رواية زواج اطفال الجزء الثالث3
الفصل الحادي عشر11
بقلم الكاتبة الصغيرة
لين.. انس قوم اخلع بسرعه
انس بصدمه .. ايييهههه!!!!!!!؟
لين.. انت سخنت اوي وده غلط ممكن لقدر الله يحصلك حاجه قوم هتاخد دش يبرد جسمك لما يوسف يرجع
انس .. آه تمام تمام قام بالعافيه وهو دايخ مش قادر يمشي
لين سندته ودخلته الحمام فضلت ماسكه ايده وراحت عند الدش فتحته .. انا هروح ادور علي فوطه ولا حاجه استني لما اجي
هي خرجت وانس خلع التيشرت وراح تحت الميه
فضلت تدور وفي الاخر لقت فوطه بس متربه نفضتها كويس وراحتله
لين بتوتر.. احممم الفوطه
انس كان واقف مديها ظهره مد ايده عشان تديهاله
لين راحت عنده وهي ماشيه اتزحلقت عشان الشبشب اللي لابساها قديم جداً والبلاط قديم وناعم
لين.. ااااه مسكت دراعه بسرعه هو لف لسه هيمسكها وقعت
انس.. حاسبي
وقعت ع الارض هدومها اتبلت والدش غرقها
لين.. ااااه ظهرييي يا مامي
انس ابتسم ومدلها ايده.. قومي معلش
قامت معاه وهي بتقف اتزحلقت تاني وشهقت جامد بس هو مسكها المره دي كانت ايده ورا ظهرها وقريبه منه جدا
كان بيتأمل عينها معقول في جمال كده هي اتوترت شعرها قاعد ينزل ميه وهو كمان
لين بلهجه مرتعشه.. الشبشب ده بيزحلق عشان قديم هو البيت ده بقاله قد ايه مقفول
هو مكنش مركز في كلامها اصلا بس مركز مع حركة بوقها
قرب منها وهي حاسه بشعور غريب ازاي مش بتبعده
بعد لحظات كان القرب متحول لقبله
بس لين بعدت بسرعه
انس فاق.. أنا آسف مكنش قصدي بس..
لين بصت في الأرض باحراج ورجعت شعرها ورا ودنها .. ااناا هدومي اتبلت ومفيش غيرهم
انس.. تمام أنا هخرج اغير واشوفلك حاجه من عندي تلبسيها لغاية ما دول ينشفوا
خرج وهي فضلت واقفه تفتكر اللي حصل ومكسوفه جدا منه
............................... بقلم الكاتبه الصغيره
ايلين.. أنا رجلي وجعتني كفايه مشي بقا ولسه هنرجع كمان
يوسف.. المكان اللي احنا فيه بعيد اوي يعني عشان لما تفكري تهربي يعني تعرفي المشقه اللي هتواجهيها
ايلين.. اهرب ايه لااا لا لغيت الفكره خلاص
يوسف.. قربنا اهو استحملي
بعد شويه دخلوا صيدليه كانت قديمه شويه واللي واقف فيها واحد عجوز وكان في واحد ومراته كمان
يوسف دخل قاله علي حالة انس وكان بيدورله علي الادويه
ايلين بصت حواليها المكان غريب جدا ومفيش فيه حد
ايلين.. بسس لو سمحتي هو في بيوت هنا وكده
الست.. لا بعيد مسافه عن هنا احنا جايين عشان ابني تعب وبناخدله علاج
ايلين.. تمام تمام طيب معلش ممكن بس تليفونك هعمل مكالمه صغيره خالص قد كده 🤏
الست ضحكت علي اسلوبها وادتلها الفون
ايلين اخدته بسرعه وكأنه طوق النجاه ليهم كانت بتكتب رقم وتبص علي يوسف واخيرا ضغطت علي اتصال
ايلين.. اوووف يابابا بقي رددد بالله عليك بسرررعه
سليم.. الو مين معايا
ايلين.. الو يا ب. لسه هتكمل يوسف سحب منها الفون وقفله
يوسف.. والله؟!
