رواية مع وقف التنفيذ
الفصل الثالث3
بقلم نجمة براقة
« داخل المستشفي»
#عُمر
وفي لحظة كان التوتر والقلق سيطر علينا كلنا، ونسينا المشكلة، وروحنا المستشفى بيها وهناك وقفو النزيف، وسعد اتبرعلها بدم لغيت ما داخ و وقع هو كمان وعلقوله محاليل، وهي فاقت قبله، وانا سبتهم وطلعت علشان مش هقدر ابصلها تاني بعد ما فكرو يجوزهاني وهي بتقولي خالي، وانا في طريقي للخروج من المستشفى، شوفت سمر داخله تجري بكيس دواء،
عُمر يقف امامها: في ايه
سمر بقلق: انت هنا.... بعدين بعدين
( ذهبت ركض إلى الداخل وهو ذهب خلفها لتأخذ منها الممرضه كيس الدواء وتغلق الباب )
عُمر: خير، مين تعبان
سمر بقلق: اخويا،..... يارب يارب
عُمر: الف سلامه عليه.... هيكون كويس متقلقيش..... هو حصله ايه؟!
سمر: غيبوبة سكر
عُمر: بسيطة، بتعدي
سمر تدمع عيونها: ربنا يستر
عُمر: هو قد ايه
سمر: عشره...... عشر سنين ( تبدء بالبكاء) يارب
عُمر: هيكون كويس، مفيش داعي للقلق ده
سمر: يارب
عُمر: مفيش حد واقف معاكي ليه
سمر: معايا ربنا
عُمر: ونعم بالله
سمر تهدء قليلآ: وانت هنا ليه
عُمر: بنت اختي تعبت وجبنها هنا
سمر: الف سلامه، ربنا يطمنك عليها
عُمر: يارب، تسلمي..... طيب انا ممكن اساعدك لو احتاجتي حآجه
سمر: متشكره
عُمر: العفو..... الف سلامه عليه
سمر: الله يسلمك
( البنت دي مثيره للفضول، في كل مره بحس ان فيها حآجه مميزه، وبذات المره دي.... فين اهلها لما هي اللي تيجي مع اخوها لوحدها في وقت متأخّر كده..... ولا عياطها عليه وكانه ابنها مش اخوها، فعلاً مثيره للفضول........ وللأعجاب
#لبني
عمري ما كنت اتخيل انه خالي " عُمر" يكون شايفنا كده،... خالي سعد طول عمره بيعتبرني بنته مش بنت اخته بس، وعمره ما عاملني بطريقه وحشه.. او بصلي بصه مش كويسه.. ما اعرفش ايه خلي خالي عُمر يشوف كده.... بس اللي انا متأكده منه ان خالي سعد مستحيل يكون نيته مش كويسه تجاهي او بيفكر فيه في طريقه تانيه غير ان انا بنت اخته اللي رباها من صغرها،
توفيق: عامله ايه دلوقتي يا حبيبتي
لبني باجهاد : الحمد لله،... امال فين تيته وخالو سعد
توفيق: تيته في البيت وخالك سعد تبرعلك بالدم.. فأغمى عليه ومعلقين له محليل في الاوضه الثانيه
( حاولت النهوض ليُريحها مره اخرى)
لبني: انا لازم اشوف يا جدي
توفيق: هو كويس ما تقلقيش شويه وهيفوق
لبني: طيب ليه هو رايح يتبرع لي بالدم ويأذي نفسه
توفيق: مفيش اذيه ولا حآجه... و هو الوحيد فينا اللي عنده نفس زمرة دمك
لبني: طيب ممكن لما يفوق تخليه يجيني، عاوزه اطمن عليه
توفيق: حاضر... بس انا زعلان منك قوي
لبني: ليه
توفيق: مش عارفه ليه... بقى كده يا لبنى عاوزه تموتي نفسك مش حرام عليكي
لبني: يعني حضرتك ما سمعتش الكلام اللي قاله خالي عُمر
توفيق: وده سبب يخليكي تموتي نفسك برده
لبني: انا ما حسيتش بنفسي غير وانا بقطع شراييني... ما كانش قصدي اموت نفسي والله
