رواية سوف نلتقي
الفصل السابع7
بقلم ندي صابر
في اليوم التالي
زين بتذمر: ماتخلصي ياملك كدا هتأخر علي الشغل
ملك من داخل غرفتها: يوووه بلاش شغل النهارده يازين عشان نعرف نتمشي براحتنا
خرجت رحمه: ايوا ياباشا عاوزين بعد مانجيب الخاتم نقعد في مطعم
زين وهو يبتسم بسماجه: لا والنبي يعني عاوزين اقعد من شغلي وكمان نقعد في مطعم ومعاكم انتم... هو انا ناقص قالبه دماغ عالصبح
طلعت ملك وكان شكلها جميل بفستانها الوردي: لو مش حابب تيجي معانا مفيش مشكله
ابتسم عندما رأها واكمل بدون وعي: ومين قال اني هيسيب القمر دا كله وهروح الشغل يشيخه يتحرق الشغل
ملك بصدمه: انت بتقول ايه يازين
زين بإحراج: هاا.. لا انا اصدي ان مينفعش اسيبكم لوحدكم طبعاً
رحمه بغمزه: شكلك واقع جامد ياكبير
ضربها علي قفاها بغيظ: يشيخه ابو معرفتك غوري بقا
ملك وهي تسحب رحمه: ماتخف ايدك شويه يابوص
زين بصراخ: أنا عارف انه هيكون يوم منيل علي دماغي... قدامي يانصيبه منك ليها
اتجه كل منهما إلي السياره وتحرك زين بهدوء.
رحمه بملل: ماتسرع شويه يازين الجو حر
زين بسخريه: انا ماشي بطئ عشان انتو معايا ولا قدر الله لو حصلكم حاجه هتيجي فيا انا
ملك بغيظ: يشيخ لا متخافش اوي كدا وسوق بسرعه خلينا نخلص
قاد السياره بشده ونظر لملك بشر: نفسي افهم لسانك دا ايه
ملك ببرود: ومالك بالساني دلوقتي سوق يسطا وصلي علي النبي كدا
رحمه بصراخ: حاسب يازين
كاد ان يفعل حادث ولكن اوقف السياره بسرعه وجائت سياره اخرى ضربت سيارتهم من الوراء.
رحمه وهي تنزل من السياره بغضب: ياسواق البهايم انت مش تفتح، اطلعلي ياض هنا وانا اعلمك تسوق إزاي وبالمره تتعلم تفتح وانت سايق
خرج من السياره شاب يرتدى نظارات شمسيه وطويل القامه وحقا كان وسيم للدرجه أصابت رحمه بفقد النطق.
الشاب: وريني هتعلميني إزاي ياشاطره
رحمه:............
خلع نظارته بغضب: ايه لسانك راح فين دلوقتي
رحمه بهيام: الجميل اسمه ايه
الشاب بذهول: نعم
رحمه بصراخ وقد تحولت مرة أخرى: لا بقولك ايه مش عشان مز حبتين هتمشي تخبط في الخلق والله لو مش بتشوف إلبس نظاره نظر بدل نظاره الشمس الحلوه دي
الشاب بغضب: انتي عارفه بتكلمي مين يابت انتي
رحمه بغضب: وهكون بكلم مين تكنش الوزير لأموخذاه
الشاب بغضب مكتوم: أنا الظابط جاسر محمد فريد ياشاطره
رحمه بسخريه وخوف مصتنع: يختي.... حصلنا الرعب يااخويا
تدخل زين بسرعه معتذرا: انا اسف ياحضره الظابط معلش اصل عقلها تعبان شويه
رحمه كادت تتحدث ولكن زين كتم فمها: اخرسي بقا يخربيتك
جاسر بتفهم: تمام ولو عربيتك فيها اي حاجه تقدر تطلب تعويض
زين ببسمه: شكرا ياحضره الظابط وانا اسف مره تانيه.
اتجه بها إلي السياره بغضب وقاد السياره بسرعه، بينما جاسر ظل واقف يفكر بتلك المجنونه وما قالته للتو فالأول مره فتاة تتجرأ عليه بتلك القوه وتسخر منه.
