رواية غرام الاسد كامله جميع الفصول بقلم شروق محمد

 رواية احببني غامض

 الفصل الرابع4

بقلم حبيبه ممدوح

-اي ال بتقولة انت مين 

بس ي احمد.. شرط اي 

_نتجوز

احمد مسك ادهم من هدومو وقال

-اي ال بتقولة انتتت داااا 

_خير ودا يزعلك ف حاجة 

اهدو احنا ف مستشفيي 

-بس ي مريم.. 

خد نفس طويل وقولت

انا موافقة 

-مريم... 

_كنت عاارف.. 

لازم ماما تسافر ف اسرع وقت..

_وانا عند كلامي كتب الكتاب النهااردة والسفر بكرا.. يالة بينا 

-ع فين ي ابني انتتت 

_هو يخصك ف حاجة ولااي.. واحدة وهتبقا مراتي يخصك ف حاجة. 

احمد سحبني من ايدي

-مريم.. 

_ايدك ي بابا 

لو سمحت ي ادهم سبني معاة شوية 

_يعني اي.. 

يعني سبني معااة شوية 

_تمام ي مريم خمس دقايق ورجعلك هنزل ادفع حسااب المستشفي 

-انت مدركة انت هتعملي ايييي..دا اكتر واحد انا عاارف انك بتكرهية وقد ايي كان بيضايقك ف الشركة ونصحتك تبعدي

 وانت قولتيلي انك مفيش شغل غير ف شركتو..هتهدي مستقبلك ف ثانية.. ومين تتجوزي دا ال كل يوم مع واحدة 

كنت سامعة كلامو وبعيط مسحت دموعي اخدت نفس واتكلمت 

هعمل اي ي احمد انت شااايف في ف ايدي حاجة.. انت اكتر حد عاارف ماما تعبانة قد اي ولازم تسافر وانا مش هبقا انانية علشاان نفسي امي تضيع مني.. مش مهم انااا المهم هي

-انا معاكي ي مريم ومش هسيببك وهنلاقي حل اكيد ربنا مش هيسبنا و..

قطعتو 

احمد انت عاارف هو غني قد اي ومعاة فلوس وهيسفر ماما.. 

وطيت صوتي وكملت 

احمد احنا محلتنااش حاجة ي احمد..انت شغلك ويدوب بيكفيك انت ومامتك وانا اترفضت من الشغل امبارح..مفيش حل غير كدا 

-المُشكلَه الِلي مَلهَاش حَلْ لِيهَا دُعاء

يارب.. بس جاايز ربنا يكون بعتلنا ادهم حل

-ونفسك

مالها نفسي

-انت كدا بتعملي حاجات هي مش عاوزاها بتعملي غصب عنك 

علشان ماما هعمل اي حاجة...هي عملت علشان وعلشان محمد كتير جة الدور عليا انا ال اعمل 

-انت متخيلة انها لماا تخف هتتبسط بحالك دا؟ 

مش ب ايدي حاجة انا بعمل

 كل دا علشاانها..احمد متتخلاش عني ابقي اطمن عليا لما اساافر 

-وانا من امتا بسيبك لما اسيبك دلوقتي..

شكرا انك هنا 

-انا دايما هنا انت بس ال مش شايفاني.... 

جه صوت ادهم 

_مش كفايا بقاااا لحد كدا... وبعدين ف حد دفع الحساب مين ال دفع.. انت صح قولي الحساب كام وهكتبلك ب شيك اصل معيش كااش.. وبصراحة مبحبش حد يدفع حاجة ل اهل بيتي 

احمد بصلو ب قرف وقال 

-انا مدفعتش حاجة.. واصلاا داا طنط منال زي ماما يعني ادفعلها عادي.. 

ضحك ضحكة استفزاز 

_اممم اممم واضح 

-قصدك اي 

ضغط ع ايد احمد علشان يقعد بعد ما كان هيقوم

اهدا علشان خاطري 

ادهم وهو بيسحبني من ايدي

_يالة ي مريم

سييبني لو سمحت انا جاية لوحدي 

كنت ماشية معاة مش حاسة ب نفسي ركبت العربية وانا مش فاهمة اي ال بيحصل..بس كلو يهون علشان ماما.. وقف العربية فجاة قدام مول 

احنا رايحين فين 

_هجبلك فستان مش معقول هتحضري كتب كتاابك كدا وانت مبهدلة 

نعم.. 