توفيق: اللي حصل حصل،.. المهم متتكررش تاني مهما حصل معانا بعد كده
لبني: حاضر يا جدو
جدي مشي وانا نمت شويه وبعد وقت ما اعرفش اذا كان كبير ولا صغير صحيت على لمسه ايد خالي سعد على راسي، ولما فتحت لقيته باصصلي بعتب.. وانا ما كنتش عارفه اقوله ايه، ومكسوفه من البصه ليه بعد اللي قاله خالي عُمر.. وبعد قراره بان هو يكتب كتابه عليا، مع اني انا اللي طلبت منه الاول، بس بردو مش متخيله ازاي يعني خالي هيكتب كتابه عليا... دا انا مش بعتبره خالي بس، انا بعتبره ابويا
سعد: عارفه لو انتي مش تعبانه دلوقتي كنت ضربتك
( دمعه عيناها لتمسك به وترتفع لتطوق رقبته بذراعيها ليضمها بكل قوته لتعتلي شهقاتها وهي تتشبث بثيابه وتبكي وهو يمشي بيديه علي رأسها بلطف )
سعد بخفوت: رعبتيني عليكي
لبني ببكاء: اسفة ياخالي
سعد يبعدها عنه: مش قابل أسفك، واللي عملتيه ده مش هعدهولك بساهل، بس استني عليه يكون خفيتي
لبني ببكاء: مكنتش عارفه اعمل ايه بعد اللي سمعته من خالي عُمر، معقول شايفنا بطريقة وحشه اوي كده
سعد: هو حر يشوفنا زي ماهو عاوز، ده ميخليكيش تحاولي تموتي نفسك
لبني ببكاء: اعمل ايه، الدنيا اسودت في وشي من كل ناحية
سعد: كنت كلمتيني زي كل مره، اشمعنى المره دي اللي رايحه تتصرف لي من دماغي
لبني: انا كلمتك وقُلتلك اللي مزعلني وانت اتخليت عني.. وبعدين وافقت على طلبي بعدما خالي عُمر قال اللي قاله، كانك بتصلح غلطه عملتها... انا ما كنتش عاوزه جواز حقيقي.. انت خالي وما تحلليش.. اصلا بس انا كنت عايزه ورقه وخلاص عشان ما حدش يقدر ياخدني من عندكم
سعد: مش سهله عليا اني اكتب عليكي.. ما ينفعش... بس انا اضطريت اوافق عشان ما تمشيش. وانتي سمعتيني لما وافقت ورحتي اتصرفتي من دماغك وقطعتي ايدك.. اعمل فيكي ايه انا دلوقتي
لبني: اعمل اللي انت عايزه انا خلاص مش عارفه افكر ولا ولا عارفه عايزه ايه انا تعبت بجد والله يا خالي
سعد بتنهيده: انا وانتى عارفين ان كل المطلوب دلوقتي هي ورقه تقدري بيها تقعدي معانا وما حدش يقدر يكلمك تاني
لبني: ايوه
سعد: طيب انا فكرت كتير ولقيت انه اسلم حل ان احنا نكتب الكتاب وما نقولش لأي حد بره على الموضوع ده... حتى لو هما قالوا احنا نكدبهم لغايه ما يجي لك نصيبك وبعدين اطلقك.... اقصد نفسخ العقد.. ايه رايك
لبني: ده اللي انا كنت عاوزه اقوله لما ضربتني.. انا مش محتاجه اكثر من ورقه ومش هضمن حد غيرك انه ما يستغلهاش ضدي
سعد: فاهمك....بس صدقيني مش سهل اني اعمل كده بس مضطرين... وانا ضربتك عشان الكلمه كانت صعبه اني اسمعها منك انت بذات
لبني: انت المفروض كنت توقعت لوحدك... يعني بالعقل كده ازاي اقولك نتجوز..... انت خالي وما تجوزليش حتى لو كانت امي مش اختك حقيقي
سعد: اها..... وده رايي برده.... بس برده اللي عملتيه مش هعديهولك بالساهل
لبني: انا اسفه
سعد: ما فيش حاجه اسمها اسفه.. تقدري تقولي لي انا كنت هعمل ايه لو حصللك حاجه.. انت رعبتيني بجد