ايلين .. أنا بس ككنتتت
يوسف ادي الفون للست وشدها من ايدها ومشيوا
يوسف.. فعلاً اتنين ملهمش امان الفرامل والنسوان 😒
ايلين.. متبصليش كده
يوسف.. كنتي هتكلمي مين بقي يا حلوه
ايلين .. بابا
يوسف.. اه وبعدين
ايلين.. مفيش كنت هقوله انا مخطوفه وهعرفه اسمكم عشان يجيب الشرطه ويجي يقبض عليكم 🥹
يوسف.. انتي واقعه من فيلم كارتون اي السلاسه والسهوله اللي بتتكلمي بيها دي
ايلين سكتت ومردتش عليه وقعدت في الارض
يوسف.. قعدتي ليه قومي خلصي
ايلين.. مش جايه معاك خلاص روح انت
يوسف.. احنا هنهنزر قومي خلصي الواد تعبان
ايلين.. مش قايمه
يوسف بيشد ايدها.. قووومي يابت
ايلين.. تؤ
يوسف حط ايده علي وشه بنفاذ صبر.. ايليييين متخلينيش اتعصب عليكي
ايلين.. مليش دعوه مش هقوم امشي انت وسيبني🤷♀️
يوسف بصلها وقام شايلها علي كتفه
ايلين بتحرك رجليها في الهوا.. ابعدد نزلني بقولك
يوسف.. ششش اسكتي بقي
ايلين ابتسمت بمكر هي عملت كده اصلا عشان مش قادره تمشي
بعد شويه نزلها.. خلاص تعبت امشي بقي
ايلين.. قولتلك امشي وسيبني انت مش عايز
يوسف.. كتف امي وجعنننييي انتي مفكره نفسك ريشه
ايلين.. خلاص شيلني علي ظهرك
يوسف ضحك.. اااه قولي انك عايزه تتشالي
ايلين.. رجلي وجعتني خالص يا يوسف مش قادره والله 🥺
يوسف.. يروحي 🥺🥺 اسمي احلو كده امتي
ايلين.. هو حلو من زمان اصلا انا بحب الاسم دا جداا وهسمي ابني يوسف 🥹 «كانت بتسايسه»
يوسف.. قصدك ابننا 😉
«قاعدين يتكلموا بمحن وسايبين الراجل اللي بيموت في البيت ده 🤡»
ايلين اتكسفت ووشها احمر يوسف ضحك عليها هي فضلت بصاله ضحكته حلوه يجماعه 🥺😂😂😂
يوسف .. قومي يلا وشالها علي ظهره وهي لفت ايدها حوالين رقبته
يوسف.. مبسوطه كده
ايلين.. اوي اووي قولي انت ازاي خاطف وبتعاملني كده
يوسف.. عشان صعبتي عليا بس في البيت ليكي حساب تاني
ايلين سكتت وكمل مشي لغاية ما قرب من البيت
نزلها ووقف يحرك ايده وبفرد ضهره... ااااه يا ظهري
ايلين.. شكرا 😚 ودخلت جري 🫢
يوسف.. يابنت المجنونة استني
ايلين سكتت لما شافت لين قاعده بهدوم انس وهي كبيره ومبهدله عليها
ايلين.. في ايه اللي حصل
لين.. وقعت في الحمام وهدومي اتبلت
ايلين.. وشعرك كمان!!
لين.. اه خدت دش بقي بدل ماحنا معفنين من يوم ما جينا
يوسف.. اول كلمه صح تقوليها امال انس فين
لين.. بيغير
يوسف بص ل ايلين وايلين بصتله 👀👀🌚
لين.. اخددد دش عشان كان سخننن جدااا 😬
يوسف.. اااه طب تمام انا جبتله الادويه
ايلين.. وانا عايزه اخد شاور برضو شعري بقي وحش عندكوا شامبووو؟!
يوسف .. لا معندناش
ايلين.. امال عندكوا ايه
يوسف.. دباديب
لين ضحكت عليهم وعل هبلهم 😂😂
يوسف.. اجيبلك هدوم من عندي 😉
ايلين.. ماشي مضطره 🤷♀️
................................... بقلم الكاتبه الصغيره
عند سليم قفل الفون باستغراب.. مين دي!!
