CMP: AIE: رواية مع وقف التنفيذ الفصل الرابع4بقلم نجمة براقة
أخر الاخبار

رواية مع وقف التنفيذ الفصل الرابع4بقلم نجمة براقة

رواية مع وقف التنفيذ

 الفصل الرابع4

بقلم نجمة براقة

صباح الورد......  حاسه ان القصة مش عجباكم 🙂 ف لو كملت الف هكملها ولو مكملتش هكملها بردو بس ادعموني عشان بجد متردده من نحيتها 


p4


في  اليوم  التالي عادت لبني الي المنزل برفقة توفيق، لتقابلها فاطمه وتوبخها على فعلتها،  


فاطمه: ولو ضربتك دلوقتي اطلع شريره وكرهاكي 

لبني وهي تبحث عن سعد بعينيها:  ها....  ايه يا تيته؟!

فاطمه: بتبصي فين.. بصيلي هنا 

لبني: نعم يا تيته

فاطمه: ااااازاي تحاولي تموتي نفسك 

لبني: مش هعمل كده تاني.....( تتابع)  امال خالي فين 

فاطمه:  خالك نايم يا كبد امه بعد ما صفا دمه عشانك 

لبني بتذمر:  وجايله نوم....  شويه وراجعه 

فاطمه تمسك ذراعها:  استنى هنا،  لسه بكلمك 

لبني: في اييييه يا تيته،  

فاطمه: يابت اعقلي لا اضربك 

لبني: حاااضر والله مش هعمل كده تاني.....  بس سيبيني اشوف خالي وراجعه 

فاطمه: روحي رووووحي

لبني: رايحه اهو بتزعقي ليه،.. قولونك!

فاطمه: ماحد هيهيج قولوني غيرك

لبني: مانتي لو تعديني بس هترتاحي، وسعي يا وليه الله

فاطمه: ولولو عليكي دقيقة وسكتو 

وهي تتجه لغرفة سعد: مستخسره فيه ساعة ولوله، ياساتر


( ذهبت إلى غرفته وفتحت الباب ببطئ لتجده نائم،  ثم تدخل بحذر،  وتقف جانبه،  ثم تجسي على ركبتيها وتنظر إليه وتتحدثه بخفوت) 


لبني:  ياحنين وجايلك نوم......  بقا كده بتستغفلني انت ونانسي......  مااااشي،  طيب وربنا لا اقسم وسطك في المهر... واهد حيلك في المؤخر،......( تبتسم وتتابع حديثها).....  وحشتني يا سعدوشي مع اني مش طيقاك، بس عشان تعرف اني طيبه، مش زيك زعلك زفت علي دماغك...... بس مسمحاك عشان اتبرعتلي بدم ( تقف و تمسح علي رأسه بخفه ثم تقبل جبينه، وتغطيه وتعود ادراجها بحذر وتخرج من الغرفه،  ليفتح عينيه  ويرمي الغطا ويزفر بغيظ) 


سعد: ماشي يا لبني،  ماشي ( ينهض  ويدخل الحمام،  يستحم ويخرج الى والده ويتطلع حوله باحث عنها ولا يجدها) 


توفيق:  عامل ايه دلوقتي 

سعد:  احسن 

توفيق: دايما ياحبيبي 

سعد: متشكر 

توفيق:  قولي بقا،.. هنكلم عم لبني ولا ايه 

سعد يأوم ايجابآ: ايوه 

توفيق:  يعني انت مستعد لجوازه دي

سعد:  بابا!  علشان  تكون  فاهم  ... احنا هنكتب الكتاب وبس،  وده هيفضل سر بينا،  ....  لغيت ما يجيلها نصيبها وتجوز بجد 

توفيق: يعني ايه يابني 

سعد:  يعني الضرورات تبيح المحظورات،....  احنا هنكتب الكتاب ومفيش اي حآجه تاني هتحصل

توفيق: يعني نصبر ده كلو علشان نفرح بيك وانت هتجوز علي الورق بس 

سعد يتنهد: لا،....  انا هبتدي ادور علي عروسه 

توفيق: طيب ولبني 

سعد: انا وهي اتكلمنا واتفقنا  

توفيق: مش عارف اقولك ايه.....  اللي تشوفه يابني،  المهم ده ميكونش علي حساب حد فيكم 

سعد:  متقلقش 

توفيق: تمام 

(فاطمه تأتي من المطبخ وتقف امامه لتعطيه طبق الخضروات  وتمسك السكين وتقطع الخيار) 

فاطمة: هنعمل فرح ولا لا يا سعد 

سعد يزفر بضيقه: ماما،  ابوس ايدك تسكوتي

فاطمه: خلاص نخليها دخله سوكيتي

سعد:  لاااا اله الا الله......  في ايه،.. في كلامي مش مفهوم.....  ده جوااااز سوريآ بسسسسس يا ماما 

