رواية سوف نلتقي
الفصل الخامس5
بقلم ندي صابر
فريده بصدمه: عاوز ايه ياعنيا
زين ببرود: عاوز اتجوز ملك
فريده بحسره: انت مجنون يازين دا انت طول عمرك بتعتبرها اختك، ياابني هي مش ناقصه وجع كفايه اللي فيها.
اتدخلت ملك في الموضوع: انا موافقه يماما فريده
فريده ببسمه: بجد ياملك
ملك بتوتر: أنا مش هلاقي احسن من زين ودا اكتر واحد هكون مطمئنه وانا معاه ومش هخاف لاني اكتر واحده عارفه زين.
فريده بشگ: انتو متاكدين من القرار ده وإلا ناوين علي نصيبه منگ ليها
زين بغمزه: ياريري متبقيش كدا بقا بنقولك عاوزين نتجوز فيها حاجه دي.
فريده بهدوء: وانا موافقه وهمشي معاكم للأخر بس لو عرفت ان الجوزاه دي لعبه هتبقي ايام سواد علي دماغكم.
ملك بخوف: عيب عليكي يماما دا احنا زي ولادك بردو
زين بغمزه: المأذون الليله يكون هنا ياريري عشان مستعجل
فريده وهي تضربه: ياسافل ياللي مشوفتش تربيه بخمسه جنيه حتى،غور ياض من وشي وانتي ياملك تعالي ورايا عشان تجهزي.
اتجه زين إلي غرفته وهو يفكر في اخر محادثه بينه وبين ملك
F. B
زين بنفاذ صبر: اهدى يابنتي كفايه عياط
ملك بإنهيار: عاوزني اعمل ايه يازين انا مصدقت اتأقلم مع الوضع وكنت اتجاهلت الموضوع ليه يظهر في حياتي تاني لييييه
توقف بالسياره ونظر إليها بحزن: هو انا ممكن اقولك علي حل لكل دا
انتبهت إليه: حل ايه
زين وهو ينظر في الفراغ: تتجوزيني ياملك
ملك بصدمه: انت بتقول ايه يازين انت واعي علي نفسك
زين بعصبيه: انا اقسمت انه هيندم علي اليوم اللي كسرك فيه ومش قدامي غير الحل دا، لازم يحس انه خسرك للأبد ويندم علي كل حاجه عملها وسافر بعدها بكل بساطه
ملك بتردد: بس مفيش حل مقنع غير دا
زين ببرود: انا مستحيل اوافق ان حد غيري يتجوزك فا شيلي الفكره من دماغك ولو موافقه هنروح نبلغ العيله ونكتب الكتاب النهارده
ملك بتفكير: موافقه يازين بس عندي شرط
زين بصرامه: متقلقيش هيكون زواج مؤقت وهنفضل اخوات زي مااحنا
ملك برضا:ودا اللي كنت بفكر فيه بالظبط
ابتسم بوجع لا يعلم لماذا يشعر هكذا: تمام ياملك يلا نروح ونقولهم.
B
استفاق زين علي دخول رحمه لغرفته: بقا ياجدع تقرر كدا تتجوز انت وملك وانا اخر من يعلم دا انا حتى اختك بيقولو
زين بسخريه: الاخبار لحقت توصلك، ايوا هتجوز انا وملك عاوزه حاجه
رحمه بتعجب: يخربيت برود أهلك يااخي
زين بغضب: بتقولي حاجه يازباله
رحمه وهي تركض: بقولك ألف مبروك ياسطا وعقبال الأحزان إن شاء الله
زين وهو يركض خلفها ويصرخ بها: هقتلك يارحمه هقتلك واريح البشرية كلها
رحمه بصراخ وخوف: عااااا إلحقوني يماما ياملك انتو فين
زين بشر: لا مهو مفيش حد في البيت غيرنا وتعالي هنا بهدوء كدا بدل مااجي انا وهتبقي ليلتك سوده ومنقطه ابيض
اقتربت بخوف: مش هتعمل حاجه صح
زين بسخريه: يشيخه دا انا حتى ساكت اهو
اقتربت وعندما وقفت أمامه شعرت بقدمها ترتفع عن الأرض وهو يصرخ: أنا هعلقك ياشبر ونص وكل اللي يعدي يضربك قلم لحد ماتتربي
رحمه برجاء: اخر مره يازين احيات عيالك، وبص حتى اقولك اطلب اي حاجه وانا هعملها وأنا اسفه
زين بأمر وهو يكتم الضحك: تروحى تعملي أكل اصل بصراحه واقع من الجوع ومش هأكل غير بيتزا
فتحت فمها بصدمه: بيتزا ودي اعملها إزاي دي يخويا ماانت عارف اني مش بعرف اطبخ منغير ماما
إلقاها زين علي الأرض فسقطت وصرخت: دهري يكش.... اصدي ثواني والبيتزا تكون قدامك يابص
ركضت إلي المطبخ بينما هو جلس يضحك بصخب عليها، دلفت ملك وفريده للمنزل.
