شافك ولا بابا او ماما وصلوا فى اى لحظة! 

حسام:  اطمنى محدش شافنى وانا طالع وعديت ع الاتليه كان ابوكى وامك مشغولين مع حد كده  ...  فضل حسام يتأمل الشقة وبعدين قال:  ازاى الفكرة دى مجاتش فى بالى قبل كده! 

سلمى باستغراب:  فكرة ايه؟! 

حسام:  اننا نتقابل هنا 

سلمى:  انت اكيد مجنون 

حسام:  هو فى ايه يا بنتى مالك بتكلمينى كده ليه؟ 

سلمى وهى بتحاول تمسك دموعها:  حسام انا بقالى اسبوع عيونى مبتدوقش طعم النوم عقلى هيتشل من كتر التفكير احنا غلطنا غلطة كبيرة اوى 

حسام:  غلطة!  بتقولى ع جوازنا غلطة دى اكتر حاجة صح عملناها عشان تكون شاهدة ع حبنا الحقيقى 

سلمى:  لا طبعا انا لسه طالبة فى تالتة ثانوى وبحلم انى اكون دكتورة وانت لسه بتدرس فى الكلية لسه عندنا وقت طويل بص انت تقطع الورقة اللى معاك وانا هوعدك انى هستناك ومش هكون لغيرك بس ارجوك قطع الورقة دى ويا دار ما دخلك شر 

حسام بنظرة مليانة شهوة:  بقولك ايه يا حبيبتى انتى دلوقتى مراتى ومراتى يعنى ملكى وليا عليها كل الحقوق 

رجعت سلمى بضهرها لورا وقالت:  يعنى ايه تقصد ايه؟! 

حسام:  اقصد اللى فهمتيه يا قطتى ...  انقض عليها زى الاسد ع فريسته لكن هى قاومته وقالت:  انت اثبتلى انك مبتحبنيش والا مكنتش استغليت ضعفى والازمة اللى انا فيها مع اهلى كنت هتخاف ع سمعتى ادام الناس

مسكها حسام من ايدها جامد وزعق وقال:  جرى ايه يا سنيورة انتى هتعيطيلى ولا ايه اومال انا كنت بصرف عليكى دم قلبى وخروجات وفسح وعمال اجيب فى هدايا عشان فى الاخر تقوليلى انت جاى تستغل ضعفى 

سلمى وهى بتشد ايدها منه:  انت ندل وجبان 

حسام:  جبان! ماشى مش مهم المهم انك مراتى

سلمى:  لو قربت منى هصوت والم عليك الجيران 

حسام:  وانا كمان هصوت معاكى بس هتقوليلهم ايه؟!  هتقولى ده جوزى اللى متجوزاه عرفى استغليت عدم وجود اهلى بالبيت فاتصلت عليه وجيبته  ...  المهم دلوقتى يا حبيبتى عشان خاطرى متخلنيش استعمل معاكى العنف 

طلعت اجرى ع اوضتى عشان اتحامى فيها منه لكن................................... 

                 الفصل الرابع من هنا 
لقراة باقي الفصول اضغط هنا


تعليقات