اذا اردت شيء بشدة ف اطلق صراحة ف إن عاد اليك فهو ملكك وإن لم يعد ف اعرف انه لم يكن ملكك من البداية
جملة سمعتها ف الاذاعة وانا صغيرة وكنت فعلا مستغرباها وفضلت الجملة دي ف دماغي وقررت منسهاش أبداً
_ليلي..يليلي
_اي ي احمد ف اي
_يالة بينا علشان نروح زمان ماما وخالتو قلقانة علينا دلوقت
_يالة طيب
كنا ماشين ف سكوت ف اتكلمت
_احمد
_نعم ي ليلي
_هو انتَ سمعت اخر جملة اتقالت ف الاذاعة النهادرة
لعب ف شعرو وبعدين قال
_لاء مش فاكر فكريني كدا
_اذا اردت شيء بشدة ف اطلق صراحة
افتكرت!
_ايوا افتكرتها انت عاوزة اي منها
_عاوزة افهمها
_بصي يستي هو بيقولك لو انتِ بتحبي حد اوي ومش عاوزاة يبعد عنك ابدا ف سبية يمشي لو عاوز ولو هو بيحبك بجد هيرجعلك لو كان ليكِ من الأول
قولت بصوت طفولي ولهفة
_طيب هو انا لو سبتك هترجع تاني
_لي بتقولي كدا
حضنتو وانا بقول
_علشان بحبك اوي اوي ي أحمد..
_وانا كمان بحبك..و وعد مش هسيبك أبداً
دا احمد ابن خالتي واكبر مني بسنتين كبرنا مع بعض واتعودت علية ف كل حاجة ف حياتي
_ليلي بقولك اي
_قول
_تيجي نلعب تحت شوية!
_وهتجبلي مصاصة!
_هجبلك بس يالة بسرعةة
خبطت ع الباب ولما سمعت صوتو بيقول ادخل دخلت
_احمد
_نعم يليلي
قولت وانا عيني مليانة دموع
_ممكن اعرف انتَ لي بقا كلامك معايا متغير
قام بسرعة من ع المكتب
_انتِ بتعيطي لي ممكن متعيطيش
_جاوبني لو سمحت
قال بزعيق
_علشان انا وانتِ كبرنا ي ليلي ومينفعش نتعامل مع بعض زي زمان حرام اصلا اني اشوف شعرك والنص كم ال انت جاية بية هنا دا غلط حرام يليلي انا احللك لاني مش اخوكي ف حرام اشوف شعرك وايدك اصلا
زاد عياطي اكتر
قرب مني وقال
_اهدي واسف ان اتعصبت عليكي بس انت دلوقتي ف اولة ثانوي يعني مش صغيرة وكدا مينفعش ي ليلي
_بس انا بحبك ي احمد وانتَ عارف كدا كويس
سكت شوية وقال
_انتِ لسا صغيرة..لازم تركزي ف مذاكرتك
دير وشة وقال
_اتمني تفوقي من ال انتِ في
سبت الاوضة والشقة كلها ونزلت ف اوضتي قعدت اعيط وقررت فعلا ان اتجاهلو
وانا طالعة الصالة سمعت ماما بتتكلم ف التلفون وبتقوب
_ايوا ي هناء هيسافر بعد النتيجة علطول..لي كدا بس
استينت ماما تخلص مكالمة وجيت قعدت جمبها وقولت
_ماما هو مين ال هيسافر
_أحمد
_نعم
قالت بفهم
_مالك! هو مقالكيش
_لا طبعاً مقاليش
_طيب يحييبت ماما
_فهميني بس يماما ..هيسافر فين
_هيسافر ايطاليا يكمل تعليم
قومت من مكاني ع الاوضة بتاعتي ع طول
كان نفسي يوم النتيجة يبعد لحد ما جة معاد النتيجة ونجح وبتقدير كويس جداً .
من ساعتها وانا مش بخرج من اوضتي عدا أسبوعين وسمعت انو مشي..مشي من غير ما يسلم عليا..
قررت انسا بس معرفتش عدا سنة وواتنين وبردو حبي لي بيزيد اكتر واكتر..بحاول اشغل نفسي ع قد ما اقدر ف الدراسة واتفوق وابقا احسن منة وخلصت ثانوية عامة
وقررت انا كمان اسافر اكمل تعليم برة مصر وكان ف منحة ل الاوائل للبلد ال يختاروها وانا اختارت ايطاليا
_يعني هتسافري بكرا يحبيبتي وتسبيني
_متعيطيش يماما بالله عليكي انا مش مستحملة
_يعني اي مش هصحا الصبح القيكي ..طيب خليني اتصل ب ابن خالتك علشان اطمن عليكي هناك
_لاء يماما قولتلك لاء انا عااوزة استقل بذااتي .
_تمام انتِ حرة
سبتني ومشيت وانا قاعدة لوحدي ف البلكونة سمعت صوت حد من ورايا
_اذا اردت شيء بشدة ف اطلق صراحة فأن عاد اليك فهو ملكك
لفيت بسرعة اشوف مين لقيت...