فاطمه:  براحتك،  بس انا كنت عايزة اقول حآجه، ومش هتراجعني فيها 

سعد: قوووولي يا ماما 

فاطمه:  منار بنت اختي جاية من الامارات بعد كام يوم،  ولازملها اوضه،... ف انت ياخويا تاخد لبني تنومها في اوضتك يكون مشيت 

توفيق:  ايه اللي بتقوليه ده يا فاطمه 

سعد: ونبي كلمها يا بابا عشان هي قاصده تضايقني

فاطمه: ايه يا حبيبي مش بتقول بنت اختك.....  ولا الكلام غير الحقيقه وخايف 

سعد: استغفر الله العظيم......  لا يا ماما هي بنت اختي  ومش  خايف.....  اللي  تشوفيه 

فاطمه:  حبيبي ابني، ايوه كده......  وانا لو مش عارفه انك خالها وبس كنت وثقت انها تنام معاك في نفس الاوضه......  بالك يا توفيق دي لو نامت معاه علي نفس السرير بردو مقلقش 

توفيق يهز رأسه ويضحك:  ههههه الله يحظك يا فاطمه،....  عندك حق 

سعد: انا عارف اني مش هخلص من تلميحاتكم دي،  براحتكم....  وموافق يا ماما،  من اول  يوم هتبات معايا......  ماهي كانت تبات معايا زمان، ايه اللي اتغير

فاطمه تشير اللي  قلبه: التغيير هنا 

سعد: هنا ازاي 

فاطمه بإبتسامة: قصدي كنت تلبس نص كوم دلوقتي بقيت تلبس بدل ههههه 

توفيق:  يابني سيب الطبق ده وامشي امك نويالك 

فاطمه:  في ايه يا توفيق،  استنا اخلص تقطيع السلطه 

سعد يعطي الطبق لتوفيق:  اقعدي جمبه وقطعي،  انا رايح مشوار  

فاطمه: مشوار ايه

سعد:  رايح ل نبيل صاحبي 

توفيق: طيب هنجيب المأذون  امتي 

سعد: نكلم عمها النهارده وبكره نجيب المأذون


لبني تخرج من غرفتها وترفع حاجبها:  همممم،  حساكم بتقررو عني مصيري.....  ولا ايه يا دوكتووور 

(سعد يضم شفتيه وينظر لها بتوعد لتبعد عنها مسافه) 

لبني: احم....... ايه؟

سعد: انا  خااارج،... وانتي اجهزي  عشان المأذون جاي بكره

لبني: عيب اوووي تكون خالي وتقولي المأذون جاي،( تقترب منه وتهمس في  اذنه)  اسكوت مش قطعت علاقتي ب نوناااا.....  مش اسمها نونا بردو 

سعد بنفس النبره:  اسكووووتي مش هتعيدي السنه وانتي واللى لفت انتباهك 

لبني:  لااااااا  سقطني انا بس بلاش ميزوووو

(سعد يضم قبضته ويزفر بغضب لتبتعد عنه  مسافه  كبيره  ) 

فاطمه:   مالكم 

لبني: انا عارفه مالو.. بيتعصب من الهوا..... مع ان نااااانسي اقصد نونا قالت العصبيه وحشه،  ولا  ايه  يا دوكتووور 

سعد: اذا كانت نونا قالت كده يبقا عندها حق ولازم اهدا .....  عن اذنكم 

لبني  تمط شفتيها باشمئزاز: متبقاش تتأخر،  يا دوووو كتووور

سعد بنفس الطريقه:  طيب يا لوووب ناا

لبني بتمتمه: بغيض 

فاطمه: الحق بتقولك بغيض 

(لبني تتسع عينيها وهو يتجه نحو الباب متجاهلها ليبتسم في طريقه ويغلق الباب خلفه)

لبني: حراااام عليكي انتي بتفتنيه عليه، مش شيفاه مش طايقني ازاي

فاطمه تنهض وتمسك يدها :تعالى اقولك تضايقيه ازاي

لبني تبتسم: يلاااا 


« داخل الغرفه»


لبني: قولي

فاطمه: اقولك..... شوفي

لبني بتركيز: ها

فاطمه: بعد كتب الكتاب، هتباتي معاه في اوضته، زي زمان

لبني: ايه؟..... لا طبعا مينفعش

فاطمه: مينفعش ليه..،مش خالك يا عبيطه 

لبني:اه بس مينفعش ابات معاه في اوضته عيب

فاطمه: لا مش عيب خالص،..... وعيب ليه،.. اي حد يتكلم نقول دي مراته،...احنا هيكون معانا قسيمه عشان محدش يقدر ياخدك وبالمره نستخدمها لو حد قالك بايته معاه ليه... كده وكده يعنى

لبني: يا تيته، احنا هنكتب اه بس مينفعش اللي بتقوليه ده 

فاطمه: انتي مش واثقه من نفسك و واثقه في خالك ولا ايه

لبني: اكيد واثقه من نفسي،و واثقه في خالي اكتر، بس يعني

فاطمه: ولا بس ولا مبسش،دي احسن طريقه تضايقيه بيه وتذنقيه في اوضته 

لبني : تفتكري 

فاطمه: افتكر طبعاً،... اسكوووتي ده انا كتير بسمعه بيتكلم مع واحده في التليفون، وانا عاوزاكي بالمره تاخدي بالك وتعرفي هي مين

