Ads by Google X

القائمة الرئيسية

الصفحات

رواية حدوتة عشق الفصل الحادي عشر والثاني عشر 11و12 بقلم سهيله سعيد ومريم نبيل

رواية حدوتة عشق 

الفصل الحادي عشر والثاني عشر 11و12

 بقلم سهيله سعيد ومريم نبيل   

( ف كوافير تاني ، قاعدة ياسمين وبوسي وروان ) 

ياسمين : لا طبعاً مش هنسالها الي عملته فيا ومش هتعدي ليليتها كدة بالساهل

بوسي ب شر : وحياتك عندي ي ياسو ل ابوظلها الفرح وهيبقا اتعس يوم ف حياتها استني عليا بس 🙂

ياسمين : عليها هي بس .. متبوظيش فرحان عشان اسلام ركزي معاها هي عوزاكي تولعيها

بوسي : ي بنتي متقلقيش هولعها .. ثواني هعمل مكالمة سريعة 

ياسمين : اوك 

روان : انتوا شياطين والله 😕

ياسمين : لو عرفت انك قولتي لحد هتزعلى مني جامد ماشي ؟

روان : اقول ايه انا عارفة بتعكوا ف ايه اصلاً 🤷🏻‍♀️

ياسمين : يبقا احسن بردوا  ⁦

( ييجي الليل ، يوصل اسلام وشهد الفرح ويوصل المأذون ويكتب الكتاب ويبدأ الفرح الكل مبسوط ، ياسمين وبوسي وصحابهم قاعدين ) 

ياسمين ل بوسي : انتي هتفضلي قاعدة ولا ايه فين الي اتفقنا عليه مش شايفة اي اكشن يعني 🤷🏻‍♀️

بوسي : انا كلمت حد يطلع ع شقتهم 

ياسمين ب استغراب : شقتهم !!! ليه ؟! 

بوسي وهي بتقوم : هتعرفي قريب 🙂

( تروح بوسي ناحية الكوشة )

بوسي وهي بتبوسه من خده : مبروك ي اسلام👋

( يتخض اسلام مكانش متوقع وتتصدم  شهد وتبرقلهم ، تقف بوسي جنبهم ، تكلم شهد اسلام ب صوت واطي ب غيظ )

شهد : ايه ده ي استاذ سايبها تبوس فيك عادي كده ده انا مراتك اتكسف اعملها قدام الناس دي كلها معندهاش ادب ولو ذودت فيها هقوم اجيبها من شعرها انت حررر 😡

اسلام : اهدى والله انا مصدوم زيك مبنعملش كدة مع بعض ف العادي 😬

شهد : مش هكلمك ف الموضوع ده تاني والله لولا انه فرحي وهتبقا فضايح كان هيبقالي تصرف تاني معاكوا ☝️⁩

اسلام : طيب معلش عديها عشان خاطري 

الدي چي : يلا العروسين يتفضلوا ع الاستيدچ علشان الرقصة الSlow وكل الكابلز يجمعوا 

( تتوتر شهد ) 

شهد : اسلام اسلام اسلام 😐

اسلام : نعم ؟

شهد : مبعرفش ارقص ي اسلام وهفضحك 🤦🏻‍♀️

اسلام : ههههه دي مفيهاش رقص دة هنقعد نتمشى ع البيست وخلاص متقلقيش يلا 

( يمدلها ايده ، تمسك ايده )

شهد وهي بتقوم : امري لله ربنا يستر ع رجليك ي حبيبي صعبان عليا 🤭

اسلام : فداكي ي قلبي 😄

( ترقص شهد مع اسلام وجنبهم بوسي مع شاب مرقباهم ، تدوس شهد ع رجل اسلام )

اسلام ب وجع : اااه ! 

شهد ب خضة : ايه مالك حصلك ايه 😮

اسلام : لأ دوستي ع رجلي ! 

شهد : قلتلك مبعرفش ارقص ي اسلام 😟

بوسي : بالراحة عليها ي اسلام شكلها لسة بتتعلم 😏

شهد : معلش خليكي ف نفسك ي قطة يلا هش من هنا 😒

بوسي : لا ي حلوة الي زيك هو الي ملهوش مكان هنا .. روحي كلي تورتة 😌

شهد : طب م تيجي أأكلهالك ونضربها كرسي ف الكلوب زي م حصل ف المووول 💁🏻‍♀️

( تتخص بوسي وتبعد )

اسلام ب قلق : حاولي تمسكي اعصابك انهاردة فرحك هاااا 😐

شهد : م انا سكتالها اهو   اسلام هو انا عملتلها حاجة انا بخوفها بس ي حبيبي عشان تتهد من ناحيتنا 😊

اسلام : ماشي !!! 

