رواية حكايات بنات الجزء الثاني2
الفصل الرابع عشر14
بقلم نجمة براقة
#منصور
منصور يمسك في ثيابه بغضب: انت امعتعمل ايه يا واد المحروق
سامر: بلحقها في ايه ياعمده
منصور: وتلحقها بتاع ايه شايفني مشلول قدامك،.. انت يااااواد لفيني الكرباج
سامح: في ايه يا منصور انا عملت ايه لكل ده
منصور: لمست عارنا وتقولي عملت ايه، ( يسدد له لكمه علي وجهه يوقعه على الأرض ليمسك به مره اخرى وقبل ان يضربه تقف في وجهه امه وتمنعه)
الام: بزيداك يا منصور... عيييب اللى امعتعمله ده
منصور: ده قالها وعيط عليها باسمها ياامه، ... قول عرفتها منين حالا لا اخلص عليك دلوك
سامر يمسك فكه من شدة الالم: كانت زميلتي في الجامعه
منصور بغيظ: كيه يعني زميلتك ولما شوفتها يوميتها مقولتش انك تعرفها
سامر: خوفت اضايقكم يا منصور، الله
منصور: وعلي اكده كان بينكم كلام
سامر: في حدود الزماله بس
منصور: طيب انا مموافقش علي جوازك من اختي، خد بعضك وارجع بلدكم
(سناء في زاويا عيونها تدمع لتدير وجهها)
الام: خلصنا يا منصور، اتفضل يا استاذ ارجع علي المندره وبعدين نتحدتو
منصور: انا قووولت يمشي
سامر: عن اذنكم
الام: وقف، مهتمشيش، اتفضل اقعد في المندرة دلوك وانا هتحدت مع ولدي ونجيلك
منصور: اماااه
الام بنظره حاده: قولت اتفضل يا أستاذ
سامر: حاضر يا حجه ( يذهب)
الام: انت ايه اللي.....
منصور يرفع يده في وجهها: ولا كلمه، .... انت يااواد هات سطل ميه، ... سناء ادلقي عليها السطل فوقيها ودخلوها جوه
امي صغرتني قدامه قوي وهتصر انها تجوزهالو رغم اللي حصل .... قال زميلها قال، والله زين بناتنا بقا ليها زمايل تشيلها لما توقع،...... حاسس دلوك اني عاوز ادخل عليه اقسمه بنص وبعدين امسكها تحت ررجلي واقتلها هي التانيه ام زميل دي
#يارا
فتحت عيني لقيت نفسي بره الاسطبل و سناء ومعالي جمبي
سناء بعتب: مقولتيش ليه انك تعرفي سامر قبل اكده
يارا بربكه: مكنتش شوفته عشان اقول..... هو قالكم ايه؟
معالي: قال زميلها قال، ده اخر علام البنته
يارا تنظر ل سناء: هو اللي قالكم اكده
سناء: ايوه
يارا: ومنصور فين
سناء: جوه
يارا: عمل امعاه ايه
معالي: وانتي شاغله نفسك بيه ليه
يارا تتجاهلها: ردي عليه يا سناء، منصور قتله؟
سناء: له مقتلهوش، بس ضربه وقاله مش هنتم الجوازة دي ( تدمع عينيها)
يارا : طيب ايه إلى حصل لما اغمي عليه
سناء بتذمر: طار عليكى وقلك علي يديه وقعد يضرب على وشك ويقولك قومي يا يارا
يارا بصدمه: مين فيهم
معالي: سااامر قالك اكده قدام منصور.. وهو مستحلفلك ، استلقي وعدك منه
يارا: سامر فين دلوك
سناء: في المندره
سبتها وروحت هناك علي طول ومعملتش حساب لحد وفتحت الباب لقيته قاعد وحاطط يده علي وشه ولما سمع فتح الباب قام وقف
سامر بفرحه: يارا
يارا تقترب منه وتصفعه: ايه جابك اهنه
سامر يضع يده علي وجهه: بتضربيني ليه
يارا: رد عليه وقول ايه جابك اهنه، ومتقوليش صدفه
سامر ينظر للباب ثم يعود للحديث معاها: جاي علشانك، مكنش قدامي طريقه تانيه اوصلك بيها
يارا باستحقار: ومين قالك اني عاوزاك تاني، مين اداك الحق تلعب بسناء عشان توصلي