لبني بعبس: لا مش ممكن،... خالي بيكلم واحده وميقوليش، طيب وديني لا انا معقداه في عيشته، الكداب المنافق

فاطمه: ايوه كده بنتي ناصحه وهتعرفلنا بيكلم مين وتضايقه في نومته كمان

لبني: طيب والله لا اضايقه 

فاطمه: طيب يلا روحي ظبطي نفسك كده وحطي ماسكات  عشان المأذون لما يجي بكره ميقولش غصبينك 

لبني: حاضر


#سعد 


الله يسامحك يا ماما،... تبات معايا ازاي بس، يعنى هي بتحط النار جمب البنزين وتقولي متولعش


نبيل: ايه الجنان ده

سعد: هو جنان فعلاً،... انا مش مرتاح يا نبيل

نبيل:  ازاي يعنى خالها وهتجوزها

سعد: قانونآ انا مش خالها،... بس كنت هعمل اية؟!..... خوفت اسيبها تروح عند عمها محدش عارف هيتصرفو معاها ازاي...،دي عيله، معظمها حشاشين 

نبيل: طيب ما كنت استنيت يجيلها عريس كويس

سعد: يعني هدلل عليها يانبيل؟!... وبعدين البنت لازم تخلص تعليمها قبل الجواز

نبيل: صح...... لكن بردو ازاي هتبات معاك، الموضوع رخم شويه 

سعد: هو رخم شويات الحقيقه

نبيل: طيب ما فكرتش تخلي الجواز ده حقيقي

سعد: في اييييه يا جماعه،... حتى انت يا نبيل

نبيل: انا قصدي ان البنت تحللك وانت وهي متعلقين ببعض

سعد: تعلق خال ب بنت اخته، مش حآجه تانيه

نبيل: اها ههههه..... مبروك.... مش عارف اقول اية غير كده

سعد: انت المفروض تعزيني،..... انا متوتر زي العروسه في ليلة فرحها 

نبيل: ههههه ليه، مش بتقول، بنت اختك،  متوتر ليه 

سعد  بتنهيده: يعني  ايه  متوتر ليه...... غلط كبير  اللي  بيحصل  ده....  الله  يسامحها  ماما 

نبيل: خايف تضعف؟!

سعد:  بطل هبل...... انا اقصد ان  مهما كنت بعتبرها بنت اختي وبنتي...  ف هي  في  النهاية  زي ما بتقولو، تحللي،  .....  وكمان  هكتب  عليها، وماما أكيد هتحاول تخلق لينا جو... فاهم قصدي 

نبيل:  ههههه ماهو  ده  قصدي، انت خايف  تضعف...  وطلما خايف  تضعف،  يعني  انت مش  شايفها بنظرة خال،  ف بالتالي انت مجذوب ليها  بطريقة  تانيه  

سعد: ياخي مضايقنيش ياخي،... لا طبعا مش مجذوب ليها ولا حآجه،... بس نومتها معايا في اوضه واحده غلط

نبيل بإبتسامة: بصراحه اه، البت حلوه اوي وتقلق 

سعد: ما تحترم نفسك ياخي... يلعن ابو شكلك، تصدق اني غلطان عشان جيتلك 

نبيل: اسف ياعم انا مش بعاكس انا بفكر معاك بصوت عالي 

سعد:متبقاش تفكر تانى

نبيل: طيب قولي،   وهي بتتصرف معاك ازاي

سعد: متعلقه بيه تعلق بنت بخالها عادي خالص

نبيل: و وافقت انك تكتب عليها عادي كده

سعد: هي اللي طلبت في الاول

نبيل:اووووبا، وانت اللي خايف

سعد: قصدك ايه

نبيل:  هى اللى طلبت يعنى مفيش خوف واكيد عاوزاك 

سعد يضرب كف بكف: لاااا اله الا الله....... يابني دي طلبت علشان مطمنه اني مش هستغل الورقه ضدها، فاااهم،... يعني أمنتني علي نفسها 

نبيل: والله انتو هتجننوني 

سعد: بقولك ايه انت خنقتني، انا ماشي وبكره تيجي علشان تشهد علي كتب الكتاب

نبيل:ههههه ماشي يا عريس

سعد: ياخي مضايقنيش انا طايقك بالعافيه..... واسمع..... الكلام ده ميطلعش برا

نبيل: ماشي ياعم، مش هيطلع بره


انا وصلت لمرحله خايف اتكلم مع نفسي او اقعد شويه لوحدي، علشان مستسلمش للافكار اللي في دماغي،.... انا مش عارف ايه اللي حصلي، ما هي قدامي من صغرها ايه اللي جد خلا الدنيا تبوظ كده... انا بقيت اخاف اقعد معاها لوحدنا، حتى لما دخلت عندي عملت نفسي نايم علشان منتكلمش بعد ما عهدت نفسي اني هخلي بينا حد في المعامله....... اي ان كان اللي بيحصل، بس بقا بيني وبينها حاجز... ومستحيل هرجع اشوفها زي الاول


