رواية سوف نلتقي الجزء الثاني2 )
الفصل التاسع9
بقلم ندي صابر
جاسر بغيظ: عاوزه ايه
جلست بجواره بمرح: يعم ماتزعلش كدا دا احنا بنضحك معاك
ابتسم بخفه: تعرفى انك اول واحده ترسم الضحكه على وشي من تانى يارحمه
رحمه بغباء: هو كان فيه نسوان كتير في حياتك للدرجه دى
وضع يداه على وجهه بغلب: يابنتى بلاش غباء هتشل منك
رحمه بضحك: خلاص خلاص بهزر والله متتعصبش كدا.... ممكن أسالك سؤال
نظر إليها ببسمه: اممم
رحمه: هو انت ليه بقيت ظابط مخابرات اشمعنا المجال دا بالذات وإزاى وصلت للأسم دا
جاسر وهو ينظر للسماء بتنهيده: لما دخلت الكليه الحربيه واتخرجت كنت ظابط في القوات الخاصه ولاقيت نفسي دخلت عالم المخابرات فجأه الموضوع كان بالنسبه ليا عادى في البدايه بعدين اكتشفت ان العالم دا غامض ومش سهل كنت بحاول اتعلم كتير واتدرب فترات كتيره جدا بس في النهاية اكتشفت حاجه في العالم دا
رحمه بلهفه: ايه ايه
جاسر ببرود: العالم دا شبه لعبه الشطرنج ممكن تتعلم القواعد والأساسيات بسهوله بس عشان تقدر تفوز وتتفوق فيه محتاج سنين وسنين من الخبره والتدريب والذكاء
رحمه بحزن: انا ورطت نفسي وكنت اخاده الموضوع تحدى مش اكتر
جاسر ببسمه: بالعكس انا شايف انك ذكيه وبتتعلمى بسرعه.
رحمه بفرحه: بجد يعنى فيه امل
جاسر بتاكيد: طبعا وبعدين لسه السنين قدامنا وانا اللى هكون مسؤل عن تدريبك كل يوم
رحمه وهى تمسك بذراعه بدون قصد: يحيى العدل يحكومه هو دا الكلام وإلا بلاش
اقترب منها بخبث: انتى اد الحركه دى
سحبت يداها بخجل وركضت بتعثر للداخل: ا. اسفه هروح اساعد ماما في المطبخ سلام
ضحك بكل صوته عليها وفجأه اتاه اتصال: ألو.... النهارده..... تمام يافندم.
تعكر مزاجه بعدما انهى المكالمه وذهب للداخل يبحث عنها: رحمه
فريده وهى تخرج من المطبخ: رحمه في الاوضه فوق ياابنى فيه حاجه
جاسر وهى يطلع الدرج: مفيش حاجه ياامى متقلقيش
دق عليها الباب ودخل على الفور: رحمه
توقفت بقلق: نعم ياجاسر
جاسر بحزن: هنسافر باريس الليله
رحمه بصدمه: نعمممم
جاسر: عندنا مهمه خاصه يعنى مينفعش تتأجل ولازم نسافر النهارده
رحمه بضحك: لا لا انت اكيد بتهزر.. باريس مره واحده كدا وهقول لأهلى ايه
جاسر ببرود: دا شغلك يرحمه ومتنسيش انك تحت التدريب ولازم تطلعى مهمات في كل مكان وأهلك انا هتصرف معاهم لان مينفعش تقولى عن اي تفاصيل ودى فى غايه السريه واكيد انتى عارفه الباقي
رحمه وهى تتجه للحمام بفرحه: ومين قالك اصلا انى مش عاوزه اسافر وعليا الطلاق انت وشك حلو عليا
اغلقت الباب في وجهه وهو لا يستوعب شي: يابنت المجنونه طلاق مره واحده وربي لاربيكي من اول وجديد يارحمه
غادر ليتحدث مع زين الذى وصل من دقايق ومعه رحيم وحور: هو فين جاسر
جاسر من اعلى: انا اهو... اطلع عاوزك في كلمتين
اتجه إليه زين في غيظ: دنا اللى عاوزك في كلام كتير ياصاحبي.
