رواية عيون قلبي
الفصل الرابع والعشرون24
بقلم يارا عبدالعزيز
الدكتورة: تخلص بس المحلول المتعلق وبعد كدا هكتبلها على خروج عن اذنك
ادم دخل عند عين
ادم : الدكتور قالت انك حامل انتى كنتى عارفه صح
عين : ايوا
ادم : ومقولتيش ليه ولا عشان انا مش ابوه
عين بصدمة وعدم استيعاب: انت بتقول ايه انت مستوعب بجد انت بتقول ايه
ادم : عادى ما كنتى مع واحد غيرى فى شقة يبقى ايه
عين بدموع : انت بتتكلم بجد لا قول انك بتهزر
ادم بعصبية شديدة وهو بيرمى كوبايه المياه من على التربيزة: لو كلامى غلط مقولتيش ليه هاا ما تنطقى
عين بعياط : طلقنى انا مش عايزة اعيش معاك تانى
ادم وهو بيسمكها جامد : مش هطلقك وهسيبك كدا مر'مية واوعى تفكرى ان اللى فى بطنك دا انا هعترف بيه دا
عين بعياط وانهيار: اطلع برا اطلع برا حياتى بقى
ادم خرج وهو بيرزع الباب وراه
عين وقتها انهارت من العياط
بعد مرور نص ساعة
عين روحت البيت
محمود وهو بيفتح الباب بفرحة: عين كنتى فين يحبيبتى خضتينا عليكى
عين حضنت محمود وفضلت تعيط وكلهم راحوا عندها
عين بانيهار : ادم بيقول ان اللى فى بطنى مش ابنه انا خلاص مبقتش عايزة اعيش
كلهم اتصدموا بس حاولوا يخففوا عنها
ايمان بعصبية: لا دا ذودها اوى بقى
عمر : اهدى يا مدام عين وانا هتكلم معاه عن اذنكوا
ايمان: تعالى واهدى
عند ادم كان فى النادى
عمر بعصبية: ايه اللى انت عملته دا
ادم بسكر: سبنى فى حالى يا عمر انا مش فايقلك
على ض'ربه بالقلم
على بعصبية: فوق بقى ايه اللى انت بتعمله فى نفسك دا
ادم بعصبية: محدش ليه اى دعوة بيا وباللى بعمله كل واحد يخليه فى حاله
وتجاهلهم وفضل يشرب
عمر : خليك كدا يا آدم لحد اما هتخسر كل حاجه فى حياتك واول حاجه خسرتها عين
ادم بوجع وهو بيبص على ابوه : وماله مش هتبقى اغلى من اللى راحوا
فى الصباح
فرح راحت عند عين عشان تطمن عليها وكانت ايمان قاعدة معاها
فرح : ازيك يا عين
عين : كويسة الحمد لله
فرح : انا بتأسفلك بنيابة عن ادم انا بجد مش عارفه ماله اليومين دول
عين بصتلها بزعل: ادم خالص خسرنى للابد يا فرح انا مكنتش عمرى اتوقع انه يفكر فيا كدا بس يلا
ايمان: الصراحة يا فرح اخوكى ذودها اوى
الباب خبط
رنا : ممكن ادخل
عين : تعالى يحبيبتى
رنا : عاملة ايه دلوقتي
عين : كويسة الحمد لله
رنا : جماعة انا حابة اقولكوا حاجه مهمة
ايمان: ايه
رنا حكتلهم عن كل الاتفاق اللى كان ما بينها وما بين ندى وعايدة
ايمان بعصبية وهى بتقف قدامها : انتى ايه يشيخة دى اختك دمرتى حياة اختك بأيديكى
عين : ايمان خلاص
رنا بعياط : انا اسفة يا عين والله الغيرة كانت عميانى بس انا اكتشفت انى بحبك بجد وانى مش هبقى مبسوطة وانتى زعلانة سامحيني يا عين
عين خدتها فى حضنها: خلاص يا رنا انا اختك الكبيرة ولازم استحملك وبما انك اعترفتى بغلطك فدى عندى حاجة كبيرة
ايمان: هنتصرف احنا ازاى دلوقتي ونصلحه اللى انتى عملتيه
فرح : رنا انتى بجد ندمانة وحاسة بالذنب
رنا : اكيد
فرح : يبقى تساعدينا عشان نثبت براءة عين
رنا : انا مستعدة اروح اقول لى ادم الحقيقة
ايمان : هينكروا اكيد لازم يبقى معانا دليل
فرح : انا هقولكوا هنعمل ايه رنا رنى على ندى دلوقتي وقوليلها انك عايزة تقابليها
رنا : وبعد كدا
فرح : رنى بس وقوليلها عايزة اقولك حاجه مهمة واطلبى تقابليها
رنا : تمام
رنا رنت على ندى وقالتلها تقابلها فى الكافية اللى بيعقدوا فيه
فى الكافية
عايدة: يلا قولى الحاجة المهمة
رنا : ادم عرف ان عين حامل
ندى بمقاطعة: عرفنا حتى مرضيش يعترف بالولد
رنا : حقيقى برڤوا عليكوا الخطة بتاعتكوا ماشية احسن ما انتوا عايزين
عايدة: اوماال فى الاول عاملنا كل دا وخلينا ادم يشك فيها ويشوفها مع واحد تانى واحنا المخططين لكل دا ودلوقتي جت كدا لوحدها وعين هى كمان بقيت بتك'ره ادم
رنا دا كله كانت بتسجلهم
فى بيت عين
عين : هاا قدرتى تعملى المطلوب
رنا: اتفضلوا اداى الدليل
ايمان: كويس اوى
فرح : نروحه نوريه لى ادم بقى
عين بجدية: روحوا انتوا انا مش عايزة اشوف ادم تانى فى حياتى
فرح : من قلبك
عين : ايوا
مشيت فرح وراحت عند ادم الشركة
فرح : ادم انا عايزه اوريك حاجه مهمة
ادم : ايه هى
فرح سمعت لى ادم التسجيل
ادم بعصبية شديدة: يولاد ال******* انا هوريهم