رواية حدوتة عشق
الفصل الثالث عشر والرابع عشر 13و14
بقلم سهيله سعيد ومريم نبيل
ياسمين : بسبب ام الشقة الي غرقتيها اهي جت تقعد عندنا 🤦🏻♀️
بوسي ب خضة : ايييه جت تقعد عندكوا 😲
ياسمين : ايوة
بوسي : طب انا جيالك سلام
( تقفل ياسمين ع اخرها ، عند اسلام )
اسلام : ايه الي مضايقك دلوقتي ؟!
شهد ب قلق : انا قلبي حاسس ان موتي هيبقا ف البيت ده والله 🤦🏻♀️
اسلام : ليه كدة بس بعد الشر عليكي !!
شهد : مش عارفة قلبي مقبوض 💔
اسلام : مافيش حاجة ي قلبي متوتريش نفسك .. قومي نقعد ف الجنينة تغيري جو
شهد ب تنهيدة : ماشي
( ينزلوا يقعدوا تحت ، بعد شوية ، تنزل ياسمين )
ياسمين : منورين 😒
شهد : بنورك
اسلام : دة نورك
( تدخل بوسي )
بوسي : بونسوار 🙂
( يبصولها )
بوسي : ايه دة انتي هنا !!
شهد : اه جيت اشوف سحنتك الجميلة 😊
اسلام : شهد !!
شهد : ي حبيبي بهزر معاها ده انا حتى بحبها اوووي 🤗
بوسي : اه وانا بعشقها 😁
اسلام ب قلق : امممممم 😐
الاب من جوة : اسلام
اسلام : نعم ؟
الاب : تعلالي عايزك
اسلام : اوك جاي
( يبص ل شهد ب قلق وبعدين يقوم ، شهد تحط رجل ع رجل وتمسك مجلة من ع الترابيزة تقراها ، تقوم بوسي وياسمين يقفوا ع جنب )
ياسمين : وبعدين ف البلوة دى ؟؟
بوسي : مش عارفة سيبيني افكر 🤔
ياسمين : اكون اتشليت انا🤷🏻♀️
بوسي : اووووف يعني اعملك ايه 🙄
شهد : م تيجوا تقعدوا بدل م انتوا واقفين كده 💁🏻♀️
( يبصولها وميردوش علبها )
ياسمين ل بوسي : خليكي معايا .. زي م عملتي ف الفرح انتي مش قلتي كانت هتتشل منك ؟
بوسي : ايوة
ياسمين : بصي انا عندي فكرة .. بس انتي افتحي معايا كلام اوك
بوسي : اوك ماشي
ياسمين : تعالي
( يقعدوا )
ياسمين : قوليلي ي بسبوسة انتي عاملة ايه مع حبيبك ؟
بوسي : زي الفل ي قلبي
ياسمين : فاكرة دة كان بيغير من اسلام اوي
بوسي : اه ولحد دلوقتي
( تبصلهم شهد )
ياسمين : اوعي يكون زعل عشان رقصتي مع اسلام ف الفرح
بوسي : بصراحة اة وعملنا مشكلة كبيرة لانه فاهم اسلام بالنسبالي ايه 😍
ياسمين : اة طبعاً 🤷🏻♀️
بوسي : فاكرة ايام م كان اسلام بيحبني بس الحظ وقع واحدة تانية ف طريقه 🙄
ياسمين : بس لسة ف القلب بردوا دة كان ناقص يحضنك وانتوا بترقصوا 😉
( شهد ع اخرها )
شهد ب غيظ : استغفر الله العظيم يارب 😑
بوسي : فاكرة ي ياسو لما كنت مرة ف اوضته ودخل وقعد يزغزني وشالني 🤭
( تتخض شهد وتبرقلها )
ياسمين : اه فاكرة طبعاً 😃
بوسي : ساعتها طنط ندهت عليا ومرضاش يسيبني اروح الا لما اديتله بوسة هههههه 🤭
ياسمين : ههههههه 🤭
( تتغاظ شهد جداً وتقوم تروح ناحيتهم )
شهد ب انفعال : انتي اللي جبتيه ل نفسك ي بنت الكلب تعالي بقا 😡
( تمسك شهد بوسي من شعرها وتفضل تضربها )
ياسمين ب خصة : انتي بتعملي ايه سيبيها 😯
بوسي : لأ بس انتي بقا انا متغاظة منها م المرة الي فاتت وهوريها 😡
( تشدها من طرحتها وتقوم هي تبقا فوفيها )
شهد : اوعي ي بنت الجزماااا 😡
( شهد تلف ب بوسي وتبقا هي فوقيها ويفضلوا يلفوا لحد م يوصلوا ل البُول )
ياسمين ب خوف : بس خلاص بقااا ي اسلاااااااام 😧
( يقوموا م الارض ويكملوا خناق ، يقعوا ف البُول ، تجري بوسي تطلع )
بوسي : وربي م هسيبككك ☝️
( شهد عمالة تحاول تطلع )
شهد ب معافرة : الحقونيي .. بغرق .. ي اسلاااام .. الحقنيييي 😨
( تغطس شهد وتختفي تحت الماية )
ياسمين : بتهزر دى ولا ايه ؟!!!