_حبيبتي اهدي انا عارف انك متوترة بس انت ف كل حلاتك حلوة 

بصتلو بقرف وقولت 

انا مش عاوزة حاجة

بصاي بسماجة

_بس انا عااوز

نعم.. 

_تبقي احلا واحدة.. وبعدين خفي معاملتك الناشفة معايا احنا مش ف الشركة هااااا كلها كام دقيقة وتبقي مراتي 

بصتلو ب سماجة 

ع ورق 

_نعم.. 

ع ورق..

_متفقنااش ع كدا 

بقولك اي انت عاارف كويس اول ان من سااعة ما دبيت رجلي ف ام الشركة دي وانا لا بطيقك ولا بتنزلي من زور صح..دلوقتي ربناا حطك قدامي امر واقع مفيش مفر.. انا بعمل كل دا علشان ماما.. 

_طب وانا.. انا بعمل كل دا علشانك مريم انت عاارفة اني بحبك 

اشمعنا انا مااانت متتجوز ومخلف عاوز اي مني انااا 

_مبحهاااش 

وانا مالي 

خد نفس وقال 

_يعني انت عاوزة كدا 

اة ومش عاوزة غير كدا اتفقنا ان نتجوز وماما تسافر مش اكتر ولا اقل 

_تمام انزلي 

اخدني وفضل يلف ع الفساتين جابلي فستان ابيض حلو بس انا مكنتش

 بقول كلمة غير مش عاوزة

_مريم بصي دا هيبقا حلو جدا عليكي 

مش عاوزاة 

_تمام يبقا هناخدو 

ركبنا العربية ووقف قدام فيلا كبير.

_انزلي 

ع فين 

_دا بيتك 

نزلت الفيلا كانت قد الحارة بتاعتنا تقريباً..مكنتش حاسة ب حاجة غير اني بعيط.. 

_تعالي معايا 

طلعت الدور ال فوق 

_دي اوضتك غيري وانزلي الماذون ع وصول 

غيرت ولبست الفستان فردت شعري لورا ونزلت..كان الماذون واتنين معاة 

لما قربت وقف مبلم ليا 

_مريم.. انت حلوة اوي 

ديرت وشي منو شبة مش طايقة اشوفو.. فضلت اعيط

فوقت ع صوت المأذون 

"بارك الله لكما وبارك عليكما وجمع بينكم ف خير

الماذون وال معاة مشيو 

قومت وقفت بسرعة وقولت 

عاوزة اروح لماما.. 

_بسرعة كدا 

جزيت ع سناني وعدت الكلام تاني 

عاوزة اروح لماما.. 

بصلي بضيق وقال

_ال انت عاوزاة انا هعملو، انا بلبيك طلباتك وبس 

قرب مني وكمل 

_يارب تحبيني ربع ما بحبك  

بعدت عنو وطلعت

_ي مريم استني 

جة وركبنا العربية وروحنا لماما.. 

دخلت لقيت احمد قاعد شافني ب الفستان بصلي بصة مفهمتهاش..

قام وقف وقرب مني وقال 

-مبروك.. 

ادهم بسماجة

_الله يبارك فيك عقبالك 

سبتهم ودخلت لماما مسكت اديها وبدات اتكلم 

ماما.. انا اتجوزت كنتي دايما بتقوليلي امتا تتجوزي ي مريم.. اهو اتجوزت انا عارفة ان مش دي الطريقة ال كنتي عاوزاني اتجوز بيها بس انا بعمل كدا علشانك وعلشان تقومي بالسلامة..حسيت صباعها اتحرك وبعدين سمعت صوت الاجهزة بتصفر 

دخلو بسرعة الاوضة 

-مريم استني برة 

_تعالي ي مريم

لاء 

_اسمعي الكلام تعالي 

وقفت برة كنت حاسة اني مش قادرة اقف ع رجلي لحد ما احمد طلع 

احمد ماما كويسه صح 

بصلي والدموع ف عينو 

قولي انها كويسة. 

-االبقاء لله... 

احمد انت بتقول اييي هي هتطلع دلوقتي وتكلمني و........ 

وقعت محستش ب نفسي 

احمد وادهم ف صوت واحد 

مريم..... 

                       الفصل الخامس من هنا

لقراة باقي الفصول من هنا

تعديل المقال