لبني تبتسم: ما هو باين على شكلك.. جدي قالي انك تبرعتلي بالدم واغمى عليك... ليه عملت كده
سعد: وانتي كنتى عايزاني اعمل ايه وانتي دمك متصفي قدامي
لبني بإبتسامه: متشكره يا خالي ربنا يخليك ليه
سعد: ما تفكريش اني سامحتك،.... لسه حسابي معاكي بعدين
لبني: ههههه اسفه
سعد: بتكلم جد، انا مش هصالحك كده، وهتشيلي السنه كمان عشان تتربي كويس
لبني: ياخالي بقا
سعد: ارجعي نامي
لبني: مش هنام غير لما تقول مش زعلان منى
سعد بحده: ارجعي نامى بقولك
لبني تتمدد بتذمر: اتخمدت
سعد: غمضي عينيكي
لبني: هو بالعافية، انا مش عايزة انام
سعد: بقولك غمضي عينيكي.... يلا
(تغمّض عينيها وتعقد حاجبيها بتذمر وهو ينظر لها في صمت، ليمد يده إلى شعرها ويمشي عليه بلطف وهو يميل إليها بعض الشيء لتفتح عينيها وتنطر له بإبتسامه، وهو يتطلع بعيد عنها ويتحدث بجديه
سعد: قولت غمضي
لبني بإبتسامة: حاضر ( اغمضت عينيها وهي مبتسمه لتذهب عينه الي تفاصيل وجهها ويتطلع لحاجبيها والي كثافة رموشها والي بشرتها الناعمه وعندما يدقق النظر الي شفتيها المبتسمه بخفه، تعبس ملامحه ويشعر بالاشمئزاز لما يشعر به نحايتها، لتفتح عينيها فجأه وتقبله في خده سريعآ وتعود لنوم وتغلق عينيها مره اخرى ليتسم بخفه ويتحسس موضع قبلتها)
سعد: بردو مش هسامحك
لبني تبتسم وهي تغلق عينيها: مش مصدقاك، انت مبتقدرش تخاصمني كتير
سعد: المره دي هقدر
لبني تفتح عينيها: ههههه مفيش حد بيزعل من مراته كتير ههههههههههههههه..... شوفت الزمن
سعد بإبتسامة باهته: طيب اخرسي، ومسمهاش مراتي
لبني: ههههه مش هتكتب عليه عند ماذون يبقا مراتك قانونآ واقدر اخد معاشك بعدين ههههه
سعد: ومين قالك اننا هنفضل كاتبين الكتاب لغيت ما اموت وتاخدي معاشي
لبني: يعني ايه يعني، مش هاخد معاشك
سعد: انتي حاطه عينك علي معاشي ليه
لبني: ههههه مش هكون زوجتك ياعم
سعد: لا، معاشي لمراتي الحقيقيه
لبني: ههههه طيب ابقا هاتلي قاضي يقول اني مش مراتك...... مش كله هيكون مكتوب في العقد بردو
سعد: انتي اخرك معايا لما تخلصي تعليم، وتتصرفي تلاقي عريس، علشان ادور علي عروسة عدله اتجوزها بجد، مش زيك، جواز كدب، وكمان طمعانه في معاشي
لبني: ههههه جووووواز مع وقف التنفيذ هههههههههههه تصدق حلو الاسم.... بس ده ميمنعش انك لما تطلقني اني هاقبض معاش المطلقات.... ماهو انا هقبض يعني هقبض، استفيد من وراك في حاجه مش كفايه هتشيلني السنه
سعد: انتي طماعه، وماديه
لبني بإبتسامة: انا عارفه
سعد: طيب نامى وبلاش طولت لسان
لبني بإبتسامة: تصدق اني مبسوطه بالموضوع ده ههههه..... علشان اضايق البت روان لما تقولي هتجوز خالك.. هقولها خدته منك يا صفره
سعد: لأ..... محدش هيعرف ولا هضايقي حد، مفهوم... حتي نانسي متخدش خبر
لبني: انا بهزر، هما اصلا ميعرفوش انك ابن عم ماما، وانك مش خالي
سعد: ايوه كده
لبني بإبتسامة: متخافش، وبعدين انا مش هطير معجابيني بسببك
سعد: معجبينك؟!
