رواية من انا
الفصل الحادي والخمسون
والثاني والخمسون
بقلم الاء الرحمن
علاء ركن العربية في حته وفتح على الانترڤيوا بتاعة
وهم بيسألوه عن مخططاته المستقبلية وبيجاوب بأحترافية
لحد ما سأله احد الصحفيين
مبارك حضرتك احنا سمعنا انك اتجوزت من قريب وهيشرف نجلك الاول اي صحة الكلام
قيس وفي غصة في قلبه :انا دلوقت مش متجوز انا مطلق وده الي اقدر اقوله في الوقت ده
صحفي :طيب لو سمحت هترجع لخطيبتك جمانة
قيس وهو ماشي ببرود :انتهت المقابلة اشوفكم وقت تاني كان في كتير من المعجبين والمعجبات والكل حابب يتصور معاه حس انه امجاده كلها رجعت النهاردة اعتذر من الجميع بلباقه ودخل بيته ونبه عالحراس محدش ما يدخلوش اي صحفي مهما كان
اول ما دخل قيس جريت عليه ايناس حضنته وهو بادلها الحضن
ايناس بدموع :انا كنت هموت من خوفي عليك انا كنت هموت لو جرالك حاجة
قيس بعدها عنه بالراحة :ما تخافيش انا كويس اهو
ايناس :الف مبروك يا حبيبي
قيس :ربنا يبارك فيكي يا امي ويخليكي ليا بقولك ايه انا واقع من جوعي عايز اي حاجة اكلها
ايناس :عنيا شوية والعشا يكون جاهز
هنا نزل مالك :كفارة يا معلم مبروك ايه ده ده اكتساح الي حصل النهاردة
قيس بابتسامة مجاملة :الله يبارك فيك
مالك :ايه ده ده الملاكم الايطالي كان مش عارف ازاي يسدد الهجوم والضرب بيجيله من كل حتة
قيس قعد بتعب
ايناس :امال فين مراتك
قيس ببرود :بعتها مع علاء مش عايزها في حياتي من تاني
ايناس باستغراب :ازاي
قيس :بالمختصر كده انتي عارفة قد ايه ليا اعداء وكنت منبه عليها مهما حصل ما تخرجش وخرجت وخلت واحد وسخ زي الي اسمه ياسر يخطفها ويبتزني فيها
مالك :انت مجنون مراتك انا شايفها بعيني خارجة مع عماد يعني ما خرجتش لوحدها
قيس بغضب :ده كوم تاني ده انا منبه عليها برضه تبعد عن عماد وكلكم عارفين ان عماد بيعشقها مهما مثل العكس لكن باين انها بتحب تشوف نظرات الحب الي بتخرج من عنيه وهي كده جابت اخرها معايا
ايناس :طب والله معاك حق في اليوم الي تبعد فيه عنك يحصل الحاجة الي بتتمناها من زمان باين قوي ان عماد والاء وجودهمفي حياتك شؤوم
قيس :الاكل فين يا امي
هنا جت الشغالة :العشاء جاهز اتفضلوا
دخلوا كلوا وكل واحد راح اوضته
لكن اول ما دخل دوار داهمه وكانها بتجري عليه وبتحضنه وبتقوله وحشتني
قيس تحامل على نفسه ودخل خد شاور ومدد على السرير وخط في نووم عميق وكأنه ما نامش من سنين طويلة
..................................................
عند علاء اتصدموا من كلام قيس في المقابلة
علاء :هو اكيد ما يقصدش انا اعرف قيس كويس جدا كل كلمة بتخرج منه بتكون لسبب
الاء :وديني لماما يا عماد
وصل الاء عند والدته
سهير بخوف :في مالكم وشكم جايب الوان كده ليه
الاء كانت مصدومة وبس وخالية من اي مشاعر قربت من والدتها وحضنتها
سهير :في ايه مالك يا حبيبتي
علاء :امي خليها ترتاح وبعدين نتكلم
سهير :يا حبيبتي يا بنتي فيكي ايه مالك
سهير خدتها للاوضة بتاعتها وخلتها تاخد شاور وترتاح وخرجت من عندها وهي نايمة لكن الدموع مش مفارقاها
عند علاء :هاه يا امي نامت
سهير باستفسار :نامت لكن ايه الي حصل
علاء وهو بيجز على سنانه بغضب :قيس سابها
سهير حطت ايدها على قلبها :يا لهوي يا حبيبتي يا بنتي ليه حصل ايه بينهم
علاء :ما اعرفش والله ما اعرف الي اعرفه اني بعد ما كسب المباراة لقيته اتغير وقلي اضرب على الاء وخدها معاك انا مش عايزها في حياتي
سهير :مستحيل ازاي واحد يتخلى عن مراته بالسهولة دي
علاء مسك كانت بتضربله كتير وما بيردش
علاء :انا هروح دلوقت يا امي وهرجع بكره مسك واحمد من الصبح لوحدهم
سهير بشرود اومأتله بدماغها
.....................................................