سامر: يا يارا والله انا حاولت كتير عشان اقدر اكون نفسي لغيت ما قدرت ولما سألت قالولي اتجوزتي و
يارا: ولا كلمه، ... تاخد بعضك وتمشي من اهنه ، انا مخطوبه دلوك وهتجوز بعد العده
سامر: بتكدبي
يارا: معكدبش ولو بكدب، دي حآجه متخصكش
سامر: تخصني يا يارا، وانا مش همشي ولا هسيب سناء قبل ما ترجعيلي
يارا: يبقا انا هقول لمنصور كل حآجه وهو يتصرف امعاك
سامر: قوليلوه، انتي عارفه كويس بابا مين وممكن يعمل ايه لو قولتله انه مد ايده عليه، هيجيب بلدكم علي الأرض
يارا: تعملها يا سامر
سامر: اعملها.... انا عارف انك لسه بتحبيني ومش هسيبك مهما تعملي
يارا باستحقار: انا محبش عيل زيك مش كد المسؤليه واتخلا عني
سامر: انا محبتش اورطتك معايا قبل ما اعمل حآجه
يارا: لا يا شيخ، علي اساس هتبعد وترجع بعد سنين تلاقيني مستنياك
سامر: مقولتش كده، بس اهو مات وربنا ادانا فرصة تانيه نضيعها ليه
يارا: كان زمان، دلوك انا مخطوبه لمنصور وبس
سامر: مخطوبه اجبار،... يارا انتي لو قولتي عاوزاني انا هقدر اخدك غصب عنه، بس انتي قوليلها
يارا: مش عاوزاك ... انا دلوك خطيبة منصور وامعحبه
قولت اكده ومشيت واول ما وصلت بره الباب لقيت منصور جاى بالطبنجه
يارا تقف امامه: له يا منصور، ورحمة ابوك بلاش،
منصور يُمسكها من يدها ويشدها الي الثرايا ليدفعها لداخل ثم يصرخ بوجهها ليدوي صوته في المكان
منصور: كنتي عنده امعتعملي ايييه
يارا: زي ما قالك هو زميلي وانا روحت اسلم عليه
منصور: تسلمي عليه ... الله الله، احنا فين اهنه، طيب اقتلك دلوك ولا اعمل فيكى ايه
يارا: افهم يا منصور انت اخو جوزي وبس ملكش كلمه عليه، انا حره اعمل اللي يعجبني، مضايق ليه عاد
منصور يضغط علي أسنانه بغيظ: دا انتي عاوزة تموتي علي اكده
يارا: مووتني وخلصني انا زهقت، جرا ايه يا معالي ما تاخديه تهديه بدال ما هو امع يتعرك من دبان وشه اكده
منصور يزفر بغضب: مضااايقنيش
معالي: راجل البيت ويحقله يقتلك لو شاف حالك مايل
يارا: راجل عليكي، انا دلوك حره ولو مشيت من اهنه وحاول يمنعني هحبسه
منصور: بقا اكده، طيييب وريني هتحبسيني كيه ( يشدها من يدها ويدخلها المخزن ويغلق عليها )
يارا تطرق الباب بخوف: له يا منصور بخاف من الاماكن المقفوله، الله يخليك افتحلي الحقينى يا مه
#منصور
قفلت عليها وطلعت عنده تاني
منصور: لسه قاعد ومش خايف
سامر: انا مغلطتش في حآجه عشان اخاف منها
منصور: ده هيرجع يقولي مغلطتش عاد
سامر: انا لما شوفتها واقعه اتصرفت بعفويه وشيلتها معرفش ان دا عيب
منصور: وعلشان عفويتك دي تاخد بعضك وتتكل من اهنه
سامر: لا، واقتلني عشان يقولو منصور قتل ضيف عنده
منصور تتسع عيناه ليرفع الطبنجه بوجهه ثم يخفضها مره اخرى ويضرب على فخذيه بغيظ: في دي عندك حق،..... اقعد، بس لو لمحت خيالك قدامي هنسا اي حآجه وهربطك مع رعد في نفس الوتد
سامر: احم... طيب اوعا تكون اذيتها
منصور يشد الزناد ويوجهه على راسه: انت هتكتم ولا اكتمك بقيت عمرك
سامر: سكت اهو
واد اصفر،.. له وهي تقولي هحبسك ماشي يابت ال.....
