رواية سوف نلتقي
الفصل الثامن8
بقلم ندي صابر
توقف زين بالسياره أمام المنزل: وصلنا... يلا منك ليها قدامي
ملك بضحكه: بجد كان يوم قمرر
زين بغمزه: عشان كنتي معانا بس
وضعت رحمه رأسها بينهم: ماتخف شويه ياعم النحنوح وتاخد بالك اني سنجل بائس
امسكها من ثيباها وسحبها: هو انا معرفش اقول كلمه غير لما إلاقيكي في وشي انتي مش بتزهقي يابومه
رحمه بتشرد: ايدك يابا لتوحشك وبعدين خود المزه بتاعتك اهي اتحرق بيها انا مالي
ملك بغيظ: يتحرق بمين يافواز
رحمه بسماجه: يتحرق بنفسه هو واللي عاوز يشوفه حتى يااختشي
ملك بضحكه:ايوا كدا اتعدلي
زين بصراخ: غوري انتي وهي من قدامي يلاااااااا
ركض كل منهما وهم بضحكون.
فريده ببسمه: وحشتوني والبيت ملوش حس منغيركم بجد
رحمه وهي تجلس: ماانا قولتلك تعالي معانا ياريري وهنتبسط تقولي لا مش بحب قاعده المطاعم وأكل بيتي احلى خلي كلامك بقا ينفعك لان الخروجه كانت جامده
فريده وهي تحدفها بالحذاء: انا هموت واعرف تربيتي راحت فين يابنت الكلب
ضحكت ملك بكل صوتها: مش قادره والله مافي حد متربي من عيالك ياريري
رحمه بصراخ: مييييين يختي... وإلا صحيح كنتي فين ياريري هاا أين هذه التربيه أنا لا أراها
فريده بلطم: اقول لأبوكي ايه لما اموت اقوله بنتك شبه عبده موته
دخل زين من الباب وكاد ان يقع من الضحك: بعد الشر عليكي ياريري
فريده بصياح: وإلا اقوله ابنك سبحان الله عنده نفس برود أهلك
أكملت بصراخ: الله يخربيت ابوكم علي بيت اليوم اللي اتجوزته فيه
رحمه وهي تكتم الضحك بصعوبه: الميت لا يجوز عليه غير الرحمه، ادعيله ياريري وصلي علي النبي كدا واقعدي
فريده وهي ترفع يداها لتدعي: ربنا يفشفش الطوبه اللي تحت دماغك ياسالم ياابن ام سالم
ملك وهي تكاد تموت من الضحك: يجدعان خلاص هههههه مش قادره دا الراجل كان طيب برضو
زين بسخريه وضحك: وانتي شوفتيه اصلا دا مات من قبل ماانتي تيجي الدنيا اتنيلي
ملك بضحك: بس انا شوفته في الصور وشكله كان طيب من وشه البشوش.
فريده بضحك: يلا ربنا يرحمه هو مهما حصل المرحوم جوزي ابو عيالي
رحمه بصفير: الله عليكي ياريري وعلي قلبك الحنين اللي اخيرا افتكر الراجل بحاجه حلوه
زين وهو يتجه لغرفته: عليا النعمه عيله بتنجان، انا داخل ألعب رياضه وممنوع اسمع حس حد فيكم
نظر لملك ورحمة بشر:وانتي وهي تتخمدو انتو فاهمين
ملك بتذمر:ماتتخمد انت .... لسه بدري وبعدين انت مالك بينا ماتروح علي اوضتك
اكملت رحمه بغيظ: ايوا روح إلعب رياضه يكش تقع تتكسر وتحرم تضربني علي قفايا تاني
اقترب إليهم بشر فأوقفته فريده: خلاص يازين حقك عليا المرادي روح اوضتك وانا حسابي معاهم بعدين
اتجه إلي غرفته وهو يتوعد لهما: وربنا لوريكم يابومه منك ليها.