فريده بشك:الضحكه دي وراها نصيبه انا عارفه
زين ببرءاه: وهو انا بتاع الكلام دا بردوا ياريري
ملك بشگ: هي فين رحمه يازين
زين بسخريه: بتعمل بيتزا
رحمه بصراخ وهي تركض للمطبخ: احيييه، اكيد البت ولعت دلوقتي
دخلت إلي المطبخ ورأت كل شي مسكوب علي الأرض ورحمه تمتلئ بالدقيق وشعرها مبعثر صرخت ملك بفزع وركضت فريده إليها بسرعه: يخساره المطبخ يافريده
زين ضحك بكل صوته بعد ماشاف منظر رحمه: عشان لسانك طويل وتتربي كويس ولسه الدور جاي علي دكتوره ملك اللي لسانها بيضرب رصاص
ملك بغيظ: انت فاكر يعني هنسكت وهتعدى كدا لا يحبيبي اعرف انت بتلعب مع مين
ضربها علي قفاها: غوري علي اوضتك المأذون علي وصول وبعدين هنتحساب يمراتي العزيزه
خجلت بشده وركضت لغرفتها، نظرت إليه فريده: انت مش ملاحظ إنك هتتجوز النهارده
زين ببرود: وفيها ايه
فريده بصراخ: ياصبر ايوب، روح حضر انت كمان نفسك وانا هشوف المطبخ دا وانتي يارحمه روحي ساعدي ملك وحضري نفسك.
وبعد 5ساعات من التحضيرات جاء الموعد المنتظر وجلس كل من زين وملك أمام المأذون.
المأذون: بارك الله لكما وبارك عليكما وجمع بينكم في خير
فريده بفرحه: ألف مبروك ياحبيبي
زين ببسمه: الله يبارك فيكى ياست الكل
اقتربت فريده من ملك وعانقتها بحنان: دلوقتي بقيتي مرات ابني وكمان بنتي ياملك انا مبسوطه جدا انك هتفضلي جمبي طول العمر وكدا هموت وانا مرتاحه .
ملك بخوف: بعد الشر عليكي ياماما فريده متقوليش كده
رحمه بغمزه: مبارك يامزه ايوا بقا بقيت اخت العريس واخت العروسه في نفس ذات الوقت
ضحكت ملك: يالمضه بطلي لماضه بقا وبعدين الله يبارك في عمرك ونخلص منك انتي كمان
رحمه بإبتسامه بلهاء: هو فين قرة عيني دا اها لو يجي ويخطفني، ييييح
تفأجات بضربه علي قفاها: اها يازباله ياللي عاوزه تتربي من اول وجديد
رحمه بصراخ: يعم ارحم قفايا يرحمك الناس الله يخربيت كدا.
ملك بضحكه خبث: خلاص يافواز هانت وحقك راجع ولا تزعل نفسك
رحمه ببكاء مزيف: شوفتي جوزك المفتري ياموكا بيجي علي اخته الطيبه إزاي لا وكمان كل شويه يضربني علي قفايا لحد مارقبتي ولعت.
زين بملل: خلصتوا
ملك بخبث: مستعجل ليه مالسه بدري
زين بغمزه: اصل عاوز اقعد شويه مع مراتي علي انفراد
ملك بخوف: مراتك مين لأمؤاخذه
زين ببرءاه: انتي
ملك بضحكه: اي دا احنا اتجوزنا امتى يالطفي
زين بنفس الضحكه: من دقايق بس وحياتك
فريده: يلا يازين خود مراتك وادخلو اوضتكم
اقترب زين منها وسحبها لغرفته: تعالي يامراتي العزيزه
ملك وهي تسحب يداها بعدما دخلو الغرفه: ايدك يابا لتوحشك
زين بغمزه: يلا نتكلم
ملك وهي تجلس: وهنتكلم في ايه إن شاء الله
زين ببرود: الفرح الأسبوع الجاي ياملك وهتنزلي المستشفى وتكملي شغلك عادي
ملك بخوف: ومالك اللي في المستشفى يازين
زين بجديه: انتي بقيتي مراتي ومش عاوزك تخافي من اي شخص طول منا معاكي، عاوزك تظهري ليه انك نسيتي اسمه حتى، مش عاوزك تهربي وتواجهي كل حاجه بدون خوف وصدقيني مش هيقدر يكلمك بعد مايعرف انك بقيتي مراتي.
ملك بتوتر: تفتكر انا هعمل كل دا وكل حاجه هتمشي كدا منغير مشاكل
زين بثقه: وهتلاقي النتيجه غير متوقعه كمان.
ملك بحيره: وجوزانا هيخلص امتى
زين بوجع: بعد مامالك يندم علي كل حاجه ويستوعب نتيجه أخطائه ومتقلقيش هنطلق علطول.
ملك بإحراج: انا مااقصدش كدا يازين بس خايفه علي ماما فريده وبعدين انا شايفه انه من الافضل انها تعرف الحقيقه
زين بصرامه: متخافيش عليها ياملك وممنوع حد يعرف اي حاجه انتي فاهمه.
ملك:حاضر