رجعت الثرايا لقيت سناء امعتخبط علي باب المخزن وتحاول تفتحه
منصور: في ايه يا بت
سناء باستنجاد: افتح بسرعة
منصور بقلق: ايه حصل
سناء: البت عندها عقده من الاماكن المقفوله افتح زمانها اتسرعت
منصور يخرج المفتاح ويفتح بسرعه، ليجدوها جالسه في احدي الزوايا تحتض نفسها وترتعش بخوف،
سناء تحتضنها، لتطوق رقبتها وتبكي بانهيار
سناء: يا حبيبتي، حقك عليه يا غالية، حرام عليك يا منصور عملت اكده ليه
منصور: خلصي، وقوميها
سناء تقف وترفعها: خلاص انا جمبك اهه متخافيش
يارا تمسك بذراعها وجسدها يرتجف بشده لتعود للبكاء مره اخرى وهي تتحاشا النظر اليه
لتذهب معاها للخارج وهي ممسكه بذراع سناء بقوه
مكنتش اعرف انها ممكن تخاف اكده، بس هى ضايقتني وخرجتني عن شعوري، كيه يعني تروح عنده وتقولي زميلي له وكمان تقولي احبسك
#أسامة
صحيت الصبح على صوت عياط الولد، و عياطه زاد ومسكتش خالص.... استغربت هي ازاي مقدرتش تسكته المره دي، وكنت عاوز اطلع بس مش قادر اقابلها بعد اللي حصل،... بس لما زاد عياطه روحت وخبطت علي الباب، ومحدش رد، ف فتحت الباب لقيته لوحده، ولما شافني زاد عياطه، وخاف مني.... روحت عنده وشيلته وحاولت اسكته وانا بلف بيه في الشقة وادور عليها، ولا هو سكت ولا انا لقيتها، ف اتصلت بيها، كتير والرنه مبتوصلش خالص وشكلها كده عامله بلوك،... . فتحت المسنجر علشان ابعتلها ف لقيتها عامله بلوك هنا بردو،.... يعني سابت البيت خالص...؟... حقها... لو معملتش كده كنت فهمتها غلط، بس بردو مينفعش تمشي بشكل ده، الشغلانه دي متنفعش معاها خالص مش هتسلم من مواقف زي دي.. وعشان كده اتصلت بمديرة المركز
أسامة: الو
المديرة: ايوة يا فندم
أسامة: هي البنت اللي بعتهالي، جاتلك
المديرة: ايوة يافندم
أسامة: هي فين
المديرة: مشغوله دلوقتي، خير في حآجه
أسامة: اه في، خليها تكلمني ضروري لو سمحتي
المديرة: حاضر يافندم لما تيجي هبلغها
أسامة: متشكر يا فندم
خلصت المكالمة، وخدت الولد وروحت بيه علي بيت خالي وامنيه لما شافته بقت تزعق وتقولي مرجعتهوش ليه
أسامة: هيرجع دلوقتي
أمنية: امتى،
أسامة: وقت ما يرجع بقا، خليه مع سيلين انا هشوف عدي وارجع اخده
أمنية: اما نشوف اخرتها معاك
أسامة: بقيتي حكايه يا امنية
سبتها تتكلم ودخلت عند عدي، لقيته قاعد مسهم
أسامة يحط ايده على كتفه: ايه يا بطل، هتفضل زعلان كده كتير......... ايه يابني، من اول مشكله هتتعب كده، فين عدى الجامد اللي محدش يقدر يكسره........ طيب قوم نخرج حتى
(عدي يشيل ايده)
اسامه: هي بقت كده..... طيب يا حبيبي براحتك لما تهدا