بوسي : بتستهبل اكيد 😕
( ييجي اسلام )
اسلام ب استغراب : في ايه بتزعقوا ليه .. وانتي ايه الي عمل فيكي كدة ؟!!!!
بوسي : مراتك
اسلام ب خضة : احيه هي فين ؟؟
ياسمين : ف البُول عاملة نفسها بتغرق 🤷🏻♀️
اسلام ب خضة : بُول ايه دى مبتعرفش تعوووم 😮
( يجري اسلام ع البُول ينط فيه ويطلع شهد ، يحطها ف الارض )
اسلام : شهد .. شهد فوقي .. شهد .. ردي عليا 👋
( شهد ولا بتتنفس ولا بتتحرك ، تيجي امه وابوه )
الاب : في ايه !!!
اسلام ب انفعال : ردي علياااا 😧
( يبصلهم )
اسلام وهو بيضربها ع خدها ورا بعض : هتموت ماتت .. فوقييي 👋
( يفضل يديها نفس ويضغط ع قلبها مافيش فايدة )
اسلام : اصحاااااااااااي 😡
( يفضل يضرب ع قلبها ب قوة ، تنتفض شهد مرة واحدة وتقعد تكح جامد ، ياخدها ف حضنه )
اسلام : الحمدلله 😧
( تعيط شهد ف حضن اسلام )
الام : هي ايه الي وقعها ف البُول ؟!!
ياسمين : اتخانقت مع بوسي ومن غير م تعملها حاجة 🤷🏻♀️
اسلام ب انفعال : انتى من ساعة م خطبتها وانتي مش طيقاها كأنها مرات ابوكي عاوزين تموتوهاالييييييييي هاااااا والحيوانة الي سحباها وراكي دي 😡☝️
بوسي ب صدمة : انا حيوانة 😦
اسلام : ايوة حيوانة حلي عن امي بقا انا مبحبكيش غوري من هناااا 😡
بوسي ب احراج : ماشي ي اسلام 😒
( تمشي بوسي ، يقوم اسلام يشيل شهد ويطلعها اوضته ، يحطها ع السرير )
اسلام : معلش هنمشي من هنا
( يجيب اسلام شنط الهدوم ويلم هدومه وهدومها ، تبدأ شهد تركز )
شهد ب تعب : ااااه 🤦🏻♀️
اسلام وهو بيقرب عليها : انتي كويسة متخافيش .. كان عندك حق مكانش ينفع اجيبك هنا هنمشي دلوقتي
( ييقوم يجيبلها هدوم ويلبسها ويحضر الشنط وياخدها وينزلوا )
الاب : رايح فين ي اسلام ؟!!
اسلام : ماشيين 😒
الاب : مافيش مشيان تعالى كلمني هنا
( يقرب اسلام )
اسلام : نعم ؟
الاب : تمشي تروح فين انت مش شقتك غرقانة ي بنى !!!