( يقرب هيما اخو شهد عليهم وهو بيرقص مع امه ) 

هيما : استحليتها ولا ايه هاتها شوية تبقا رقصة الوداع خد حماتك 👋

اسلام : ههههههه حاضر 😄

( يبدلوا ، هيما يرقص مع شهد واسلام مع حماته ، تقرب بوسي )

بوسي : اسلام ممكن ارقص معاك لو طنط مش ممانعة ؟

ام شهد ب احراج : لا ي حبيبتي اتفضلي 😕

( تمشي ) 

اسلام : ايه الي بتعمليه دة !!

( تحط بوسي ايدها ف رقبة اسلام وترقص معاه )

بوسي : انا معملتش حاجة انا طلبت ب كل ادب وهي ممانعتش 🙂

( اسلام يتوتر يبص ناحية شهد يلاقيها ملهية مع اخوها ) 

اسلام : كفاية كدة

بوسي : في ايه ي سوما هو انا بعمل حاجة غلط وبعدين مهي بترقص مع اخوها عادي يعني 🙄

( تتشعلق ف رقبته اكتر تخليه يحط ايده الاتنين ف وسطها عشان يبقا بينهم حدود ، تلمحه شهد وهو مش شايفها ) 

اسلام : بوسي انتي زودتيها روحي اقعدى !!!

بوسي : ششششش ارقص معايا وخلى الليلة دي تعدي ع خير 💁🏻‍♀️

اسلام : استغفر الله العظيم يارب .. انتي عاوزة توصلي ل ايه م انا خلاص كتبت الكتاب !!! 

بوسي : طلاما انت عارف انك كتبت الكتاب يبقا سيبني ارقص معاك للمرة الاخيرة بقا 🙄

اسلام : طب اديكي رقصتي كفاية بقا كدة عشان ميحصلش مشكلة 

( يبص اسلام ميلاقيش شهد ، يتخض ، يسيب بوسي ويفضل يبص يمين وشمال ، ف التويليت ، تدخل شهد ع اخرها عمالة رايحة جاية جاية رايحة هتنفجر والبنات الي جوة مستغربينها )

بنت : انتي كويسة ؟!!! 

شهد : كويسة 😐

( يقرب اسلام ع هيما ) 

اسلام : هي فين شهد ؟

هيما : ف الحمام 

اسلام : اوك 

( تقرب شهد تقعد ف الكوشة ، يشوفها اسلام يقرب يقعد جنبها ) 

اسلام : مالك ؟! 

شهد : مافيش 

( ودي كانت رقصة الختام ، يخلص الفرح ، شهد واسلام ف العربية رايحين الاوتيل ) 

اسلام : مش عاوزة تقوليلي مالك ؟

شهد ب عصبية : م قلتلك مفيش ي اسلام الله جو الفرح كان موترني مش اكتر وسيبني بقا الله يهديك ✋

اسلام : طب اهدي في ايه !!!

شهد ب تنهيدة : معلش اتعصبت شوية انا اسفة اني عليت صوتي 

اسلام وهو بيضير وشه : حصل خير 😒

( يوصلوا الاوتيل ويطلعوا اوضتهم ، تدخل شهد اوضة النوم وتقفل عليها وتغير هدومها ، يغير اسلام هدومه ويروح يخبط عليها ) 

اسلام : شهد

شهد : نعم ؟

اسلام : افتحي 

( تفتح شهد الباب وتدي ل اسلام مخدة )

شهد : امسك

اسلام ب استغراب : ايه دة !!!

شهد : زي م انت شايف 

اسلام : ايوة اعمل بيها ايه يعني ؟!!

شهد : عشان تنام بيها ع الكنبة 

اسلام : كنبة ايه الي انام عليها بتهزري ؟!!!