عند مسك اتجننت من علاء من الصبح بتضربله ومش مكلف نفسه حتى يطمنها
دخل علاء بتعب ورمى نفسه على الكنبة
مسك بغضب :كنت فين من الصبح بضربلك ما بتردش مفكرتش لاحظة يكون حصل ليا او لابنك حاجة
علاء :مسك انا تعبان ومش قادر اتناقش معاكي ولا اجادلك
مسك بصراخ :ايه البرود الي انت فيه ده
علاء مسك دراعها بغضب :انا مش طايق روحي توطي صوتك كده وانتي بتتكلمي
مسك :ايه الي حصل مع قيس وايه الي بينك وبين ماما في حاجات كتير انا لازم افهمها
علاء سابها بتتكلم وطلع اوضته ياخد شاور
مسك اتجننت وحصلتله
لكن قبل ما تتكلم علاء مسك دراعها :كلمة تانية وهنسى انتي وهتصرف تصرف مش هيعجبك انا مش قادر اتكلم دلوقت
مسك اتجننت وخدت هدومها وراحت لاوضة ابنها تنام عنده وعينها عالباب تشوف علاء هيجي ليها او انه مش سائل
..................................................
عند عماد
وصل لبيت ضحى وكانت هتنزل لكن قلبها مع عماد
مسكت ايده :انت كويس
عماد بص في عنيها :تعرفي انك اكتر حد محتاجه دلوقت
ضحى بزعل:يا ريتني اقدر افضل معاك لكن
عماد شدها عليه وحضنها جامد ومسك وشها بحنية :فرحنا هيكون اخر الاسبوع ده
ضحى بصدمة :مستحيل ايه الي بتقوله ده
عماد :ضحى ارجوكي انا عايزك الوقت ده اكتر من اي وقت تاني مش عايز حد غيرك في حياتي
ضحى :لكن ماما وبابا
عماد :انا هشوفهم وهقنعهم
ضحى بكسوف :الي تشوفه
عماد هشوف باباكي بكره واكلمه
ضحى ابتسمتله ونزلت من العربية
عماد اتنهد ومشي
..........................................................
في الصباح
فاق قيس وفيه طااقة كبيرة وكأنه بقاله كتير مش نايم
مسك موبايله كان ناس كتير ضرباله ده غير الصحفيين
رمى موبايله بعشوائية
وقام خد شاور ولبس بدلتة الرياضية ونزل يجري
ايناس وهي بتبص لمالك باستغراب :انت مش مصدوم
مالك بصدمة :انا حاسس الي قدامي قيس القديم بكامل طاقته وموده ونمط حياته
ايناس بضحكة :اخوك كان مفتقد اجواء الشهرة وده الي كان مخليه بالحالة الي هو فيها دي وده الي خلاه متمسك بلي اسمها الاء
دي حياة اخوك هو دلوقت حس انه رجع لحياته زي ما تقول لقي نفسه
ايناس بنفسها :يا ريتني سبتك من زمان تعمل المباراة دي واشوفك رجعت زي ما انت كده الحمد لله يا رب
...................................................