اسلام : هروح اي حتة مش هقعد هنا ومحدش طايقنا 😒
الاب : ايه التهريج دة .. دة بيتكوا ومافيش حاجة اسمها محدش طايقكوا .. انا كدة كدة مبرتاحش للبنت الي اسمها بوسي دي وانت طردتها وانا بقول مش هتخش البيت دة تانى طلاما بتجيب مشاكل وخلصنا بقا 🤷🏻♂️
( اسلام يبص ل شهد )
الاب : ومتزعليش ي شهد حق عليا انا
شهد : خلاص ي عمو محصلش حاجة
الاب : يلا ع فوق دة بيتكم وانا الي اقول مين يقعد ومين يمشي يلااا
( يبصوا لبعض ويطلعوا اوضتهم ، تعدي الايام ، شهد نايمة ع السرير واسلام واقف بيلبس ، تفتح عيونها وتقوم تقعد )
اسلام : خلاص الشقة هيبعتوا الفرش الجديد الاسبوع الجاي
شهد : طب قول صباح الخير الاول !
( يقرب اسلام يبوسها )
اسلام : صباح الفل 🧡
شهد : صباح النور ع حبيب قلبي وعشقي وحياتي 🧡 متشيك كده ورايح ع فين هاه هاه هاه ؟
اسلام : الشغل وانا هروح فين من غيرك 🤷🏻♂️
شهد : انا قلت خارج مع حد من اصحابك ولا حاجة
اسلام : لا مطنشهم مبخرجش من غير حبيبي 😉
شهد : قلبي ي ناااااس طب يلا علشان متتأخرش يلا
اسلام : عايزة حاجة وانا جاي ؟
شهد : لا ي حبيبي لو عوزت هتصل بيك
اسلام : اوك
الحلقة الرابعة عشر { ١٤ } 🙊
( ينزل اسلام ، تقوم شهد تبص للاوضة وبعدين تطلع منها ، بعد شوية ، تعدي ام اسلام تلاقي شهد مطلعة الاوضة كلها برة وبتنفض )
الام ب خضة : انتي بتعملي ايه 😦
( تبص شهد ل حماتها وتبتسم )
شهد : صباح الخير ي حماتي بنضف الاوضة لاني حسيت انها مكركبة كده وبغير نظامها علشان مش مريح عيني دة انا لهلوبة متقلقيش 😃
الام ب عصبية : محدش هنا بيعمل حاجة في شغالين بهدلتي الدنيا لهلوبة ايه وزفت ايه 😠
( تبصلها شهد بصة غامضة )
شهد : طب اديني سكة بقا ي حماتي علشان الحق اخلص قبل م اسلام يرجع ل احسن بيرجع تعبان 🙄
( تقرب ياسمين )
ياسمين ب استغراب : بتهبب ايه دي ع الصبح !!
شهد : صباح الخير ي سوسو م تيجي تساعديني وخلي امك اقصد حماتي تقعد ترتاح وتعالي نضفي معايا الاوضة
ياسمين ب تكبر : مين دي الي تنصف انتي ي ماما بتاعة الكلام دة مش احنا 😌
( تبص شهد ل ياسمين ب غيظ وتبتسم )
شهد : كلنا ولاد تسعة ي سوسو 🙂
ياسمين : لا انا بنت امي وابويا يعنى اتنين بس .. انتي بقا بنت تسعة انتي ادرى 🤷🏻♀️
( تتغاظ شهد اكتر )
شهد : م بلاش انتي ي ياسمين وامشي من وشي احسنلك 😐
( تنفض شهد السجادة ف وشهم وتطلع منها تراب كتير وتخليهم يكحوا م التراب )
الام ب خضة : انتي حمارة مش شيفانا 😮
شهد : بنضف ي حماتى انتوا اللي مدلعين الخدم بينفضوا بضافر ايديهم بعيد عنك 😏
الام : انتي تلمي القرف دة حالاً فاهمة ؟؟
شهد ب انفعال : قرف اما يقرفك ي ولية ي بومة انتي مُصرة تعصبيني م الصبح غورى من وشي بقا عشان مش عايزة امسك ف خناقك اجيب اجلك 😡
( تتصدم ام اسلام وتقرب عليها ياسمين )
ياسمين : انتي ازاي تكلميها كدة ي حيوانة انتي 😲
شهد : بت انتى متدخليش احسن اموتك ف ايدي ☝️
الام : ابقي جربي تلمسيها تاني وانا الي هقفلك المرة دى 🤷🏻♀️
( تزق شهد ، تتخض شهد كانت هتقع من ع السلم بس مسكت ف الترابزين ، تسند شهد نفسها وتقف تاخد نفس عميق وتطلعه ب كل غيظ )
شهد : انتي الي جبتيه ل نفسك ي حماتى 😡
( تمسك شهد ام اسلام وتديها ب الدماغ )
ياسمين ب خضة : احيه ماما 😯
( تجري ياسمين تضرب ف شهد هي وامها )
شهد : اوعووو !!
