رواية سوف نلتقي
الفصل الثالث3
بقلم ندي صابر
فريده لــ زين: زين روح صحي ملك بقالها كتير اوي نايمه
زين بقلق: هي كل دا نايمه انا فكرتها صحيت من بدري.
فريده بحزن: شكلها تعبانه اوي ياضنايا
زين وهو يتجه لغرفتها ويدق الباب ولكن لا احد يجيب.. دلف إلي غرفتها بهدوء: موكاا انتي يابت كل دا نوم
كانت مستغرقه في النوم ولا تشعر به
زين بضحكه خبث وهو يحمل كأس من الماء ويلقي به عليها.
ملك بصريخ: عااااااا بغررق بغررق
ضحك بقوه عليها: بقالي ساعه بقولك قومي
ملك بغيظ: مياا تاني يازين انت عاوز تموتني في يوم
زين بغمزه: بعد الشر عليك يجميل
امسكت بالوساده وإلقتها به: غور ياض من وشي عالصبح
ذهب وهو يضحك بشده ولكن توقف ونظر إليها: بقولك
ملك بملل: امممم
زين بغمزه: اجهزي واطلعي عندي ليكي مفاجأه
ملك بشگ: اوعاا تكون ناوي تعمل فيا مقلب من المقالب إياها
زين بمرح: لا تقلقي سيدتي الجميله فاليوم سوف نمرح معا
ملك بضحكه: انت ضارب ايه عالصبح احيات عيالك لتقول يشيخ
زين ببرءاه: شربت قهوه بس والله
ملك: ياواد يابرئي انت
خرج زين وهو يغلق الباب: هستناكي يختي انجزي
ملك من الداخل: دقايق واكون عندك ياباشا
ابتسم بوجع وقال بصوت لا يسمعه احد: هيدفع التمن غالي اوي علي خسارتك ياملك.
بعد مرور 10دقايق خرجت ملك وتفأجات مما تراه فكان الصالون في غايه الجمال
زين ببسمه: اي رأيك
ملك بفرحه: مين عمل كل دا
ركضت رحمه بسرعه: أنا أنا
زين وهو يضربها بقوه علي قفاها: اها يازباله بقا كل دا انتي اللي عملتيه لوحدك برضوا
رحمه بضحكه مستفزه: والبوص ساعدني... ابسط يعم
زين وهو ينظر لملك: علفكره هي كدابه انا اللي علقت الزينه لأنها شبر ونص ومعرفتش وانا اللي نفخت البلالين دي كلها
ضحكت ملك: وياترى بقا انت اللي عملت الجاتو بالشكولاته والفشار والعصير دول
ضحكت رحمه عليه جامد: لا دول انا اللي عملتهم انا وماما طبعاً ماانتي عارفه زين عمره مايقف في المطبخ
نظر إليها بشر: بتتريقي عليا ياشبر ونص انتي
فريده بصراخ: بس انت وهي ويلا تعالوا هنا وانتم عاملين شبه الاطفال كدا كتك القرف منك ليهاا عيال تقرف
اتجه كل منهما وجلس وملك كادت ان تموت من الضحك عليهم: والله يجماعه منا عارفه اقولكم ايه بس شكرا لانكم بجد فرحتوني
زين بضحكه: مفيش بينا شكرا دي وبعدين انتي ناسيه إن النهارده عيد ميلادك
رحمه: طول عمرها تنسى عيد ميلادها كدا
فريده ببسمه: كل سنه وانتي طيبه وفي حياتنا يابنتي
نظرت إليهم بسعاده فهم دائما يتذكرون يوم ميلادها: وانتي طيبه ياماما فريده، عمركم مانسيتم عيد ميلادي ودايما بتسعدوني كدا انا بجد بحبكم اوي
زين بإبتسامه: انتي جزء مننا عاوزانا ننسي عيد
ميلادك إزاي طب دي تبقي عيبه في حقنا يجدع و بصي اطفحى جاتو واتلمي بقا عشان مش بحب المحن دا
رحمه بغيظ: هي عشان مش بتعرف ترد عليك هتسوء فيها بس لا محدش يجي علي اختشيي وانا موجوده
زين وهو يضربها علي قفاها: هتعمل ايه يعني يافواز
ملك بدراما: ولد عيب كدا تمرمط بكرامتنا الأرض والبرستيج يروح هدر عالفاضي
زين بسخريه: بس ياشاطره
