رواية حكايات بنات الجزء الثاني2
الفصل العاشر10
بقلم نجمة براقة
عدى مجاليش المستشفى تانى ومكنش بيرد علي اتصالاتي وانا روحت البيت، ورجعت اتصل بيه علشان اطمن عليه بعد غايبه فجأه كده من غير مايسال عليه بتليفون حتى، وبردو مكنش بيرد، ... اتصلت بعز سألته عليه، قالي مراحش ولا كلمه،.. وتاني يوم روحت بيته ملقتهوش، ف روحت الشركه يمكن يكون راح واول ما دخلت البنت الجديده جت قدامي وهي باين عليها كانت بتبكي وعينيها لونهم احمر من العياط
هنا: عدى مرجعش لسه يا مستر اسامه
أسامة: انتي تعرفي هو فين
هنا بشحتفه: اتخطف قدامي امبارح، وملحقتهمش
اسامه: اييه... اتخطف امبارح وجايه تقولي دلوقتي انتتي غبيه.... مين اللي خطفوه وفين ده
هنا ببكاء: معرفهمش، ...ومكنتش عارفه اوصل ليكم ازاي عشان اقولكم
سبتها ورجعت تاني، وفي طريقي اتصلت ب ناصر
ناصر: رجع صوتك ينور التليفون تاني يا اسامة
أسامة : عدي فين
ناصر: عدى مين
أسامة: انا بسألك فين عدى
ناصر: جوه مع الرجاله بيربوه
أسامة بغضب: لو شوفت خدش واحد فيه مش هرحمك يا ناصر، وهبعتلك ابنك ميت
ناصر: والله عاوز نسيبه يرجع،. رجعلي ابني وكل حاجه تخصني
أسامة: وانا اضمن منين انك ترجعو لو رجعتلك اللي ليك
ناصر: سلم واستلم،.. تسلمني ابني وتأكدلي ان حذفت كل حآجه،.. انا اسلمك عدى
أسامة: ماشي، امتي
ناصر: استنا مني اتصال تاني
أسامة: دلوقتي ( بيقفل عليه) نااصر.... ماشي يا كلب وديني لا اخلص منك كله دفعه واحده
#ناصر
جبت رقم فريد وبعتله صور مراته مع اسامة، علشان ميبقاش قادر يتنفس من الكماشه اللي اتعملت عليه وميقدرش يفكر يعمل ايه
يقف جانب عدى ويزيل المنديل الأسود من علي عينيه
ناصر: بقا انت تمد ايدك عليه ( يصفعه صفعه قوية علي وجهه) اهلك ماتو من غير ما يربوك يلاا
عدى يجز اسنانه بغضب: طيب خليك راجل وفكني وانا هعرفك ربوني ولا لا
يصفعه مره اخره: لما اقول مربوكش تقول ايوه ( يصفعه مره اخره) تقول اييييه
عدى بألم: لو بقالي يوم بعد ما امشى من هنا مش هسيبك عايش دقيقة واحدة
( عاصم يضم قبضته ويضربه في بطنه ليقع بالكرسي ويلتوي من شدة الألم)
ناصر: فكوه وظبطوه،... مش عاوز فيه حته سليمة
عدى يشد فى نفسه وهم يفكو وثاقه،.: هقتلك يا ناصر، وحيات ربنا لا هقتلك ( ثم يمسكوه، ضربه تلو الاخره، مره في وجهه واخرى في بطنه تليها ضربه بالعصا خلف ركبتيه حتي نزف الدم من فمه و وقع مغشي عليه من شدة الضرب وناصر يشاهد باستمتاع)
ايوه كده علشان لو مشي من هنا فيه الروح، مينفعش نفسه تاني
#مروى
كنت بلبس مالك بعد ما حميته، والجرس رن، فكرته البواب ف روحت فتحت من غير النقاب، ولما فتحت هنا كانت الصدمه
أسامة: الولد فين
مروى تتراجع بتوتر: انا كنت هقولك والله
أسامة بعصبيه: الووولد فين
مروى تنتفض بفزع: جوه جوه
اسامه: هاتيه وتعالي
