رواية العروسة الهاربة وانتقام الشيطان
الفصل الثاني و العشرون22
بقلم سلمي محمود النجار
يُسر بدموع جريت وكانت بتصحف من خطواتها وبتجرّ رجليها جرّ جريت ورفعت ايدها.
وقتها واحد من ورا الشجرة قال: خلينا نتسلى يا عُشاق يُسر جبل الخديوي.
وسلح القناصه وشد الاجزاء وكان مصوب على ضهرها وداس على الزناد.
وقتها رفعت ايدها المربوطه وحضنت أسد جت ترفع ايدها الطلقة جت في ضهرها من ورا وقعت في حضن أسد وهو
صرخ بهستريا: يُسسسسر
أيان طلع سلاحه وضرب على المكان اللي جت منه الطلقه وجري على العربية وأسد صرخ: اطلع سووووووق
طلعوا العربية وهو شالها ولأول مره دموعه تنزل رغم انه مش بيحبها وقال: اخلص.
أيان كان ماسك الدريكسون بسرعة رهيبة وصرخ: يُسرررررر متغمضيش عينك وانبي بلااااش
يُسر اغمى عليها وكان الدم على قميص أسد وبص على ايديه كانوا كلهم دم وصرخ بهستريا: يُسر، يُسر
خلع قميصه الأبيض وحطه ورا ضهرها وكان دايس
أيان كان سايق بخوف عليها وكل شوية يبصلها في المراية ودمعته نزلت أسد بصله شاف دموعه عليها واستغرب وعقد حاجبيه وقتها عيونه جات في عيون أيان وكانوا باصيين لبعض
أيان بخوف: شوف نبضها
هز راسه أسد وحط اصباعه على رقبتها وايدها وقال: بيضعف، نبضها بيضعف
كان سايق أيان بخوف وقال: قربنا نوصل، قربناااا.
...............................
مرام هي ونور كانوا ماشيين في القصر ونور بترن على يُسر ومرام على أسد وقالت: محدش بيرد
نور: ولا يُسر.
يُمنى كانت متوتره وعلامات خوف على وشها وقالت: اه من بنت جبل اه هتضيع الواد والله هتجراله حاجه.
مرام بغضب: حماتي هو كل مُشكلة تجيبي العيب على يُسر روحي نامي روحي علشان يكون فيكِ طاقه تستقبلي اختك وعيالها بكرا روحي.
يُمنى بغضب: طالعه وسيبهالكم مِخضره، طمنيني لما يجي اخوكِ
نور هزت راسها وقالت: حاضر
علي هو وداخل من باب القصر: لازم الزعيق واللسان الطويل كل يوم لازم يا ست مرام
مرام: علي والله ما نقصاك، وبعدين انت كنت فين هدومك كلها طين مش شايف نفسك.
علي بتوتر بص لنفسه ورجليه وقال: كنت في الشركة والعربية عطلعت في الطريق واحتجت صيانه واتوسخت يا مرام.
مرام هزت راسها وقالت: طيب، طيب، أسد في القِسم ولا فين لا هو ولا يُسر محدش بيرد.
علي عقد حاجبيه وقال: رنيتوا عليهم طيب
نور: ايوا يا علي.
أم حسن طلعت من المطبخ وقالت: في إيه يا ولاد لسه أسد مردش
مرام: لسه يا ام حسن روحي نامي علشان تستقبلي حسن يدوبه هيبقى جاي تعبان والله اشتقناله.
نور بلهفه: جدا جدا والله.
علي بصلها وقال بشك: ست نور مالك، ها خير... خير
نور بتوتر: مفيش يا علي اشتقنا لـ حسن صح، صح يا مرام
هزت راسها مرام وضحكت: اشتقناله، اشتقناله
أم حسن وضحكت: يلا تصبحوا على خير يا ولاد متقلقوش تلاقيه أسد ويُسر في فندق كده ولا كده متنسوش هما عِرسان جُداد برضوا.
مرام: كانوا ردوا على التيلفون... لا في حاجه غلط ورنينا على الفنادق بتاعته هو وأيان منزلوش ولا في اي فندق وأيان مبيردش اكيد في حاجه اكيد
علي: اطلع اغير انا وهروح ادور عليهم.
مرام: يلا يا حبيبي جاية معاك.
علي بصلها وهز راسه بيأس وقال: حبيبك اه حبيبك لا خليكِ مع نور، خليكِ هغير وحدي مش محتاجك.
مرام بصتله بهدوء والدموع اتجمعت في عينيها وهزت راسها طلع علي ونور حضنتها بحزن وهي كانت باصه لـ طيف علي هو وطالع على السلم بغضب والدموع على خدها.