#عُمر


قبل ما اروح بيت عنود عديت على محل الحلويات اللي شغاله فيه سمر، علشان اخد جاتوه من هناك،.... ولحسن حظي ان هي االلي كانت قاعده في استقبال الزباين 


عُمر: ازيك 

سمر بإبتسامة:  بخير  وحضرتك 

عُمر بإبتسامة: تمام...عامله  اية،.. واخوكي ازيه دلوقتى 

سمر: الحمدلله  بقا  كويس 

عُمر: طيب الحمدلله 

سمر: الحمدلله....  ها،  قولي  طلباتك

عُمر:  انا  بطرد ولا ايه؟!

سمر:  يا خبر،  لا طبعا  يافندم  حضرتك  تنور 

عُمر: اقولك  حآجه  ومتفهمنيش غلط 

سمر: اتفضل 

عُمر: فيه محالات كتير اشتري  منها  بس  رجليه جابتني هنا  علشان  بدأت  اتفائل بشوفتك

سمر: اممم، والمعني

عُمر: متفهمنيش غلط،...وعلشان  مخك ميلفش كتير.. انا  جاي اخد جاتوه  علشان  اتقدم للبنت اللي  بحبها 

سمر: انت مش  قولت  انها  خطيبتك

عُمر:  لا  لسه مخطبتهاش رسمي  بس انا  رايح  اهو،...  قوليلي توقعاتك بقا  ههههه 

سمر بإبتسامة:   الف مبروك  مقدمآ، 

عُمر: مفيش  اي توقعات طيب 

سمر:  ههههه لا،  بس افرض توقعتلك انها  مش  هتنفع هتغير رأيك؟! 

عُمر:  ههههه،  من نحية تنفع ف انا  عارف  انها  تتفع،  بس فى  تحديات هتقابلني 

سمر بإبتسامة: طيب وبتقولي الكلام  ده  ليه 

عُمر: اقولك ومتتريقيش 

سمر: قول 

عُمر: انا  بحبها،  بس مش  مظبط، والموضوع مش مترتب،  يعني  انا  مثلا  مقولتش  لاهلي اني  رايح عشان مش موافقين عليها ودابب معاهم مشكله بسبب موضوع تافهة... ف حاسس ان الموضوع متعقد من اوله،.. وحسيت اني لما اقولك هيروح التوتر

سمر:  ههههههههههههههه،  ماهو  انت لاما عشري لاما متزعلش  مني انك يعني 

عُمر:  أهبل  صح 

تأوم ايجابآ:  ههههه  ايوه 

عُمر: هههههههه اصلي انا برج السرطان 

سمر: ايوه  فعلاَ  هما  عاطفين الجماعة  دول، بس عيوبهم بتبوظ علاقاتهم 

عُمر:  معنديش  عيوب بتبوظ  علاقاتي بحد

(سمر تخبئ ضحكتها بيدها) 

عُمر: في ايه 

(سمر  تأوم رأسها  نافيآ) 

عُمر:  لا بجد  عاوز اعرف  سبب الضحكه 

سمر: اصلك لسة  قايل انك دابب مع اهلك  مشكلة  ورايح تتقدم لوحده  من غير  ما تقولهم...  دي فيها  قطيعه دي

عُمر: والله  هما لو مش  هيفرحو لسعادتي ف دي مشكلتهم،  طالما  مش  بضر حد 

سمر  بإبتسامة  مجاملة: طبعاً 

عُمر: ايه ده 

سمر بجدية: حضرتك مقولتش  عاوز ايه 

عُمر:  انا  اسف  لو ضايقتك

سمر: لا عادي  مفيش  حآجه...  اتفضل  قول  طلبك

عُمر:  عاوز علبة جاتوه 

سمر: تحب  تشوف  تشكيله؟!

عُمر: اللي  تختاريه 

سمر:  اها 


الظاهر  اني  خفيف  ولا  إيه،  هي  يخصها في  ايه  علشان  احكلها عن نفسي...... بس بصراحه هي  حاله  غريبه،  وافتكر اننا لازم  نكون  صحاب 


سمر: اتفضل 

عُمر :  متشكر،  الحساب  كام 

سمر: 150 

عُمر يخرج محفظته ويعطيها مائتين:  خلي الباقي  عشانك 

سمر بجدية:  استنا

عُمر: ايه 

تخرج خمسين من الدرج وتعطيه اياها:  متشكره  مبقبلش بقشيش

عُمر:  في  ايه....  لو زعلتي  بسبب كلامي  معاكي  ف انا  اسف  مش  هتجاوز حدودي  معاكي  تاني، بس خلي الفلوس