مروى: حضرتك ناوي تعمل معايا ايه
أسامة بعصبيه: مش وقتك دلوقتي، خلصي هاتي الولد
مروى: حا حاضر
دخلت جبت مالك ورجعتله
أسامة: هاتيه و تعالي ورايا
مروى: هنروح فين
(أسامة يجز على أسنانه ويرمقها بنظرات غضب)
مروى: حاضر جايه
ركبت معاه العربيه وخدنا لشقه تانيه، وشكلها هي دي شقته اللي عايش فيها
أسامة: نيمي الولد جوه
مروى: حاضر... بس اي اوضه
أسامة: دي... نيميه وتعالي
مروى بقلق: حاضر
دخلت نيمته ورجعت تانى لقيته واقف وباصص على صوره على الحيط ومحاولش يبصلي
مروى: افندم
أسامة: انتي هتقعدي هنا لغيت ما مهمتك مع الولد تنتهي
مروى: هو حضرتك كنت عارفني
أسامة: اه، بس ده مش وقته، لسه هحاسبك بعدين
مروى: تحاسبني ازاي يعنى
أسامة: ادخلي عند الولد ومشوفش وشك غير لما اندهلك
مروى: عاوزة اعرف مصيري ايه
أسامة: قووولت ادخلي جوه
مروى بخضوع : حاضر
رجعت الاوضه تانى وقفلت الباب من جوه، وانا مش عارفة ناوي يعمل معايا ايه، وليه خلاني اجي كده فجأه
#هنا
اتخطف قدامي ومقدرتش الحقه ولا اعمله حآجه، وطول الليل مجانيش نوم لغيت الصبح وجهزت نفسي بسرعه وروحت الشغل علي امل اني الاقيه رجع،.. بس ملقتهوش ولا حد يعرف عنه حآجه حتي مستر اسامه اتفاجئ لما قولتله
سميره: وحدى الله يابنتي، انتي هتعمليلوه ايه يعني
هنا ببكاء: اتخطف قدام عيني يا سميره، ومحدش يعرف هو فين وياعالم عايش ولا ميت.....
سميره: بس متقوليش كده،.. واهدى الناس بدأت تشك فيكي ويقولو مالها
هنا ببكاء : يقولو اللي يقولوه،... انا عايزة اطمن عليه يا سميرة، خليهم يبلغو مينفعش نسكت كده
سميره تحضنها: طيب اهدي الله يخليكي... هو غالي علينا كلنا... وكلنا قلقانين عليه بس انتي كده هتخلي الناس تسأل في ايه
هنا تضمها وتبكي: يارب بقا
سميره: ايه الحكاية يا هنا
هنا تهدء وتمسح دموعها وتبتعد عنها: ايه
سميره: اللي عملاه في نفسك ده، علشان هو زميل ولا في حآجه تاني
هنا بتذمر: هيكون في ايه يعني،.. زميل لينا واخ اتخطف ومنعرفش حصله ايه وممكن يكون اتقتل وانتي جايه تلمحي لحاجات تافهه
سميره: مش قصدي حآجه بس انتي مقطعه نفسك من العياط، ومش انا بس اللي بدأت اسأل
هنا: لا انتي ولا غيرك.... انا مروحه
خدت شنطتي ومشيت والكل بيبصو عليه ويتهامسو،... حقهم بعد المناحه اللي انا عملاها من الصبح دي.... بس انا ميهمنيش حد دلوقتي غير اني اطمن عليه
#أمنية
امنيه بصدمه: انت بتقول ايه ياعز....مين ده اللى اتخطف
عز: مش عاوزك تقلقي هنرجعه اوعدك
أمنية بانفعال شديد: اخويا يتخطف ليه ياعز،... هو عمره ما كان ليه اعداء ولا مشاكل مع حد ( تبدء بالبكاء) عاوزة عدي يا عز... اخويا يرجعلي النهارده
عز يحتضنها: هيرجع بس اهدى وخلينا نفكر
أمنية تتشبث بثيابه ويزيد بكائها: عدى لو حصله حآجه انا هموت..... مش اخواتي الاتنين ياعز، ابوس ايدك رجعهولي
