CMP: AIE: رواية زواج اطفال الجزء الثالث3 الفصل الواحد والعشرون21بقلم الكاتبة الصغيرة
أخر الاخبار

رواية زواج اطفال الجزء الثالث3 الفصل الواحد والعشرون21بقلم الكاتبة الصغيرة

رواية زواج اطفال الجزء الثالث3 

الفصل الواحد والعشرون21

بقلم الكاتبة الصغيرة




سليم.. ايلين جاي لها عريس 


ايلين.. ايه؟!!!! 


سليم.. في ايه بقول جايلك عريس 


ايلين.. بس لسه بدري انا صغيره 


سليم.. صغيرة فين يا حبيبتي 


ايلين.. انا مش موافقه يابابا بعد اذنك انا طالعه انام 


سليم.. ايلين استني بس نتفاهم 


اروي.. سيبها 


سليم.. هي مالها كده انا بقول بس كنت غصبتها يعني وبعدين مش تعرف هو مين 


اروي.. مين هو 


سليم.. يوسف 


اروي.. يوسف ال


سليم.. ايوا هو جالي الشركه واتكلم معايا انه بيحبها وبصراحه الولد محترم جدا وكلامه كويس ولين برضو قالت لي كده  هي بقي مالها اتكلمي معاها يا اروي لو مش موافقه هقوله عشان ما يجبش اهله ويجي 


اروي ابتسمت لان ايلين عرفتها على علاقتها بيوسف.. خلاص سيب الموضوع عليا 


اروي طلعت عندها.. مالك بقي ياست ايلين 


ايلين.. ماما انا مش موافقه دلوقتي 


اروي.. لا هتوافقي وهتقعدي معاه مش يمكن يعجبك  بابا قال انهم جايين بكرا  الكلام خلص فاااهمه 


ايلين.. يعني ايه هتغصبوني  انتي عارفه اني بكلم يوسف 


اروي.. قولتلك اقعدي معاه بس  حصل ايه لكل ده  


ايلين.. بس 


اروي.. تصبحي علي خير  


ايلين قعدت زعلانه  ولقت يوسف بعتلها رساله.. انتي فين من الصبح 


ايلين.. يوسف انا جايلي عريس 


يوسف.. بجد  طيب الف مبروك 


ايلين.. بس كده عادي يعني عندك 


يوسف.. اعمل ايه يا ايلين اقولك متوافقيش ولا اعمل ايه  


ايلين.. عندك حق  اسفه شغلتك بمشاكلي بس علي العموم انا مش هينفع اكلمك تاني 


يوسف.. ليه بس 


ايلين.. عشان مش هخون ثقة اللي جاي دا سلام كانت فرصه سعيده 


يوسف.. استنى بس 


ايلين  قفلت  وقعدت تعيط  وانا اللي فاكره انه بيحبني طلع بيتسلي 


#######♡♡♡♡♡♡♡♡♡♡######## 


انس طلع اوضته بالليل ولين كانت قاعده علي السرير  


انس راح قعد جمبها.. عملتي كده ليه 


لين.. عملت ايه 


انس.. قولتي لبابا انك عايزاني أنا مش هقدر اجبرك على حاجه لو مش عايزة نكمل براحتك 


لين.. وانت مأجبرتنيش 


انس.. يعني ايه 


لين.. يعني دي تالت مره اختارك فيها وكل مره بيكون بمزاجي انا دا ملفتش نظرك لحاجه 


انس بهدوء.. لإيه؟ 


لين كانت بتلعب في ضوافرها ومش باصه له.. يعني اني مرتاحه ليه مثلا او اتعودت عليك 


انس رفع وشها.. بجد 


لين مسكت ايده.. انس انا مش عايزاك كده انت ليه شايف انك وحش وان مينفعش اكمل معاك وطول الوقت شايف اني مستاهلكاش انت كويس يا انس انت طيب وحنين وبتحب كل اللي حواليك كل الموضوع غلطه صغيره ولحقناها وممكن دي سبب لاننا مع بعض دلوقتي مفكرتش في كدا 


انس.. انتي الوحيدة اللي شايفاني كده 


لين.. لا بيتهيألك كل اللي حواليك بيحبوك بس محدش مبين دا عشان عايزينك تتغير  وبعدين حتي لو انا بس اللي شايفاك كده  دا مش كفايه!! 