طلعت من عنده وخدت الولد ومشيت، وانا مش عارف جايب منين الثقه اللي مخلياني ماشي بيه في الشارع عادي كده .... واول ما وصلت البيت اتصلت بسهر عشان اقولها اني بعد يومين هجبهولها، هي كتر خيرها تعبت في الموضوع ده.... رنيت كتير وكان تليفونها مغلق... دخلت علي الكاميرات اللي عندها، ولقيت الاوضه فاضيه مفهاش حد خالص،..... حتي ناصر مش هناك
واخر ما زهقت رجعت اتصلت ب عبود اشوفه عمل ايه
أسامة: إيه الأخبار
عبود: زي الفل، فلوسه كلها معايا
أسامة: كلمك تاني؟
عبود: لا هو لسه مكتشفش المصيبه ومطمن ان الفلوس في المخزن
أسامة: طيب يدوب تاخد جواز سفرك وتهرب يكون خدته مصيبة
عبود: انا اتصرفت فيهم وهختفي فوراً
أسامة: مبروك عليك
عبود: الله يبارك فيك،... امبسط من التعامل معاك
أسامة: ومتتبسطش ليه دول سبعين مليون
عبود: هيصفو علي خمسين، لسه في شركة غسيل الاموال هتلهف العشرين مليون
أسامة: مش شويه الخمسين مليون بردو
عبود: الحمدلله نحمده ونشكر فضله
أسامة: ههههه زادك الله من الايمان والحمد يا عبود
عبود: ههههه حبيبي يا باشا، والله كان نفسي اتعرف عليك بس اكيد مش هتوافق
اسامه: ميشرفنيش، ... يلا سلام
#ناصر
ابوها اتصل عليه يقولي هي قافله تليفونها ليه، ف قولتله انها راحت تعمل شوبنج وسايبه التليفون فى البيت،... وبعدين بقيت اتصل ب عبود وهو بيقفل عليه معرفش لية،.. كنت عاوز اعرف جمع الفلوس ولا لأ علشان نخلص وشوف لو كنت هسيب البلد ولا اتصرف بأي طريقة قبل ما ماهر يعرف اني قتلت بنته ويقلب عليه.... وفريد ده. كمان اللي مقربش ل اسامه، .. ولا يكون طلقها وسابه منها، دا ايه التعاقيد دي بس ياربي
#فريد
يتحدث بالهاتف
فريد: مبعتش التصميمات ليه
الطرف الأخر: بعتهملك على الواتس من أيام يا فندم
فريد: انا مش مثبته دلوقتي ابعتهملي علي الرسايل
الطرف الآخر: حذفتهم يافندم، بس حاضر انا هتصل بالمهندس اخليه يبعتهملي تاني
فريد: لا خلاص انا هثبته واشوف
الطرف الأخر: تمام يافندم
قفلت معاه ونزلت الواتساب، وادخلت الحساب، لقيت رسايل من عدة أشخاص مُسجلين و غير مسجلين.. بس كل الرسايل مشفره وبتحتاج وقت عشان تفتح، ف رجعت اتصل تانى بيه وطلبت منه يتصرف يبعتهملي تاني
#مروى
اللي عملته ده ملهوش اسم تانى غير اني خاينه واستاهل الموت بسببه،... ازاي عملت كده ونسيت اني لسه على زمة فريد ومهما كان وحش مينفعش اعمل كده مع واحد تاني
منه: خلاص يا مروى اللي حصل حصل، اعتبريها غلطه عابرة وراحت لحالها
مروى: غلطة عابره اه.... واحده متجوزه تحضن واحد ويبوسها عادى خالص... اسكوتي يا منة
منه: دا غلطك، قولتلك تلجأي للمحاكم وتخلعيه