عز: والله هيرجع صدقيني
أمنية تبتعد عنه: اسامة السبب صح،... هو مش كده
عز: لأ
أمنية : انت بتدافع عنه عشان هو ابن اختك،... اسامه مفيش غيره.. مش بتيجي من وراه غير المشاكل، مكتفاش بموت شيري ومش هيسكت غير لما عدى هو كمان يموت
عز: كفايه يا امنية، اسامه ملهوش ذنب
أمنية بانفعال: اماال مين.... مدخل نفسه في مشاكل مع ناس هو مش قدها ليه، ويعرض بنتي واخويا للخطر
عز: اخوكي هيرجع ومفيش داعي للكلام ده
أمنية: طبعا علشان المدلل اسامه يرتاح، تدافع عنه ومش بعيد تشيل غلطه مانت عملتها قبل كده
عز: امنيه انتي مش عارفه بتقولي ايه ولا فاهمه الموضوع، من فضلك اسكتى
أمنية: مش هسكت، أنا رايحة ادور علي اخويا، محدش هيهتم يدور عليه غيري
عز: عدى يهمني واخاف عليه اكتر منك، مفيش داعي زعلك يعميكي وتقولي كلام انتي مش عارفه معناه
أمنية: عارفة كويس بقول ايه،.. انت يمكن بتحب عدي بس لو على حساب اسامه ف انت مش هيهمك، بدليل اهو جاي تقولي اتخطف، ومحاولتش حتي تبلغ البوليس،... وخليه كده لغيت ما يجبولي خبره هو كمان ( تبدء بالبكاء) لو حصل حآجه لعدى انا مش هسامحك ولا هسامح اسامه.... اسامه اللى مشا شيري زعلانه لغيت ما رفيق قتلها
عز: ممكن نتكلم بعدين في الموضوع ده يكون بس اطمنا على عدى
أمنية: مفيش كلام تانى، انا رايحه ادور عليه بنفسي
عز: مكنتش حابب اقولك عشان مقلبش عليكي مواجعك بطريقة جديده، بس محدش غلط في قصة شيري غيرها هي وبس
أمنية: لازم تقول كده طالما الموضوع يخص أسامة
عز: اول مره في حياتي ادي الحق ل أسامه،.... الموضوع ، ان مش رفيق اللى قتلها.... اللى قتلها واحد تانى طمع فيها بسبب عبطها وكلامها معاه من غير ما تعرفه
أمنية: انت بتقول ايه يا عز
عز: دا اللي حصل، واللي قتلها عايش حياته وعضو في مجلس الشعب ودنيته عال،... محدش تعب غير أسامة بسبب اختك اللى انتي بتلومي عليه بسببها
أمنية بصوت متحشرج ودموع: ازاي يعني، امال اللي قاله البوليس ده كان ايه،
حكالي كل حآجه، ورجعت حسيت نفس الاحساس اللي حسيته يوم ما سمعت انها ماتت، وكأن معداش يوم علي اللى حصل
أمنية ببكاء هستيري: يعني اللي موت شيري راجع دلوقتي علشان يموت، عدي... الاتنين يموتو على يده... انا بقا هروحلو ولو مموتهوش خليه يموتني معاهم عشان يبقا خلص على الكل ( تمشي خطوات وهو يمسكها من يدهها ويحضنها)
أمنية ببكاء: سييبني ياعز، محدش هيجيب حق اخواتي غيري
عز : حقها هيرجع،.. وعدى هيرجع سليم، بس اهدى وفكري في سيلين
#منصور
العريس بات عندنا في المندره وناوي يقعد ليوم كتب الكتاب وابوه سافر، وانا نمت في المندره معاه احترام لوجوده، بس الحقيقه ان الليله دي بذات انا منمتش ساعه واحده،.. شكلها هي وبتضحك مش مفارق خيالي.... الله يرحمك يافضل دي اكيد ضحكتله عشان اكده اصر عليها، وانا بحمد ربنا اني مشوفتش ضحكتها هو وعايش، كانت هتكون مشكله كبيرة