انس ابتسم.. انتي بتقدري تخرجيني من اي مود وحش أنا حاسس ان حياتي احلي بيكي ومكنتش عايزك تمشي بس مكنتش اقدر اقولك كده  ولما قولتي انا عايزاه فرحت انك اختارتيني 


لين اتكسفت  .. عارفه اني مفيش مني اصلا 


انس.. وده غرور ولا ثقه 


لين.. الاتنين ✌


انس ضحك وهي كمان  


بعد شويه قام غير وهي كانت نايمه علي السرير  


انس.. هروح انام عند رحيم  خدي راحتك 


لين.. لأ خليك  قصدي يعني  ان دي اوضتك مينفعش كل مره تروح عند رحيم 


انس.. عشان مضايقكيش 


لين.. مش متضايقه  تعالي نام هنا  طلع جمبها واتغطي وهو باصص للسقف وسرحان حاسس جواه انه مبسوط 


لين وهي مركزه معاه.. انس 


بصلها.. نعم 


لين.. انت طيب اوي اطيب من بهاء سلطان 


ضحك عليها.. مش دايما 


لين.. يعني ايه 


انس.. يعني انا شقي شويه وصايع بس مؤدب معاكي لانك مؤدبه وكيوت ف مش هتعامل معاكي كده 


لين.. صايع ازاي 


انس.. عادي يعني صياعة شباب وغمز 


لين برقت.. دا انا ظلمت بهاء تصبح على خير ولفت الناحية التانيه 


انس ضحك بصوت عالي  وهي ضحكت علي ضحكته  


انس.. رجعتي في كلامك اقوم اخرج  


لين.. لا مانت لو فكرت تعملي حاجه هرد عليك انا مش سهله برضو ومتربيه مع ولد تؤام خد بالك 


انس اتعدل.. بجد والله يعني مازن تؤامك 


لين لفت وشها.. ايوا 


انس.. لا دا انتي تحكيلي بقي 


لين اتعدلت هي كمان.. ياااه ليلتنا طويله  اسمع..... 


*******♡♡♡♡♡♡*******♡♡♡♡♡♡******


رحمه جهزت شنطتها  


هدي.. يعني خلاص قررتي 


رحمه.. ايوه ومش هقول لحد انا ماشيه ليه مش ناقصه اسأله من الكل وليه وعشان ايه واقعدي احضري الخطوبه والكلام ده 


هدي.. طيب يا رحمه براحتك بس انتي استسلمتي 


رحمه.. ماما انا تعبت  من زمان وانا بحاول اتأقلم وانتي مقعدانا في وسطهم وهما مش بيحبونا  كل ده عشان انتي ربيتينا بطريقة غلط  


هدي.. دي اخرتها يا بنتي يعني عشان خايفه عليكم وبحاول اخليكم تاخدوا حقكم 


رحمه.. احنا ملناش حق هنا احنا عاله عليهم لو مكنش جدو قعدنا مكنش لقينا مكان نقعد فيه بعد بابا  شغلي معاهم في الشركه مكنش من حقي  انا قعدت افكر فيها من كل النواحي لقيت اني خسرت خسرت احترام ولاد اخوالي ونظرتهم ليا  وانا برمي نفسي على كل واحد شويه  ولا وانا بمشي وراكي انتي وعمر في كل حاجه  غلط انا خلاص مش عايزة حد فيكم تاني انا هسافر وهشتغل وابعد عن قرفكم 


هدي.. قرفنا  بقينا قرف في الآخر طيب اللي يريحك اعمليه مانتي خلاص كبرتي عليا وبقيتي تمشي كلمتك  امشي سافري ولا اعملي اللي تعمليه خرجت  وسابتها  ورحمه قعدت تعيط