عند الاء
فاقت الصبح كانت نايمة بحضن والدتها قامت وحاسه الم العالم كله بقلبها
سهير بقلق :انتي كويسة يا بنتي عاملة ايه يا حبيبتي
الاء حضنت امها وعيطت جامد :ليه ليه بيعمل كده يا ماما انا حبيته حبيته وعمري ما أذيته ودايما كنت بظهره لكن هو كان بيقابل ده بالجفا
سهير بغضب مسكت وشها ومسحت دموعها :انتي من امتى كده ما يغور في ستين داهية ده انتي من يوم ما شفتيه ما شفتيش يوم عدل معاه وما بيجبش ليكي غير المصايب وبس في ناس البعد عنهم افضل لينا يا حبيبتي افهمي انا كنت سايبك براحتك لانك بتحبيه لكن توصل لكده وانه هو كمان الي يسيبك لا دي كبيرة قوي فووقي يا الاء فوقي
الاء :ماما قيس الي حواليه بيأذوه جامد وهو بيثق فيهم
سهير :وانتي الوحيدة الي عايزة مصلحته واهو سابك تقدرلي تقوليلي سابك ليه لا وطلع وقال في مقابلته امبارح انه منفصل ومطلق
الاء :انا مضلومة يا امي قيس كان منبه عليا ما اخرجش من البيت طول وقت المباراة جتني صور ليه مع خطيبته السابقة اتجننت ضربتله ما كانش بيرد ضربت لعماد الي اكدلي انه قيس بالنادي وان ده مخطط منهم على شان يأذوه
غيرتني عمتني وكنت هخرج لكن قبل ما اخرج من البيت افتكرت وبدموع قالي الاء انتي قوتي مش عايزك تكوني ضعفي وبدموع قلي لو قالولك جوزك بكفنه بره ما تخرجيش
وفعلا ما خرجتش وما لقيتش الا وفي حد بيحط ايده على بوقي وبعدها غبت عن الوعي ولما فوقت لقيت نفسي متربطة وفي مخازن بالڤيلا
حاولت اعرف الي موجودين عايزين ايع لكن ما اعرفتش وما كانوش بيردوا
ضحكت عليهم بأني عايز ادخل الحمام كان في واحد واقفلي على الباب لقيت خشبه خبطته فيها على دماغه وجريت على الفيلا كان في زقتها عماد موجود مع ضحى وطنط ايناس اتصدمت اني موجودة فحسيت انها ليها علاقة بلي حصلي خفت خفت افضل معاها بنفس البيت ورحت مع عماد وهو اتجنن اكون غلطت كده
سهير حضنتها :وبعدين حصل ايه
الاء بدموع :جه لعماد وضربني بالالم وقلي مش عايزك في حياتي من تاني وورقتك هتوصلك
سهير مسحتلها دموعها : سيبيه وانسيه وارجعي الاء المرحة الي لما تفوق البهجة والسعادة بتدخل البيت ارجعي لشغلك ولحياتك وربي ابنك انتي مش بحاجنه وقلبك ده دوسي عليه بالجزمة لانه خلاص كده كفاية انا مش هنكر اني بحب قيس زي علاء لكن الي يأذي قطعة من روحي ما يستاهلش المحبة دي
انتي هترجعي لشغلك ولحياتك وتنسي لو كان في حياتك حد اسمه قيس
الاء مسحت دموعها :انا عايز اخد شاور يا ماما واصلي
سهير :حاضر يا حبيبتي
الاء :عايزة اروح للدكتورة كمان اطمن على الي في بطني
سهير :عنيا يا حبيبتي
وفعلا الاء خدت شاور ولبست فستان ناعم ابيض مبين بطنها البارزة وفردت شعرها وبصت لنفسها في المراية
الاء :انا بقسم لنفسي دلوقت اني هعيش لنفسي وبس ومسحت الدمعة الي نزلت منها بغضب وبنفسها مفيش دموع خلاص مفيش دموع
....................................................
عند عماد
فاق الصبح كان مقهور جدا وحاسس بيأس وكره للناس عمره ما حسه في حياته
خبط بابه اتنهد وراح يفتح
كان قيس
عماد بصله بعيون خالية من اي احساس ساب الباب مفتوح ودخل
رواية من انا الفصل الثاني والخمسون52بقلم الاء الرحمن
الجميع
عند عماد
فاق الصبح كان مقهور جدا وحاسس بيأس وكره للناس عمره ما حسه في حياته
خبط بابه اتنهد وراح يفتح
كان قيس
عماد بصله بعيون خالية من اي احساس ساب الباب مفتوح ودخل
قيس دخل كان مش عارف يقوله ايه
عماد كان بيعمل قهوة
قيس :انا اسف على الي حصل امبارح انا ما كنتش في وعيي وكنت مضغوط وجت فيك
عماد فضل ساكت
قيس بندم :عماد انا عارف اني غلطت جامد في حقك امبارح لكن الي حصل والضغط الي كنت فيه اكبر مني