( تزقهم مرة واحدة تقع ام اسلام من ع السلم )
ياسمين ب صريخ : مامااااااا 😳
( يدخل اسلام من برة يلاقي امه بتقع من ع السلم )
اسلام ب صدمة : ماما 😮
( يجري عليها تكون نزلت )
الام ب وجع : اااااه 😨
اسلام : ايه الي وقعها كدة ؟!!!!
ياسمين ب عياط : مراتك ضربتنا وزقت ماما من ع السلم ي اسلاااام 😫
اسلام ب خضة : مراتي !!!!
ياسمين : ايوة
( يبص ل شهد ، تبصله ب خوف ، يشيل مامته ويحطها ع الكنبة ، تنزل شهد ع السلم بسرعة )
شهد ب خوف : اناااا انا مكنتش اقصد هي الي مسكت ف خناقي وشتمتني وك كانت هتوقعني من ع السلم 😕
اسلام ب انفعال : انتي حمارة مهما كان تقومي توقعيها انتي 😡
( تخاف شهد من عصبية اسلام وترجع ل ورا )
شهد ب ارتباك : ااا انا والله مكنتش اقصد وما مخدتش بالي ص صدقني ي ا اسلام 😟
( يبصلها اسلام ب كل غيظ ويقوم يشيل امه يحطها ف العربية ويروحوا المستشفى ، ييجي الليل ، يرجع اسلام البيت ، شهد ف اوضتها قاعدة متوترة م الي هيحصل ، يرجع اسلام ، يطلع الاوضة ، تشوفه شهد تقوم تقف )
شهد : حماتي عاملة ايه ؟؟
( يقرب يقف قصادها وعينه كلها دموع )
اسلام : بصي ي بنت الناس .. انا حبيتك .. عشقتك كمان .. وانتي عارفة كدة كويس .. وقفت قصاد الكل عشانك .. حتى اهلي .. بس توصل ل أذيتهم يبقا لحد كدة تمام اوي دول بردوا اهلي .. انا وانتي مننفعش مع بعض 💔
( تتخض شهد وتبرقله )
اسلام : انا عارف اني غلطت م الاول لما اتجوزتك .. مش هندم اني قلت كدة .. ظلمت نفسي وظلمتك انتي كمان معايا
( تنزل دموع شهد مخضوضة من كلامه )
اسلام : انتي طالق .. بالتلاتة
( تتصدم شهد وتنفتح ف العياط وتقعد ف مكانها ع الارض ، تنزل دموع اسلام ويحاول ميبصلهاش عشان ميضعفش قصادها ، ميستحملش صوت عياطها ، يمشي م البيت ، يعدي الوقت ، تبدأ شهد تلم هدومها وتخرج م البيت ، تبص بصة اخيرة ع الڤيلا وعينيها مليانة دموع ، تركب تاكسي وتروح ع بيتها وهي مش مبطلة عياط ، اسلام ف عربيته بيعيط ب حرقة كأن حد ماتله ، توصل شهد البيت وتدخل بتعيط ، الكل قاعد ، يتخضوا ويجروا عليها )
الام : في ايه ي بت ؟!!!!
الاب : بتعيطي ليه جوزك عملك حاجة ؟؟!!!