سمر: قولتلك  مش  بقبل  بقشيش،  الحمدلله  مش  محتجاه،  واتفضل  عشان  الناس

عُمر يأخذ المال: اوكي...  مع السلامه 

سمر: مع السلامه


ذهب الي سيارته وصعد بها،  وادار رأسه يتطلع إليها للحظات لتتجاهله وتتابع عملها 


#سمر 


في  اول مره  فهمت  انه مهزوز  ومش  عارف  هو  عاوز ايه،..  تاني  مره  حسيته  شخصيته ضعيفه وانه في  العلاقه هو  الطرف  الاضعف،.. بس المره دي  حسيته عيل مراهق في  شكل  راجل...... ومع اني  مشوفتش اهله ولا البنت  بتاعته  بس  انا  متاكده انها مش كويسه،  .....  وفي  النهاية،  هو  ميخصنيش في  حآجه،  وكويس اني وقفته عند  حده 


« منزل سمر» 


شهد تستقبلها عند  الباب وهي تبكي: اتأخرتي ليه 

سمر:  مالك  بتعيطي  ليه؟!

شهد: انا عايزة اركب عدسات طبيه بدل النضارة دي، كل العيال بيتريقو عليه ويقولولي يام كشفات

سمر بتنهيده: حاضر حبيبتي بس ممكن تستني لشهر الجاي عشان والله الفلوس كلها اتصرفت على الاقساط وكشف ياسين والادويه

شهد: ماشي

سمر تقبل وجنتها: معلش حبيبتي حقك عليه

شهد: لا عادى، انتي كتر خيرك بردو 

سمر بإبتسامة: حبيبتي اللي حاسه باختها دي ياربي ( تسمع صوت احد بالداخل)..... مين جوه 

شهد: ده عم عبده البواب 

سمر: في مشاكل جديدة ولا ايه

شهد: ماما بعتتله عشان يشوف مستأجر جديد لشقه

سمر: يانهار اسود،الناس تقول علينا ما صدقو الراجل مات ( تترك حقيبتها وتذهب اليهم لتجد ان عبده يرحل).... فى ايه ياعم عبده 

عبده: خير يا انسه سمر

الام: روح ياعبده ورد عليه لو لقيت حد كويس 

سمر: لا ياعم عبده متعملش حآجه،... يا ماما عيب الناس تقول علينا ايه

الام:روح ياعبده واعمل اللي قولتلك عليه

عبد: حاضر يا ام ياسين، بالاذن( قال ذلك وذهب)

سمر: والله عيب يا ماما،الناس هتاكول وشنا

الام: يابنتي الحق ميزعلش، ده ساكن جديد مش عريس،..... خلينا نشوف حد يسكنها واهو الايجار يساعد في المصاريف

سمر: يعني الراجل ميت اول امبارح واحنا نجيب ساكن النهارده، واااالله عيب

الام: اسكوتي انتي، دا مفيش حد زعلان عليه، واهو ارتحنا منه

سمر: ربنا يرحمنا جميعآ،، اذكرو محاسن موتاكم 

الام: ربنا يرحمنا

سمر: طيب، انا داخله اشوف ياسين 

الام: ماشي حبيبتي وانا هجهز العشا 

سمر: ماشي حبيبتي،تسلم ايدك 


« داخل غرفة ياسين» 


تفتح الباب لتجده جالس علي سريره ويبدو عليه الحزن، لتجلس جانبه وتضع يدها على كتفه 


سمر: مال حبيبي

ياسين: مفيش

سمر: امال البوز ده بيعمل ايه في وشك 

ياسين يقوس شفتيه وعينيه تدمع: علشان كل ما اكل شيكولاته او مصاصه بتعب، اشمعنا العيال كلهم بياكلو حلويات براحتهم وانا لأ

سمر تدمع عيونها: يا حبيبي الشيكولاتة والحلويات بيخلو الاسنان تسوس،وانت سنانك بيضه وحلوه مش عاوزينها تبوظ

ياسين ببكاء: لا انا لو كلت حلو هموت مش سناني هتسوس

سمر تضمه  الي صدرها: لا ياحبيبي مش هتموت ولا حآجه، وبعدين انت تقدر تاكول شيكولاته كل يوم، بس حته صغيره

ياسين:  مش بس الحلو،... اكل كتيرر مقدرش اكله، وكمان انا بكره الدوا وشكة الابره كل شويه،... وبعرق من غير سبب....... هو انا هموت يا سمر

سمر بدموع: لا ياقلبي، شوف ماما قد ايه وهي زيك بظبط، ولسه عايشه

ياسين: معرفش بقا بس انا مش عاوز اكون كده

شهد تدخل عليهم: ماخلاص يابني استرجل شويه،.... الواد دة عاوز دكتور نفساني

سمر: اتلمي واطلعي بره

شهد: انا بحاول اهون عليه بدال ما يدخل في حالة اكتئاب بسبب التعب.... الواد ده عنده حاله نفسيه سيئة جداً، بتزيد شكوته من المرض،... وبيتوهم