******♡♡♡♡♡♡****


مالك.. وبس هو ده اللي حصل 


اروي.. ربنا يهنيها ويفرحها معاه 


مالك.. يارب  وانت بقي يا معلم فكر في الموضوع 


مازن.. مش عارف يابابا بس انا معرفهاش 


مالك.. ماهي الخطوبه دي للتعارف يابني 


مازن.. مش حابب الجو ده انا جد في كلامي  يإما جواز يإما بلاش 


اروي.. يا سلام افرض محبتهاش مينفعش لازم خطوبه 


مالك.. ايوه فعلاً 


مازن.. وهو انت كنت خطبت ماما 


مالك.. يابني احنا غير 


مازن.. مش عارف بقي 


اروي.. انت بتهرب يا مازن لو في حد في حياتك قول طيب 


مازن.. ههرب ليه والله مفيش حد  


مالك.. يعني اطلب ايد البنت من جدها 


مازن.. اللي انتوا شايفينه اعملوه 


اروي.. هو احنا اللي هنعيش معاها يابني 


مازن.. بالنسبة ليا مش فارقه انتوا عارفين اني مليش في الكلام ده كله وقولت ان الموضوع يإما جد يإما خلاص يا ماما  وانا مش هطلق بنت الناس ايا كان هي مين اهي واحده هتكون في حياتي وخلاص 


مالك.. كلامك ده يدل انك معقد او متعقد من حاجه 


مازن.. لا لو في حاجه انتوا هتبقوا عارفين انا مليش غيركم 


اروي.. يعني موافق 


مازن.. القرار ليكم  بعد اذنكم انا خارج  


مالك.. الواد ده في حاجه مزعلاه 


اروي.. مش عارفه والله ماله 


مالك.. ربنا يهديه ويغير وجهة نظره دي 


*****♡♡♡♡♡♡****-


تاني يوم كانت رحمه سافرت  وكلهم متجمعين في الصالون 


عمر.. بما ان الكل متجمع  ف انا شوفت موقف امبارح معجبنيش 


رهف بصت لرحيم بخوف 


عمران.. خير 


عمر بغل.. بصراحه كده شوفت رحيم ورهف في وضع مش كويس ودي مش اول مره  


رهف اتصدمت ومكنتش عارفه تنطق وكذلك كل العيله 


عز.. انت بتقول ايه يلا احترم نفسك انت بتتكلم علي اختي 


عمر.. والله انا مبكدبش اسألها وانس شاهد 


انس بصله يغضب 


عز.. في ايه اللي بيحصل ده  حد يفهمني كده  راح مسك رهف من ايدها جامد  انطقي 


رهف دمعت ومش بترد 


عز.. ما تتكلمي بقولك 


رحيم.. ابعد عنها 


عز اتضايق عليه.. انت مين عشان تقولي اعمل ايه  


انس.. اهدي ياعز 


عز.. هو في ايه  انتوا مش سامعينه  بيقول علي اختي ايه  اهدي ازاي 


ريناد.. اكيد في حاجه غلط يا عز انا واثقه ان رهف مش ممكن تعمل كده 


هدي.. والله كل شي جايز 


صفاء.. استغفر الله العظيم  في ايه ياهدي اعتبريها  رحمه 


هدي.. بنتي مبتغلطش 


عز.. والله يا عمتي انتي اخر واحده تتكلمي عن الغلط  


هدي.. انت بتكلم مين كدا انت اتجننت ولا ايه 


عمر.. ماهو  طلع مختوم علي قفاه واخته  مدوراها  هيطلع  ضيقته في مين  


رحيم وعز كانوا في الوقت ده لو موتوه مكنش هيصعب عليهم  من كتر ضيقتهم منه  قبل ما حد فيهم يجي ناحيته  

كان  نازل  قلم علي وشه  من عمران والكل في صدمه  


عمران.. عز ما غلطش فعلاً لما قالها انتي اخر واحده تتكلمي عن الغلط ماهي معلمتهوش ليك ولا لاختك حتي  دا بدل ما تصون بنت خالك بتتكلم عليها كلام في شرفها يا *** 