لبني: اها، انا ليه معجبين كتير في الجامعة ،
سعد: امممم..... وانتي حد عاجبك منهم
لبني بإبتسامة خفيفه: يعني مش عاجبني عاجبني، بس لفت انتباهي
سعدبجديه: هو مين ده...... ومقولتليش ليه
لبني: اقولك ايه مفيش حآجه حصلت اقولهالك
سعد' ازاي مفيش، امال ايه لفت انتباهي دي
لبني: والله ما في حآجه حصلت، هما مرتين شفته فيهم وبس
سعد: هو مين ده
لبني: الولد اللي انت ضربته،.... ولفت انتباهي علشان فكرني بيك،
سعد بضيقه: ليه بقا... فكرك بيه ازاي
لبني: يشبهك شويه، دا غير الحركه اللي عملها معايا اول مره، وجيته ورايا في الكافتيريا
سعد: ايوووه ايوه...... انا مش سالتك، كلمك تاني ولا لأ، وقولتي مكلمنيش
لبني: ياخالي ما انا قولتلك اني مشيت وسيبته، في ايه
سعد: في انك بقيتي تخبي وتتصرفي من دماغك..... ومتنسنيش وتحاولي تبلفيني، ... قولتلك مش هسامحك علي اللي عملتيه، يلا نامى
لبني: ياخالي انا مش بخبي عنك حآجه.. ولما حاولت اموت نفسي ده كان غصب عني
سعد: نااامي يا لبني
لبني: ياخالي ارجوك
سعد ينهض: انا ماشي، هبعتلك جدك يجي ياخدك لما يأذنلك الدكتور
تمسك يده: هخاف هنا لوحدي،
سعد يشد يده: ونسي نفسك بنفسك زي ما بتتصرفي من دماغك ( قال ذلك وتركها)
لبني: خالي بيتحول يا ساتر يارب
« منزل توفيق»
فاطمه: عامل ايه دلوقتي ياسعد..... وفين لبني
سعد: في المستشفى، خلي بابا يروحلها يجيبها
فاطمه: هي بقت كويسه يعني
سعد بتذمر: اه بقت كويسه، ومتبقاش كويسه ليه وانا صفيت دمي علشانها بسبب دلعها اللي ملوش لازمه ده
فاطمه: فعلا البت دى عاوزة الضرب.. بس ترجع وانا هديها بالشبشب
سعد: تديها باللي تديها بيه بقا... انا داخل انام
فاطمه: استنا .... مقولتش هتجوزها بجد ولا دي كلمه قولتها في لحظة غضب
سعد: هكتب عليها يا ماما، ايه اتجوزها دي
فاطمه: يعنى ايه...... يعنى جواز علي الورق بس
يتذكر كلمة لبني: اه جواز مع وقف التنفيذ
فاطمه: يا نهار اسود، ليه يابني، .. يعني لما تقرر تجوز اخيرا تجوز مع وقف التنفيذ، انت هتشلني
سعد: يا ماما لبني متحلليش، انا هكتب عليها علشان يسيبوها عندنا وخلاص
فاطمه: متحللكش ازاي بقا، هي مش بنت اختك،.... بنت بنت العم تحل ليك
سعد: بعدين يا ماما نتكلم في الموضوع ده، انا دايخ وعاوز انام
فاطمه: ماااشي، روح نام
ذهب لتحدث نفسها: وقف تنفيذ هه...... هنشوف هتقدر توقف التنفيذ ازاي لما اخليها تبات معاك في اوضتك يابن بطني...... قال متحلش قال
(هاتف لبني يرن)
فاطمه: الو
نانسي: انتي فين يابنتي
فاطمه: انا جدتها ، عاملة ايه حبيبتي
نانسي: بخير يا طنط وحضرتك
فاطمه: الحمدلله
نانسي: امال فين لبني
فاطمه: انتحرت و ودوها المستشفى
نانسي: ايه.... بتقولي ايه ياطنط، لبني ماتت
فاطمه: لا ماتت ايه، قطعت شراينها بس
نانسي: يامصيبتي ليه
فاطمه: اصل سعد قال انه هي.......