اتجه إلى المكتب وجلس على الكرسى وزين جلس أمامه: ممكن تفهمنى ايه اللى حصل النهارده دا
جاسر ببرود: ايه اللى حصل
زين بصراخ: يعم بطل برودك دا وقولى ليه طلبت تتجوز اختى بالسرعه دى... ايه اللى حصل
جاسر: بحبها وطلبت تبقى جمبي حلالى فيها مشكله دى
زين ببسمه: بتحبها بجد ياجاسر... انت عمرك ماحبيت ولا واحده عجبتك حتى مع ان انت بتسافر كتير وحواليك بنات حلوين كتير
جاسر ببسمه: هى الوحيده اللى شدتنى من بين كل دول طول عمرى عايش اعمى ولما نظرى رجع شوفتها وحلفت ماهشوف غيرها تانى... وفجأه لاقيتها قدامى بعد 5سنين تفتكر بعد كل ده اسيبها تروح منى
زين بضحك: لا شكلك وقعت خالص ياأسد واخيرا شوفتك عندك دم وبتحب
اتجه ليضربه بغيظ لولا دخول رحمه:صلى على النبي ياكبير مش كده
جاسر وهو يترك زين: انتى بتعملى هنا ايه
استغل زين انشغاله وهرب للخارج، اما رحمه فكانت تموت من الخجل: ان. انا م.مم
جاسر بضحك: ايه القطه اكلت لسانك دلوقتي مش كنتى واقفه ورا الباب بتصنتى علينا من شويه ومش خايفه
رحمه بذهول: وانت عرفت منين
اقترب منها بحب حتى اصبحت تسمع انفاسه: عرفتى انا اتجوزتك ليه وإلا لسه عاوزه تعرفى يارحمه
نظرت إليه ببراءة: لا عرفت والله مش عاوزه اعرف تانى
جاسر بضحك: تعرفى انى بحبك اكتر وانتى غبيه كدا
رحمه بتذمر: علفكره انا مش غبيه
جاسر بصوت حنون جدا: عاوزك تفضلى جمبي يارحمه بلاش تختفى زيهم صدقينى مش هستحمل المره دي
نظرت إليه بتعجب: هما مين دول بتتكلم عن ايه
ابتعد عنها واتجه لليغادر: هتعرفى بعدين ويلا عشان نقولهم على السفريه
كانت تسير خلفه ببسمه فهى تشعر بالسعاده الأن بعدما سمعت اعترافه: شكلى كدا حبيتك والله اعلم ههههههه
فريده لجاسر: يلا ياحبيبي هات رحمه واقعد الأكل جاهز
جلس بهدوء ونظر للجميع: انا عاوز اتكلم معاكم ممكن معلش
جلس الجميع ينتظرون حديثه بينما تنهد جاسر ليستطيع التنفس بهدوء: انا مش هقدر اعمل فرح واخاطر بحيات رحمه
زين ببسمه: وانا فاهم دماغك وعندك حق في دى
فريده بحزن: طب ليه مش هتقدر ياابنى
زين بسرعه: جاسر عنده اعداء كتير ودا بسبب مجال شغله واسمه ف بالتالى هيكون فيه خطر على رحمه والكل هيمسكها نقطه ضعف وتهديد لجاسر
جاسر: بالظبط كدا... انا هقدم هديه لرحمه كتعويض عن الفرح بس دا بعد شهر العسل وهنسافر من النهارده
زين بصدمه: النهارده وهتروح فين
جاسر ببسمه: باريس
ملك بفرحه: اوبااااا بقا على الناس اللى الحظ لعب معاهم
نظر إليها زين بغيظ فتوقفت عن الكلام بتذمر: بس هتلحق تحجز امتى وهتسافر إزاى كدا
جاسر ببسمه لا يمتلكها غير (الأسد): على السفر فالطياره الخاصه جاهزه دلوقتي وحجزت الفندق وكل حاجه تمام متقلقش
فريده وهى تقترب من رحمه وتضمها بحنان: انا فرحانه جدا ان ربنا رزقكك بالشخص اللى يسعدك ويحميكي بس هتوحشينى جدا يابت والبيت هيكون ملوش حس من غيرك
رحمه ببسمه: كلها شهر ياحبيبتي وهرجع تانى اقرفكك وهتلاقينى عندك كل يوم
احتضنها الجميع وعندما تحدثت مع حور ابتسمت بشده: مالك ياحور زعلانه ليه
حور بطفوله وتذمر: ليه هتسافرى بعيد يارحمه وانا مين هيعلمنى الرقص الوقتى
زين بلطم: يختااااااى بتقولى رقص تانى ألف حمد وشكر ليك يارب انها مش هتعلمك ياجزمه انا هربيكى من اول وجديد
جاسر بضحك: وبتقولى على مرات ابويا صافينار لا لا دا انتى طلعتى خطر على الأجيال الجديده
رحمه بغيظ: علفكره بقا هى كانت معفنه وتقرف ومستفزه كمان وبعدين انا اصلا غلطانه انى بطلع مستقبل واعى
جاسر: قصدك مستقبل فاسد حضرتك... قدامى ياجزمه يلا
بعد نصف ساعه خرجت رحمه مع جاسر لكى تبدء الرحله إلى باريس.