( شهد مبتتكلمش وساكتة وف عالم تاني كل الي بتعمله بتعيط وبس )
الام : طب اهدي طيب تعالي 😧
( تدخلها اوضتها ، شهد تحضن مامتها جامد وتنام ف حضنها ، يرجع اهل اسلام البيت )
الام : هو اخوكي لسة مجاش ؟
ياسمين : مش عارفة .. اسلااااام
( محدش يرد )
الاب : شوفيه ليكون اتخانق مع مراته
( تطلع ياسمين اوضة اسلام تخبط عليها )
ياسمين : اسلام .. اسلام
( تفتح ياسمين الباب متلاقيش حد ، تدخل تخبط ع التويليت محدش يرد ، تنزل تاني )
ياسمين : مش موجودين فوق
الاب ب استغراب : راحوا فين يعني !!!
ياسمين : ممكن يكونوا بيتفسحوا
الام : امه كانت ف المستشفى ورايح يتفسح 😐
( يوصل اسلام عيونه حمرا ووارمه من كتر العياط ، يجروا عليه )
الاب : اسلام مالك في ايه وفين مراتك ؟؟
اسلام : طلقتها 💔
( يتصدموا كلهم وميتكلموش )
اسلام : كدة خلاص الهم انزاح ؟ خلاص رجعنا عيلة راقية ؟ ارتاحتوا كدة 🤷🏻♂️
( يطلع اوضته )
الاب انفعال : عاجبكوا الي وصلتوا ليه .. براڤو عليكوا بجد انا همشي من قدامكوا عشان المكان بقا يخنق 😠
( يبصوا لبعض ، بعد اسبوعين م اللدي حصل ، ف بيت ام شهد ، شهد واقفة مع مامتها ف المطبخ ، وفجأة ، تحس ب معدتها مقلوبة وتجري ع التويليت ، تجري الام وراها )
الام : انتي كويسة يا بنتي ؟!!
( تخرج شهد م التويليت )
شهد ب تعب : انا كويسة 🤦🏻♀️
( تمشي شهد خطوتين وفجأة تدوخ ويغمي عليها وتلحقها مامتها )
الام : يلهوي شهد ي بنتي فوقي .. يا حج ي حااااااج 😧
( يقرب الاب )
الاب ب خضة : ايه ده مالها ؟!!
الام : معرفش هي داخت ووقعت فجأة سندها معايا ل اوضتها نفوقها
الاب : هاتيها هاتيها
( يشيل الاب شهد ويدخلها ع اوضتها ويبدأوا يفوقوها ، تفوق شهد )
شهد : ااه 😞
الاب : الحمد لله فاقت
شهد ب توهان : هو ايه .. ايه الي حصلي ؟!
الام : نامي دلوقتي ي حببتي وهنوديكي المستشفي بالليل
( تنام شهد ، يعدي الوقت وييجي الليل ، ف بيت شهد ، شهد نايمة ، تدخل مامتها )
الأم : شهد .. شهد اصحي ي بنتي الساعة بقت ٨ العشا !
( تصحي شهد )
شهد : ايه ي ماما فيه ايه !!!
الأم : بصي انا جيبالك اختبار حمل خشي شوفيه ف الحمام
( تبصلها ب استغراب )
الام : يلا انتي لسه هتنحيلي 🤷🏻♀️
شهد وهي بتقوم : طيب طيب 😕
( تدخل شهد التويليت وبعد فترة قصيرة تطلع )
الأم : ها ي بنتي طلع ايه ؟
شهد : ايجابي ي ماما 😐
الأم ب فرحة : لولولولي الف مبروك ي بنتي والله كنت حاسة اول م تعبتي 😃
( تسكت شهد وعينها تدمع )
الام : ايه مالك انتي مش فرحانة !!
شهد ودموعها بتنزل : افرح ازاي وانا مطلقة واسلام مش معايا 💔
الام : مهو الي حصل دة هيخليه يرجعلك ي هبلة 🤷🏻♀️
شهد : ازاي ؟!!
الام : لما يعرف انك حامل مش هيهون عليه ابنه يتربى بعيد عنه وهيردك ليه تاني
شهد : لا طبعاً انا مش هوافق ب حاجة زي كدة .. لو عاوز يرجعلي كان يرجعلي عشاني انا .. مش عشان فيه ابن بينا .. انا مش هقوله ?