نور هي وبتمسحلها دموعها: متزعليش منه يا مرام علي ميقصدش، ده مهما كان زوجك
مرام بدموع هي وبتشاور لنفسها: ولا في يوم قالي بحبك، انتِ مراتي، انتِ كل قوتي، انتِ كل احتمالاتي يا مرام، زواج ايه يا نور احنا بنبين اننا مبسوطين قدامكم بس لكن في اوضتنا خلافاتنا مبتخلصش تلت سنين واحنا مفيش امل للخلفة بعد البنت اللي اتوفت، وده السبب العائق اللي ما بينا وعلي كان نفسه في حِتت عيل انيس ليه وانا مقدرتش بس دي حاجه بتاعت ربنا، من وقت زواجنا علي مبيحبنيش يا نور بيعاملني كويس قدامكم بس علشان خايف على زعل حماتي فاض بيا يا نور والله فاض بيا و محدش حاسس بـ هنا محدش
كانت بتشاور على قلبها وقالت: انا وعلي مينفعش نكمل كده لما يجي وقت الكلام، هطلب منه الطلاق.
نور بصدمه هي وبصالها بغضب وقالت: مرام انتِ اتجننتي تروحي فين ده وانا ولا أسد ولا وماما نرضى نسيبك مستحيل نعيش من غيرك في القصر مستحيل انسي الطلاق وان شاء الله هتتحل، يبنتي هتتحل.
باستها نور من خدها ومسحت دموعها وقالت: تعالي نشرب قهوة واحكيلك عن حسن.
مرام رغم دموعها ضحكت وقالت: اه من المِحتالة الصغيرة اه
وحضنتها ودخلوا المطبخ.
.............................
نزلوا من العربية أسد كان عاري كان ببنطلونه بس وشايل يُسر ما بين ايديه وهي مستسلمة ومش دارية بنفسها دخل بسرعة رهيبة وأيان كان بيصرخ: دكتوووور... دكتور
الممرضين جابت النقالة حطوا عليها يُسر وأسد قال بهستريا هما وبيجروا بيها: اخدت طلقه في ضهرها بسررررعة.
دخلوها اوضة العمليات وقفلوا الباب.
أيان قعد على الكرسي وحط إيده على راسه وقال بدموع: استر يارب استر.
أسد قعد في الأرض جمب الباب وسند راسه على الحيطه زهرة كان دوامها متأخر وخلصت الساعة 12 وجت تطلع مسكتها الممرضة: دكتورة زهرة
زهرة: نعم
الممرضة: اخوكِ أيان بيه جه للمستشفى ومعاه واحده متصاوبه هو وأسد العشماوي.
زهرة بخوف حطت ايدها على بُقها وقال: هما فين دلوقتي
الممرضة: في اوضة العمليات.
جريت زهرة ما بين الطرقات وطلعت عندهم وصلت للدور شافت أسد قاعد في الارض وكأنه في عالم تاني مبيردش على حد ولا بيكلم حد.
أيان جريت عليه وقالت: أيان انتَ بخير
أيان قام وحضنها وقال: انقذي يُسر يا زهرة.
زهرة بصدمه: يُسر؟!
طلعت تجري الممرضة وأسد قام وقال: في ايه في ايه
_المريضة محتاجة 4 أكياس دم زمرة دم (O-) بسرعة.
أيان مسح دموعه وهز أسد: أسد أنت نفس زمرة دم يُسر أسد رد أسددددددد.
أسد كان تايه وودانه بتصفر أيان هزه وصرخ فيه: فوووق
أسد هز راسه وقال: تعالي يا دكتورة.
راح مع الممرضة
زهرة: انا لازم اتدخل.
جريت في اوضة الملابس
أيان كان قاعد وخايف وبيقول: يارب
أسد كان كل تفكيره في يُسر والممرضة بتسحب منه دم وقالت: يبيه حضرتك جسمك ضعيف سحبنا كيسين و....
أسد هو وباصص لـ رُكنٍ ما وقال: كملي.
الممرضة: بس انت هتض....
قاطعها وقال: كملي
بصلها بحدة وهي خافت وهزت راسها سحبت منه الباقي وهو كان عاري خلصت هي وقامت اخدت تي شيرت أسود من شنطتها وقالت: البس ده حضرتك، مينفعش تمشي في المستشفى كده.
وطلعت من الاوضة
دخل أسد الحمام بص لـ نفسه وللدم اللي على صدره وايديه وبصلهم في المراية كان بيغسل ودمعته نزلت: انضف.... انضف من دم بنت جبل انت السبب الوحيد في اللي حصلها ده انضفففففف.