ملك لفريده: شايف يماما فريده ابنك بيعمل ايه
فريده بضحك: خلاص بقا يولاد ويلا نشغل علي فيلم ونحتفل
زين وهو يأخذ الريمود: ايوا هج
ولكن قاطعته ملك وهي تأخذ منه الريمود بسرعه: هو مش النهارده عيد ميلادي وكدا يبقي أنا اللي هختار الفيلم ياسطا
زين بصدمه: ابوس ايدك بلاش
ملك بتذمر طفولي: ليه يعني ألاه
زين: أنا مش بحب الكرتون وبقرف من الحجات دي وانتي عارفه
ملك لرحمه: هما مالهم الحجات دي يافواز عمري ماشوفت راجل بيقرف من الكرتون
رحمه بسخريه: رجاله اخر زمن ياختشي
نظر زين إليها نظره أرعبتها : قولتي ايه يارحمه
ملك وهي ترمي له الريمود: اعتبرها عيله وغلطت وادي الريمود عندك اهو هات اللي تجيبه يكش يتحرق في وشگ
زين وهو يقترب منها: لسانك دا هقطعهولك في يوم ياملك
ملك وهي تضع يدها علي فمها برعب: احنا أسفين ياصلاح
ضحك عليها بشده ونظر أمامه: هجيب فيلم رعب
رحمه وفريده معا بخوف: لا لا يازين
فريده بغيظ: يلا ياملك نقطع الجاتو ونطفي الشمع الأول وبعدين اسهرو براحتكم مع الواد المقرف دا
زين بغمزه: ماتخلي قلبك جامد ياريري وتكملي السهره معانا
فريده وهي تضربه في صدره في خفه: ياواد احترم امك شويه وبعدين زي ماانت بتقرف من الكرتون انا بقرف من الرعب ياضنايا
زين بضحكه: شوف يااخي سبحان الله
رحمه بضحكه: يلا ياموكا نطفي الشمع
ملك بدراما وهي تطفئ الشمع: رميت الورد... طفيت الشمع طفيت الشمع.. ياحبيبي
زين ضحك بكل صوته واكمل:والغنوة الحلوة...ملاها الدمع...ياحبيبي، ياااه نسيت اجيب ورد عشان اللحظه دي
ملك ضحكت جامد عليه: يلا تتعوض بعدين ياسطا ولا يهمك
رحمه وهي تحتضنها بحنان: كل سنه وانتي في وسطنا يقلبي
ابتسمت ملك بحنان: ربنا يديمكم نعمه ليا
زين وهو يعطيها علبه: كل سنه وانتي طيبه ياموكاا... اتفضلي ياستي هديتك
ملك وهي تضع يداها علي فمها بصراخ: احلف اخيرا جه اليوم يابت ياملك وشوفتي زين باشا جايبلك هديه هههههههه
زين بخبث: كل سنه وانتي لسانك طويل كدا دايما
فتحت العلبه ولكن طلع منها شي ما بسرعه افزعها.. صرخت برعب وتركت العلبه بشر: ايه دا يازين
زين ببرءاه: دبدوب بيخض
ملك بشر: وهو حد قالك انا عاوزه اتنيل اتخض، انا اصلا كنت شاكه في الهديه من البدايه دا انت عيل فقر
زين بضحكه: اهو لسانك دا اللي بيخليني اتراجع وابقي شرير معاكي
فريده وهي تضرب كف بكف: هتفضلوا كدا طول عمركم، انا داخله انام كتكم قرف
ملك بضحكه: تعالي ياماما فريده اقعدي لسه السهره مخلصتش
فريده وهي تدخل لغرفتها: اسهرو انتم يحبيبتي انتو عارفني مش بقدر اسهر وشويه وهنام علنفسي
زين بمداعبه : ماتيجي يقمرر تكمل السهره معانا وتجمد قلبك كدا
فريده : اتلم ياض وخف شويه علي البنات هما مش قدك.. قالت هذه الجمله واغلقت الباب وهي تضحك من الداخل
جلست رحمه بتكبر ووضعت قدم علي قدم: اقعدي يااختشي ويلا ياكبير خش نام دا حتى عندك شغل بكره ولازم تصحى من بدري
ضربها علي اقدامها وجلس ببرود: بس يافاشلة تالته ثانوي... وهاتي الريمود وغوري بعيد
جلست ملك في المنتصف وهي تمسك بالكيكه: هات فيلم رعب يلا ياكبير