سعد يخطف منها الهاتف: ايوه يابنتي
نانسي: خير يا دكتور ، مال لبني، وايه اللي بتقوله طنط ده
سعد: مفيش... هي ايدها انجرحت بس،... لو فاضيه روحيلها في المستشفى يكون بابا راح جابها
نانسي: حاضر... عنوان المستشفى ايه
(يعطي لها العنوان ويغلق الخط)
سعد: بالله عليكي فهميني كنتي هتقولي ايه... يا ماما البنت متعرفش اني مش خالها،
فاطمه: احسنلكم تعرفو الناس عشان لما تجوزو وتخلفو محدش يستغرب
سعد: طيب اولع في نفسي، نخلف ايه يا ماما ده حتي حرام.... يا ماما لبني بنت اختي، والله، امها اتربت معانا... وطلعت لدنيا اقولها ياختي، عاوزة ايه تاني
فاطمه: عاوزة اشوف عيالكم
سعد يدور مره بنرفزه: توووووت، بنت ااااااختي.... لبني بنت ااااختي، افهمي
فاطمه: لو جبتو بنت تسموها فاطمه ودلعوها بطه
سعد: ااااانا دااااخل انام( قال هذا وذهب وهو يركل قدم الطاوله بغيظ)
فاطمه: ولو واد يبقا تووووفيق اصلي بحب ابوووك ههههه....( تابعت حديثها في نفسها) ماشي يابن بطني
#سعد
مجرد التفكير في الموضوع، بيخليني اتكسف من نفسي، وماما عايزة تجنني، ومش هتسكت غير لما تبوظ الدنيا.... بس ده مش ممكن..... انا لازم اعمل حد في المعامله معاها من دلوقتي عشان مقعش في الغلط........ بس ياترا الاحساس اللي انا بحسه تجاهها ده يندرج تحت بند الغلط ولا ايه...... مش عارف!
#مازن
سمعت نانسي هي وبتتكلم في التليفون.. وفهمت ان في حآجه مع لبني وانها في المستشفى... ولما لقيتها طالعه روحت وراها
مازن: يا انسه نانسي استني
نانسي تقف: بتكلمني انا
مازن: اه.... انا كنت سامعك بصدفه وانت بتتكلمي عن لبني في التلفون... خير
نانسي: تعبانه و ودوها المستشفى
مازن: ياساتر يارب، مالها
نانسي: معرفش، انا رايحه اطمن عليها، عن اذنك
مازن: طيب لحظه،..... ممكن تبلغيها سلامي
نانسي: امممم هي ايه الحكاية بظبط
مازن: مفيش حكايه ولا حآجه، هي زميلتي وبس
نانسي بإبتسامة: اذا كانت زميلتك ف اوكي، هبلغها
مازن: متشكر
#نانسي
على اخر الزمن هكون مرسول الحب ههههه، بس مش مشكله، الواد شكله كويس وينفع عريس
« في المستشفى»
تدخل نانسي إليها وتجدها جالسه على السرير ويظهر عليها الملل والتذمر
نانسي: عملتي ايه يا وش المصايب
لبني تنتبه لها: نااااانسي كنتي فين وسيباني
نانسي: هببتي ايه انطقي، قال حاولتي تنتحري
لبني تأوم ايجابآ: ههههه اه.... اسكوتي المو*س وجعني انا وبجر*ح نفسي
نانسي: يخربيتك سنينك ليه يازفته
لبني: كده من غير سبب
نانسي: تبقي اتجننتي، في حد طبيعي ينتحر من غير سبب
لبني: اه انا
نانسي: هتخبي عليه
لبني: اممم، اهلي كانو عايزين ياخدوني دي كل الحكاية
نانسي: غلطانه وستين غلطانه، انا عارفه انك هبله بس مش لدرجة دي
لبني: اسكوتي في موضوع انيل من اني حاولت انتحر
نانسي: في ايه انيل
لبني: في لحظة صفا ومصارحه مع سعدوشي قولتله ان الواد اياه لفت انتباهي ف هب ف وشي وسابني وزعل مني وشكله مش هيصالحني وهيسيبني مرميه هنا
نانسي بإبتسامة: والله خالك ده عسل وقلبه حاسس باللي جاي