عماد حط القهوة ووقف قدامه وبص في عينيه :ليه ما قولتليش انه المباراة ما اتلغتش وانها اتأجلت
قيس ما عرفش يقوله ايه
عماد بصله من فوق لتحت بسخرية :اطلع بره بيتي
قيس :عماد انا كنت ببعد عن كل حاجة كنت عايز افضل لوحدي ما كنتش عايز حد جنبي
عماد بصراخ :اخرس اخرس ده انا عماد عماد الي دايما في ظهرك مهما حصل عماد الي بنالك النجاح الي انت فيه ده عماد الي ساب الست الي كان بيعشقها على شانك انت انت وبس وبغضب قرب منه وزقه انا انا الي دايما بشيلك وانت الي عمرك في يوم ما شلتني لكن تعرف حاجة انا من امبارح لنهاردة اكتشفت حاجة كبيرة اوي ان انا الي دايما جاي على نفسي على شانك في كل حاجة وانا الي بقدم وبضحي على شانك لكن في الاخر ايه
ههههههههههههههههههه وبصراخ صاحب عمري يخبي عني مباراة عمره لانه خايف اكون انا من اعدائه
وزقه :اطلع بره بره
قيس ضربه بوكس بغضب :انا عملت كده لمصلحتنا احنا لاتنين افهم يا غبي
عماد بغضب :انا مش عايز اعرفك من تاني انا هعيش مع مراتي وبس ومش عايز حد غيرها في حياتي والشراكة الي ما بينا هنفضها ولو سمحت اخرج من بيتي دلوقت انا عايز ارتاح
قيس بصله بغضب وطلع من بيته
عماد خد نفس جامد وضرب على ضحى
ضحى بابتسامة :صباح الفل
عماد وهو بيتنفس جامد :انتي فين
ضحى باستغراب :انت كويس مال صوتك عامل كده ليه
عماد بقهر :عايزك يا ضحى عايزك دلوقت انا تعبان جدا
ضحى بخوف :انت فين
عماد :في بيتي
ضحى رمت بكل عادات العالم بعرض الحائط :انا جيالك
وقفلت معاه وشغلت عربيتها وراحتله
واول ما فتحلها شافت عماد بدنيا تانية بشعره الاشعث ووشه الي باين عليه التعب
ضحى بخوف :عماد انت كويس
عماد شدها عليه وحضنها جامد
ضحى شددت من حضنه وبعد فترة بعدت عنه بالراحة :فيك ايه
عماد كان بيبصلها بنظرات غامضة وغريبة
ضحى :عماد انسى يا عماد هو اكيد ما يقصدش الي قاله امبارح
عماد دخل :ما نجيبيش سيرته طول ما انتي معايا انا تعبان ومش عايز غيرك في حياتي
ضحى حبت تغيره المود :طيب ايه انت انت جايبني هنا من غير ما افطر وانا صراحة اول مره ادخل بيتك يعني لازم توجب معايا
عماد بصلها بصدمة :نعم
ضحى :ايه لازم تعمل معايا الواجب قهوة اكلة حلوة قعدة جميلة
عماد شدها عليه من وسطها وبص في عينيها :ما تيجي اوجب معاكي واخليكي مراتي قول وفعل
ضحى :😳
عماد :ههههههه لو هوجب معاكي مش هتخرجي من هنا غير وبطنك قدامك هههه فخليني محترم نفسي على ما نتجوز
ضحى بخجل :ايه الي بتقوله ده انت من شوية بس كنت مش انت
عماد بص في عنيها :انتي الوحيدة الي بتقدري تخرجيني من الي انا فيه هي فترة بسيطة الي عرفتك فيهم لكن ببقى حاسس براحة عمري ما حسيتها مع حد غيرك
ضحى رفعت حاجبها بغير رضا :ليه هو كان في ليك علاقات حضرتك
عماد 😏:فصلتيني من ام الشعور الي كنت فيه
ضحى :ههه طيب انا عايزة قهوة ولازم بعدها اروح الشغل
عماد :ما تخليكي معايا النهاردة
ضحى :احم عماد انا جيت لعندك لاني بثق فيك وجدا لكن احنا حتى لسه مش مكتوب كتابنا واني اكون دلوقت في بيتك ده غلط كبير وبكده انا بكسر ثقة بابا وماما
عماد بابتسامة :انا بجد محظوظ فيكي قوي وانا هحترم قرارك على ما تبقي مراتي قدم ربنا
ضحى بهزار:عايزة قهوة يا مفتري انت بخيل بقى
عماد :ههههه طيب عنيا انا كنت عامل لكن اكيد بردت
ضحى :هعملها انا
عماد :هههه اوك واهو تجربي مطبخك شكله عامل ازاي وايه الي ناقصه
وشربوا القهوة تحت هزار ضحى وخفة عماد وراحت لشغلها وعماد قضى اليوم كله شغل عن طريق اللاب
........................................................