شهد ب انفعال : اه بهزر ي اسلام عارف بهزر ليه علشان حضرتك مخلى الهانم متشعلقة ف رقبتك ولا كأنها هي العروسة وانت حضنهالي اوي م كنت تجيبها هنا بالمرة وتخليها تروح شقتنا وتنام ع سريري عرفت بهزر ليه 🤷🏻‍♀️

اسلام : انا اسف والله متوقعتش تعمل كل دة وكنت مهاودها عشان ميحصلش مشكلة بس 😕

شهد : اة مصدقاك طبعاً 

( تروح شهد تنام ع السرير وتستغطى ، يقرب اسلام يشيل من عليها الغطا )

اسلام : قومي كلميني طيب 😕

شهد : عاوزة اناااام 🙄

اسلام : مافيش نوم قومي 

( يشيل المخدة من تحت راسها )

شهد وهي بتقوم : يووووو بقااااا هنام انا برة 

( تمشي يمسك ايدها يوقفها ) 

اسلام : قلتلك انا اسف اعملك ايه تاني ؟! 

( تشد ايديها من ايده )

شهد : وانا قلتلك خلاص سيبني انام بقا مصدعة 

اسلام ب نفاذ صبر : تعرفي .. وربنا انا مش عارف الاقيها منك ولا م الحيوانة بوسي ولا من اختي ولا من امي ولا انهي زاااااافت ربنا ياخدني عشان ترتاحوا كلكوا 😡

( يخرج اسلام برة الاوضة )

شهد : هو انا ذودتها ولا ايه 😬

( تطلع شهد ورا اسلام )

شهد : ي اسلام خلاص ي اسلام خلاص والله 😧

( ميردش اسلام ويفضل ماشي والناس بتتفرج عليهم )

شهد : ي اسلام الناس بتتفرج علينا حرام عليك اقف كلمني 🤷🏻‍♀️

اسلام وهو ماشي : سبيني ف حالي دلوقتي ي شهد 😒

شهد : ي اسلام بالله عليك اقف انا طالعة حافية يخربيتك 🤦🏻‍♀️

( يلف اسلام ) 

اسلام : ارجعي ي ........ 

( يتخض يلاقيها بالروب وحافية وب شعرها والناس واقفة بتتفرج ) 

اسلام : انتي ايه الي مطلعك كدة يخربيتك 😮

( يجري عليها يمسك ايدها ويجروا يدخلوا الاوضة تاني )

شهد : طبعاً لو حلفتلك اني طالعة كده علشان الحقك مش هتصدقني انا مخدتش بالي اساساً انا لابسة ايه والله 🤷🏻‍♀️

اسلام ب تنهيدة : ادخلي نامي 😑

( يروح اسلام ينام ع الكنبة ، تقرب شهد عليه )

شهد : طب وسع شوية علشان انام 🙄

( تنام ف حضنه ، يطلع الصبح ، شهد واسلام ف اوضتهم ، يخبط باب الاوضة ، تقوم تفتح شهد ، يدخلوا امها وابوها واخوها الصغير ) 

الام : لولولولولولي 😝

الاب : صباحية مباركة ي عرسان


الحلقة الثانية عشر { ١٢ } 🙊


( تسلم شهد عليهم )

شهد : الله يبارك فيك ي بابا وحشتوني والله ازيك ياض ي لمض 

حازم : كويييس 😌

الاب : اومال فين عريسنا ؟

شهد : جوة نايم ثواني وهصحيهولكوا 

الاب : لا لا تعالي احنا دقتين وماشيين جينا نطمن عليكي بس تعالي اقعدي

شهد : مينفعش والله ي بابا انتوا قاعدين معانا النهاردة شوية 

الام وهي بتشدها : ي بت تعالي اقعدي بس 

( تقعدها ) 

الام : عامل ايه معاكي كويس ؟؟

شهد : الحمدلله ي ماما هو طيب وحنين 💜

الام : ربنا يديم المحبة بينكم 

( يتسحب حازم ويدخل ل اسلام ، اسلام نايم ع السرير ، يقرب حازم يطلع فوق السرير ويقعد يتنطط )

حازم : هيييييييييه هييييييييييه هيييييييه 🕺🏻

( يقوم اسلام مفزوع ) 

اسلام ب خضة : انت مين 😳

( يركز اسلام انه اخو شهد ) 

اسلام ب استغراب : انت ايه الي جابك هنا !!!!!! 

حازم : هيييييييييه هيييييييييبه 👻

اسلام ب زعيق ودوخة : بس ي بنيييييي 🤦🏻‍♂️

( يسمعوه برة ، تجري شهد ع الاوضة )

شهد : ولا ي حازم انزل من ع السرير 

حازم : لاااااااااء 😆

شهد : ي ولا مش مراجيح مولد النبي ديا علشان تتنطط عليها انزل بدل م اضربك 😠

حازم ب صريخ : لااااااااااااااء

( تشيل شهد حازم من فوق السرير وتنزله ع الارض تضربه ضربة خفيفة )

شهد : متعملش كده تاني 👋

حازم : وربنا لاقول ل امك 😧

( يجري حازم ع برة )

اسلام : هو في ايه ي شهد ؟!!