لبني: ايه هو بقا اللي جاي
نانسي: روميو باعتلك سلام ومبطلش لف ورايا من وقت ما شافنا مع بعض وكل شويه يسألني عليكي
لبني: بتهزري
نانسي: اه والله زي ما بقولك
لبني بإبتسامة: اووووه يعني وقع يابت
نانسي: شكله كده
لبني: هههههههههههه كنت حاسه من اول ما خبطنا في بعض
نانسي: ايوه يختي مانتي كل الجامعه معجبه بيكي اشمعنا ده ركزتي معاه
لبني: ههههه عشان يشبه خالي ومن اول مقابلة عمل نفس الحركة اللي بيعملها معايا، مانتي عارفه ان شرطي اتجوز واحد زيه
نانسي: طيب الحمدلله انك لقيتي اللي بتدوري عليه سيبيلي انا خالك بقا
لبني: هكرهك زي روان اتلمي، شوفيلك حد تاني، خالي مش هيتجوز
نانسي: بصراحه بصراحه خالك ده عسل البنات كلها هتموت عليه وانا منهم ههههه بس مخبيه عنك عشان عرفاكي بتغيري عليه
لبني: حتى لو مش بغير، هو كبير عنك ب 15 سنه هتجوزيه ازاي
نانسي: يختي بس انتي وافقي وملكيش دعوه
لبني تبهت ملامحها: اهو قدامك لو قدرتي توقعيه خديه
نانسي: ما تساعديني اقربله.. وانا هساعدك نوقع ميزو
لبني: اممم، تصدقي فكره، انا نفسي اعرف هيعمل ايه لو واحده حاولت تقرب منه، ماشي اتفقنا
نانسي: اتفقنا على آيه
لبني: اني اقربك من خالي
نانسي: ههههه انتي بتتكلمي جد..... يابنتي انا بهزر، لا طبعاً دكتور سعد مينفعش معايا أبداً، حتى لو وافق
لبني: ليه مينفعش، علي فكره بقا مفيش راجل في الدنيا في جمال وطيبة خالي سعد
نانسي: بس عيبه انتي، هتطفشي اي واحده تقربله وانا مش عايزة ادخل معاكى فى منافسه
لبني: صح... بس انا بردو عايزة اعرف هيعمل ايه لو واحده حاولت معاه
نانسي: انتي متوقفيش في وش روان وهتشوفي بنفسك، البنت هتموت عليه
لبني: تفتكري ممكن يبصلها
نانسي: ليه لا البنت جميله وتعجب
لبني: تعجب خالي؟!
نانسى: معرفش
لبني: يعني ممكن تعجبه
نانسي: مش بعيد
لبني: طيب انا مش هكلمها ونشوف هتقدر تلفت انتباهه ولا لأ
نانسي: وانتي شاغله نفسك ليه، حرام عليكي توقفي في وش مستقبله، دا اكيد خايف يتجوز علشانك انتي
لبني: لا طبعاً ميتجوزش قبلي، هو اصلا قالي كده مش هتجوز غير لما اجوزك
نانسي: اناااانيه اووووي
لبني: طيب قفلي علي الموضوع وقوليلي مازن ده قالك ايه
نانسي: ايوه كده ركزي مع مازن وسيبي خالك يلاقي نصيبه
لبني: يعني هو اللي سايبني الاقي نصيبي، ماهو كل ما ابص لواحد يبهدلني
نانسي: وانتي لازم تقوليلوه كل تفصيله يعني ما تبطلي هبل الرجاله مش هيفهمو الحاجات اللي احنا بنحسها
لبني: يعني اخبي عنه قصدك... لا مقدرش، انا متعودتش اخبي عنه حآجه
نانسي: ياستي متخبيش، بس مش لما حد يلفت انتباهك تقوليلوه، ده اسمه هبل مش وضوح
لبني: امممم، طيب انا مش هقوله حآجه بعد كده
غريبه غيرتهم و تعلقهم ببعض، ، مش من الطبيعي ان واحده تغير علي خالها بشكل ده.. او انه هو يسييها في المستشفى علشان قالت ان حد لفت انتباهها،... بصراحه ساعات بحس بالقرف من تعلقهم الغريب ده...... دا لو مش خالها كنت قولت بيحبو بعض
#روان