~~~~~~~~~~~~~~~~~~~~~~~~~~
جاسر وهو ينظر لتلك النائمه كانت تشبه الملاك عكس تلك التشرد: رحمه
ولكنها مستغرقه فى النوم، قام بقرصها بخفه: قومى ياحبيبتي
استيقظت بملل ونظرت إليه... مهلا لماذا يقترب هكذا فزعت بخجل تنظر حولها فكانت الطائره فارغه: اي دا احنا فين
جاسر بضحك: تقدري تقولي احنا دلوقتي في باريس ووصلنا من 5دقايق بس
رحمه بغيظ: وانت كنت لازق فيا كده ليه
جاسر بملل: انتى اللى مسكتى في هدومى ونمتى على دراعى لحد ماوصلنا
رحمه بخجل: ان. انا مكنتش اقصد
اقترب منها وعانقها بحب: وفيها ايه لو كنتى تقصدى انتى مراتى يارحمه ومفيش داعى لكل الكسوف دا.
كانت شارده بتلك الرائحه التى تميزه هى لا تصدق حتى الآن انها أصبحت زوجته: ط. طب يلا ننزل انا متحمسه جدا.. اي دا اومال فين بقيت الفريق
جاسر وهو يسير خلفها بضحك: الفريق منتظرنا في الفندق
اكمل جاسر وهو يسحبها من يداها بحنان: هنخلص المهمه دى وهاخدك فى كل مكان فى باريس متقلقيش.
نظرت إليه وابتسمت بحب: بشكر ربنا انك معايا
بادلها النظرات بحنان: انتى اكبر هديه في حياتي يارحمه
~~~~~~~~~~~~~~~~~~~~~~~~~~
_في منزل والد جاسر
كانت تبحث فى ادراج المكتب بعصبيه تريد تلك الأوراق لكى تذهب من هذا البيت اللعين ولكن توقفت مكانها بصدمه عندما رأته ينظر إليها بسخريه ويحمل ارواق ما: بتدورى على دول
لولو بخوف: انا.. انا كنت برتب المكتب بتاعك ياحبيبي
محمد بغضب وهو يغلق باب المكتب عليهم: اخرررسي بقا فاكره انى مش هعرف عمايلك الوس*خه مع ابنى وطمعك في فلوسي
لولو بصدمه: ان. انا معملتش حاجه كل دا كدب صدقنى جاسر كان بيتهجم عليا و
محمد مقاطعا بغضب جحيمي: وربي كلمه كمان وهدفنك مكانك
ذهب ليحضر الحاسوب ويشغل مقاطع فيديو لها وهى تقترب من جاسر بإغواء ومنها جاسر يترك لها المنزل بعدما يبوخها بشده ويبعدها عنه: كل السنين دى بكدب ابنى عشان بحبك وانتى طلعتى واحده حقيره، جبتك من الشوارع واتجوزتك وبعد كل دا طلعتى واحده انانيه مش بتحب او بتفكر غير فى نفسها.
لولو وقد فقدت السيطره على نفسها تماما واظهرت حقيقتها: ايوا انا انانيه ومش بفكر غير في نفسى وانا اللى قتلت مراتك وابنك زمان عشان اقرب منك
محمد وهو يجلس بصدمه:انتى اللى قتلتى مراتى....انتى اللى بوظتى الفرامل
لولو بشر: ايوا أنا أنا اللى قتلتها
محمد وهو يهجم عليها: يابنت الكلب انا هقتلك
~~~~~~~~~~~~~~~~~~~~~~~~~~
روان للفريق: هو القائد اتأخر ليه كدا ورحمه فين لحد دلوقتي ومجتش معانا ليه
كاد احمد يجيب لولا دخول القائد ومعه رحمه تمسك بذراعه بتوتر: حمدلله على السلامة يافندم
جاسر ببسمه: الله يسلمك... انا عندي ليكم خبر هيفرحكم، اكمل وهو ينظر لتلك الواقفه بتوتر وخجل: رحمه بقت مراتى ودا اخر تجمع ليها بالفريق والتدريب
الجميع بسعاده: ألف مبروك يافندم
روان بحزن: بس ليه رحمه مش هتنزل التدريب معانا بعد النهارده
جاسر ببروده المعروف: اظن كفايه كلام ويلا نجهز للمهمه الجديده واتمنى الكل يركز معايا الكام ساعه دول.