لارا بحزن باين علي ملامحها جدا اثر فقد ابنتها الوحيده ومحدش يعرف عنها حاجه هي وبنت عمها .. مين بيتصل يا سليم
سليم.. مش عارف رقم غريب بقول مين معايا جه صوت بنت قالت الو ياا وسكتت بعدها والخط فصل
لارا.. برضو مفيش اخبار انا قلبي بيتقط. ع يا سليم انا عايزه بنتي وبدأت في البكاء
سليم ضمها بحنان.. بعمل كل اللي اقدر عليه ياحبيبتي والله انا ومازن مش ساكتين بس مفيش اي خيط يوصلنا بيهم التليفونات مقفوله وحتي منعرفش اخر مره كانوا فين غير الجيم وهناك محدش شافهم برضو
لارا.. ربنا يحفظهم ويرجعهم بالسلامة يارب ويحميهم من كل شر
سليم وهو يربط على ظهرها.. امين ياحبيبتي امين أنا هروح الشركه ولو فى اى حاجه اتصلي عليا
لارا هزت راسها ومسحت دموعها
............................
عند مازن كان راجع من الكليه سايق عربيته بشرود وهو متخيل لين وهي في المقعد اللي قدام ولين ورا وخناقهم كل يوم الصبح وهما رايحين الكليه وهما راجعين ابتسم بحزن علي فقيدته تؤام روحه وابنه عمه المقربه الي قلبه منذ الصغر فاق علي صوت التليفون
مازن.. الو ياعمو مفيش اخبار
سليم .. تعالي المكتب عايز نتكلم في موضوع
مازن.. تمام هعدي عليك
سليم.. توصل بالسلامة ياحبيبي
مازن.. الله يسلمك
............................ بقلم الكاتبه الصغيره
في امريكا
ايان (اخو رهف من الام).. رهف عامله ايه ياماما من زمان مكلمتنيش
سلمي.. كويسه كنت مكلماها امبارح
ايان.. وحشتني الحيوانة دي مكنتش اعرف انها هتسيب فراغ كده
سلمي.. ههه القط بيحب خناقه
ايان اتجه لاوضته.. هروح اكلمها فيديو
سلمي.. اوكي
.......................
علي الهاتف
عمر.. لسه برضو مفيش اخبار
رحمه.. لا معرفش حاجه غير اللي قولتلك عليه بس
عمر.. تمام ايه الدنيا عندك
رحمه.. مفيش بنروح الشركه عادي والست ريناد عملت مشكله اول يوم هناك وانس مختفي معرفش فين والبيت ملل بصراحه
عمر.. من غيري طبعا
رحمه.. يعم اتلهي هو يعرفك اصلا دول مرتاحين منك باين محدش عبر وسال عليك غير لمار
عمر.. لمار!
رحمه.. امم يكونش اللي بالي صح والبت معجبه 😉
عمر بضحكه عاليه.. معجبه ملقتيتش غير لمار الساذجه دي دي عيله يابنتي ربنا يهديها
رحمه.. دا انت عايز واحده تكون حر. بايه
عمر.. زيك كده يا روحي
رحمه.. هههه ظريف يلا اقفل بقا عشان الوقت اتاخر عايزه أنام
عمر.. اشطا لو حصل حاجه عرفيني
.............. .......................... .......
مكنش عارف ينام فقرر ينزل الجنينة شويه خرج من اوضته والبيت كان هادي كل واحد راح اوضته عشان ينام وهو ماشي في الطرقه سمع صوت ضحكها عالي
رحيم.. لسه صاحيه ليه دي
كانت بتضحك وبتقول بصوت متقطع خلاص معدتش قادره بجد يخربيتك يشيخ
رحيم عقد حواجبه وقرب من الباب ليسمعها وهي بتقول
وانت كمان وحشتني اوي
ووسط ضحكاتها والابتسامه مرسومه علي وشها تلاقي الباب اتفتح مره واحده و.......