عند قيس
روح بيته كان متجنن طلع خد شاور وبدل هدومه ببدلة رسمية وراح الشركة
هنا ضربله الحارس
قيس :الوو
الحارس :مدام حضرتك دلوقت دخلت للدكتورة بتاعتها
قيس ببرود :طيب كل حركة بتعملها تكون معاها فيها اي حركة توصلني ولو عرفت انك قصرت بواجبك والي بتعمله انت عارف هيحصلك ايه
الحارس :ما تقلقش حضرتك ده انا لحم كتافي من خيرك
قيس :كويس سلام
....................................................
عند علاء
فاق الصبح مسك ما كانتش جنيه اتنهد وحس انه عليها جامد هي برضه ما عملتش حاجة
لبس هدوم الشغل ونزل تحت
كانت الاء بتفطر باحمد الي اول ما شافه ابتسمله
وجري عليه
علاء باسه على خده :وحشتني
احمد :وانت كمان
علاء :صباح الخير
مسك فضلت ساكته
علاء :ما احنا بنصبح
مسك بصتله بغضب وخدت منه احمد :تعالا يا حبيبي اغسلك ايديك
علاء اتنهد وسابها ومشي
........................................................
عند الاء
كانت الدكتورة بتفحصها
سهير :طمنيني ابنها كويس
الدكتورة :كويس جدا والنبض كويس قوي وحجمه كمان
سهير :طيب هو مش باين جنسه ايه
الدكتورة :هو ولد باين اهو
الاء وايدها على بطنها افتكرت
فلاش باك
قيس وايده على بطنها :هو لسه مش باين جنسه ايه
الاء :الزيارة الجاية لكن انا نفسي في بنت
قيس بأمل :انا نفسي في ولد ياخد كل القوة والهيبة والمكانة الي بعملها يورث عني الملاكمة والمصارعة
الاء بابتسامة :يا رب يا قيس انا في اليوم الي يجيني راجل تاني شبهك يكون من دمي ودمك
قيس خد شفايفها بقبلة رقيقة
بااااااك
الاء مسحت دموعها الي كانت بتنزل من غير ما تحس
سهير :بس خلاص يا بنتي
الدكتورة :هي مالها
سهير :مفيش هي كويسة
الدكتورة مسكت ايدها :ابنك بيحس في كل شعور بيحصلك خليه دايما يحس بالحاجات الحلوة وبس بيعيط وبيدايق لما بتتدايقي وبيحس فيكي لما بتفرحي
الاء مسحت دموعها وايدها بتحس بابنها في بطنها وكأنها حاملاه
...........................................
عند عماد
راح لعمه وحاول يقنعه انه يتجوز ضحى اخر الاسبوع لكن والدها اصر انه الفرح يفضل على معاده بعد ثلاث شهور وانه لو عايز يكتب الكتاب دلوقت معندهوش مانع
فعلا اتكتب كتابهم بوجود اهل ضحى واهل الاء
قيس زعل جدا لما عرف انه كتب كتابه وما عزموش
عدت شهور
وقيس كان بيحاول على قد ما يقدر يشتغل ويرجع لحلم عمره المصارعة وكان من سفر لسفر ومن مباراة لمباراة
والاء قدمت بنفس الجريدة الي كانت بتشتغل فيها ورجعت من جديد تشتغل تحت اشراف ليث
وضحى بتعيش اجمل قصة حب مع عماد
وعلاء ومسك العلاقة بينهم فيها فتور وده بسبب علاء الي ما بيفرقش معاه غير نفسه
عند ايناس كانت مبسوطة جدا برجوع ابنها لحياته الاولى وشغله
لكن كان الي بيحيك الخطط من تحت لتحت في سرية تامة وهيضرب ضربته قريب قوي
.......................................................