مروى: ولو خلعته كان عادي اعمل كده يعني
منه: لا، بس هيبقا الامر هين ومش بعيد كنتي اتجوزتيه
مروى: اسكوتي طيب
منه: انتي حبتيه علي فكره
مروى: انا متجوزه بطلي غباء
منه: متقوليش متجوزه، دا مش جوز، دا جوز هند وبايظ من جوه.... انتي مأنبه نفسك عشان ورقه ربطاكم وبس.. وده اللي مخليكي خايفه تقولي انك حبيتي أسامة
مروى: محصلش
منه: طيب والله حبتيه، اششمعنا مسمحتيش لحد من المزاغيد بتوه فريد يقربو منك ودا سيبتيه عادي
مروى بدموع: لاننا احنا الاتنين كنا محتاجين حضن حد يحس بينا، انا وقتها لو حد معدي في الشارع وحضني مكنتش هرفض بس اللي حصل بعد كده ده الغلط بعينه، والجو وكل حآجه كانت مساعدانا، مش موضوع حب يعني
منه بإبتسامة: الله يقطعك يا محمد اخر مره باسني كان من 2012 ههههه
مروى: اتلمي
منه: طيب احكيلي الموقف من البداية
مروى: منه قومي من قدامي
منه: ونبي احكيلي
مروى تشرد لتتذكر ما حدث: والله ما اعرف، انا بجد مش فاكره اللي حصل ده حصل ازاي، كأني كنت مغيبه، مع اني لما كان فريد يقربلي كنت بقرف منه مش زي اللي حصل امبارح، انا مكنتش حاسه باللي بعملة
منه بإبتسامة خفيفه: طيب وهو.. تفتكري كان حاسس وقاصد يعمل كده
مروى: مش عارفه، بس هو اللى بدء فجأه بدون مقدمات
منه: ههههه معذور واحده حلوه معاه لوحدهم هيعمل ايه يعني، دا انتي تحمدي ربنا ان الولد صحا هههههههههههه
مروى: مضايقنيش بقا، انا مخنوقه لوحدي
منه: سكت اهو
مروى: لا مستكوتيش، هو انا خاينه كده صح
منه: مش قوي
مروى ببكاء: لا قوي انا خاينه، وست مش كويسه
منه: حبيبتي خلاص اللي حصل حصل هتعملي ايه يعنى
مروى ببكاء: اقل حآجه اعملها اني انتحر
منه: يا نهار أسود عليكي تنتحري إيه دا يدوب بوسه
مروى ببكاء: غوري من وشي
بعد رغي المديرة بعتتلي وانا غسلت وشي ورحتلها
مروى: نعم يا مدام
المديرة: اقعدي يا مروى
مروى تقعد: نعم
المديرة: صرحيني وقوليلي، ايه سبب مشيتك من بيت استاذ اسامة
مروى: مهمتي انتهت والولد هيروح لقريبته تراعيه
المديرة: متأكده
مروى: ايوه
المديرة: طيب هو اتصل بيه وعاوزك تكلميه ضروري
مروى: اكلمه ليه، خلاص مفيش سبب يخليني اكلمه تاني
المديرة: يمكن يكون حاجه تايهه وعاوز يسألك عليها
مروى: حاضر هكلمه... تؤمريني بحاجه تانيه
المديرة: لأ اتفضلي
قولتلها هكلمه علشان متسالش علي سبب رفضي بس انا مش هكلمه ولا هعرفه تاني بعد اللي حصل ويارب اشوف شكله
#هنا
روحت الشغل تاني يوم واستنيت عدى يجي وبردو مجاش، معقول يكون مستر عز قالي كده علشان يسكتني وهو مرجعش لسه او حصله حآجه، او يكون مات
سميره: هوووي، سرحانه في ايه