ياسين ببكاء: انتي كل يوم تاكلي الحاجات اللي بتحبيها وانا لأ

شهد: ياعم البس نضراتي واديني تعبك ده، اهو علي الاقل محدش هيقولي يام كشفات

سمر: هضربك يا شهد

شهد: يابنتي اسكوتي انا بكلامي ده بدعمه، وخلي بالك دعم المحيطين بمريضين السكر مهم جداً ليهم، لانه بيحسن الحاله المزاجيه عندهم، ويبعدهم عن التوتر.... مع العلم ان التوتر عامل اساسي في سؤ الحاله النفسية والصحيه،.... عندك ماما مثلا لما بتكلم قدامها بتنفعل وسكرها بيعلي، بس لما ابعد بترتاح

سمر: ههههه يابت عيشي سنك يخربيتك

شهد: حبيببببتي14 سنه علي  ايام  امك كانو بيتجوزو ويفتحو بيوت،...  تحبي اعملك  ديلين حصان هنا  وهنا  علشان  اعيش  سني يعني ولا ايه

سمر:  افصصصصلي.... ايه حجارتك جديده لسه

شهد:  لا يجب على المرء السخريه من الآخرين لانه لا يعلم قدرهم عند الله،  وقد يكُن من يسخر منه اعلي منه مكانه يوماً  ما

سمر: استغفر  الله  العظيم.....  طيب ممكن تسكوتي شويه...  مممممكن

شهد وهى تعدل نظراتها وتمط شفتيها:  احم "اناقة لسانك هي ترجمه،  اناقة فكرك فلا ترفع صوتك بل ارفع مستوي كلماتك" 

ياسين: اضربيها يا سمر 

سمر تخلع نعلها:  حاااضر يا ياسين...  امشي  من هنا  يا جزمه 

شهد  تنهّض وترفع رأسها بعجرفه وتذهب لتقف عند  الباب:  قال الامام على رضي الله  عنه وارضاه ( ترى الحذاء قادم إليها  لتتركهم وتركض ليرتطم بالباب لتصرخ من الخارج)  ....  جاااااهله 

سمر: عيله رزله

ياسين: ههههه اضربيها تاني 

سمر:  ههههه ايوه  ياعم  لا مالك  انت 


#عنود 


من فتره بعدت عن  عُمر عشان  مش  راضي  ياخد خطوه في علاقتنا وكنت خلاص شيلته من دماغي  لانه مش هو  ده الراجل اللي يملا عيني،....  وبعدها كنت  في  حفله  عيد ميلاد صحبتي،  واتعرفت علي  واحد...  شكله  وسيم   وكان شياكه حتي  في  كلامه،  ويسحر اي واحده  تشوفه،..  وبعد المقابله دي بدات اقابله كتير بعد  كده،.. لغيت ما قربنا من بعض بزيادة و وعدني بجواز بعد  ما باباه يرجع من سويسرا،.. وانا  صدقته،.. ف واحده واحده علاقتنا اطورت وروحت معاه شقه قالي انه متأجرها عشان نقعد فيها علي راحتنا بعيد عن الناس.. علشان سمعتي متتشوهش لما يشوفوني بره معاه....  وصدقته في دي كمان،  وسلمتله نفسي،  والموضوع اتكرر تانى وتالت وعاشر، وبعدها بدأت الح عليه علشان يجي يتقدملي وهو  يتهرب لغيت ما زهق وقالهالي علي بلاطه، انه كدب عليه وانه مش  غني والعربيات اللي كان بيقابلني بيهم بياخدهم من المحل اللي شغال  فيه ميكانيكي.....  صدمتي كانت قويه،  لدرجة فكرت انتحر، بس مقدرتش  اعمل  كده،  ف قررت اني انسا وابدء حياتي  من جديد، لغيت ما اكتشفت اني حامل،.....  وخوفت اسقطه اموت فيها، ف مكنش قدامي  غير اني ارجع ل عُمر بعد ما عملت عمليه رجعتني زي الاول، ومن وقت  ما رجعتله عماله أقنعه انه يتقدم او حتي يحصل بينا حآجه عشان اقول ان الولد منه، واهو علي  الأقل غني حتى لو اتجوزته مش  هخسر كتير.....  لغيت  ما اخيرآ اتحرك، وقرر يتقدم بعد زن مني.. وانا اقنعت بابا اني عاوزاه وهنبتدي مع  بعض  من الصفر، ولأن بابا راجل عصامي، عجبته الفكره،  وعجبه ان عُمر اتخلا عن فلوس  اهله وقرر يكون زيه.. ويكون  نفسه  بنفسه،  


فؤاد: امال اهلك مجوش معاك ليه 

عُمر ينظر لعنود: هي عنود ما قالتلكش

عنود: قولتله،....  قولتله انك قررت تعتمد علي نفسك، علشان كده حبيت تيجي لوحدك....  وطبعا اسم توفيق النجار اشهر من النار علي العلم ولا ايه يا بابا 