فريده وهي تمسك رحمه من ملابسها: انتي يابت مش هتبطلي طوله لسان علي اخوكي
رحمه بسماجه: لا.... حد عنده شوق في حاجه
فريده بغضب: ياصبر اييييييييوب
ملك ببرءاه: اهدي ياماما فريده صحتك مش كدا
تركتهم فريده واتجهت لغرفتها: وهو اللي يعيش معاكم يبقا عنده صحه كتكم قرف علي رأيي زين بصحيح بومه منك ليها.
بعدما غادرت فريده نظر كل منهما إلي الأخر بشر..
رحمه: بقا أنا بومه يازين
ملك: وانا كمان بومه
رحمه بخبث: طاااااا تمام انت اللي جبته لنفسك.
ضحكت ملك بخبث اكتر وهي تنظر لرحمه: قدامي يافواز
رحمه وهي تقف: يلا بينا يااختشي.
كان زين يركض علي إحدى الأجهزه الرياضيه في غرفته وفجأه انقطع الكهرباء.
زين بملل: لا مش وقتك خالص، اممم شكلي هنام احسن
اتجه إلي الفراش لكي ينام ولكن ثواني وشعر بشي عليه يتحرك ببطي
زين بخوف: انا عارف الصوت دا كويس والجسم... يارب يكون اللي في بالي غلط
امسك الهاتف واعتدل بهدوء لكي يرى تلك الشي ولكن صدم وركض من الفراش يصرخ: تعباااااااااااان إلحقوني هموت متسمم ياولاد الكلب
انفتحت الأضواء وظهرت كل من رحمه وملك
كادت رحمه ان تقتل من الضحك: مالك يابوص صوتك عالي ليه
زين برجفه: فيه تعبان موجود هنا في الاوضه، كان علي سريري
ملك وهي تظهر جهاز تحكم وظهر الثعبان من تحت الفراش: اصدك دا، لا دا تعبان لعبه بيتحرك بالكهربا عادي
ركض خلفهما بغضب: ياولاد ال **** هقتلكم
رحمه وهي تركض: ماانت اللي بتجيب لنفسك يابوص ألاه
ملك بسخريه: وبعدين مش احنا بومات شوف بقا البومات بتعمل ايه
توقف بغضب وهو يشير لرحمه: تعالي هنا يارحمه
رحمه بخوف وهي تشير لملك: وانا مستغنيه عن نفسي يااخويا خود مراتك أحلى
ملك بغيظ: اها ياواطيه
زين بإنفعال: انتي مش عارفه اني عندي فوبيا من التعابين يارحمه
رحمه بتذكر: احييييه
ركض خلفها وهي تصرخ: والله العظيم كنت ناسيه والفكره كانت فكره ملك
دخلت لغرفتها واغلقت الباب عليها بينما زين توقف ونظر بشر لملك
ملك بتراجع: لا تصدق اختك دي واطيه واطيه يعني زين بهدوء وهو يشير إليها: تعاليلي
تراجعت أكثر بخوف: طب لو حلفت اني مكنتش اعرف انك عندك فوبيا هتصدقني
اقترب منها بهدوء: قولتلك تعالي هنا ياملك
توقفت عند الحائط وزين يسد الطريق من أمامها: أسفه والله ماكنت اعرف
اقترب منها وسمع دقات قلبها الخائفه، تلاقت أعينهما في نظره.
زين بتخدير: أول واخر مره يحصل كدا ياملك عشان مزعلش منگ
نظرت إليه ببراءة: والله يازين ماكنت اقصد انا كنت بحاول أعمل فيك مقلب و
وضع يداه ليسكتها: هششششش، خلاص مصدق
جائت لتتكلم: هاا عاوزه تقولي ايه لو هتقولي اسفه فامش هشيل ايدي وهنفضل كدا للصبح
هزت رأسها ف أزال يداه: زعلان منى
ابتسم وامسك بيدها بحنان: انا عمري ماازعل منك ياملاكي.