مضت ثلاث شهور
الاء ما شافتش فيهم قيس حتى لو صدفة وقيس بعد عنها تماما
كل ده تحت صدمتها انه كمل حياته ولا كأنه كان يعرفها في يوم وما حاولش حتى يكلمها ولا يطمن على ابنه
وعماد ما رجعش الشركة وكان بيتابع شغل الشركة عن طريق اللاب توب وفتح شغله الخاص معرض سيارات وبقى مشغول فيه طول الوقت وما بيردش على قيس ابدا ولما بيروح الشركة بيكون متأكد انه قيس مش فيها
وكان في يوم رايح الشركة وقيس كان المفروض انه مسافر لكن وهو خارج من المكتب شاف قيس
طنشه وكان هيكمل طريقة
قيس مسك دراعة وهو ماشي :للدرجادي مش طايق تشوفني
عماد نزع ايده منه وبص في عنيه :ما بقتش تفرق معايا مش على شان مش طايقك وبس
قيس حط ايديه في جيبه :اووف للدرجادي
عماد :الافضل انك ترضى وتفك الشراكة دي
قيس رفع حاجبه :زي ما انت عايز تعالا مكتبي انا سابقك
عماد اتنهد وحصله لقي السكرتيرة بتجيب القهوة
قيس :وبعدين
عماد :بعدين ايه
قيس :انت عمرك ما كنت قاسي كده
عماد :هههه وهو انا لما بشوف نفسي وبعيش لنفسي ابقى اناني وبص في عنيه ولا افتقدت الي دايما في ظهرك
قيس بصدق :افتقدتك جدا مش هكدب
عماد :طيب كويس انه لسه في قلبك حته نضيفة بتفتكر الخير الي عملته معاك
قيس :انا عمري ما هنسى لحظة ولا موقف حصل بينا
عماد :اخلص يا قيس انا مش فاضي
قيس :سمعت انه فرحك بكرة
عماد ببرود :ايوه عقبالك
قيس :وكنت بقى ناوي تعزمني ولا هتعمل زي كتب كتابك
عماد خد مفاتيحه :لو عايز تحظر اهلا ولو مش عايز تحظر انا قولتلك انت ما بقيتش تفرقلي ويا ريت نخلص اوراق المناقصة الاخيرة ونفضها سيرة
وسابه ومشي
فتح موبايله وفضل يتأمل بالاء الي حاططها واجهت شاشته
افتقدها اوي بيشوفها باي ست بيقابلها
هنا ضرب الحارس الي متابعها :الوو
الحارس:قيس بيه المدام دلوقت خرجت مع ضحى هانم
قيس :كويس راحوا فين
الحارس :راحوا اتيليه للفساتين
قيس :فين الاتيليه ده
الحارس :في......
قيس :طيب عينك ما تروحش عنها تمام واي حاجة تحصل تكلمني
.......................................................
عند علاء
فاق الصبح كانت مسك نايمة شرد فيها واتندم هو قد ايه بيجي عليها
مسح على شعرها بحنية
مسك فاقت
علاء قرب منها وباسها على دماغها :صباح الفل
مسك قامت :صباح النور
علاء مسك ايدها وشدها عليه واعتلاها :وحشتيني يا مسك سامحيني بقى
مسك بدموع :انت بتعمل كل حاجة بتأذيني وبالاخر تيجي تقول سامحيني وبحبك
علاء :والله بحبك لكن شفتي الي حصل معانا ومع الاء وشغلي كل الضغط ده فوق دماغي
مسك :شاركني مش تبعدني عن حياتك كده وانا مهما كان هفضل معاك وهساندك
علاء غمزها :حاضر هشاركك تعالي وقبلها وسكتت شهرزاد عن الكلام المباح
...............................................
عند ضحى
كانت مع الاء بتعمل بروڤا للفستان وبيضحكوا جامد على شكلها اخيرا ضحى هتبقى عروسة
خدت بروڤا الفستان وخرجوا
الاء :انا مليش نفس اروح
ضحى :ولا انا تعالي نروح ناكل ولا نعمل اي حاجة
الاء :في كافيه على البحر يجنن تعالي نروحه
ضحى :اوك
الاء راحت البحر لكن ضربلها ليث مديرها
الاء :الووو
ليث :هو انتي الي على البحر دي
الاء بصت حواليها :انت هنا
ليث :هههه انا بقيت قدامكم اهو
الاء قفلت الفون بابتسامة :اهلا حضرتك
ليث :ههه ايه الصدفة الحلوة دي
ضحى :والله هتوحشوني
ليث رفع حاجبه :هو اسبوع واحد الي هتكوني مجازة فيه يوم واحد زيادة مش هسمح
الاء :ههههههه ايوه كده انت كده جيت على مزاجي
......................................
عند قيس ضربله الحارس مرة تانية وقاله على الي شايفة
قيس وهو بيشد على ايده بغضب :مين ده شكله ايه
افتحلي كاميرا
قيس شاف ليث واتجنن من الضحك والهزار الي بيشوفه معاه
قيس بغضب :باين اني سبتك لحد ما افتكرتي انك ملكيش راجل وخد مفاتيحه ومشي