من اول يوم شوفته وانا مش قادره اشيله من دماغي، عنده كاريزما عاليه يشد اي حد ليه، وتقيل للحد اللي يخليه مش بياخد باله من اي حآجه بعملها عشان الفت انتباهه، لكن عنده عيب واحد هو لبني وقفالي زي القمه في الزور ومش مدياني فرصة اقربله
«منزل توفيق»
تطرق الباب وبعد لحظات يفتح لها
روان بإبتسامه: ازيك يا دكتور
سعد: كويس... اتفضلي... لحظه هندهلك ماما
روان: لا انا عاوزاك انت
سعد: افندم
روان: اقصد يعني عاوزة اسألك علي لبني مجاتش ليه النهارده، وانت كمان مجتش
سعد: لبني مش موجوده
روان؛ طيب وحضرتك
سعد: مبحبش اقف كتير علي الباب لا تتفضلي لاما تمشي
روان تشعر بالحرج: انا اسفه، عن اذنك
( قالت هذا واستدارت ليغلق الباب خلفها سريعآ لتعود بنظر للباب وهي تضم شفتيها بغيظ ثم ترحل)
فاطمه: مين يا سعد
سعد: دي صحبة لبني بتسأل عليها
فاطمه: صحبتها مين
سعد: مش فاكر اسمها ايه.... يلا داخل انام
فاطمه: انت مش من بدري قولت هتنام
سعد: مقدرتش انام
فاطمه: اممممم..... متقلقش هتكون كويسه
سعد: انا مقدرتش انام عادي، مش مشغول عليها ولا حآجه
فاطمه: ما انا عارفه.... هتجيب المأذون امتي بقا
سعد: لما ترجع يا ماما، ولا هكتب علي نفسي
فاطمه: تصدق تاهت عني
سعد: ماما ريحي دماغك اللي بتفكري فيه مش هيحصل
فاطمه: هو ايه اللي انا بفكر فيه
سعد: ولا حآجه، تصبحي علي خير
فاطمه: احنا لسه الضهر
سعد: منمتش طول الليل
فاطمه: طيب يا حبيبي نام بس يارب تقدر تنعس ههههه ( قالت هذا وعادت للمطبخ ليزفر بضيق، ثم يعود الي غرفته، ويأتي بصندوق الخاص بها ويتطلع بأشيائها الصغيره، ثم يمسك هاتفها ويتصل بنانسي صديقتها)
نانسي: ايه ده... دا رقمك
لبني: هاتي ارد انا
نانسي: خدي
تاخذ منها الهاتف وتجيب: الو
سعد: ايوه يا نانسي
لبني تنظر لنانسي وتحدثها: خالي بيتصل بيكي ليه
نانسي: يمكن عاوز يطمن عليكي، اصله هو اللي قاله اجيلك
لبني: امممم، يعني اتكلمتو قبل ما تيجي
سعد: الووو
نانسى: انا اتصلت على رقمك وكلمني
لبني: اها........ ايوة يا خالي، للأسف اللى معاك لبني مش نانسي انفع ولا لأ
سعد: لا متنفعيش اديني نانسي
لبني بنرفزه:: طيب ابقا كلمها من تليفونك بقا ( قالت هذا واغلقت الخط لينظر للهاتف ويبتسم ثم يأخذ رقم نانسى ويتصل من هاتفه )
لبني: ممكن افهم في ايه
نانسي: في ايه يابنتي
لبني: من امتي بيكلمك
نانسى: انتي مجنونه صح، يابنتي ده متصل من تليفونك
لبني: واشمعنا يتصل بيكي انتي
نانسي: ايه ده؟...... انتي بتهزري معايا صح
( يرن برقمه لتنظر اليه ثم توجه اليها شاشة الهاتف)
لبني: اهووو بيتصل برقمه..... يعني انا طلعت مغفله بينكم
نانسي تأخذ منها الهاتف وتجيب: ايوه يا دكتور..... اتفضل اتكلم مع بنت اختك عشان شكلها اتجننت
سعد بإبتسامه: مالها
نانسي: متهماني اني بكلمك من وراها ( تشغل السماعه الخارجيه)
سعد: وفيها ايه لما نتكلم، دا حتي انتي عاقله وراسيه ومن البنات المؤدبه في الجامعة
(لبني تحمر عينيها وتدمع)
نانسي: الله يسامحك انت بتقول ايه،.... والله ما بكلمه.. يا دكتور اتكلم دي هتعيط
سعد بإبتسامه: ماشي يا نونا ابقا اكلمك بعدين يكون مشيتي من عندها