فؤاد: ماهو عشان كده انا بسأل مجوش ليه،  ولا  هما  مش  موافقين

عُمر: لا طبعاً موافقين، بس انا حابب اعتمد على نفسي وهما لو جم هيصرو انهم يصرفو علي جوازتي،.. حضرتك فاهم 

فؤاد: لا مينفعش،  لازم يحضرو ويتكلمو معايا، انا وبنتي مش قليلين علشان ميجوش يطلبوها بنفسهم

عنود:  انا مش فهمتك يا بابا 

فؤاد: انا وافقت علي بدايتكم من الصفر مش علي ان اهله ميجوش 

عُمر: مفهوم، انا هتكلم معاهم واقنعم......  اقصد اجيبهم واجي

فؤاد: براحتك في اي وقت تحبو تيجو انا في انتظاركم 

(عنود تكظم غيظها وترسم ابتسامه زئفه) 

عُمر: استأذن انا 

فؤاد: مع السلامه 


(ذهب عُمر وهي وقفت امام ابيها تحدثه) 


عنود: ليه يا بابا،  انا مش قولتلك وجهة نظره ف انه يجي لوحده 

فؤاد: انا مش مصدق كلامك ده، الولد شكله جاي من غير ما اهلو يوافقو 

عنود: حتي لو كده...  انا ميهمنيش اهله 

فؤاد: انا بقا يهمني،....  مش بنت فؤاد الجندي اللي تترفض.....  انا ميهمنيش فلوس ولا ثروه،  انا  اللي  يهمني موافقة اهله وبس

عنود بخيبه: ماااشي (قالت هذا وذهبت) 


تتحدث معه على الهاتف 


عُمر: انا قولتلك ان ده هيحصل مصدقتيش

عنود: عُمر! انت لازم تتصرف، لاما نتجوز عرفي وخلاص 

عُمر: يخربيتك سنينك، يابنتي مش خايفه افهمك غلط، او افكرك سهله 

عنود: فكرني اني بحبك وعاوزاك

عُمر: وانا والله عاوزك بس بالعقل، بصراحه انا تربيتي متسمحش اني اعمل كده،  انا ابويا وامي حجين بيت ربنا مرتين

عنود: يعني انا دلوقتي اللي بقيت عاصيه عشان بحبك ومتمسكه بيك

عُمر: لا ياروحي،  وعشان تمسكك ده انا مش هسكت ولا هسيبهم غير لما يوافقو حلو كده 

عنود: حلو 


#نانسي 


عارفه ان لبني مجنونه ومش بتعرف بتقول ايه وخصوصآ لو الموضوع يخص خالها،  بس المره دي زعلتني اوي لدرجة اني مش عايزة اعرفها تاني 


مازن: نانسي 

نانسي تزفر بضيق ثم تستدير:  ااافندم ناااعم

مازن: عاوز اصبح عليكي بس في ايه 

نانسي:  صباح النور حلو كده 

مازن: انتي مالك زعلانه ليه النهارده 

نانسي: اتجننت،....  ( تتنهد)  معلش هخلص المحاضره ولو رجعت ولقيتك هقولك اللي موقفني مخصوص عشانه عن اذنك 

مازن: انتي فهمتيني غلط علي فكره،  

نانسي: ههههه غلط ايه بقا،  انا عارفه اني كوبري، بس مش  مشكله،  عن اذنك (قالت هذا وذهبت ليضحك علي تعبيرها بانها كوبري ثم يجلس في الكافتيريا ينتظرها حتي اتت بعد وقت) 


مازن يرفع يده: هووووي......  هنا 

نانسي تذهب نحوه وتجلس على المقعد:  فضيتلك اهو ....  نعمين

مازن: نعم الله عليكي يا شابه 

نانسي: ههههه شابه،  استر يارب،  تقربلك ريا اخت سكينه 

مازن: ههههه هو باين عليه اوي كده 

نانسي:اوي...انا عرفتك من كلمة شابه اللي قولتها 

مازن: ههههه احنا هنريحوكي،...  تشربي ايه 

نانسي: خليها قهوه مدام فتحنا سيرة الحبايب 

مازن: دقيقه ورجعلك ( يذهب ويعود سريعآ ويتحدث أثناء جلوسه)  انتي عارفه ان من كام سنه طلع باحث وقال ان ريا وسكينه مش هما اللي قتلو الستات دي.. وان الانجليز كانو بيقتلو الناس ويدفنوهم مكان بيوت ريا وسكينه قبل ما تتبنا.. ف ريا وسكينه اتاخدو فيها ظلم

نانسي: ههههه بس هما اعترفو 

مازن: ماهو قالك بقا انهم اعترفو من شدة التعذيب اللى اتعرضولها وقتها

نانسى: يا حرام يعني ريا وسكينه مقتلوش خضره 

مازن: ولا قتلو نبويه الدلاله ههههه 

نانسي: ههههههههههههه لا الله يباركلك متبوظليش معتقداتي قديمة الازل 

مازن: وانا مالي هما كانو من بقيت عيلتي،  اهم ماتو وارتاحو 

نانسي: علي رايك 

مازن: انتي عارفه! انا بحب قوي اعرف قصص زي كده،.. دايما بميل لتراث في كل حآجه،  وبحب النحت اللي كان في زمنهم والفنون وقتها،  والاسطونات  