كان بيغسل بهستريا وقال: انضف بقى انضففففففف
صرخ بقوة ونزل راسه تحت الحنفية كان بيفتكر يوم ما وقعت قدامه يوم فرحها لما هربت يوم زفافها ويوم ما قابلها في القِسم اول صدفة ليهم وضحكاتها هي وراكبة على Black في القصر وكانت بتجري بيه وتضحك وشعرها بيتطاير من الهوا وكل تفاصيلها وافتكر لما جريت انهارده ولما اتصاوبت.
كان حابس نفسه تحت المياه رفع راسه وشهق بقوة ودقات قلبه سريعة اوي، بص للمراية هو ووشه مياه والمياه نازله على صدرة وقال: والله يا بت جبل هجيب حقك تالت ومتلت واللي عملها ميعرفش انه ازاي يمد ايده على ممتلكات أسد العشماوي، هخليه يندم بس انه فكر تفكير، فكر وبس.
مسح وشه ولبس التي شيرت وطلع من الحمام راح عند أيان قعد جمبه وأيان بصله وسكت
أسد أخد القميص اللي عليه دم يُسر ولبسه فوق التي شيرت وساب الازرار مفتوحين وسند راسه وغمض عينيه
أيان: انتَ بخير؟
أسد هز راسه وقال: بقالها قد ايه جوه
أيان: عدت ساعه
هز راسه وقال: زهرة جوه
أيان: اه، مالك هادي ليه
أسد: لإن بت جبل هتفوق، وهتقوم.
أيان هو وباصص للأوضة: وانا واثق من كده.
_بعد مرور 4 ساعات_
طلعت زهرة والدكاترة وقفوا
الدكتور بص لـ زهرة وهي بصتلهم
أسد: طمني يا دكتور، حد يتكلم هتتكلموا بالإشارات.
أيان بخوف: يُسر بخير صح بخير!
زهرة: اتوقف قلبها مرتين في العملية لأن جسمها ضعيف اوي.
أسد بخوف: مش عايز الغاز يا زهرة طمنيني احكي
زهرة: اهدوا، كده اهدوا هي بخير يا أسد يُسر عدت مرحلة الخطر، يُسر اتكتبلها عُمر جديد، دي معجزه من عند ربنا واللهِ، يُسر متمسكه بالحياة اوي، وهي بخير دلوقتي بس....
أيان بخوف:انطقي يا زهرة
زهرة: بس الطلقة اثرت على النخاع الشوكي لأن الإصابة كانت على الفقرات العنقية ودي بـ تؤدي لِـ مشاكل في الجهاز الحسي والحركي في الذراعين والساقين ومنطقة الجذع والحوض ولما تفوق هنشوف حالتها إيه.
كانت كلمات زهرة بتشق في قلب العُشاق لـ حفيدة الخديوي أيان رجلية مشالتهمش الأرض قعد بصدمه
أسد كان واقف بصدمه وهستريا ومقادرش يتحرك وقال هو وبيطلع الحروف بالعافية: خليكم جمبها
كان ماشي ومش سامع زهرة هي وبتنادي عليه: أسد... استنى أسد.
أسد نزل من المستشفى دخل عربيته كان باصص للدم اللي على القميص وساق عربيته بتوهان وراح مكان الحادث نزل من العربية وافتكر كل اللي حصلها فتح كشافه
ومشي بعيد عن العربية وكان ماشي وقف في مكان وسط الغابة وبص للعربية وكان هو المكان اللي اتصاوبت منه يُسر كان بيدور في الأرض شاف الرصاصه الفاضية اخدها وجه يمشي شاف زرار لـ جاكيت في الارض حطهُم في جيبة وكمل ودخل الغابة شاف المستودع فتح الباب شاف الحبل والكرسي وعرف ان يُسر كانت مخطوفه هنا كان بيدور على أثر لحاجه وكان متوتر ودخل الحمام وهو هادي
ومش متكلم مشافش حاجه لكن شاف ورقة مطويه مكرمشة على الارض فتحها شاف اعلان حفلة بعيد يومين والورقه مطوية جديد صور الورقة والمكان وطلع من الغابة راح عند عربيته وقال هو وماسك الدريكسون: اوعدك مش هشوفك غير لما اجيب حقك، وحقك هيرجع يا بت جبل، اوعدك اني مش هشوفك غير لما اعرف مين اللي عمل ليكِ كده، مين اللي وصلك للحالة دي يا دكتورة.
كان سايق ورايح عند القصر
...............................
في مكان ما كان قاعد أحمد وبيلعب شطرنچ بإبتسامة وقال: تعجبني، يا صياد الفريسة.