عند زين: انتي مجنونه بتشتمي ظابط بالسهوله
دي
رحمه ببرود: وفيها ايه مهو اللي ضرب العربيه الأول زين بيأس: لا بس كان ممكن تدخلي السجن بتهمه التعدى علي ظابط بس هو طلع محترم ومكبرش الموضوع الحمدلله
ملك بهدوء: خلاص بقا يازين والحمدلله انها جت علي اد كدا
زين وهو يتوقف أمام محل: الحمدلله، يلا وصلنا
نزل كل منهما واتجه لداخل المحل بإعجاب
رحمه بصفير: ايه الجمدان دا
زين بسخريه: وليكي عين تتكلمي بعد اللي حصل
رحمه بتجاهل: وهو حصل ايه موضوع وراح لحاله خلاص وخلينا دلوقتي نختار الخاتم ونطلع علي المطعم احسن عصافير بطني
قاطعها بحده: يابنتي انتي جايبه البرود دا منين انا هموت في يوم مجلوط منك
اقتربت ملك منه بهمس: مش ملاحظ انك عندك نفس البرود واكيد دي جينات وراثيه في العيله
اكمل بنفس الهمس وحاوط خصرها: واظن كمان ياروحي انك بتمتلكي نسبه من الجينات دي
تحركت بإحراج: انت بتعمل ايه يازين ابعد ايدك
زين بإستفزاز: بحضن مراتي فيها حاجه دي
رحمه وهي تضع رأسها بينهما: ياعم روميو وجوليت نحن هنا يسطااا
تركها وهي تحركت بسرعه وتجمعت الدماء في وجهها: واحد سافل بصحيح
نظر إليها: بتقولي حاجه ياروحي
ابتسمت ابتسامه صفراء: بقولك عاوزاك تختار معايا الخاتم ياحبيبي
رحمه وهي تشير علي خاتم: بص يازين
تجاهلها ونظر إلي الخاتم التي تشير عليه رحمه: شكله حلو اوي
اقتربت ملك لتنظر: ايوا بجد تحفه
لاحظ إعجاب ملك بتلك الخاتم فاختاره لها بسرعه
زين للباع: هناخد دا
الباع: تمام يافندم، تحب نكتب عليه حاجه
زين بهمس: اكتب زين
رحمه وهي تسحب ملك: لازم تختاري خاتم لزين ياملك
ملك بخجل: بس ممكن ذوقي ميعجبش زين
رحمه بفخر: عيب عليكي يابنتي دا انتي معاكي رحمه،أشارت علي خاتم ما
ملك بقرف: لا دا شكله اوفر اوي
رحمه برفع حاجب: طب دوري معايا يختي
وقع نظر ملك علي خاتم مميز من بينهم: رحمه بصي دا
رحمه بإعجاب: شكله هادي ومناسب فعلا لــ زين
ملك بفرحه: يبقا يلا ناخده
اخذته ملك واتجهت إلي زين الذي كان يقف ويتابعهم من بعيد: ممكن تجرب دا
زين ببسمه: دا عشاني
ملك بخجل: ايوا
ادخل الخاتم وكان علي مقاسه: بجد شكله تحفه وعلي مقاسك بالظبط
نظر إليها ببسمه: فعلاً شكله حلو
اخذته ملك واعطته للباع: هناخد دا كمان لو سمحت
الباع: تحبي اكتب عليها حاجه
رحمه بسرعه: اكتب ملك
ملك بصدمه: انتي عملتي ايه
رحمه بملل: لازم تكتبي كدا وبعدين فيها ايه دا فرحكم الأسبوع الجاي وبقا جوزك شرعا يابت
ملك بإحراج وتوتر: لا مش قصدي كدا بس كنت عاوزه اقول انا
زين وهو يقترب منهم: يلا نمشي كدا كل حاجه تمام
رحمه بصراخ: انا جعاااااانه
زين وهو يكتم صوتها: اخرسي الله يفضحك، حاضر هنروح المطعم دلوقتي
ملك: بلاش العربيه يازين ويلا نتمشى المطعم مش بعيد
زين بملل: حاضر يااستاذه ملك، قدامي
اتجه كل منهما إلي المطعم
جلست رحمه ونظرت للمكان: هو مفيش جرسون في المطعم الخربان دا
زين وهو ينظر لملك: احنا لسه قاعدين وبعدين شوفي المانيو
رحمه بغيظ: انا عارفه طلبي كويس، وبعدين خف شويه ياعم سوما العاشق مش وقت حب
نظر لها زين بغيظ: طب شوفي هتطفحي ايه يابومه
رحمه بصراخ: هو فين الجرسون دا جرسوووووووووون
ملك بضحكه: والله جدعه هما مش بيجوا غير بالصوت العالي
زين بغضب: ياشيخه منك لله فضحتيني وانتي بتشجعيها كتك قرف انتي وهي
اتئ إليهم الجرسون بسرعه: اتفضلوا تحبوا تطلبو ايه
رحمه مسرعه: واخيرا ظهرت المهم هات كيلو كباب وكيلو كبده وكيلو سجق وسلطه وطحينه بقا وكتر من المخلل يسطا
زين بصدمه: انتي هتاكلي كل دا
رحمه وهي تخمس: الله اكبر دول ليا انا وملك وشوف انت هتطلب ايه
زين لــ الجرسون: كريب شاورما لو سمحت
بعد 15دقايق اتئ الجرسون بالطعام
رحمه بفرح: واخيرا ياجدع الأكل جه
الجرسون بإستغراب: تحبي تطلبي حاجه تانيه ياانسه
رحمه برديح: لا يااخويا كدا تمام يلا روح علي شغلك خلينا نعرف نطفح.
زين وهو يلطم: انا كنت عارف ان هيحصلي كدا.. الله يكسفيك يشيخه منك لله
ملك بتذمر: ومالها بقا الخروجه يازين ماهي عسل اهي يلا يافواز نأكل احنا وملناش دعوه بيه
رحمه وهي تأكل بشارهه: يلا اختشي دا الأكل تحفه
انهى زين طعامه وهو ينظر إليهم بملل: انتوا هتفضلو كدا كتير
ملك وهي تأكل: ماتهدى لما نخلص أكل يازين
رحمه بخبث: بزمتك شبعت يابوص
زين بضحك: لا والله لسه جعان يسطا
رحمه بمرح: طب مد ايدك متتكسفش ماانت اللي هتحاسب بردوا
انفجرت ملك بالضحك عليهم واكمل كل منهما طعامه وهم يضحكون بصخب علي زين الذي يأكل بشراهه.
رحمه برضا: الحمدلله كدا تمام اوي
ملك ببسمه: بجد مااكلتش بالطريقة دي من زمان
زين بمرح: ومين سمعك دا انا مبقتش قادر اتنفس ويلا عشان اوصلكم واروح ألعب رياضه شويه
رحمه وهي تقف: يلا بينا يابوص