رحمه بصدمه: انتي مش كنتي بتخافي ياملك وكمان ماسكه الجاتو وبتاكلي عادي كدا
ملك ببرود: كان زمان
رحمه وهي تركض لغرفتها: لا يختي مع نفسكم انا رايحه اتخمد احسن
زين بضحكه: تعالي ياجبانه هربانه ليه دلوقتي
ملك بضحكه: ياعيني البت اتصدمت
زين وهو ينظر إليها: انتي فعلاً عاوزه تتفرجي علي فيلم رعب
ملك بعناد: ايوا وفيها ايه دي
زين وهو يتجاهلها: ولا حاجه.... وادي الفيلم الرعب ولا تزعلي نفسك يستي اطفحي واتفرجي براحتك
ملك وهي تشاهد الفيلم وتأكل ببرود: شكرا ياباشا
نظر زين وجدها تنظر للتلفاز بتركيز وتأكل: ويخلق مالا تعلمون
ملك ببرود: خير يااخويا مالك في ايه
زين بقرف: اصل اول مره اشوف بنت رقيقه بتتفرج علي مصاص دماء وبتأكل بالطريقه دي
ملك بتذمر: انت باصص في ام اللقمه ليه ماتروح تجيب ليك وتبعد عن نفوخي خليني اتفرج واستمتع
ضحك عليها ثم تحولت ملامح وجه إلي جديه: لسه بتفكري فيه
بصيت بدموع وسابت الأكل: هو ليه انت بتفهمني يازين الكل هنا مصدق ضحكتي ماعدا انت
بص في عيونها: انا حافظ عيونك دول ياملك، عيونك بتكشفك ليا دايما
ملك بدموع: عارف يازين لما كنت بزعل من مالك مكنش بيلاحظ دا غير لما انا اتكلم، بس بعيدا عن كل دا أنا ليه حبيته وليه هو خدعني بالشكل ده
زين بإستغراب:10سنين ياملك ومش عاوزاني افهمك، 10سنين عايشين مع بعض في نفس البيت وكنا مع بعض في كل حاجه حتى المدرسه والجامعه وجايه تقارني بين مالك اللي عرفتيه 3شهور وبين زين اخوكي اللي دايما جمبك
ملك بإحراج: مقصدش كدا يازين بس انت الوحيد اللي في البيت بتلاحظ حزني ومش بقارن ولا في اي وجه مقارنه بينك وبين البني آدم دا
زين ببرود: برضو مجاوبتيش علي السؤال
اتنهدت وحطيت ايدها علي وشها: ايوا لسه بفكر فيه.. بفكر هو عمل معايا كدا ليه.. بفكر في كلامه وفعلا هو كان بيحبني وإلا مجرد وقت وراح لحاله، سافر وبعت ورقه الطلاق فوراً وكأن منتظر الفرصه في انه يبعد وينهي كل حاجه بينا بسهوله كدا.
اقترب منها وتحدث بحنان يشع من عينه: ميستاهلش ثانيه واحده من تفكيرك انتي غاليه اوي ياملك وخساره فيه
اختنق صوتها في البكاء فخرجت شهقاتها: انا مستاهلش فعلا كل الوجع دا يازين عمري ماكسرت قلب حد ولا زعلت حد ليه يحصلي كدا
نظر إليها وقلبه يؤلمه بشده عليها تلك التي عانت منذ طفولتها واضطرت إلي ان تدعى القوه وتحمل الظروف القاسيه عليها.
اقترب منها ونادي بصوت حنون: طفلتي
نظرت إليه بعيون باكيه بينما هو ابتسم واكمل: هششش مش عاوزك تعيطي طول منا جمبك أنا هفضل معاكي ومش هسمح تاني لحد يكسرك ولا حتى يقرب منگ
انها كلامه وهو يمسك وجهها بحنان: انتي هتفضلي طفلتي ياملك ومش هضيعك مني تاني
ابتعدت عنه بخجل وركضت إلي غرفتها: ماله
دا كمان انا قولت انه ضارب حاجه من الصبح ومحدش صدقني
ضحك عليها من الخارج: سمعتك علفكره
ضحكت واترمت علي فراشها بتعب وغرقت في النوم، بينما هو بالخارج يفكر فيما سيفعله مع صغيرته ولماذا يخاف عليها هكذا هل
أحبها لا لا هو يراها ويقلق عليها مثل شقيقته فقط لا غير، اقنع نفسه بهذا الكلام وذهب في النوم.