رواية سوف نلتقي
الفصل الثاني2
بقلم ندي صابر
زين لـ ملك: يلا عشان اوصلك
ملك بدموع: مفيش داعي يازين انا هسوق عربيتي
زين بنفي: مفيش سواقه وانتي بالمنظر دا قدامي منغير صوت
كانت ماشيه بتقاوم دموعها وبتحاول تسيطر علي اعصابها، فتح زين باب العربيه وقعدت بضعف وبدون ماتنطق، اخد زين مكانه وشغل العربيه.
زين وهو يقود السياره: ملك ارجوكي كفايه عياط
ملك بصوت يكاد ان يسمع: مش هقدر اكمل.. انا اتعلقت بوجوده في حياتي
زين بحزن عليها: ملك انا مش بحب اشوفك كدا، انتي طول عمرك قويه وبتتحدى الظروف ايه اللي حصلك ياملك
ملك بإنهيار: حبيته يازين، احنا اتجوزنا صالونات فعلاً ومكنتش مرتاحه للجوزاه في البدايه بس بعد الجواز كل شي اتغير ومشاعري اتغيرت يازين
زين وقف العربيه ونزل: انزلي ياملك عاوز اتكلم معاكي
نزلت ملك بإستغراب: تتكلم في ايه
زين طلع ظرف من جيب البنطلون: دا ليكي ياملك
اخدت الظرف منه وايديها كانت بترجف، فتحته لاقيت دبله مالك وجواب
زين بحزن: انا مكنتش عاوز ادهولك دلوقتي بس انا مش هقدر اشوفك بتعيطي كدا واسكت
مسحت دموعها بكف ايديها وفتحت الظرف وكان مكتوب فيه:'' أنا عارف انك دلوقتي بتعيطي ياملك بس انا مش هقدر اسيبك متعلقه كل السنين دي ويعالم ممكن مرجعش واغير رأيي واستقر في ايطاليا، أنا حابب اقولك شوفي حياتك وأنا اسف جدا عشان مقدرتش اقولك الكلام دا قبل مااسافر، أنا حبيتك ياملك بس مش هقدر اكون ابن ولا زوج مناسب وعنده كل الأمكانيات اللي تسعدك وتعيشك في جو مناسب، أنا كتبت الشقه بإسمك وورقه الطلاق هتكون عندك بكره، وأنا أسف مره تانيه "
وقفت عند الكلمه الاخيره وكادت تفقد الوعي ولكن امسكها زين بسرعه قبل ان يلامس جسدها الأرض
زين بقلق: ملك انتي كويسه.. ملك ردي عليا
اسود كل شي أمامها واغمضت عيناها بإستسلام للظلام.
زين بغضب: هتدفع التمن غالي يامالك
حملها واتجه إلي سيارته ليقود بسرعه رهيبه إلي اقرب مستشفى.
زين بصراخ للممرضين: عاااوز دكتوره حالا... انتوا واقفين لسه اخلصوا
اتجه بها إلي اقرب غرفه ووضعها علي الفراش، جاءت الطبيبه بسرعه وطلبت منه ان يخرج من الغرفه لكي تفحصها.
بعد 10دقايق خرجت الطبيبه بضيق: انت جوزها
زين بتوتر: ايوا ، هي كويسه دلوقتي ووفقدت الوعى ليه
الطبيبه بعصبيه: يبدو انها اتعرضت لصدمه كبيره جدا وهي حامل وبعد شويه هتدخل العمليات لأن البيبي مات
كادت تغادر ولكن اوقفها زين بسرعه: حامل إزاي يادكتوره ومين دا اللي مات
الطبيبه: مراتك كانت حامل في الشهر التاني حضرتك والصدمه اللي هي اتعرضتلها كانت مش عاديه... وبعدين انت واقف لسه ليه روح اطمئن علي مراتك وادعيلها تقوم بالسلامه
وقف زين بصدمه مش عارف يتحرك وباصص لباب الأوضه اللي ملك فيها، فضل انه ميدخلش وقعد برا يقرء في المصحف ويدعلها.
الممرضه لـ زين: أستاذه ملك لازم تدخل العمليات دلوقتي يافندم وحضرتك لازم تمضي هنا.
زين اخد القلم ببرود وكتب اسمه: تمام ياانسه
خرجت ملك علي النقاله وهي بتعيط: هو فيه ايه يازين ودول واخدني علي فين.
زين بتوتر: اهدى ياملك مفيش حاجه دول بس شويه تعب بسيط ولازم تعملي عمليه.
ملك برعب: انا خايفه يازين وحاسه بإحساس غريب
زين وهو يحارب دموعه: متخافيش ياملك انتي قويه وعمرك ماكنتي بتخافي من حاجه.
دخلت العمليات وفضلت 3ساعات جوا وزين مش قادر يصدق اللي بيحصل وإزاي هيقول لملك انها كانت حامل وخسرت ابنها في نفس اليوم اللي اتخلى عنها جوزها، خرجت ملك من العمليات والدكتوره بلغته انها بخير ومفيش اي خطر علي حياتها
دخل بسرعه ليها بعد مااخد اذن من الدكتوره: حمدلله علي سلامتك ياملك
ملك وهي تبتسم بمراره: مقولتش ليه ان ابني مات يازين
زين بصدمه: انت عرفتي منين
ملك ببرود: وهو يفرق دلوقتى عرفت منين، ليه مقولتش الحقيقه وكنت ناوي تقولي امتى
زين بحزن: انا كنت خايف عليكي ياملك لتنهاري اكتر ويحصلك حاجه
ملك بقهر: وانا لسه هيحصلي ايه اكتر من كدا، بابا وماما ماتوا وانا لسه عندي 15سنه ولما اتجوزت جوزي اتخلى عني وسافر وحتى ابني اللي اول مااعرف بوجوده يموت جوايا، قولي لسه هيحصلي ايه اكتر من كدا
اقترب زين منها بهدوء وامسك بيداها: انا جمبك ياملك ارجوكي بلاش الدموع دي انتي شبه اختى واتربيتي وسطنا وهترجعي من تاني تعيشي وسطنا
اكمل بشر: وصدقيني هيندم علي كل شي وهيدفع التمن غالي.