نانسي بإبتسامه: مش باين عليك 

مازن: علشان قصت رجل الديك قصدك

نانسي: هههههههههههه اسمها كده 

مازن: هما بيقولوها كده 

نانسي: ههههه...  غير عرعورة الديك 

مازن: رجل الديك

نانسي:  هههههههههههه غير رجل الديك؛  بس انا بتكلم على انك لسه في سنه تانيه وانت في السن ده 

مازن: ملهاش علاقه أبداً باني ناجح في التعليم، انا هوياتي كده بعيد خالص عن دراستي،.. بتحصل 

نانسي: عندك حق،  انا مثلا بحب الفنون زي الرسم والنحت والتطريز،  بس داخله حقوق

مازن: هي كده الحياه تحبي حآجه وتشبكي في حآجه تانيه 

نانسي بإبتسامه: صحيح عندك حق 

مازن: وعلي كده انتي هتطلعي محاميه وتوقفي قدام القاضي وتقولي سيادة القاضي حضرات المستشارين المتهم بريئ خرجوووه بليييز 

نانسي:  ههههههههههههههه، متفكرنيش انا مش عارفه همشي ورا احساسي وقتها واصدقه ولا لازم اجمع ادله....  مع ان احساسي  مبيخيبش أبداً  تجاه الاشخاص 

مازن: داااا انتي هتخرجي زعماء مافيا من الجريمة لو عيطو قدامك،  كان مالها فنون جميلة  قصرت معاكي  في  حاجه

نانسى: ههههههههه والله عندك حق 

مازن: طيب انتي عارفه،  ان الهوايات  بذات ممكن تنميها مع نفسك من غير كليات،  يعني  ممكن تتعلمي النحت في البيت او في  الاماكن  اللي  بتعلم.. وكذلك الرسم،.. وتقدري تشتغلي في الحاجات دي من غير شهادات،.... غير المحماه اللي مش مضمونه وشكلك كده مش نافعه فيها 

نانسي: هههههههه وربنا انت طلعت  تحفه،  لا احنا  من النهارده  لينا قعده زي كده،...  بس الظاهر  انك نسيت احنا  قاعدين  ليه،  اتفضل  اسأل 

مازن يعقد حاجبيه: اسأل عن ايه......  اااااه لبني صحيح.....  هي  عامله  ايه

نانسي: ههههه لا بجد  تحفه.....  لبني كويسه  وبلغتها سلامك

مازن: نفضتلك صح

نانسي: لا بالعكس تقبلت الكلام  بإبتسامه 

مازن: الله  يطمنك.....  بس لاحظت ان خالها متشدد شويه 

نانسي: تقصد مش بيستحمل عليها حآجه 

مازن: اه....  انا  وقتها خبطت فيها  بالغلط  ف ضربني....  مع انها  هى  اللى  مكنتش  شايفه 

نانسي: اصلك مش  فاهم....  هي  يتيمه وخالها مربيها من صغرها وعلشان كده  بيخاف عليها 

مازن: اهااا،  مكنتش اعرف 

نانسي: واديك عرفت 

مازن: حتى  لو كده ده ميدلهوش عذر في  ضربي

نانسى: معلش،  اصله متعلق بيها  شويه

(مازن يشرد بتفكيره) 

نانسي: طيب اسيبك انا  بقا

مازن: ما تقعدي شويه

نانسي: كفاية كده  يدوب الحق المترو 

مازن: انتي  بتيجي وتروحي بالمترو 

نانسي: اه بس مش  بعيد  اوي،  هما  محطتين 

مازن: كان نفسي اقولك اوصلك بالعربية بس اكيد هترفضي

نانسي:  دي تلكيكه،..  مين قالك  اني  هرفض

يمسك مفاتيحه وينهض: خلاص يلا،  انا  مكنتش  اعرف  انك  هتوافقي

نانسي: ههههههههههه لا بهزر،  ارتاح،  دي فيها  قطع رقبه لو حد  شافني راكبه معاك،  احنا  صعايده ياااابوي

مازن:  وه ياموووي،  ومعتقوليش ليه من لول،  كنت  ضربتلك عيارين ههههه 

نانسي:  ههههههههههههه مذاكر مذاكر يعنى....  مع السلام عليكم،.. هتعطلني.. الله  في  ايه

مازن:  ههههه  خلاص  روحي سلام 

نانسي  بإبتسامه: مع السلامه 


طلع لطيف عكس توقعي تماماً....  وشكله هيكون  حلو  جمب لبني في  الكوشه..... بس امتي تتصل تصالحني عشان اقولها 

                الفصل الخامس من هنا

لقراة باقي الفصول من هنا

تعليقات



حجم الخط
+
16
-
تباعد السطور
+
2
-