شهد : اهلي جم يزورونا ومخدتش بالى م الولا حازم اتسحب ودخل الاوضة هليك معلش ي حبيبي متزعلش عيل صغير 😬

اسلام : لا عادي مافيش حاجة .. هما برة ؟

شهد : اه قوم يلا علشان نقعد معاهم شوية 

اسلام : اوك دقتين بس اغسل وشي والبس 

شهد وهي بتبوسه من خده : ماشي ي حبيبي مستنياك برة 🥰

( تمشي شهد ، بتنهد اسلام ب نعاس ، يقوم يدخل التويليت يغسل وشه ) 

اسلام : حد يزور حد ف يوم زي دة .. حرام عليكوا ي جدعان 🤦🏻‍♂️

( يلبس اسلام ويطلع يسلم عليهم ، يقعدوا شوية ويمشوا ، بعد يومين ، شهد واسلام بيرتبوا شنطهم عشان مسافرين ، يسافروا لبنان يقضوا اسبوع هناك وبعدها يرجعوا مصر تاني ، اسلام وشهد ف العربية راجعين شقتهم )

اسلام : ايه رأيك ف السفرية دي ؟

شهد : جميلة اوي اوي بجد 🥺

اسلام وهو بياخدها ف حضنه : علشان معاكي بس حلوة بيكي ♥️

( يوصلوا قدام العمارة ، يقرب البواب ياخد الشنط يحطها ف الاسنسير ، يطلعوا يقفوا قدام الشقة ، يفتح اسلام الباب ) 

اسلام ب خضة : ايه دة !!!!!

( اول م يفتحوا الباب الماية تغرق الدنيا برة وتنزل ع السلم والشقة كلها غرقانة والعفش غرقان والدنيا حايسة )

شهد ب صدمة : يلهوي ايه الماية ديه كلها 😮

اسلام : مش عارف !!!!

( يسيبوا الشنط برة ويدخلوا ) 

اسلام : انتوا لما فرشتوا نسيته الماية ؟ 

شهد : ولا جينا جمب الحمام اساساً 🤷🏻‍♀️

( تفكر شهد )

شهد : يكونش الواد حازم !! 

( يدخل اسلام التويليت ، يلاقي الماية مقفولة ، يدخل المطبخ يلاقي الحنفية مفتوحة والحوض مسدود ، يقفلها بسرعة ويطلع )

شهد : هاه لقيت حاجة مفتوحة ؟

اسلام : حنفية المطبخ

شهد : طب هنعمل ايه دلوقتي هنروح فين .. ولا هنقعد فين ؟ 

اسلام : تعالي نروح عند ماما لحد م ظبط الدنيا هنا 

شهد ب خضة : طب مااااا نقعد ف حتة تانية او ف اي اوتيل 

اسلام : ليه والبيت موجود يلا 

شهد : الصراحة امك مبتطقنيش 🙄

اسلام : حبيبتي انتي بقيتي مرات ابنها دلوقتي .. الكلام دة كان قبل م نتجوز متقلقيش .. ولو في اي حاجة ضايقتك هناك اوعدك هنمشي ع طول 

شهد : طيب امرى لله يلا 🤷🏻‍♀️

( ياخدوا شنطهم ويمشوا ، ابو اسلام وامه قاعدين ، يخبط الباب ، تفتح الشغالة ، يدخل اسلام وشهد ) 

الام ب فرحة : اسلام 😃

( تجري عليه تاخده ف حضنها ) 

الاب : ايه المفاجأة الحلوة دى ازيك ي شهد 😃

شهد : ازيك ي عمو انا كويسة الحمدلله 

الاب : تعالوا اتفضلوا 

( يدخلوا يقعدوا ، يحكي اسلام الي حصل ) 

الاب : غريبة دى مين هيسيب حنفية مفتوحة كدة !!!

