الفصل الثالث3
بقلم منه محمد
تانى يوم بتروح "علياء" الكليه وهى متحمسه
مازن: هاى علياء
علياء بفرح : هاى مازن ازيك
مازن :اومال فين عايده هى مجتش معاكى ولا ايه ؟
علياء: ايه اه لا جت جت معايا بسسسس راحت الحمام عشان
تظبط الميك اب بتاعها
مازن : ااااه الميكب مع انها مش محتاجه ميكب بس ماشى
علياء بضيق وف سرها : اه لو تسأل عليا كده زى عايده بس ماشى انا وراك وراك بردو (مش فاهمه ايه كيف البنات ف الراجل اللى بيطلع عنيهم)
بتروح "علياء " الحمام وبتتأكد انه مفيش حد ف بتلبس السلسه وبتبقى "عايده"
بتتطلع "عايده" واول ما بيشوفها "مازن" بينادى عليها
مازن: عايده عايده
عايده : اه سورى مازن مشوفتكش عامل ايه ؟
مازن: الحمد لله بس انت كنتى فين سألت علياء عليكى قالتلى انك ف الحمام
عايده :اه منا كنت بظبط الميك اب بتاعى عشان ساح شويه من الشمس
مازن: مفيش داعى للميكب انت من غيره احلى
بتتكسف "عايده" وبتفرح ف نفس الوقت
مازن: بسسسس ايييييه هو انت ليه لابسه شبه علياء
عايده : اه اصل احنا صحاب اوى ف بنحب نلبس شبه بعض هههههه (ضحكه بارده )
مازن بترقيه : والله كويس بتعرفوا تلاقوا مقاس علياء اصلا هههههه
بتقايض "عايده"
مازن : اااا انا اسف انا اسف غصب عنى ، وبيحاول يغير الموضوع : مش يلا بينا ولا ايه
عايده : يلا بينا فين ؟
مازن: ع المحاضره
عايده : اه ثوانى بس هادور علياء
وبتسيبه وتمشى
بعدها بيروح "مازن" ع المحاضره بس مبيلاقيش "عايده"
مازن بهمس: علياء عليااااء
علياء بهمس بردو: فى ايييييه
مازن: فين عايده ؟
علياء: روحت
مازن: ايه!! بس هى قالتلى انها كانت رايحه تنده عليكى
علياء : بس تعبت فجاه وحسيت انها عايزه تروح
بينتهى اليوم الدارسى واثناء ما "علياء" مروحه بينادى عليها "مازن"
مازن :علياء معلش ممكن اطلب منك طلب
علياء: اتفضل !
مازن : ممكن تدينى رقم عايده
علياء فسرها : معملتش حساب الحته دى
مازن: ايه ؟
علياء: اه طبعا هاديك رقمها، بسسسس اييييه ؟
بتحاول "علياء" تغير الموضوع ،فجاه بيجى صاحبه ينادوا عليه وبيضطر يمشى
علياء بتنهيده: الحمد لله عديت منها على خير انا لازم اشترى خط جديد
_____________________________________________________________
بالليل بيبعت "مازن" ل "عايده"
مازن: عامله ايه؟
عايده:الحمد لله
مازن: علياء قالتلى انك كنتى تعبانه سلامتك
عايده : اه الحمد لله بس ده تعب بسيط مفيش حاجه
وبيفضلوا يتكلموا طول الليل
تانى يوم بتقابل "علياء" "مازن" وكالعاده
بتفضل يسألها على "عايده"
بتضايق "علياء"
وبتقول لنفسها :عايده عايده هو كل حاجه عن عايده انا لازم اخليه يكرها