هنا: هه.... لا مفيش..... دقيقة وراجعه
سميره: رايحه فين
هنا: راجعه
سبتها وروحت مكتب مستر عز
هنا: صباح الخير مستر عز
عز: صباح النور، خير
هنا: هو فين عدي اللى قولت انه رجع
عز: بتسألي ليه
هنا: عشان مش شايفه انه رجع ولا حآجه والظاهر انك كنت بتسكتني
عز: كلامك ونبرتك يخلوني ارفدك
هنا: انا اسفه يافندم
عز: اسفك كتر، واحمدي ربنا انك بتتعاملي معايا انا دلوقتي
هنا: طيب هو فين وليه مخبينه
عز: تاني يا هنا
هنا: طيب طمني عليه هو عامل ايه ورجع بجد ولا بتكدبو
عز: يابنتي انا لو مش عاوز عدي يزعل كنت رفدتك علي اسلوبك ده
هنا بعبس: والله يامستر انا عايزة اطمن مش أكتر
عز: طيب هو مش كويس وزعلان، عملتي ايه لما عرفتي بقا
هنا: خليه يجي وانا هقدر أخرجه من اي زعل
عز: ساحره انتي
هنا: احنا زمايل قريبين وهيقبل مني
عز: ماشي ياهنا، ( يكتب شيء ويعطي لها الورقه) هو في العنوان ده لو قدرتي تخليه يخرج من اللى هو فيه مش هرفدك
هنا: وميجيش هو ليه
عز: بقولك زعلان ومبيتكلمش مع حد
هنا: هو تعبان اوي لدرجة دي
عز: ايوه مبيتكلمش ولا بياكول
هنا: طيب انا هروح بعد الشغل
عز: روحي دلوقتى، وملكيش دعوه
هنا: ماشي يافندم متشكره
سبت الشغل وروحتله وانا مش عارفه هقول اية ولا هتعامل معاه ازاي وهو هيفهم روحتي ليه بأي شكل
بيت عز
أمنية: مين حضرتك
هنا: انا هنا، زميلة عدي في المكتب
أمنية: اتفضلي حبيبتي
هنا: انتي أمنية
أمنية: اه انا، انتي تعرفيني
هنا: اه عدي قالي عليكي
أمنية بإبتسامة: ايوه حبيبتي انا
هنا : تشرفت بمعرفتك
أمنية: متشكره حبيبتي، اتفضلي ارتاحي
هنا: مستعجله... فين عدى
أمنية بخيبه: في اوضته
هنا: هو عامل ايه دلوقتي
أمنية: حالته النفسية مدمره، ومش راضى ينطق كلمه مع اي حد
هنا: طيب ممكن تندهيه
أمنية: مش هيسمع، روحيلوه اوضته
هنا بربكه: احم.... هي فين
أمنية: هي دي
فتحت الباب لقيته نايم و وشه متبهدل وباين عليه الحزن.... قلبي وجعني عليه اكتر من وجعي لما اتخطف،... ف قعدت جمبه وبقيت ابصله شويه
هنا بصوت خافت: عدى.... انت سامعني
عدى يفتح عيونه ببطئ ليجدها امامه ثم ينهض من نومه ويجلس بدون كلام
هنا: حمدالله علي السلامه
عدى: جايه ليه
هنا: جايه اطمن عليك
عدى: اطمني انا. كويس، ومتشكر علي سؤالك
هنا: مضايق اني جيت
عدى: سيبني لوحدي لو سمحتي، انا عاوز انام
هنا: لا مش هسيبك... كفايه نوم، قوم شوف شغلك وحياتك
عدى: هنا من فضلك امشى
هنا: مش ماشيه.... ومش اول أزمة هتضعف كده، امال كنت فارد جنحاتك وبتقولي بتحبني ازاى
عدى يقف وينفعل عليها: كنت عيل زي ما بتقولي ،.. طلعت عيل صح، ومقدرتش ادافع عن نفسي.. ومش عاوز حياتي اللي بتتكلمي عنها ولا عاوزك انتي كمان