لبني تخطف منها الهاتف: طيب ايه رأيك بقا اني من بكره هصاحب الواد اياه
(تتلاشا ابتسامته ويغلق الخط)
لبني تنظر للهاتف بغيظ: بيقفل في وشي حضرته.....(تنظر لها وتتابع) وانتي كل ده بتستغفليني
نانسي: لبني حبيبتي، ده خالك، والله خالك، يعني مهما يعمل مش هيكون بيستغفلك،( تنهض) الف سلامه( قالت هذا واخذت منها الهاتف وذهبت)
نانسى بدموع: في داهيه كلكم، يا خاينين ( تبدء بالبكاء) كلكم خاينين
(في احدي الكافيهات)
عنود: يعني ايه مكلمتهمش يا عُمر
عُمر: انا روحت لقيتهم مجهزينلي عروسه، ومش هتصدقي هي مين
عنود: اييييه، عروسه؟!.... وهي مين دي بقا
عُمر: لبني بنت اختي ههههه
عنود: ياعُمر اتكلم جد
عُمر: والله زي ما بقولك
عنود: عُمر حبيبي قول كلام معقول ده مش وقت هزار
عُمر: اصل اللي مقولتلكش عليه ان لبني امها تبقا بنت عمي وبابا رباها من صغرها علشان اهلها ماتو،... يعني لبني مش بنت اختي
عنود: وجاين دلوقتي، تكتشفو انها مش بنت اختك وعاوزين يجوزهالك، لا ياحبيبي الكلام ده، مينفعش معايا
عُمر: وانتي شوفتيني وافقت، انا رفضت طبعاً
عنود: طيب وبعدين هتعمل ايه في موضوعنا
عُمر: كلهم زعلو مني ومش هقدر افاتحهم في الموضوع ده دلوقتي
عنود: لا يا عُمر مينفعش، انت لازم تتصرف
عُمر: طيب اعمل ايه، ماهو مينفعش يكون في مشكله واروح افاتحهم في الموضوع ده دلوقتي
عنود: طيب نتجوز وبعدين تقولهم براحتك، انت راجل وتقدر تجوز نفسك بنفسك
عُمر: ياسلام، انا مش فاهمك، منين مش موافقه اننا نتجوز في شقه ومنين هتوافقي نتجوز لغيت ما يوافقو.... انتي لو فاكره اني هقدر اجبلك ڤيلا دلوقتي تبقي غلطانه،.... دا احنا نفسنا مش ساكنين في ڤيلا
عنود: مش ساكنين في ڤيلا عشان امك مش بتحب تجيب شغالين تنضف،... مش عشان فُقرا يعني
عُمر: مش موضوعنا، انتي بتقولي نتجوز دلوقتي... نتجوز ازاي بقا
عنود: انا موافقه نتجوز في شقة بس نتقابل شويه وارجع تاني البيت
عُمر: ايه ده؟!........ حبيبتي انتي كويسه
عنود: ياحبيبي انا مش قادره اعيش بعيد عنك كتير، ف الحل اننا نتجوز ولما تقنع اهاك نشهر جوازنا
عُمر: جواز عرفي يعني
عنود: اي حآجه
عُمر: انتي ليه محسساني اني هتجوزك علشان نقضي وقت مع بعض وبعدين كل واحد يروح لحاله،.... متقلقنيش منك
عنود: دا انت بتشك فيا بقا
عُمر: لا طبعا انتي عبيطه؟.... انا اه شايفك اجراء مني بمراحل بس واثق انك بتعملي كده علشان بتحبيني،
عنود: وعشان بحبك موافقه نتجوز دلوقتي،
عُمر: ده مسمهوش جواز دي صحبيه يا قلبي، ماهو لا نتجوز ونقعد مع بعض في شقة لاما تصبري عليه
عنود: ماشي ياعُمر موافقه بس بشرط، ان ده يبقا وضع مؤقت لغيت ما تقنع اهلك
عُمر: اوك موافق
عنود: طيب امتي بقا هتطلبني من بابا
عُمر: ابوكي هيوافق اني اجي من غير اهلي دلوقتي
عنود: انا هقنعه بكل حآجه، بس انت خلص بقا انا خللت جمبك
عُمر: ماشي، خدي معاه معاد بكره لو ينفع
عنود: ينفع جداً
عُمر: اووووكي حبيبتي، بكره هكون عندكم
عنود بإبتسامة: بحبك أوي يا بيبي