بعد الفجر طلعت من المندرة ورجعت لثرايا.. لقيتها قاعده هي وسناء في الصاله وماسكين المصحف هي بترتل وسناء بتعيد وراها
سناء: صباح الخير ياخوي
منصور: صباح النور... صاحين بدري ليه
سناء: صلينا الفجر وقعدنا نقرو شويه قرأن
منصور: ربنا يتقبل
الكل: امين
منصور: بعد ما تخلصي جهزي فطور
سناء: انا خلصت اهه
منصور: له كملي لسه بدري
سناء: ماشي ياخوي
طول وقفتي محاولتش تبص نحيتي ولما مشيت رجعت تقراء،.. وانا دخلت اوضتي لقيت معالي لسه نايمه
منصور يجلس جانبها: معالي.... انتي يا مره
معالي: ايوه يا منصور عاوز ايه.. خليني انام
منصور: قوم صلي
معالي: اعمل ايه
منصور: قومي صلي
معالي ترفع رأسها: اول مره تصحيني اصلي، ايه اللي حصل
منصور: من دلوك هصحيكي قومي يلا
معالي تنام تاني: ماشي انام هبابه واقوم اصلي
منصور: ياوليه قومي معاد الفجر هيروح
معالي تقوم: ايييه يا منصور ايه، خلاص استشيخت مره واحده اكده
منصور: انتي هتقومي ولا الفخك قلمين اسورك
معالي: لا قلم ولا تنين قومت اهه
يمكن شكلهم هما ويقرو وصحيانهم الفجر علشان يأدو فرضهم، خلاني احس بالغيرة منهم، والراحه في نفس الوقت،.. رجعولي احساس زمان، وقت ما كنا نصحا الفجر، اللي يصلي يصلي واللي يطلع علي معايشه يطلع...... كنت حابب العيشه دي ومفتقدها قوي
معالي تخرج من الحمام: وانت مش هتصلي ولا ايه
منصور: داخل اتوضا اهه
وانا بتوضا اكتشفت منقض جديد للوضؤ وهو شكلها اللى مرضيش يحل عني، عِدت الوضوء خمس مرات بسببها وبردك مش متأكد اذا احسنته ولا له ..... انا حاسس اكده اني داخل على ايام ما يعلم بيها الا ربنا
#يارا
سناء: بتعملي ايه يا خيتي
يارا: بزياده من الفه دي،
سناء: خليها يكون روحنا تانى لدكتور
يارا: انا بقيت زينه واقدر امشى من غيرها
سناء: طيب عنك افكهالك
يارا: ههههه مش لدرجة دي.... خلاص اخر لفه
سناء: يامرى دي لسه منظنظه ولازم علاج تانى
يارا: معلش علي المنظر المقرف ده
سناء: وانا على المنظر بردك، انا على رجلك اللي متبهدله دي... انتي لازم تروحي لدكتور
يارا: له انا هحطلها مضاد حيوي وتخف
الام تدخل: صوتكم عالي ليه
سناء: شوفي يامه، رجليها لسه متبهدله
الام: يا غنجلتي، ايه ده..... قولي لاخوكي يجي عشان يوديها لدكتور
يارا: له انا بقيت زينه ودلوك تخف
الام: خلصي في الحديت، روحي وبالمره اطمني على العيل لا يكون اتأذا بسبب ده
يارا: يامه انا تمام
الام بمقاطعه: اكتمي، وانتي مش امعقول عيطي اخوكي
سناء: حاضر يامه
طلعت سناء وبعد شويه جت وهو معاها
منصور: حصل ايه
يارا تداري رجليها
الام: رجليها لسه متبهدله، وديها لدكتور زين يديلها حآجه تروقهم
منصور: مخفوش لسه
(يارا تهز رأسها بنفي)
منصور: طيب انا هجهز العربيه يكون جهزتي