_هانت عليك دي كانت تكه وهتكون مراتك
أحمد: كانت هتكون، لكن يوم ما اختارت ابن العشماوي، لا هانت ولا هتهون بت جبل.
_حقود اوي يا ضابط **** تعجبني، ثُم متخافش فيها موت لان الطلقه كانت من بُعد واصبتها في ضهرها يعني حفيدة الخديوي مش هتعيش، ولو عاشت هنقتلها
أحمد بضحك هو وبيشرب خمـ. ـره: هنموتها بالبطئ، تعجبني انت وبتخونه وهو مش داري، كُل الكُره ده في قلبك ليه ااااه عجايب
_ ولا عُمره هيحس ولا يشك فيا اني انا ورا كل حاجه وورا رقدة بت جبل في المستشفى دلوقتي.
أحمد: وإيه غرضك انك تإذيه، واستفدت ايه من اذيتها، ايوا انا امرت
وصرخ وكمل بجنون: ابشرني بلذة الاستمتاع جواك.
_هي متقربليش ولا اعرفها اه بس حبيت اكسر جناح أسد العشماوي شوية ما هوا فاردهُم على الكُل والكُل متغطي تحت رحمته وظله و اوامرُه، بس عينك حلوه.
أحمد كان باصصله وقال: زهقت من العدسات السودا حلو بطبيعتي
كانت عين بيضا والعين التانية طبيعية سودا.
_بس كانت لايقه عليا انهارده انا كمان وانا ومركب العدسات وبكده وهيفتكروني أنت الأعور وميعرفوش اننى اذكى منهم.
أحمد بإبتسامة: سيب الخطة تمشي زي ما هيا ومحدش هيقدر يلمس الضابط الأعور وهنخليهم يجرونا لشباكهُم لغاية ما يقعوا في شباكنا ومحدش هيسمي عليهم.
_أسد العشماوي وناسه ليا، انا اللي هدمرهُم
أحمد ضحك هو وبيحط الملك وقال: صدق اللي قال، الاقربون عقارب، ثُم بعدين الاقربون اولى بالمعوف، كِش ملك
ابتسموا هما الاتنين وكانوا باصيين لبعض وعيونهم متشابهه أحمد عيونه طبيعه والمجهول حاطط العدسات بيضا، وكان شكلهم يخوف وضحك المجهول وقال: كِش ملك.
...............................
(في قصر العشماوي)
نزل أسد من العربية ودخل من البوابه الكبيرة ولمح عربية سودا كان رقمها مألوف وكأن شاف الرقم ده قبل كده بص كويس وعقد حاجبيه ورن على أيان بسرعة رهيبه
أيان بتعب: الو
أسد بجنون: العربية اللي صورتها من الفديوا رقمها كام
أيان: ليه... لقيت اثرها
أسد: اخلص يا أيان مش ناقص.
أيان: حاضر دقيقة.
فتح تيلفونه وقال: 1853
أسد كان باصص للعربية اللي قدام بيته وبرق بصدمه واتنفس بقوة وكان نفسه متقطع.
قفل في وش أيان وكان متمالك اعصابه وانفجر لما نزل منها شخص وبص لـ رجلية كانت متوسخه وبنطلونه متوسخ وكان واحد من الحُراس راح عنده ومسكه من قفاه وقال: يا وااااااطيييييييييي
مسك راسه وضربها في القزاز وصرخ: قدررررت تلمسهاااا ازاي قدرتتت تخطفهاااا ازاااااااااي.
الراجل وقع من اثر الضربه
ونور ومرام طلعوا يجروا لما سمعوا الصوت وراحوا عنده مرام بخوف: أسد سيبه... أسد
نور بدموع: ايه الدم اللي على قميصك ده... في ايه يا أسد... رد رد
عم سعدي جري عليه وقال هو وبيزيحه: براحه يا أسد
أسد هو وماسكه عم سعدي وزقه وصرخ بغضب : انت عارف ده عمل ايه... عمل ايه.... وصل بنت جبل للموت.
نور بصدمه حطت ايدها على بُقها وقالت: يُسر!
وكملت هي وبترتجف: ده دم يُسر؟!
مرام بصتلها بصدمه وقالت: يُسر.
مسكه من قفاه وطلع مسدسه وحطه جوه بُقه وبرق بعينيه الشاب بدموع وخوف وكان بيهز في راسه: ميييين اداك الاوامرررر ميييييين
وشد الاجزاء وحط اصباعه على الزناد وقال: اتشاااااهد، اتشااااهد على روحك
وصرخ الراجل بخوف: هتكلم هتكلم.
سابه أسد وقال الراجل بدموع: الست...