الجميع بإحترام: تمام يافندم احنا جاهزين
اقترب من رحمه وتحدث بصوت منخفض: متتحركيش من جمبي فااهمه
رحمه بخوف: انت تؤمر ياكبير
ضحك وهنا لاحظ ان الجميع ينظرون إليهم بفضول: ثابت انت وهو
رحمه بضحك: والله وبقيتى مرات الأسد يابت يارحمه.
استمع إليها بضحك وذهب إليهم ليتناقش معهم عن العمليه.
رحمه بعدما تحدث إليهم: يعنى احنا هنا عشان رئيس المافيا دا
جاسر ببرود: ايوا وكل واحد يركز معايا لو العمليه دي حصل فيها غلط هتبقى الغلطه بحياتكم
رحمه بخوف: ياستير يارب عليك تف من لسانك كدا وقول يارب
نظر إليها بغيظ واكمل الحديث: الراجل دا معاه اكتر من 30مجرم حواليه يعنى دايما ماشي متأمن من جميع النواحى انا بقا عاوز منكم تعرفوا الراجل دا امتى بيقعد لوحده وساعتها نقدر نقول اللعب هيبدء على حق
رحمه بثقه: اعتبر مكانه بقا عندك خلال ساعتين يافندم
جاسر بتحدى: ساعه واحده ياحظابط ومكانه يكون عندى
رحمه بصدمه: نعم
جاسر وهو يقف: وقبل كل ده عاوز اقولكم على كام نقطه بما ان التدريب اتلغى... طبعاً كلكم عارفين التايكوندو ودا من اهم الفنون القتاليه اللى ممكن تخلصك من العدو بسهوله لما سلاحك يروح
روان: ايوا انا اتعلمته
احمد: تقريباً كلنا نعرفه متقلقش يافندم
جاسر وهو ينظر لرحمه: وانتى يارحمه
رحمه ببسمه جميله: كنت بتدرب عليه من كام شهر يافندم واعرف عنه كتير
جاسر باطمئنان فهو كان يعتقد انها لا تجيد اي فنون قتاليه تساعدها في تلك العمليه: برافو شكلى مش هتعب معاكم اوى.
رحمه بغمزه: عيب عليك ياكبير احنا مش اي حد برضو
ابتسم بيأس وقام بإخراج السلاح: طب الكل يجهز سلاحه يلا مفيش وقت قدامنا كتير
اتجهت رحمه للحاسوب الخاص بها وقامت بالتجسس الغير مرئى لتلك الرجل... بعد ساعه استطاعت العثور على الموقع واختراق جميع الاجهزه الخاصه به: قدرت اوصل لمكانه يافندم
جاسر بسرعه وهو يقرء المكان: الكل يجهز والقوات الخاصه تتواجد خلال 10دقايق في المكان.
رحمه بعدما غادر الجميع اقتربت منه بخوف: لا آله إلا الله ربنا يرحمنا كنا طيبين اوى ياكبير
ضحك بصخب عليها واحتضنها: دى مش اول مهمه نطلعها مع بعض وبعدين مش عاوزك تخافى طول مانتى معايا
نظرت إليه ببسمه: انا مش خايفه غير عليك
جاسر بدموع فالاول مره يشعر بأحد يهتم به ويخاف عليه هكذا: شكرا يارحمه
رحمه بعدم فهم: بتشكرنى على ايه
جاسر بهدوء وحنان: لأن اول مره احس ان حياتى مهمه عند حد
رحمه ببسمه: هو انا ينفع اسالك سؤال رخم شويه
جاسر وهو يسحبها للخارج: بعدين هنتكلم ياحبيبتي
رحمه بفرحه وتفكير: حبيبتي اخيرا الجبل اتحرك دا انا كنت قربت ايأس ياجدع