عمر كان متضايق جداً  من اللي حصل ده 


ام رحيم.. كدا يا عمر دا انت ورحيم يعتبر اخوات ومتربين سواا  


عمر.. هو كلكم جيتوا عليا ومكدبني  وهما ملاك  ماحد يسألهم كلامي صح ولا غلط  وانت يا انس بذمتك حصل ولا لا


انس أومأ بإيجاب 


عز.. ايه اللي حصل انطقي 


رحيم.. رهف مراتي  


صدمه تانيه للكل  ريناد ولمار مش مصدقين عمر كأن جردل ميه وقع عليه وعز مش مستوعب 


عز بص لجده لقاه هادي مش مستغرب.. ايه الكلام دا ياجدو 


عمران.. كلامه صح  انا كاتب كتابهم من شهر  لسبب هقولك عليه علي انفراد 


عز مسك طوق رحيم.. وانت بروح امك بتستغفلني  وتقولي طالب ايدها وانتوا اصلا متجوزين  وانا معرفش 


رحيم  بعد ايده.. انت مالك  مش قولت الرأي رأيها هي وانا طلبتها من جدي متعملش فيها  راجل عليا  روح شوف اللي كان السبب في كل ده  


عز.. قصدك ايه 


رحيم.. قصدي ان الاستاذ عمر هو السبب في كل اللي حصل  وعمل كذا حركه قبل لغاية ما جدك  شك فينا  وصمم يكتب كتابنا  


عز.. انا مش مصدق اللي بيحصل ده  


رحيم.. ماهو قدامك اهو اسأله 


عمر بص في الارض ومقدرش يتكلم  


رحيم.. ايه دلوقتي سكت مانت عامل فضيحه وصوتك عالي  وانتي ياعمتي  اي رأيك  لسه برضو عيالك مبيعملوش الغلط  


هدي اتحرجت ومتكلمتش 


عز.. خلاص طلقها  كلنا عرفنا اللي فيها انت مش مضطر تكمل معاها  


رهف قلبها اتقبض 


رحيم.. آه وانا المفروض اقولك ماشي  


عز.. سمعت انا قولت ايه 


رحيم.. هو في ايه انت مالك انا مش مطلق انا بحبها 


رهف بصتله بدموع لما قال الكلمه  اعترف وقدام العيله كلها 


وكمل  كلامه.. وانا لو جيت قولتلك دلوقتي مش هتخطب ريناد ايه هتقولي ماشي وخلاص 


عز.. متدخلش المواضيع في بعضها 


رحيم.. وانت متدخلش في اللي ملكاش فيه  ومتقررش بالنيابة عني وعنها 


عز.. ماتحترم نفسك في الكلام انت بتكلم كده ليه  


عمران.. خلاص  خلصتوا  والموضوع خلص  والكل عرف اللي فيها  ورهف مخرجتش برا يا عز هي مع ابن عمها زي مانت هتاخد بنت عمك الموضوع انتهي والخطوبه في ميعادها وانس ورحيم  يعملوا فرحهم سوا  مش عايز كلام كتير خلوا الموضوع يكمل علي خير وانت ياعمر  حسابك معايا  والعربيه مسحوبه منك ومفيش فيزا من النهارده 


عمر  مردش  وطلع اوضته 


رحيم راح عند رهف مسح دموعها وخدها في حضنه كانت مكسوفه خصوصا ان العيله كلها موجوده 