هنا: انا مقولتش انك عيل قبل كده، بس دلوقتي بقولهالك، .. انت عيل وضعيف ومتنفعش في حآجه وانا استأهل الضرب علشان جيتلك ( تبدء بالبكاء) حتي الشركة هسيبها علشانك. ارتحت كده ( تستدير لتمشي وهو يمسك يدها)
عدى: انتي كنتي جايه علشان تهوني عليه
هنا تشد يدها: اه للأسف.. بس مش هاجي تانى و اولع
عدى: هنا! انتي انثي عاديه وبتحسي زيهم كده ولا هنا ( ويأشر علي صدرها) مفيش احساس
هنا: قصدك ايه
عدى: يعنى المفروض تتحايلي عليه شويه مش تجري علي طول،.. انا. مردتش علي حد غيرك.. وانتي والبهايم واحد
هنا: ما انت بتطردني اعملك ايه
عدى: امشي يا هنا
متبقيش تخففي علي حد تاني
هنا تبتسم: طيب ايه بقا، هتفضل زعلان كده. كتير
عدى: انا تعبان اوي، وفقدت الثقه في نفسي، ومش قادر اواجه حد
هنا: تبقا عبيط
عدى يمط شفتيه: يا هنا امشي يا هنا، اقولك هاتي صباره اغرزيها في بطني وريحيني
هنا: ههههههههههههههه اعملك اية طيب، جربت الطيبه مش نافع والزعيق بردو مش نافع
عدى يبتسم: ماشي ياهنا،... شوفتك كفايه بنسبالي
هنا بإبتسامة: طيب حمدالله على السلامة، ... المكتب كله كان عاملها حداد وفكرينك اتقتلت
عدي: حسبي الله ونعم الوكيل... انا بقيت كويس يا هنا متشكر على اهتمامك... يلا اتأخرتي على شغلك
هنا: هههههههههههه ماشي ياعدى،... هستناك بكره في المكتب
عدى: ماشي
هنا بإبتسامة: ماشي
عدى ينظر لها بإبتسامه: ماشي
" تاني يوم "
#عدى
أمنية وخالي و اسامه هما أقرب ناس ليه وبحبهم بس الحاله اللي كنت فيها مكنش ينفع اي محاولة منهم، يكفي بس اشوف هنا وانا انسا اي مشكله حاصله معايا، بس بردو مقالتش كلمه واحده توصلي احساسها، بالعكس دي كانت دبش ناقصه بس شكلها يوحش وانا احس انها واحد صاحبي
دخلت المكتب وسلمت على الكل، وبعد الترحيب والمشروبات قعدت علي مكتبي في انتظار دخلتها، اللي طولت بزياده، أو انا اللي مش صابر، ... مش عارف
سميره توقف جمبه: اركز بقا.. دلوقتي تيجي
عدى: هي مين دى
سميره ترفع حاجبه: الأخت هنا
عدى: ايوه وبعدين، انا مالي
سميره: يعني مش. مستنيها
عدى: لا خالص واستناها ليه
سميره تمط شفتيها: خسااره، كنت هقولك عملت ايه من قلقها عليك بس خلاص ( تستدير لتذهب)
عدى: سميره خدي
سميره: هممم نحم
عدي: نحم الله عليكي ... قولي عملت اية
سميره : مين دي
عدى: سميره قولي
سميره: اتحايل عليه شويه
عدى بإبتسامة ظاهريه: سوسو حبيبتي ، قولي
سميره: تؤ مش من قلبك
عدى بزعيق: اخلصي ( ينظر حوله ويخفض صوته) اخلصي حبيبتي
سميره: ههههه، ايوه كده هات ورا انت رقبتك في ايدي دلوقتي