يارا: يا جماعة انا بقيت زينه
منصور: ابااااي علي رط الحريم، قولت هجهز العربيه،.. يلا
حتى دي فيها فرض رأي كمان بني ادم سليط السان وظالم
سناء خدتني لغيت العربيه وساعدتني ادخل ولما جت تدخل امعاي هو رفض
منصور: خليكي انتي، جهزي فطور لضيف واوعي اسمع انك قابلتيه
يارا: خليها تيجي معايا مقدرش أروح وحدي
منصور: وانا خفي قدامك اياك،... يلا يابت روحي جهزي الفطور بلاش دلع ابنته
سناء: حاضر ياخوي
مشي بينا بالعربية وللحظه تخيلت بحد عند باب المندرة، رجعت ابص تاني علشان اشوفه بس ملقتهوش،.. بس زي ما يكون شوفته قبل اكده،.... زي ما يكون هو
تضع يدها علي صدرها وتتنهد
منصور: ايه اللي جرا
يارا: مفيش
منصور: امال مالك اكده
يارا: مفيش
منصور: طيب
يارا: هو مين اللي في المندره
منصور: بتسألي ليه
يارا: سؤال عادي
منصور: جواب عادي..... ده عريس سناء
يارا: ايوه
منصور: في حآجه
يارا: له
منصور: طيب
يارا: ممكن اسأل سؤال، ومتفهمنيش غلط
منصور: اممممم أسألي
يارا: واحد زي اكده غني وابوه راجل واصل ومن مصر واكيد حوليه بنات كتير، ايه يخليه يتقدم لواحده مشفهاش قبل اكده، وكمان مش متعلمه
منصور: بتستهوني بينا كتير انتي... بس هرد عليكي...... عيلة علام اي حد في الدنيا يتشرف انه يناسبها
يارا: انت مفهمنيش بردك..... الدنيا اطورت مبقاش زي الأول واحد يتجوز واحده ميعرفهاش علشان عيلتها
منصور: ليه! عادي قوي، ما انا عمري ما شوفت معالي قبل الجواز، واتجوزتها عشان عيلتها... انتي بس العلام خرب راسك
يارا: ايوه.... ربنا يسعدكم
منصور: كان نفسي اقولك ويسعدك بس مش باينلك سعادة امعاى
يارا: زين انك عارف..... واقولك حآجه كمان علشان متحسش بالنصر لما توصلي..... انا كنت مخطو....... ولا بلاش
منصور يقف فجأه: ارجعي قولي اللي قولتيه
يارا: ملهوش لازم خلاص ده حديت خلص اوانه
منصور يجز علي أسنانه: كنتي مخطوبه صوح... احكي قبل ما انسا نفسي
يارا تهز رأسها بلأيجاب: ايوه
منصور: ميته
يارا: لما سافرت مصر اتعلم اهناك
منصور: كان من مصر
يارا: ايوه
منصور: ومكملتوش ليه
يارا: مطلعش قد كلمته امعاى
منصور: كلمته اللى هى ايه يعني
يارا: اهله قالوله لو عاوز تجوزها اعمل كل حآجه لوحدك واحنا مش هنساعدك، وهو وافق ولما رجعت البلد بدء يقل اتصاله وفي الاخر بعتلي وقالي اسف مقدرتش اتحمل، وبس اكده
منصور: انتي بدأتي كلامك بأني محسش بالنصر، تقصدى ايه
يارا: اقصد اني منستهوش، يعني هتاخدني جسم من غير روح
منصور يصفعها بقوه: وعلى اكده كنتي لسه بتفكري فيه وانتي في حضن اخوي
(يارا تضع يدها علي وجهها وتغمض عينيها من شدة الألم)
منصور بغضب: رددي عليييه..... كنتي مشغوله بيه وانتي مع اخوي
يارا: ايوووه وعشان اكده مكنتش عايزة اتجوز.. عشان مظلمش حد.. بس عمي واخوك اجبروني.. ومعليش لوم بعد اكده...... وانت كمان هتكون زي اخوك