عز  بصله بغضب  ورحيم كأنه بيستفزه  


لين.. حلوين اوى 


انس.. تيجي نعمل زيهم 


لين.. نعمل ايه هي لعبه انا بقول شكلهم لطيف 


انس حاوطها وحط ايده على كتفها كان شبه ضاممها.. ربنا يسعدهم ويسعدنا 


لين بصتله وهي بتضحك علي حركته.. يارب  


لمار.. طب والله السنجله جنتله يجدعان 


كلهم ضحكوا والموقف مش محتمل ضحك اصلا  


عمران.. طب يا لمضه انتي حد طالب ايدك ومش هتبقي سنجل 


لمار.. بيجاااد 


انس.. يابنتي اتقلي في ايه 


لمار.. ششش اسكت انت مش حاسس بالوحدة اللي انا فيها  


ابوها.. دا ولا كأني هنا البنات اخلاقها باظت 


لمار.. يابابا ياحبيبي انا بس عايزة افرحكم 


عمران.. طب مش تعرفي مين العريس 


لمار.. مين 


عمران.. مازن اخو لين 


لمار  اتوترت ووشها احمر 


لين.. الله ماهي بتتكسف اهي يجماعه 


رحيم.. طلعت بتحس 


انس.. ظلمناها يعني  


لمار.. لا والله انتوا هتتسلوا عليا 


انس.. لا وعلي ايه  المهم انا شايف انه مناسب جداً ومحترم 


صفاء.. ايوا مش نسيبك ياعم 


انس.. طبعاً امال مع انه علم عليا بس ماشي 


لين.. والله اخويا طيب بس عصبي شويه 


رحيم.. زيي يعني انا طيب خالص صح يا رهف  


رهف ضحكت.. جداً 


عمران.. رأيك ايه يا ام انس 


.. اللي تشوفوه هو شاب كويس ومفهوش غلطه بصراحه 






عمران.. نقول مبروك 


لين.. ها يالمار 


لمار كانت في اعجاب ناحية عمر ولكن من فتره محستش ناحيته بحاجه وبعد اللي حصل قررت تقفل الموضوع خالص  وقالت توافق علي مازن يمكن كويس وكلهم اتفقوا على كده  


انس.. هااا ما تردي 


لمار.. كلكم شايفين انه كويس خلاص 


انس.. جدو البت دى بتعمل فيها كاريزما ومكسوفه وهي اصلا نفسها تتجوز مش تتخطب بس قوله موافقه 


لمار.. دا انت رخم  انتي يابنتي مستحملاه ازاي 


لين.. هعمل ايه يعني نصيبي 


انس رفع حاجبه.. لا والله 🤨


ريناد كانت بتضحك علي حوارهم بس مش مشاركه  وعز كان قاعد ساكت وعينه علي رحيم 


********♡♡♡•••••••********** 


اروي.. هي فين كل دا 


لارا.. بتقول بلبس 


اروي.. الناس من بدري قاعدين 


لين الكبيره.. براحتها يا جماعه تلاقوها متوتره  بعدين ما زين ومالك معاهم حصل ايه لكل ده 


لارا.. مازن مجاش برضو 


اروي.. لا قال هيروح يشتري هدوم عشان المناسبه 


لارا.. ربنا يكمله علي خير  انا طالعه اشوفها 






ايلين قاعده السرير  كانت لابسه فستان اسود ستان ومفتوح شويه من عند الركبه وحاطه ميكب خفيف وشعرها ويڤي 


لارا.. بسم الله  الله اكبر  قمر يا حبيبتي بس اسود برضو 


ايلين بملل.. حلو ولا منزلش احسن 


لارا.. لا لا جميل يلا بقي الناس من زمان تحت 


ايلين.. ياماماا 


لارا.. يلا بس مش ممكن يعجبك انا متأكده انه هيعجبك 


ايلين.. معتقدش  بس ماشي 


نزلت  واروي ولين حضنوها 


اروي.. ايه الجمال ده قمر 


ايلين.. حبيبتي يا رورو 


لين.. ربنا يقدّم الخير يروحي 


ايلين.. يارب يا تيته 


لارا.. يلا ادخلي  


ايلين راحت عند الباب  وخدت نفس  ودخلت  لقت سليم ومالك في وشها  وابو العريس في الجمب  وهو علي الكرسي اللي ظهره للباب  


سليم قام وقف.. تعالي ياحبيبتي 


سلمت على مالك وابو العريس وبتلف تسلم عليه 


قابلها بإبتسامة عريضه اظهرت وسامته  كان لابس  قميص اسود وبنطلون بنفس اللون  


ايلين كانت في صدمه همست وهي واقفه.. يوسف!!  


مد ايده وسلم عليها  بعدين قعدت وهي مش مستوعبه لسه 


                 الفصل الثاني والعشرون من هنا

تعليقات



حجم الخط
+
16
-
تباعد السطور
+
2
-