عدى: حبيبتي يا سميره،.. ها سامعك
سميره: مش هعذبك أكتر ... اسمع ياعم
عدى بتركيز: سامعك
سميره: قضيتها عياط وزعيق على مستر اسامه ومستر عز، عشان محدش فيهم بيدور عليك، وطول الوقت كانت زعلانه وقلقانه لغيت ما في مره مستر عز قفشها وهي بتزعق وتلومهم
عدى بإبتسامة: عيطت بجد
سميره: ايوه يابني وعنيها كانت منفخه... وياريتك شوفت فرحتها لما مستر عز قالها انك رجعت
عدى بإبتسامة: انتي ليه فتنه وسوسه كده
سميره تفتح فمها: نااااعم
عدى ينظر حوله: بس يخربيتك بهزر معاكي
هنا تدخل ولا تستطيع إخفاء سعادتها برؤيته: صباح الخير
عدى يقف: صباح الخير
سميره ترفع حاجب: مالك وقفت ليه، ارتاح علشان مفاصلك
عدي: بقولك ايه يا سميره
سميره: نفسك في قهوه صح
عدى: ههههه صح، وخلي الاخ اللي بيعملها يسويها على الشمعة عشان تستوي كويس
سميره: وشمعه ليه ما يعملها على الشمس احسن
عدى: يخربيتك بتعرفي تفكري، يلا اجري قبل الشمس ما تغيب
سميره: طيب ياخويا طيب ... هنون جيتي امتي
هنا: لسة مصبحه يابنتي
سميره: مخدتش بالي بسبب الواد ده من الصبح مخليني قاعده جمبه قال ايه وحشته
هنا تبهت ابتسامتها: اه، كويس،
عدى: يلا يااابنتي
فضلت ترغي كتير قبل ما تمشي وبقت تغلس عليها، وانا امبسطت منها لاني شوفت الغيرة في تصرفات هنا
عدي يقف امام مكتبها: ازيك يا اخت هنا
هنا: اهلا
عدى: عامله ايه يا اخت هنا
هنا: بخير
عدي: نورتي مكتبك يا اخت هنا
هنا: اترزع علي مكتبك يا عدي
عدي: ليه يا اخت هنا
هنا تقف وتضرب علي المكتب : امششي من وشي يا اخ عدي
عدى: خليني هنا يكون وصلت سمسمتي
هنا بقرف: سمسمتك
عدى: ايوة سمسمتي، عندك مشكله
(هنا تضم شفتيها وتضيق عينيها)
عدى: ايه، هتنامي
هنا: غووور يا عدى
عدى بإبتسامه: الا قوليلي هي ميسونتي عامله اية
هنا: ميسونتك كويسه و راحت مع اسلام حبيبي يختارولي هديه بمناسبه سنة حبنا العاشرة
عدى: سنة حبكم الحسره
هنا: قولت عشرة مش حسره
عدي بإبتسامه: على كل حال هي طالعه من بوقك زي العسل
هنا : بطل قلت ادب ومتنساش انك صغير وعيب تتكلم كده مع الكبار
عدى: رجعتي تاني لنفس السيرة، طيب اركب علي المكتب وارمي نفسي قدامك دلوقتي
هنا: لا حرام تموت
عدى: طيب مترجعيش للموضوع ده علشان مقلش بعقلي واعملها
هنا : ههههه طيب
عدى: متشكر يا اخت هنا
هنا: ارجع مكتبك يا عدى
عدى: ههههه ماشي يا اخت هنا
يعود لمكتبه ليضم يده علي صدره ويميل برأسه وينظر لها بإبتسامه
هنا تكتب باربتاك بسبب نظراته ثم ترمي القلم : بطل بقا مش عارفه اركز في الشغل
عدى: وانا كلمتك يا اخت هنا
هنا: متقولش زفته انا مش اخت حد
عدي: حاضر يا اخت هنا