منصور بغضب: فكرك اكده هتخليني اغير رأيي،... له تبقي متعرفنيش، دا انتي زودتي تمسكي اكتر، علشان اعرف اكسر نفسك زين واحط منخيرك في الأرض
يارا: مبقاش يهمني حآجه
منصور بقهر: ده ربنا نجده انه مات قبل ما يسمع حديتك ده... اذا كنت انا اهه لا جوزك ولاحآجه وشعلتي نار في قلبي
يارا: ده اكده يبقا الله يكون بعون معالي، مستحملاك رغم انك هتجبلها دوره
منصور: انتي عارفه بفكر في ايه دلوك
يارا: تموتني
منصور بعيون متسعه تشع شرار: له.... بفكر اضرب في بطنك واسقط الواد ده، علشان متربطناش اي صله بواحده زيك
يارا بهدؤ: ياريت، اعملها وانا مسمحاك
منصور: انتي جايبه الجبروت ده منين... ناقص يموتلك مين تاني علشان تتكسري
يارا تنزل دموعها: ومين قالك اني مش مكسوره
منصور بنبره هادئة: مش باين عليكي اي كسر.... وانا اللي هكسرك وهكسر نفسك، بس الصبر يابت البواب
كنت عايزة افقده لذه الانتصار بأي شكل، عشان اكده قولتله الكلمتين دول، مع اني مبقاش جوايا اي احساس تجاه سامر غير الاستحقار
#منصور
هاين عليه دلوك،. أقطع فيها اقطع اقطع ومخليش نسيره في جتتها.... قدرت تضايقني بكلامها... قدرت تقهرني... وصلتلي احساس اني هتعامل مع جبل جليد في القطب الشمالي في عز فصل الشتا.... ياما نفسي دلوك اشوف الشخص الوحيد اللي قدر يشغلها ومنستهوش رغم جوازها من زينة شباب الصعيد كلها..... نفسي اعرف فيه ايه زيادة علشان متنساهوش
روحنا لدكتور وقعدت قدامه وكل ما يحاول يشوف رجليها تداريهم وتبص عليه بقرف وكره وكانها بتقولي متبصش
الدكتور: انتي مكسوفه من ايه... انا دكتور وده جوزك عادي يعني يا بابا
(ينظرو لبعض بتفاجئ)
منصور يستدير : اعذرها يا دكتور اصلها بتتكسف من خيالها
الدكتور: ونعم الأدب، قليل اللي زيها
منصور: اللي زيها خلصو وانت الصادق
يارا محدثه نفسها: رمي في الحديت براحتك رايك ميفرقش امعاي
#سامر
المسؤليه كانت تقيله عليه اوي وحسيت اني مش هقدر اعمل حآجه،.. علشان كده بعدت عنها لغيت ما اقدر اكون نفسي،.. بس للأسف بعد ما قدرت وجهزت كل حآجه وحبيت ارجعلها سمعت انها اتجوزت،.. وبعد ما قولت خلاص ضاعت منى وندمت اني سبتها لغيت ما غيري اتجوزها.. رجعت سمعت ان جوزها مات،، فرحت جدآ وقولت أكيد لسة ليه نصيب فيها.. ف روحت لاهلها ف سوهاج اطلب ايدها منهم قالولي انها لسه هناك وهتعيش مع ابنها اللي لسه متولدش، وحذروني من اللى ممكن يعملو منصور لو شم خبر انى جاي علشانها،.. وحاولت بكل الطرق انى اوصلها بس كانت شبه مستحيله وملقتش قدامي غير انى اتقدم لاخته علشان اقدر اقابلها واقنعها تيجى معايا، بس مقدرتش اشوفها خالص غير من شويه وهى راكبه العربيه مع منصور...... بس اللى قلقني دلوقتي يكونو بيفكرو يجوزوها ليه زي ما بيحصل في الصعيد
لقراة باقي الفصول من هنا