رواية القلاده السحريه
الفصل الرابع4
بقلم منه محمد
بيجى "مازن" ل"علياء"
مازن: علياء كنت عايز اسألك ف حاجه
علياء: اتفضل
مازن: بما انك بنت عم عايده ممكن تقوليلى ايه اكتر حاجه بتحبها
علياء: ليه ؟؟
مازن: عشان عايز اجيب ليها هديه
علياء بغيظ :هديه !!
وبتبدأ تشتم فيها عشان تكرهو فيها
علياء: عايز تجيب هديه لعايده عايده
مازن : ليه مالها عايده
علياء: عايده دى بنت منخيرها ف السما ومش اى حاجه تعجبها
مازن : وانت بتقولى كده على بنت عمك !!
عايده : معلش انا عايزه ابقى صريحه معاك واقولك الحقيقه
مازن: طب انت رايك ايه ؟
علياء: مقدرش اقولك على حاجه معينه دى بنت تنكه ، بس انت عايز تجبلها هديه ليه
مازن:اييييييه ، امممممممم
علياء: خلاص خلاص هاسعدك
مازن: بجد يا علياء
علياء بغيظ : هيييح اه بس مش دلوقتى عشان عندنا محاضره
وبتروح "علياء" المحاضره لكن "مازن" مبيروحش وبيستنى "عايده"
واثناء ما "علياء" قاعده ف المحاضره بيرن تلفونها وبيكون "مازن" هو اللى بيرن عليها ف بتعمل التلفون silent لكن
"مازن" بيفضل يرن كتير ، بتنزل "علياء" تحت البنش وبترد على "مازن" بصوت واطى
علياء: عايز ايه ؟
مازن: هى فين عايده برن عليها كتير مش بترد
علياء : وانا ايش عرفنى
مازن : طب سلام
بتضطر "علياء" تستأذن وتطلع من المحاضره بحجه انها تعبانه
علياء: لو سمحت يا دكتور
الدكتور : خير يا علياء (بيكون الدكتور عارفها لانها من اشطر الطلابه ف عنده)
علياء: لو سمحت انا اسفه بس مش هقدر اكمل المحاضره
الدكتور : ليه علياء ؟
علياء: مفيش بس تعبانه شويه
حد من الطلابه : تلاقيها تعبانه كتر الاكل ده انا لسه شايفه ف الكافتريه كان ناقص تأكل الناس اللى هناك كمان
بيضحكوا كل الطلابه اللى ف المدرج على "علياء"
بيزعق الدكتور للطالب ده
الطالب : الله وهو انا كدبت مش هى دى الحقيقه
بيطرد الدكتور الطالب ده من المدرج وبياخد الكارنيه بتاعه
الدكتور بأسف : متأسف جدا يا علياء بالنيابه عنه تقدرى تروحى والف سلامه عليكى
علياء: الله يسلمك
،متشكره اوى يا دكتور
بتمشى "علياء" و اول ما بتدخل الحمام بتفضل تعيط وهى زعلانه
على حالها ف بيرن تلفونها وبيكون "مازن" هو اللى بيرن بس بيرن على رقم "عايده"
ف بتفكتر "علياء" انها كانت سايبه المحاضره عشان تقابل "مازن"
بتطلع "علياء" السلسه بتاعتها وهى بتبصلها جامد وبتبص لنفسها ف المرايه بقرف
علياء لنفسها : انا بجد بكرهك انت انسانه
ضعيفه كل تفكيرك ف الاكل وعلى طول جعانه انت ايييييه مش فاهمه انت عمر م حد هايبصلك وانت
عامله زى الدبه كده حتى اللى بتحبيه مش بيحبك اصلا وشايفك زى كل الناس شايفك تخيييينه
وبتعيط بحرقه على حالها وبعد ما بتهدا بتلبس السلسه وبتقى "عايده"