الام : اكيد حد من اهلها مش هما الي فرشوا البيت 💁🏻‍♀️

شهد ف سرها : استغفر الله العظيم يارب ابتدينا .. لا ي طنط محدش قرب م الحنفيات 🙄

الاب : حصل خير المهم ان انتوا كويسين .. فين شنطكوا ؟

اسلام : ف العربية 

الاب : طب خد مراتك واطلع اوضتك وانا هخلي البواب يطلعلكوا الشنط 

اسلام : اوك 

( يطلعوا اوضة اسلام ، ترمي شهد نفسها ع السرير )

شهد ب ارهاق : هييييييييح عايزة انام لغاية م اشبع نوم 😑

( يترمي اسلام جنبها ) 

اسلام : اوضتي وحشتني مكنتش عارف هرجعلها بسرعة كدة 🤔

شهد : لا وانت الصادق مش هنقعد كتير .. بس تصدق سريرك مريح اوووي 😃

اسلام : ي راجل 🤨

شهد : اه والله بفكر اخدوا معانا واحنا ماشيين 

اسلام : خلاص خلينا هنا .. ايه رأيك ؟؟

شهد ب خضة : لا مستحيل ✋

اسلام : اتخضيتي ليه كدة هو انا جايبك بيت الرعب ولا ايه 🤷🏻‍♂️

شهد : لا بس بردو بيتي طبعاً 

اسلام : ماشي

شهد وهي بتقوم : انا هقوم اخد شاور علشان انام 

اسلام : محتاجة مساعدة ؟ 

شهد : ليه حمامك غير حمامنا يعني 🤷🏻‍♀️

اسلام : ايوة حمامي وانا ادرى بيه اهو حتى اعرفكوا ع بعض 😉

شهد : لو لقيت حاجة غريبة جوا هبقا اسألك 

اسلام : طااايب 🙄

( تدخل شهد التواليت تلاقي بعض الحاجات اللى مش فاهمة بتستخدم ف ايه ، تيجي تفتح الدش يغرقها )

شهد ب خضة : ي اسلاااااااام 😨

( يدخل اسلام ) 

اسلام : في ايه !!!

( تقف شهد ولبسها كله مبلول )

اسلام ب ضحك : ايه دة 😂

شهد : انا يحصلى كده ف بيتك انت متفق انت والدش عليا 😧

اسلام : م قلتلك اساعد تستاهلي 

( يقفل الدش )

شهد : لبسي اتبل 😬

اسلام : وهو في حد ينزل تحت الدش ب هدومه ي اذكى اخواتك !!

شهد : م انا قلت اشوف بيتفتح ازاي الأول لقيته ضرب ف وشي 🤦🏻‍♀️

اسلام : هو كدة بيطلع من كل ناحيه 

شهد : طب اطلع برة يلا

اسلام : مش هتكملي ولا ايه ؟

شهد : اكمل ايه ؟!!

اسلام : الدش 

شهد : م انت اطلع علشان اخد الدش 

اسلام : لا لينفجر فيكي تاني ولا حاجة لازم اطمن عليكي 🤷🏻‍♂️

شهد : طب علمني افتحه واقفله ازاي وبعديها اطلع برة

اسلام : اتحايلي عليا شوية 😌

شهد : يلا بقاااا 🙄

اسلام : تؤ .. هستفاد ايه انا ؟

شهد : هعملك الي انت عايزه بس والنبي انجز هاخد برد 

اسلام : اوك 

( يقرب يظبطلها الدش )

شهد : تسلملى 🧡

اسلام : اي خدمة 

( يقلع التيشيرت ويقرب عليها )

شهد ب خضة : ايييه دااااا !!!!

( يعدي الوقت وييجي الليل ، توصل ياسمين البيت ، تطلع تعدي ع اوضة اسلام ، تسمع صوتهم تتخض ، تفتح باب اوضتهم مرة واحدة تخضهم )

شهد ب احراج : ايه ده حد بيخش ع حد الاوضة كده ؟!!!!

ياسمين ب استغراب : انتوا ايه الي جابكوا هنا !!!

شهد ب تريقة : جينا نتشمس 😏

اسلام : شقتنا غرقت ف جينا لحد م ننضفها 

ياسمين : لا والله .. يعني هتقيموا هنا ولا ايه ؟!!! 

شهد : والله لحد م شقتنا تتظبط ادينا قاعدين 🤷🏻‍♀️

ياسمين : اااه .. اوك 😐

( تمشي ياسمين تروح اوضتها ، تمسك الفون ) 

ياسمين ب عصبية : الو .. الله يخربيت افكارك السودة ي شيخة 😠

بوسي : ايه بقا انا عملت ايه ؟!!    

                 الفصل الثالث عشر من هنا 

لقراءة باقي الفصول اضغط هنا 

تعليقات