بتبكي بحرقه وصوت شهقاتها بدء يرتفع: أن... أناا عاوزه اخرج من هنا
زين بقلق: هشششش، انتي لسه تعبانه ياملك وبع
قاطعته بإصرار: انا مش بحب قعده المستشفى يازين ارجوك خرجني من هنا
زين بيأس: حاضر ياملك
خرجت ملك من المستشفى ورجعت مع زين بيتهم القديم اللي اتربيت فيه مع زين.
فريده بحزن: حمدلله علي سلامتك يابنتي
ملك بإبتسامه لتلك المرأه الحنونه التي اعتنت بها منذ رحيل والديها: الله يسلمك ياماما فريده
زين بمزح: بت دي امي انا انتي رخمه ليه
ملك بعناد وتناست حزنها: لا دي امي انا ومحدش هنا رخم غيرك
زين وهو يحاول التحكم بأعصابه: بصي انا مش هكلمك دلوقتي ومش هرد عليكي كمان
ملك برجاء مستفز: لا والنبي والنبي ل انت متكلم يشيخ... علي اساس انك بتقول حاجه عدله يعنى.
زين ضحك بكل صوته: هنرجع لأيام زمان وعنادك وانتي عارفه اني راجل طيب وبسكت
ملك بسخريه: مين ده اللي طيب وبيسكت لأمواخذه
زين ببرءاه: أنا
: ثواني يجدعان كدا
زين بتأفف: اوففف ابله لاسعه هانم شرفت
رحمه بمرح: طب بزمتك ياملك القمر دا يتقال عليه لاسعه وكمان اخت الكائن الغريب دا.... قالت ذلك وهي تجلس في المنتصف بين زين وملك
زين بملل: هو انا مش كنت كائن غريب دلوقتي جايه تقعدي جمبي ليه
رحمه وهي تبتسم بإستفزاز:اصل بحب الكرسي دا اوي الفيو بتاعه حلو وهواه يرد الروح
ضحكت ملك بشده عليهم: منورين والله يجدعان وليك وحشه يافواز
رحمه بإبتسامة وهي تحتضنها: انتي اللي وحشتيني جدا والبيت كان وحش اوي منغيرك
ملك بمرح: متقلقيش من هنا ورايح هكون هنا ومش هنسمح للكائن دا يستقوى علينا تاني
زين بضحكه: طب يلا غوري قدامي علي اوضتك ياملك
ملك بتأفف: ليه ياابني انا عاوزه اقعد مع البنيه شويه وماما فريده
زين وهو يسحبها: قولتلك علي اوضتك عشان لازم تستريحي وتنامي شويه انتي تعبانه
ملك بتذمر وهي تنظر لفريده: ماما فريده
فريده بحنان: زين عنده حق ياحبيبتي
زين بغمزه: يلا يجميل علي اوضتك بقا
ملك وهي تتجه لغرفتها بغيظ: مااااشي يازين ليك يوم ياابن الخال
اغلقت الباب بعنف كعادتها عندما تغضب وضحك زين عليها بشده.
رحمه بحزن: طول عمرها بتهزر عشان تداري وجعها.
فريده: ادخلي يارحمه اوضتك ذاكري الامتحانات علي الابواب يافاشله
رحمه بتذمر طفولي: يارب انا عاوزه اتجوز احسن من القرف دا
زين وهو يحدفها بحذائه المنزلي: امشي يازباله روحي ذاكري
رحمه وهي ترقص بفرحه: مجتش عليا مجتش عليا
كاد ان يلقي حذائه الأخر ولكنها ركضت بسرعه إلي غرفتها واغلقت الباب.
فريده بحزن: طبعاً مالك ميعرفش انها كانت حامل
زين بغضب : ولو عرف هيحصل ايه.. انا عمري ماكنت اتوقع من مالك كل دا ياماما، احنا السبب في كل دا انا وثقت فيه وكلنا كنا ضاغطين عليها توافق عليه
فريده بدموع: دا نصيبها ياابني ومحدش كان متوقع كل دا من مالك، طول عمره صاحبك وعمرنا ماشوفنا منه غير الخير
زين بغضب: مالك اتغير ياماما، مبقاش صحبي بتاع زمان وهيندم علي كل دا
فريده بهدوء: اهدى يازين وبلاش تتهور ياابني وكفايه لحد كدا، الحمدلله ان ملك بخير وفي وسطنا دلوقتي
زين: ملك اتحطمت ياماما، هي بتحاول تدراي وجعها ودموعها عننا عشان منزعلش عليها
فريده بحنان: الأيام بتنسي ياابني وربك قادر علي كل شيء
زين بأمل: يارب ملك تنسي كل شي فعلاً يماما وترجع ملك بتاعت زمان.