ابتسمت بخجل وتعجب من تلك اللقب التي كانت تسمعه منه لأول مره: م. ملاكك
اومأ زين برأسه ببسمه : ايوا انتي ملاكي
تركته وركضت لغرفتها بخجل وألقت بنفسها علي الفراش.
ملك بتفكير: ياترى ايه التغيرات دي يازين وليه، ممكن تكون بتحبني.. لا لا زين بيعتبرني طول عمره اخته وبس بس ليه بيعاملني كدا، اوفففف ياربي بقا منا مبقتش فاهمه حاجه.
عند زين، كان يفكر بها ووفي حديثهم
زين بتفكير: انا ليه قولت كده، ليه بقيت بنسى نفسي وانا معاها وبقول كلام غريب، أنا شكلي فعلاً وقعت علي رأي رحمه
ابتسم بخفه وذهب في النوم.
في اليوم التالي.
فريده لزين: زين اصحى رحمه هتتأخر علي شغلها
زين بنعاس: هي الساعه كام دلوقتي
فريده: الساعه 6ياابني
نظر لفريده بإستغراب: وملك هتنزل دلوقتي ليه
فريده: عندها نبطشيه دلوقتي تقريبا، اتصلوا عليها من المستشفى من شويه
اتجه إلي الحمام وبعد دقايق كان يخرج ويدق الباب علي ملك.
ملك: اخيرا صحيت
زين بغمزه: صباح الخير ياملاكي
ملك وهي تضربه: زين بس بقا
زين بضحكه: الله عليكي وانتي طماطم كدا، المهم هتنزلي دلوقتي ليه
ملك بتذكر: يالهوي انت لسه واقف يلا بسرعه
اتجه كل منهما إلي السياره
ملك لزين: سوق بسرعه يازين
زين بإستغراب: ليه وبعدين من امتى بتنزلي دلوقتي
ملك: عندي عمليه خلال نص ساعه والمريضه حالتها حرجه جدا
زين: ياستير يارب، ربنا يوفقك والعمليه تنجح
ملك ببسمه: يارب يازين
نظرت إليه وهو يقود وفي رأسها ألف سؤال وياليتها لديها الجرأة لتوجه إليه تلك الأسئله.
زين بحنان: وصلنا،خلي بالك من نفسك وطمنيني عليكي اول ماتخلصي ولو حصل اي حاجه اتصلي عليا علطول
ملك وهي تخرج من السياره: حاضر يازين مع السلامه
ظل واقف يراقب دخولها وعندما اختفت من أمامه ذهب.
سماح وهي تركض لملك: دكتوره ملك انتي جيتي
ملك بضحك: انتي شايفه ايه ياسماح
سماح بتذمر: هو دا وقت هزراك يادكتوره، يلا غيري هدومك بسرعه المريضه حالتها بتسوء.
ركضت ملك بسرعه: ماانتي بصراحه دمك خفيف عالصبح ياسماح .
دخلت غرفه العمليات وبعد 3ساعات خرجت وهي مبتسمه .
سماح: ألف مبروك علي نجاح العمليه يادكتوره
ملك ببسمه: كله بفضل ربنا ياسماح
سماح بتذكر: إلا صحيح عندك نبطشيه وكشف علي مريض اوضه رقم 7
ملك بتوتر: طول عمرك بتجبيلي الأخبار النحس اللي شبه وشك غوري من وشي ياسماح ربنا يسامحك
سماح بملل: مالها دي يختي.
ملك وهي تفكر: ياترى هعمل ايه دلوقتي وهدخل اكشف عليه تاني إزاي يارب أعطيني القوه وخليك معايا
دخلت الغرفه بهدوء واقتربت منه لتفحصه.
مالك وهو يمسك بيداها: وحشتيني
ملك بحده وهي تسحب يداها وتصفعه: انت اتجننت